影片
更多
2019-06-13
882 瀏覽
搵朋友食lunch，唔熟悉附近環境當然跟著朋友指示走，點知佢叫我去宏利大廈1樓，當時都驚驚地，無啦啦走去人地office大樓做咩，不過估唔到呢到原來1樓係開放，仲有兩三間餐廳喎。可能因為落雨關係，上到去間間好多人等位，好彩朋友一早到左囉飛，但都要等齊人先可以入座。同普通茶餐廳一樣，呢度有寫晒星期一至星期五有d咩lunch set，一次過睇晒成個星期好方便，再仔細d望，都會發現好少重覆，仲要中西式都有。就好似我地食野果日係星期二，有沙律、肉餅、天使麵、牛仔骨等等set，真係適合唔同喜好人士。我叫左黑松露海鮮意粉。意料之外嘅大大碟，三色椒令到成碟天使麵色彩好鮮豔，仲有好多蜆肉、蟹柳&魷魚。有一點令我好欣賞，廚師將d黑松露主力放係一邊，即係要自己撈，對於唔喜好黑松露嘅人黎講，真係好貼心。相片中被天使麵擋住唔夠清楚，其實黑松露份量係唔少嫁！朋友話唔太肚餓，就叫左個常餐︰香煎雞扒公仔麵+火腿奄烈+牛角包。上枱時牛角包變左普通蒜蓉包，但冇人通知，朋友切左一半俾我試，塊蒜蓉包係超硬身，係差d咬唔開個款，而且係凍晒，擺明放左好耐咁。火腿奄烈好少火腿，得中間位置有幾條咁，都唔似奄烈。香煎雞扒公仔麵就有d
同普通茶餐廳一樣，呢度有寫晒星期一至星期五有d咩lunch set，一次過睇晒成個星期好方便，再仔細d望，都會發現好少重覆，仲要中西式都有。就好似我地食野果日係星期二，有沙律、肉餅、天使麵、牛仔骨等等set，真係適合唔同喜好人士。
我叫左黑松露海鮮意粉。
意料之外嘅大大碟，三色椒令到成碟天使麵色彩好鮮豔，仲有好多蜆肉、蟹柳&魷魚。有一點令我好欣賞，廚師將d黑松露主力放係一邊，即係要自己撈，對於唔喜好黑松露嘅人黎講，真係好貼心。相片中被天使麵擋住唔夠清楚，其實黑松露份量係唔少嫁！
朋友話唔太肚餓，就叫左個常餐︰香煎雞扒公仔麵+火腿奄烈+牛角包。
上枱時牛角包變左普通蒜蓉包，但冇人通知，朋友切左一半俾我試，塊蒜蓉包係超硬身，係差d咬唔開個款，而且係凍晒，擺明放左好耐咁。火腿奄烈好少火腿，得中間位置有幾條咁，都唔似奄烈。香煎雞扒公仔麵就有d誠意，雞扒面都有少少菜絲。
朋友係附近員工，呢餐有9折，唔駛$100就搞掂2個人lunch，都算抵食la。
張貼
