木子甜品 (已結業)

一開頭貪新鮮 同朋友去食過幾次 覺得其實就唔多甜品揀既 而且唔多甜品岩我口味 不過呢雞蛋布丁就幾吸引既 可以攞埋隻蛋杯走 同埋隻蛋杯上面有唔同既字句 所以我食兩次都係食佢 味道就一般 如果唔係想食係想攞隻杯走既話味道一般都唔緊要

附近可以食甜品既選擇不多，食飽飯又心思思想黎一點甜，就落左去食木子喇😌.木子係一間主打手造芋圓既甜品店，價錢相宜，另有手工豆腐花、仙草等其他甜品系列👍🏻.同朋友分別叫左一個芋圓系列既甜品：👉🏻宇治牛乳芋圓 $30好食⭐️⭐️⭐️芋圓係幾好食因爲整得好煙韌，雪糕係苦苦地既抹茶味襯埋牛奶好match，味道係偏甜左dd （呢個價錢無咩要求啦哈）.宇治仙草芋圓 $26好食⭐️⭐️⭐️有別於牛乳芋圓，仙草比較清唔會好甜，而且好滑，配埋芋圓一齊食口感好得意😂

2個新婚人妻咁岩番99度食飯一於黎個即興糖水聚會啦自從良景冇晒小販檔之後都唔知邊度仲有糖水食第一次入呢間甜品舖閒日夜晚 人唔多一入就有位坐不過地方峽小坐得唔太舒服meau都唔算多野揀諗住試下最冇死既楊枝甘露點知冇！芒！果！然後再問雜果撈又冇問左幾樣都冇多口問下有冇榴槤又竟然有喎有啲透明珍珠一舊舊個啲係芝士凍不過食唔出芝士味仲有榴槤蓉係正既不過得好少下面全部都係冰呢碗係乜汁都冇架所以得咁少榴槤蓉堅唔夠友人叫個啲冇影了不過真係好想講冇芒果的甜品舖算甚麼甜品舖

旺角食正餐，再返屯門糖水太過口渴，放棄左平時最愛既宇治牛乳芋圓，選擇飲沙冰蜜瓜沙冰，飲落好fresh，係有新鮮蜜瓜既，再加埋雲喱拿雪糕，不錯另外一個芒果雪泥豆腐花配海底椰芋圓，芒果味同豆腐唔太夾，芋圓就依然好味下次一定要再飲蜜瓜沙冰，無得輸左

去了久違的木子甜品，今次選擇了堂食。叫了一個椰子米線(配椰子雪糕，椰果及椰子碎冰)及雜果撈(同樣是加椰汁)，埋單約六十元左右。店員年青，也算是友善。用寒天做的米線有著比米線更有彈性的質感，本來配著椰子味的彈彈珠、椰子雪糕及「足夠份量及甜味」的椰子碎冰，應該很好吃的，但是那碎冰的椰汁份量不夠再加上混和了椰果的糖漿，吃到最尾時感覺不倫不類，是整事的敗筆。至於雜果撈，相對正常很多，而那個椰汁西米露底，冰凍甜度也足夠。食味真的仍有改善的空間。

近幾年，為了遷就朋友，多數要出到旺角荃灣。好難得先可以喺附近食木子甜品我覺得夠抵食，21-22 蚊一大碗有生果，有雪糕。芒果幾新鮮，而且夠甜。仙草就係涼粉，夏天食的確透心涼，個個都一大碗，慢慢食。但我唔知係咪我無動揀雪糕口味，或者侍應無問，無啦啦已經係朱古力味。普遍一塊，但如果係椰子味，應該會再夾啲。木子啲侍應多數都係後生仔，態度唔錯見佢哋怕怕羞羞咁，搞到我都會留意自己會唔會唔小心mean咗見其他人叫沙冰，好似仲涼爽，下次試下先

屯門良景一帶糖水舖選擇不多，除了小販檔，就是木子甜品對於屋村的甜品店，從不會抱太大期望所以都只點了隱陣派甜點，芒果仙草不會有驚喜，亦不會有過失我亦只能用抵食夾大件去形容

芋圓有進步，分開上，暖暖地，用糖水煮，有少少甜味、芋頭及蕃薯味，而且還是軟+少彈的但豆花冇味，及只有凍的，紫米係硬的，唔係佢應有嘅口感，直頭只係比生米軟少少❗️❗️❗️唔好話台灣，連一般糖水鋪嘅水準都冇👎🏻👎🏻👎🏻

話說有朋友拎手信，想食芋圓，就約埋朋友試下想食熱嘅，選擇唔多，見佢有豆花有紫米有芋圓，問佢可否加$$max埋一齊，佢話唔得😓 最終叫咗個熱嘅紫米芋圓啲紫米露好稀，芋圓未煮透咁硬/實實地嘅...冇應有嘅彈性/軟軟嘅口感...絕對冇下次!!!!!!

屯門的甜品店相比元朗真的冇咁多選擇，話說早前去良景有私人事處理，就到了平日少去屯門良景,完成自己的私人事之後，本來坐車到元朗,想到良景有木子,木子在旺角好出名,決定去下木子,良景分店又不太多人,好容易搵到座位，我坐下之後看下餐牌,木子旳價錢相比其他甜品店,價錢好平,我點了原味奶涷 ，不用3分鐘就送到，這個現成整好了放在雪櫃，我覺得奶味不算重,亦不夠滑,又不算太甜 ,整體一般,環境都OK,服務就普通啦食物水準原味奶凍，我覺得奶味不夠重亦不夠滑，味道一般甜味，這個不太甜,甜味幾淡，可以接受環境尚算幾好 ,地方適中服務我覺得一般價錢18元,的確好平番吃並不是成日去良景，未必再來

光顧這裡，為的不是它有名的台式甜品，反而是為它的奶凍而來。這裡的奶凍有多款選擇，但我對它的咖啡奶凍情有獨鍾：咖啡味香濃順口，奶凍質感軟滑。今天剛好讓我買了最後一個咖啡奶凍，我多買了一個朱古力奶凍給我家寶貝。它的質感同樣很軟滑，黑朱古力的味道很濃郁，不會過甜，連寶貝也吃的津津有味，我也順便偷吃了一兩口。$20一客，實在超值。

可能因為照顧番良景居民既能力，定價比多數糖水鋪平，但係水準絕對無低到。抹茶雪糕好濃味，豆腐食到d渣好難得！我食左個雪梨糖水，暖心潤喉，冬日首選！如果食燉蛋仲可以得到精美杯仔一隻，認真難得。而且員工好好人，好細心解釋食品。真心唔錯

抵食之選!! 以食甜品後講, 呢間真係算平!! 而質素亦係好正!呢個蜜柑慕絲, 唔好見$23好似好貴咁, 出面食都可能差唔多價啦, 但係!!!佢會送埋個杯比你!!!!杯上係電車圖案, 好靚, 有香港特色, 仲有幾款, 不過應該無得揀, 我就唔敢問XD 送埋個杯真係抵番晒!!食落柑味好淡, 唔多覺, 不過CREAM味好重!! 我好中意!  但係個質感唔係幾似慕絲, 似燉蛋多啲, 可以睇下圖。但唔緊要真係幾好食!以為佢細細杯, 唔抵食, 會好快食晒啦, 但都食左好耐, 而且咁細杯係啱架! 因為CREAM味咁重既野係唔可以食太多, 會好厭, 我就啱啱好厭之前就食晒!!仲有藍莓味, 不過賣晒, 咁受歡迎可能仲好食。呢個係朋友叫既芋圓, 比起台灣, 當然差啲, 不過算中上, 因為台灣既太好食姐! 仲可以一解對台灣既掛念!而且用料好足, 好多紅豆同芋圓, 湯底係鮮奶, 廿幾蚊大大碗仲有雪糕你仲想點!芋圓有大有細, 又有唔同味。不過真係好大碗, 兩個朋友都係叫呢個, 都食唔晒。

樓下的木子甜品，剛開張時，好像要排隊最少15分鐘。當時未有心太軟可售，所以事隔一段時候(3個月後)，我再到訪，試一試心太軟。心太軟可配雪泥，我選了豆花味的。揀食心太軟就要等，um....我都唔記得等左幾耐lu!因為佢地用既係好細既焗爐(我懷疑係多士爐至真, haha)，一次只可以爐2個。本來好期待切開個心太軟既一刻，點知一切開，唔係好流心wo~~~好似爭d就熟晒變左蛋糕咁 =口=" 失望!!!而且個朱古力係苦朱古力，我以為係甜既tim~(食慣左係甜朱古力既心太軟)下次都係食返芋圓好了 (PS: 芋圓好食ga，特別係個d大大粒有料係入而個幾粒)

之前已經響第二間分店食過呢度d 豆腐花芋圓 水準一流，得知屯門都開分店，當然要黎食下，果然冇令我失望，叫左個宇治紅豆豆花芋圓，豆腐花又滑又大碗，甜味啱啱好，最鍾意呢度 d 芋圓，好煙un, 個雪泥都好好食，淡淡抹茶味 perfect