木子甜品 (已結業)

難得平日day off,約了朋友食晚餐,下午有時間先跟妹妹在旺角遊走天氣變化太多在家覺得冷,但在旺角就相反的熱 原來想買杯台式飲品降溫,剛好路過看見這小小的甜品外賣店店員推薦了宇治牛乳芋圓綠茶雪糕很吸引!所以就點了...但實物看到...想起"圖片只限參考"牛奶也太多了吧!!感覺太水  還有很多碎冰綠茶雪糕...有少量綠茶香但沒有了澀味像沙冰口感的雪糕都不錯...只是味道較淡芋圓比我想像中更為多,應該都有10多粒煙煙韌韌,芋頭味明顯個別有幾粒較大粒,原來是有餡像是紅豆蓉,甜甜的紅豆配牛奶食都不錯但綠茶雪糕溶化後,牛奶都變綠色有點怪怪

旺角行完街要番屋企果時順便買碗木子番屋企食先😋我本身購物完係懷住好心情咁番屋企，點知......埋到去睇食咩果時有個收銀呀姐（帶大陸口音）同入面既妹妹店員已經一路大聲密集咁傾計，唔緊要，我又唔係老細，唔關我事，問題係，佢地明知有客企響道可唔可以收一收聲/睇下企響門前既客想叫咩野食先再講過呢（佢地談話內容係講緊另一個應該冇番工既新同事壞話，唔知以為好重要既事）我講左2聲唔該佢先理我，但口冇停過講，我每樣野講2次先聽到😠比$100買$28既「紫米湯2號」話：丫，我比$8你丫（因為太多散銀）點知佢係完！全！聽！唔！到！！！勁呀👍我就係企響佢面前都咁，咁鐘意傾計點解唔做電台呢又？比碗野果時多謝唔該都冇聲（唔緊要，香港地大部份都係咁）仲要一路黑面一路比碗野個客，將d負面情緒帶晒比d客，好差。講番碗野，好彩碗野好食，先冇咁嬲，不過好似少左好多料咁既（係本身咁定因為佢2個掛住講野比少左）芋圓好味，紫米反而好多wo(成牙都係😂）不過椰果好奇怪，有陣香味但有渣😰都唔知點comment好。算啦，你地講野啦，我唔會再黎

最近常在這一帶出入，眼見旁邊的肥姐擁躉絡繹不絕，令我不敢穿越人潮。今日的起心肝，加上多句「唔該借借」，終於有機會一試。由於好想食凍野，點了薏仁花豆豆腐雪糕口味，欺騙自己食凍野但「健康㗎！」圖片拍不出來所有材料，但不得不說樣樣都好多！首先薏米一向是我的愛～花豆有甜甜的蜜糖味，對豆有少少抗拒的朋友都可以試試。豆腐雪糕原來比較似sorbet，淡了一點。藏在這三款材料下的就是重點！☻芋圓和地瓜圓☻！芋圓味道較淡，吃不太出芋頭味，但地瓜圓okay！可能是凍食的關係令味覺敏感度降低，導致食唔出味掛～但煙煙韌韌的口感是我的摯愛～給戴假牙的婆婆吃了兩粒都無問題，咬得到^_^; 最底部的是黑糖刨冰，有一點太甜，尤其是上層花豆的蜜糖味也浸到下面時更甜多一分。總結：多料，自我感覺健康(￣▽￣)，誠惠$24，我覺得抵過飲杯珍珠奶茶囉～

在炎炎的夏日，突然好想吃道甜品滿足自己，碰巧經過見到這木子甜品再望吓個餐牌，都好抵就試吓……買左個芋泥仙草配雪粒 一杯價錢大概24蚊左右，份量足料仙草即是香港的涼粉，略帶甜味，有清熱降毒之用；內裡有兩至三粒的芋圓，都算煙韌有口感，且不會太硬，當然唔少得透心凉的雪糕球……好味，值得推薦

在肥姐旁邊的店舖,每個人都忙著排隊買肥姐,而我, 就是去木子甜品已不是第一次吃,冰冰芋圓系列, 仙草4號, 但會把蓮子轉為椰果每次都覺得好吃芋圓 "in in un un" 比台北九份吃到的好吃。有點兒像台中的

其實我係木子super fans食過n 次係我最欣賞嘅甜品店可是今日首次食mk 分店只能話 差到哭熱紫米芋圓($28)首先店員用一包輸血袋形體的紫米露，裝喺外賣碗，感覺差！吃時，感覺稀得似水，冇紫米！以前過去食係杰的，唉吃到最後，冇芋圓！ 有餡嗰隻！兔兔貓俾28大元就係為咗有餡芋圓無啦。。。。無啦。。。。。。無啦。。。。。乜都無喇！報告鉛筆，係咁

係夏日炎炎既日子, 木子甜品既冰冰芋圓系列的確可以消暑我同友人分別叫左蘆薈同仙草, 自選雪糕就揀左綠茶同豆腐味雪糕口味清新突出之餘又唔會太甜, 芋圓煙煙韌韌好好趙配合蘆薈同仙草呢個甜品絕對清新 比人涼浸浸既感覺唯一可以改善既地方就係可以落少d冰因為太多冰搞到食到最尾d冰溶得七七八八, 會有好多水浸住d食物有d核突

旺角街頭, 人頭湧湧, 落完雨又濕又熱, 好需要D凍野消暑。行過比Ｄ芋圓圖片吸引左我地既目光......宇治牛乳芋圓點解同幅圖差咁遠 抺茶雪糕係牛奶中飄浮, 只係隱約見到少少芋圓。賣相真係差左Ｄ，唯有靠味道搭救。芋圓煙韌，滿足左我口痕搵野趙下既衝動。留心Ｄ都食到番薯同芋頭味。重有Ｄ大粒Ｄ既，入面有紅豆蓉，紅豆唔太甜，同芋圓味道都幾襯。雪糕融左之後成碗變左淺綠色，抺茶牛奶都唔錯。

It's been a while since I came here and boyfriend and I decided to come here for dessert. This place serves Taiwanese ice desserts in a small takeaway only shop. They do have some chairs but they are located in an alley next to a garbage can.We shared a bowl of brown sugar ice with sweet potato ice cream and brown sugar ice cream. It came with sweet potato and taro mochi.The ice cream and mochi were good. But the ice is now in huge chunks. Before it used to be fine shaved ice so when the sugar s

自從同中同去過台灣後就對芋圓念念不忘 非常鍾意芋圓既chewy口感 知道旺角有外賣專門店就即刻去試！雖然meun已經set好左幾款配搭 但其實配料同雪糕口味都可以轉的 《紅豆+椰果+vanilla雪糕+地瓜圓，芋圓》地瓜，芋圓好chewy！滿足到我食芋圓既慾望 《黑糖雪糕+芋泥+椰果+ 地瓜圓，芋圓》黑糖雪糕係最推介既flavor芋泥都幾滑 配上黑糖醬冰好配 不過唔太夠甜 吊唔起芋頭味但整體而言都有80分

飯後經過此小店，原來是台灣的芋圓，一心諗住用試既心態。點了一個凍的，紅豆配綠茶雪糕。冬天點這個確實要考慮清楚，紅豆配綠茶雪糕仍是絕配，而主角芋圓，是甜了一點但可說是QQ的，暖暖的芋圓，配上碗底的碎冰，芋圓好快已變凍了，再選的話，都是熱的好

這天剛在金寶戲院看完戲出來，看到有間新開的甜品店，正正肥媽小食店的隔隔壁，兩條隊龍差不多重疊在一起，情況頗為墟冚。就這樣人山人海吸引了我跟男友過去看看。走近了才看到原來是家芋圓專門店。天氣挺冷，我倆帶著為食及大無畏精神買了一杯試試。看了一會，原先以為只有冰冰芋圓系列4款及暖暖芋圓系列2款選擇而已。到我們點單時才知道，原來是選其中一個餐加其中一款雪糕，所以沒有考慮兩樣配搭是否相配的問題。最後點了我想吃的紅豆味雪糕跟男友想吃的蘆薈及鮮桔~蘆薈3號併紅豆雪糕 $23本人雖不是熱食愛好者，但其實暖暖芋圓系列在這個寒天下是挺吸引的...不過呢，再一次証明相片質數及設計的重要，我倆在這寒天下點了賣相更為吸引的冰冰芋圓系列...雪糕沒什麼特別，跟平常吃的紅豆雪糕差不多，芋圓十分QQ，還不錯。蘆薈鮮桔不是我飛佛，所以沒有意見，下次我要自己點一個紅豆2號試試...

除夕夜當日同友人兩個漫無目的咁去到旺角，我地傾起暑假去台灣嘅趣事，連帶諗起果到嘅美食，尤其係芋丸，剛巧我記起旺角最近開左間專食芋丸嘅甜品鋪，所以就去一試.面對住個餐牌我地好似有左選擇困難症，因為款款都想試，最後揀左蘆薈柑橘雪糕芋丸冰，雪糕係豆腐味，芋丸好Q,好好食食過番尋味我地會再去食架！！

是夜代朋友往取團購又一驚喜: 附近除了知名的滷味及街頭小食, 該專門店與大角咀及荃灣分店最大分別是:只供應外賣芋圓糖水 店內的面積是水吧為主，光線充足，工作人員穿著整潔醒目的制服 (清一色是男生), 暫時性的座位只有旁邊後巷的三四張椅子，反而派傳單是一位女士，接過精美的宣傳品後, sunflowerting趁沒有太多客人的時間點了"暖暖紫米湯2號的芋圓系列" --- 含有軟滑的地瓜圓(即蕃薯)、清爽的蘆薈粒及芋圓，芋圓很有嚼勁 QQ的很好吃，浸泡在濃郁的紫米露內 ，雖然用料未見得豐富，味道方面不會太甜尚算合格啦!有禮的工作人員接過order之後馬上湊合材料入紙碗內，其他客人點上冰冰的雪泥球 (有豆腐、紅豆、抹茶、芒果、香草、黑糖)就要即席站起來享用啦 與其他分店不同: 沒有太多花巧內容例如仙草、蘆薈、紅腰豆、芋頭蓉，但是吃一碗勉強能滿足對台灣之思念喔