有得餃

營業中

休息中

元朗真係乜都有得食，呢間有得餃絕對係元朗區必食推介！同埋如果夜晚唔想食咁heavy，有得餃絕對係好好嘅選擇！😋 田園香茜花木耳豬肉餃 $42一碗有8粒，真係稱得上皮薄餡靚😝 每隻餃都脹卜卜，咬落到仲食到豐富肉汁，芫茜啲碎唔係太碎，仲食到啲茜汁😛 除咗豬肉同茜碎，仲有一條條嘅木耳絲，好爽口好有口感😗 醬汁有辣有唔辣，小編當然係揀唔辣🤪 唔辣嘅醬係酸酸地，應該係醋，仲有啲蔥同芫茜～ 用嚟點隻餃嗰陣啲肉汁同個醬溝埋一齊，好正！

第一次經開飯喇預訂外賣自取生餃兩打。自備一個大餐盒放餃子，店員提醒天氣漸熱，建議下次帶兩個餐盒，餃子才比較不會黏在一起，十分貼心。店門亦貼有標示支持客人自備容器，環保抵讚。是次試試香茜木耳豬肉餃及健康素餃。餃子尚算大隻。自煮豬肉餃在齒頰留下淺淺肉香，木耳爽口，餃子皮不會太厚，感覺新鮮，味道不過不失。素餃很有驚喜，有甘筍腐竹等材料，豐富可口，唯一可惜是煮過後極易穿，不能夾起，希望可以改善。生餃亦附上店家醬汁，有芫茜蒜頭豉油的咸香，必定要沾著吃，難怪有數篇食評都指醬汁才是重點。

經過幾次食唔到有得餃，今晚好開心终於可以去食餃子,点知係食到烚過燶甩皮甩骨餃子重要餃子心又唔熱味道又一般真失敗，嬲到唔記得影相,店舖重点係餃子尊店煮到咁比客食,自己重話係良心店

就說難得來到新界區加上終於開放晚市堂食，所以找朋友介紹了幾間餐廳來到元朗的建業街～這邊的選擇確實不少，最後鎖定的是一間餃子專門店 - 有得餃店內有一幅超可愛的插畫，看到不少“餃子"呢！餐牌也沒有很複雜，不過有些餃子的口味都幾特別，另外也有麵食之類。因為中午那餐吃得頗飽的，所以只是點了三款餃子 + 朋友推介的湯。餃子會有醬汁配來吃~有辣和不辣的，個人覺得餃子本身都幾夠味，沾辣的來吃可以讓味道提升芹菜豬肉餃 ($42/碗) - 這款有8隻～芹菜很香，不過就沒有了平時的清脆口感豐富的豬肉餡，不沾汁來吃也能吃到肉汁的味道另外一款餃子是店員推介的，就是餐牌內沒有寫的呢油麥菜餃 ($51) - 這款只有6隻～因為內餡加了蒜頭的關係，味道也相對地濃厚一些頂級蟹粉豬肉餃 ($79/8隻) - 是跟湯上的，餃子內也有滿滿的湯汁3款餃中味道最濃郁的是這款，我覺得稍微惹味過頭~另外這內餡也有不少薑 藥膳雞腳湯 ($47/碗) - 這湯是朋友推薦的！聽說常常都賣光，幸好今次來能嚐到原來都幾大一碗～雞腳的話每碗有四隻，而且每隻都很稔身且入味另外還有龍眼肉、杞子等等～喝起來很順口

剛剛去完元朗形點商場行街 買嘢，順路在大街搵食， 條街雖然好多嘢食，但實在人太多，唔想逼人，見到有間小店就入咗去簡簡單單吃餃子。餃子四隻配秘製醬汁撈麵我揀咗和風玉米豬肉餃，餃子隻隻都大大隻好飽滿， 真係有D阿媽自家製風味。醬汁方面應該有醋、豉油、蔥、蒜等等，調配得十分惹味。炆腩肉撈麵我朋友點了炆腩肉撈麵， 腩肉炆得十分入味， 是爱重口味人士之選。不得不提，牆上面有大大幅好得意嘅卡通公仔， 望落去都好醒神， 看得出店主的心思。

🥟呢間餃子我save低咗好耐，前晚終於有機會試喇😍佢個金菇肥牛炸餃真係要一試呀👍🏼🤤真係好有食金菇肥牛煲嘅感覺，重點係佢個皮好薄，側邊炸得勁脆，但中間有少少軟，一咬就感受到外脆內軟嘅感覺😍佢嘅水餃嘅皮都好薄，而且d饀亦好多，如果有埋湯就會更加正嚕😆我揀咗佢嘅芫茜餃，食落有少少似鮮竹卷嘅味道，我本身都係一個好鍾意食鮮竹卷嘅人，不過下次會想試吓佢其他味多d，相信會有更大嘅驚喜🤤同埋佢個餃子汁都香！另外佢個炸雞粒都好好食，呢間店絕對有下次！而且仲係黃店嚟㗎🥰

呢間有得餃，長期都出現人龍，我試過第一次之後間唔中都再黎食😋😋😋呢日又突然好想黎！就同相公一起吃因為每次都有唔少人係出面等 我都不好意思在影食物相 只好快快影完 比自己做一個紀錄就好了呢一日我拎住好多野入去食晚餐，店員姐姐一見到 就搬左張椅子比我置物，謝謝🙏🏻 泰式炸餃，見到呢個名，就問一下店員姐姐入面個餡係咩，店員姐姐話好似生菜包的味，甘特別一定要嘗嘗咬一啖 真心好似生菜包！！咬開入面都見到有些蔬菜，冇生菜包甘辣，平時食生菜包都會整到成手都係汁，呢個餃子就可以一口一件，將成個生菜包食落肚秘制醬汁撈麵是我常常光顧有得餃的其中一個原因，很喜歡醋和蒜的各位都可以食呢個，很重醋和蒜的味道，食完成個口都仲有醬汁的味道！雖然圖片有芫茜，但芫茜味道不重，不喜歡食芫茜的各位都完全可以食撈麵撈好之後每一條麵條都有醬汁掛係上面 玉米豬肉餃 看到粒粒都很大粒很飽滿嗎這個黃金餅也是好吃的！個黃金餅的邊邊剪得好夠脆，整個餅又不會太乾，有煙肉和蔥的味道很大幅很可愛的圖

🔎有得餃 (元朗) 💛📍元朗建業街47號地下-🔹和風玉米豬肉餃 $44/8隻除咗芫茜餃 我都好鍾意粟米餃 好甜好fresh🔹金菇肥牛炸餃 $47/半打金菇肥牛炸餃同泰式炸餃都食過一次泰式炸餃係好味但太特別 encore嚟講我都係想食返金菇肥牛多啲 堅好味👍🏻🔹秘制醬汁撈麵+4隻餃子 $44個重點係個秘制醬汁！一定要食辣（不過都真係幾辣下😂）麵條粗身似烏冬 夠哂掛汁好惹味 餃子揀咗番茄餃 呢個份量啱哂女仔食🍴搵返相關地區👉🏻 #90sfoodieshare_元朗#食在元朗

『高纖甘筍雲耳豬肉餃』$64/一打•好耐無黎，原來已經搬左大鋪！無得堂食，但可以買生餃返屋企自己煮！•👨🏼‍🍳作為廚藝不精嘅我，完全無概念點樣為知熟。我只係凍水放入煲，先同菜一齊煮，再同麵一齊煮，煮到好似煮咗好耐咁起鑊♨️。（我明我好似無講過點煮咁，但我真係咁做🤣）🉐重點係啲餃子好襟煮，煲唔爛👍🏽•平時食餃子都鍾意點「雲耳椰菜」，今次點嘅係「甘筍雲耳」，甘筍淋、味好岀；雲耳爽；餃子餡多菜少肉，感覺好清新•配左韓國辣白茶拉麵，夾丫！

#有得餃 元朗招牌油渣麵，餸包兩隻餃子、牛腩同冬菇 呢度餃子味道清淡，但夠足料，食落爽脆唔油膩 牛腩浸得好淋軟入味 豬油渣外面炸得香脆，入口即化 由於落左麻油，會見到湯底有少少油花但好香 招牌撈麵，撈麵麵條厚身，有小小似烏冬既手工麵 非常彈牙同掛汁 以秘製醬汁調味，少少辣但充滿蒜香 餃子皮薄足料，小編每次都揀韭菜餃

我哋兩個差唔多每星期黎一次，次次必食淨香茜木耳餃同秘製醬汁撈麵，撈麵加底再加4隻芹菜或韮菜餃今次我地試吓新嘢叫左個姨臣炒麵，炒麵較濃味，適合重口味嘅我，加啲辣油仲好食！配合木耳，爽爽地同炒麵好配秘製醬汁撈麵，汁酸酸地辣辣地超開胃，仲可以加餃子，超飽香茜木耳餃，一黎我地就急不及待開始食，所以相都影唔到🙈但香茜嘅香加木耳嘅爽真係好夾，超推介大家去試吓，點埋佢哋嘅秘製醬汁，perfect 加杯豆漿就fit哂如果唔想等位可以考慮外賣生餃，又平啲，但記得帶食物盒，環保啲呀嘛

太耐無去，原來搬左大舖。掛住個粟米餃，專登去元朗食，上枱後有幾隻餃子煮得太耐爛晒，粟米粒唔甜又細粒，整體味道質素不及舊舖！！另有小插曲，落完單後店員要求我調枱，之後眼見隔離枱 (即我原枱)，“餃子”遲來先上岸，隨即向老闆娘查詢。她並非立即跟進張單，而係度狡辯咁講：「人哋叫小食青瓜類別，小食唔使煮會快有，而你叫餃子係要煮會耐啲㗎。」其實有甩漏唔緊要，跟進返就得，但佢嘅答案令我氣憤，隔離枱食緊餃子㗎，以為有板擋住我眼唔到？雖則想支持黃店，但唔好當我眼殘呀，俾啲腦殘答案我😡！！！

啱啱好12點開鋪，唔洗等就入得，坐低睇下張menu先叫左一份芝士比薩炸餃（$47/6隻），秘制醬汁撈麵加4隻餃子（$44），我就揀左野生冬菇有機白菜豬肉餃炸餃連埋秘制醬汁一齊上個醬汁係酸中帶少少甜，有芫荽、蒜同埋辣椒，唔食芫荽嘅朋友要小心啦芝士比薩炸餃好大隻，氣炸到好脆，一啲都唔油！仲好似pizza，有啲蕃茄味+肉碎，可惜唔係好夠芝士味之後就上埋個撈麵啦冬菇白菜豬肉餃好大粒飽滿，餃子皮厚適中，可以見到有啲冬菇粒，但係如果啲冬菇粒厚啲就會香啲同有咬口啲啦，啲調味都可以再濃少少個撈麵汁同點炸餃個汁係一樣嘅，如果唔食芫茜嘅朋友記住出聲！！個汁係可以要辣/唔辣，我就叫左辣嘅。個辣度都幾辣下，平時食開譚仔2小辣嘅我都要叫番杯豆漿解下辣杯豆漿（$8）好大杯，而且係無糖嘅，好健康！！可惜啲豆味唔算好濃，但係攞黎解辣一流最後，食完餃子可以過去隔離醋頭家買杯酵醋飲品，幫助消化，健康又好味！埋單嗰陣講聲想過隔離買野飲就會俾張卡仔你，憑卡就會有九折優惠架啦

金菇肥牛炸餃 $47/半打金菇肥牛煲就食得多，這個配搭，第一次出現在餃子，十分意外，炸餃較有創意，其他餃子店未見過，好奇心下一定要試，外皮炸到金黃色，一咬卜卜脆，唔會太油膩，唔會食到成咀油，金菇肥牛好多汁，有濃郁沙嗲味，但金菇切得太碎，只食到少量金菇。野味韮菜豬肉餃撈麵 $44麵質彈牙，吸哂秘制醬汁，由鎮江醋、 豉油、糖調配，再加上芫茜、生蒜、蔥、花生，餃子皮偏厚，夠大隻，一咬開餃子，韮菜味香濃，豬肉香滑有肉汁， 餡料非常新鮮，好足料，好味道。是

本人鍾意食飯多過食麵 所以一見到有間主打餃子既麵舖就諗都冇諗入左去先叫左碗藥膳雞腳湯 好足料同埋完全冇味精味 飲完完全唔覺得口渴 但個人覺得雞腳太淋 秘製上等德國醉豬手 超入味但又唔會做到好難咬同好苦既口感 $58極推薦最後到主菜 餃子麵!! 個日叫左個白菜豬肉餃 老老實實就冇乜特別  但麵質超彈牙，亦吸曬個湯既味另外再加多份蕃茄豬肉餃 比起白菜豬肉，呢個好食好多，食落好新鮮 好岩夏天食兩個人食到勁飽 埋單都係around $200 性價比都幾高 麵店黎講係元朗都算幾高質