木兆小品 (天晉匯2)

營業中

休息中

等足半個鐘先出到外賣，下午茶啫，真心要咁耐，以後唔敢叫啦，已經用apps叫，收貴咗4蚊，仲已經預鬆15分鐘，去到再等多15分鐘。D阿姐又唔幫你催又手腳慢又hea,幾好吃都唔再幫襯。我冇咁多吃飯時間等你出餐，嬲啊

將軍澳來講，木兆小品價錢真係唔算貴，我一直當佢係飯堂，但係佢整體嚟講，真係越嚟越差。之前試過好幾次等成40分鐘都未有食物，而家食物出餐就有改善，但係食物質素就越嚟越差。今日嗌魚腩粥，之前食過10幾次，每一次都係新鮮煲魚，冇煎過，好食，今日一打開見到啲魚煎過都覺得詭異，估計因為啲魚唔新鮮，點知真係！食落去一大浸怪味！酸味！炒麵嗰啲椰菜，又核核突突咁，好似餸頭餸尾咁。。。真係令人好失望💔💔💔😔😔

在門口企咗足足30分鐘，望住一個個外賣整好拎出來但遲遲未有自己嗰份。最後等唔切問收銀員入去睇，發現我的外賣一直擺係水吧無人理。個收銀員默默幫我攞出來，一句sorry都無，乜嘢話都唔講。今日真係搞到我好心up

今朝早起床去了茶餐廳食個早餐，好多茶餐廳食早餐只有多士、通粉、公仔麵等。見這間茶餐廳有粥食，入去試一試，叫了一個皮蛋瘦肉粥。粥的味道普通，冇乜肉，皮蛋也沒有什麼味道。其實有粥食是這間餐廳的特色，我相信只要花多些心機，以廚師的經驗必然可以改善一下，煲得好味啲。蘿蔔糕有兩塊，煎得不錯，香口熱辣辣幾好味，而且不會太粉，也有不少蘿蔔，這個早餐不包飲品，如果要加飲品需要加10 元。其他西餐就包飲品，而且選擇也多，有火腿通粉、沙嗲牛肉麵、雪菜肉絲粉、而且也可以流心蛋、餐肉配炒麵等等。

The current rating of MOMO is lower than I expected so I'm standing out for my favorite Chinese fast food restaurant in the neighborhood.Unlike most random Chinese restaurants, the rice at MOMO is soft, round and sticky, comparable with Japanese rice. I rarely eat rice but it makes me intake excessive carb every time.The daily soup is also savory with good quality ingredients.I've tried most of the dishes. The sweet and sour pork is a bit too oily for me, but the rest are all tasty, at least abo

今天和家人去QR這間茶餐廳享受了一頓價廉物美的下午茶餐。餐廳的下午茶餐種類繁多，可以滿足家人的不同口味！見很多食客叫西多士，我們便試一試，果然炸得非常脆，蛋味濃而且厚切麵包，配以甜甜的糖漿，雖然邪惡，但是實在令人垂涎三尺我亦叫了港式的碗仔翅加炒麵，只是$29元，還配飲品，性價比非常高。碗仔翅的濃稠程度剛好，肉絲不少，調味不會過濃，炒麵亦中規中矩，甚有港式風味。肉絲炒麵雖然說是輕量，但份量也不少，而且炒得不錯。鷄腿又大又香口，而飲品也大大杯總括來說，價錢平又多款👍🏻👍🏻

有一段時間冇嚟「木兆小品」食午餐，今次就嚟醫下個肚…😅…佢嘅午市套餐不嬲都頗多選擇，今次 order 咗之前未試過嘅食物！😉“蒜香蜜汁义燒•勁香蔥油飯”～賣相頗吸引，+$5有“半焗流心煎雙蛋”！义燒味道似日式义燒兼大大塊，肉質都算夠軟，伴埋糖心蛋食粒粒白飯味道好夾 。蔥油雖然唔少但比較大粒兼生生哋，所以蔥油香味唔太出！“避風塘艇家炒麵”～賣相同樣吸引，炒麵夠彈牙有少少辣、兼且又有牙菜、韮菜，幾野味 ，可惜主角魷魚就冇咩鮮味！餐飲“熱咖啡”、+$6轉“奶茶紅豆冰”～紅豆溝奶茶味道好夾，紅豆夠淋甜但若果多啲就仲！

好耐冇去天晉「木兆小品」，之前試過佢哋嘅午、晚餐，水準都不過不失，今次就嚟試下佢哋嘅早餐，今次揀咗：👆🏻“沙嗲牛麵炒滑蛋多士”～沙嗲牛肉味道做到一般水準，肉質都算唔錯，但麵就咸咗啲啲，滑蛋好炒得👌🏻但唔夠熱，多士略為唔夠鬆脆！👆🏻“雪菜肉絲麵太陽多士”～雪菜肉絲都👌🏻，同樣麵就咸咗啲啲，太陽蛋賣相就麻麻喇，但呢碟多士就比較好啲喎，熱啲鬆脆啲！👆🏻“餐飲熱杏霜”～味道調教適中，杏霜哋味夠濃唔杰，幾好飲！😘

朝早趕時間返工。叫左一件三文治，足足等左15分鐘  。吾崔冇人理你，崔左都冇人覆你，我問左3個職員先有人覆我遲個我入餐廳既食客都食緊。最後我決定埋單，我照比-職員照收我錢

平時真係非常少會特登上嚟打comment，但呢個餐真係難食到一個極點。我係用外賣自取，佢將鮮牛肉同麵同濃湯分開上， 十分正常。一打開裝住牛肉同面嗰個盒，勁大陣薑絲味，啲薑好似唔駛錢咁樣。我諗住個濃湯會補救多少少，冚番啲薑絲味，點知個濃湯淡味到好似水咁樣。呢個真係我人生中食過最難食嘅牛肉湯麵。佢啲蛋正正常常，唔算出色又唔難食。但佢條腸仔油到痴線，要特登搵唔濃嘅濃湯嚟過一過水先OK成個餐最好味嘅一定係杯好立克！呢間餐廳一定冇下次！

之前去「木兆小品」食過午餐，覺得佢嘅小炒都唔錯，另外👀晚餐牌內款式豐富，於是與朋友一起去試下！😉👆🏻“煎封海鱸魚”～可能油溫唔夠，以致條魚層皮煎得比較硬唔夠鬆脆，幸好魚肉都滑兼調味唔錯 👌🏻😏👆🏻“海鮮粉絲什菜煲”～都好多料，味道中規中矩、不過不失啦！👆🏻“原汁原味枝竹蘿蔔牛腩煲”～枝竹牛腩炆得好入味，但枝竹份量比較少，兼且蘿蔔炆得唔夠淋比較硬！隨套餐送燉湯，味道都👌🏻啦！😊 相對平日午餐，晚餐似乎差了dd，可能周末晚上客人太多，以致廚房太忙失準吧！🤔 所以都係平日嚟食會好啲！😅

天晉「木兆小品」門口，掛著琳琅滿目嘅餐牌，款式眾多而且拍攝得好吸引，好似好美味 🤤，所以便入內試下。經過一輪挑選後，揀了👇🏻兩款：👆🏻“蝦醬通菜牛肉飯”～通菜新鮮牛肉嫩，炒得夠火喉，味道非常野味、配飯一流，兼且頗多餸！👍🏻😋👆🏻“土魷香菇蒸肉餅配白飯”～係即叫即蒸(唔係番蒸)，所以豬肉質地好滑，配埋香菇嘅香味+甜豉油配白飯！👍🏻😋👆🏻“熱杏霜”～杏仁味道濃郁👍🏻😋以幾十元一份套餐嚟講，真係做得唔錯，夠熱夠味道，真係令人食過番尋味，會搵日嚟再試埋其他午餐款式！😉

剛剛落order叫炒麵、魚腩粥($43)同熱奶茶，用apps落單時明明無問題，到拎嘢食野個staff又無岀聲，返到屋企先見佢寫話魚腩粥沽清，自把自為轉左豬骨粥($41)，杯嘢又由熱奶茶變左熱檸茶，收多錢又俾錯嘢，完全唔知搞乜! 咁簡單嘅order都可以搞成咁，咁以後都唔會用apps落單🤬🤬🤬

某日收工阿媽話唔想煮飯，於是嚟咗呢間餐廳試吓🤓可能已經八點幾加上係平日餐廳唔算人多，一入到去即刻有位坐😚我地叫左三個套餐，每個餐都有跟飯同嘢飲，聽講餐廳嘅例湯好飲，諗住加錢叫一碗可惜賣晒。點左一份果香菠蘿蜜桃咕嚕肉，酸酸甜甜好好味。😋豉汁拍蒜蒸鯇魚味道比較淡，如果豉汁味再重啲就好啦，黃沙豬膶雞煲就夠晒味，用嚟送飯一流啊。三個人食份量啱啱好，而且食物味道唔錯，價錢都抵食，三個套餐買單$206，性價比算係高。

每次來這裏lunch都會叫呢個葱油豬扒飯，大大塊的豬扒伴上香葱和醬油，聞到都已經好香，豬扒夠厚身，食落好有咬口，佢d香葱都幾多，鍾意食葱的我真係大愛。另外佢d晚餐小菜好低的，一個小菜連飯及飲品只係$60，小菜仲要係份量唔細，夠哂食，最鐘意佢個蝦醬通菜牛肉，牛肉炒得都幾滑，蝦醬又夠香，好低食的茶餐廳。