朋友冰室

營業中

休息中

【觀塘區】【朋友冰室】今次想講呢間嘢係喺觀塘海濱道，喺九龍灣站或者牛頭角站行過去都係唔近嘅，認真有趣。不過呢，我又唔係因為工作而經過喎，我係真係特登山長水遠走去呢個位就淨係為咗食呢間餐廳架喎，可以話係「慕名而來」，我並不否認呢一點嘅。咁呢間嘢又做咗啲乜嘢咁大鑊又或者咩事出名到我要特登嘥時間走入去食呢？事緣係有一次活動，同一位對飲食好有要求嘅朋友交流飲食心得。過程中講咗啲中伏經歷，其中呢間最搞笑，個黑椒炒意粉變咗白烚意粉加黑椒，朋友講得非常生動。有見及此，我喺返工之前都特登走入去呢個咁隔涉嘅位食嘢。不過因為我曾經有兩三年時間喺牛頭角呢個美食沙漠返工，所以趁機喺附近緬懷吓過去。當年翠華大樓開翠華餐廳，又豪華又轟動，不過當年嫌佢貴所以冇食過，而家已成廢墟。終於行到呢間朋友冰室門口，見佢門口有個小心地滑牌，幾驚佢已經過咗 last order，不過我出得 post 嘅，就當然係已經入咗去食嘢啦。可惜嘅係，我最想試嘅黑椒炒意粉，阿姐居然話冇，我即刻就好晴天霹靂，人生頓時失去希望咁嘅樣。馬死落地行，一場嚟到咯，都食啲嘢啦，呢間好歹都係一間冰室，咪叫個「冰室常餐」囉。主食可以揀兩個餸嘅，我揀咗「自家

今天上這座大樓工作，中午搵食，見到呢棟大廈有間餐廳，叫咗個照燒汁豬頸肉飯，豬頸肉又硬又難食，個飯仲衰，又鞋又硬灰灰黃黃，肯定貪平用左越南米，真係食到我反肚，好在下次唔使嚟呢棟大廈工作，否則我要夾硬被逼減肥，估唔到呢間嘢懷舊格調，連食材都係咁懷舊，好似當年食糙米噉，真係好難再回頭。

#小秘書 呢日07:30就要返到office安排早會嘅一齊。見仲有時間，又去 #朋友冰室 食早餐。琴日試咗 #午餐，反而我對佢哋嘅 #港式早餐 有啲興趣，平時 #小秘書 #早餐 都只會食「草」，不過如果要返去開早會，我會對自己好少少😏 整個 #沙嗲牛肉麵 配 #火腿蛋、#牛角包🥐比自己。#配角 味道普普通通，而我就鍾意配 #沙嗲牛肉麵 多啲，用嚟撈 #牛肉 嘅 #沙嗲醬 有特別嘅味道、好香口，而麵底唔會煮得太淋，加埋個 #熱飲 都係$34，比出邊街檔嗰啲垃圾好好多啦👍🏻最後我想講嘅就係呢度啲阿姐都幾熱情，仲主動叫大家多啲幫襯。#小秘書 份人就最心軟，不如等多啲同事過嚟試吓啦。

就因為就腳又唔想諗... 我哋一行五人齊齊幫襯同一間 #餐廳 朋友冰室 🍽 食物價錢比想像中經濟，#午餐 都係五六十蚊左右，以喺 #甲級寫字樓環境 嘅消費算係貼地。第一餐我揀咗 #豬扒意粉配黑椒汁，加$10換咗個 #例湯「佛手瓜紅蘿蔔紅棗椰子燉瘦肉」嚟補一補😃 先講碟 #意粉，#豬扒 兩大塊，最啱 #食肉獸，不過配 #意粉 個 #黑椒汁 就唔多夠味😌 可以改善... 至於碗 #例湯，好彩跟餐叫只係加$10，正價$28嘅話我就勸你考慮吓，湯料係多嘅，不過就真係飲唔出「老火湯」嘅味道囉😅整體朋友冰室嘅服務都幾親切，不過食物一般啦，平平哋可以考慮嘅。

今日LUNCH過咗嚟宏利呢邊食, 原本試電梯直行第一間, 但太多人等位, 之後再行入少少就到呢間茶記, 咁啱又冇人等位當然入去啦, 呢到地方好大, 所以輪候時間一般唔會太耐, 價錢方面都唔算大貴, 觀塘區平均都要咁既價豬軟骨湯烏冬 - 賣相一般, 烏冬口感麻麻, 豬軟骨就幾軟熟, 常餐跟火腿奄列同蒜蓉包沙嗲牛肉麵 - 沙嗲醬唔夠濃, 味道一般咖哩雞飯 - 咖哩味都好濃, 味道唔錯口水雞飯 - 賣相都好吸引, 雞肉好入味檳城什錦叻沙 - 湯底濃, 所以食材都好入味凍檸茶 - 一般***總結 : 地方大坐得舒服既茶記

今日中午去咗牛頭角宏利間朋友冰室食lunch。去到有三間餐廳都幾多人，等咗五分鐘左右入咗去。叫咗個洋蔥豬柳飯$58，凍飲+$3。豬柳結實冇骨，冇咩肥膏，有少少肉汁，但洋蔥汁好明顯係用油推出黎...如果要減肥都係叫走汁啦

搵朋友食lunch，唔熟悉附近環境當然跟著朋友指示走，點知佢叫我去宏利大廈1樓，當時都驚驚地，無啦啦走去人地office大樓做咩，不過估唔到呢到原來1樓係開放，仲有兩三間餐廳喎。可能因為落雨關係，上到去間間好多人等位，好彩朋友一早到左囉飛，但都要等齊人先可以入座。同普通茶餐廳一樣，呢度有寫晒星期一至星期五有d咩lunch set，一次過睇晒成個星期好方便，再仔細d望，都會發現好少重覆，仲要中西式都有。就好似我地食野果日係星期二，有沙律、肉餅、天使麵、牛仔骨等等set，真係適合唔同喜好人士。我叫左黑松露海鮮意粉。意料之外嘅大大碟，三色椒令到成碟天使麵色彩好鮮豔，仲有好多蜆肉、蟹柳&魷魚。有一點令我好欣賞，廚師將d黑松露主力放係一邊，即係要自己撈，對於唔喜好黑松露嘅人黎講，真係好貼心。相片中被天使麵擋住唔夠清楚，其實黑松露份量係唔少嫁！朋友話唔太肚餓，就叫左個常餐︰香煎雞扒公仔麵+火腿奄烈+牛角包。上枱時牛角包變左普通蒜蓉包，但冇人通知，朋友切左一半俾我試，塊蒜蓉包係超硬身，係差d咬唔開個款，而且係凍晒，擺明放左好耐咁。火腿奄烈好少火腿，得中間位置有幾條咁，都唔似奄烈。香煎雞扒公仔麵就有d

新公司搬嚟呢邊，同分別左嘅同事又聚埋同一區返工，所以大家都要搵下食聚一聚有舊同事話食呢間，據聞呢區食飯爭崩頭，我地一行九個人就嗱嗱聲去霸位嚟到見到個門口超多人以為冇望，點知一嗌九位即入真好彩😎舊同事推介蔥油雞好好味但係我又想試佢嘅咖喱，又想試佢嘅黑椒所以我哋有三個share囉🤣蔥油雞真係好好味👍🏻可能我鍾意食蒽啦不過咖喱就稀左少少，雖然唔夠杰但係味道都唔錯，不過D牛腩就好銀🙈另外個黑椒有少少辣