木子甜品 (已結業)

大本型唯一一間糖水店⭐️我幾鍾意呢間食糖水 👍🏻價格合理又幾好食😋每次都會叫芋圓食 令人好懷念台灣既美食✈️每次去光顧都見到幾多人食👨‍👩‍👦‍👦好在唔會等太耐 因為大部分都係附近居民🏡所以都好多人外賣返屋企慢慢食🐾今次食紫米芋圓雪糕 ❤️（$2x)另外有豆腐芋圓綠茶雪糕❤️($2x)雪糕真係麻麻地🙄因為太多冰 口感唔夠滑溜🙁2款既芋圓都唔同🤔一款有紅豆蓉（紫米款）😋一款冇，甜度適中，紫米比預期好食😋😋😋😋😋😋😋😋😋😋😋😋😋😋😋😋

喺大本營食完泰國菜，選擇咗食埋甜品田滿第二個胃！餐廳環境衛生、舒適！雜果豆腐花！芒果屬於甜，西瓜很多汁！芒果雪糕芒果味濃！豆腐花很滑，入口滑嘟嘟！奇異果比較酸！

一般去木子甜品都係食果度0既豆花或者涼粉今次算係我第一次試他們的西式甜點班妮蛋糕配香草雪泥那個蛋糕真是前所未有的硬...味道算是我喜歡的那種不太甜, 有一丁點朱古力苦澀的而雪泥方面真係要一讚very very nice!好有奶香味, 非常透心涼如果個班尼蛋糕可以吾好咁硬, 濕身番少少就very good 喇!

同好友食完晚飯，佢介紹我去呢間甜品店食甜品，因為佢已經好飽，所以我外賣去佢屋企食，去到門口已經要排隊，揀好落單，可以八達通比錢！宇治豆花芋圓（$24）紙碗實淨，打開見綠茶雪榚溶溶地，雪榚幾滑，不過無乜茶香！幸好唔太甜！豆腐花幾滑，豆味ok! 芋圓有兩種顏色，煙煙韌韌好味，紅豆粒粒淋身，味道好甜，好在其他食物唔甜，撈勻就剛剛好！整體好味！店員有笑容，好親切咁比本餐牌我慢慢揀！包好交比我都好有禮貌！加分！呢種中台日式都有嘅甜品幾特別！有新意！可以一試！

芋圓近年係香港越嚟越受歡迎，可惜可以食到既地方始終唔多，而且重點係大多都係唔好食，木子係算最早期有芋圓糖水食既甜品店，以前成日去食，但大半年前覺得佢質素下降左好多就好少去食，今次經過試左不如再試試佢，嘩，水質回復返以前既水平，非常滿足既一次芋圓糖水^_^豆腐雪泥芋圓$24：豆腐雪泥其實等於冰感重既雪糕，食落當然唔好期待佢好香好滑，當係平衡一下芋圓既漏都唔錯，豆腐味好淡差唔多食唔出咁濟，不過唔緊要因為呢個都唔係重點，紅豆湯一如以往唔會見到紅豆，食左成碗好似食到一兩啖有紅豆，湯反而比以往甜多左，都係果句，芋圓先係重點芋圓量都唔算太少，有細粒同大粒，無論細粒同大粒同樣做到非常煙韌同彈牙，煮既時間掌握得好好，呢種韌度完全係令人欲罷不能好想瘋狂咬哈哈哈！搵返係台灣食芋圓果種感動!!!!!!!呢到另一個最吸引我既地方係佢既大粒芋圓，有芋泥同蕃薯泥做饀，真係始終得呢到先有得食饀味道唔太濃但質感綿綿的，同煙韌口感產生令人幸福既化學作用嗚呀~~~~~~~重燃我對呢到既愛

選擇品項很多平常都是吃宇治豆花芋圓這一款這天想試一下新東西 點了芋圓海底椰仙草配椰子雪泥正值夏天 又聽說海底椰有滋陰潤肺作用朋友正好有點咳嗽 就點來嚐一嚐賣相普通 不過料多實在仙草很滑溜 可惜的是椰子雪泥不能換其他口味豆花2號本來這價錢以為會很得過且過上桌之後竟然比朋友點的還豐富 價錢卻差遠了豆花2號顧名思義是用豆花作底豆花沒有石膏味 有一點點豆香 不過太容易攪碎了配料有芋泥球 芋圓 蘆薈 腰豆芋泥球感覺很天然 口感綿密帶點芋頭顆粒 非常實在又不會死甜芋圓口感很Q彈 不過缺少了芋頭味腰豆應該是來貨 一吃就是紅腰豆罐頭的那種死甜 但勝在夠大顆蘆薈不知道是不是天氣太熱 感覺已經變質了 但已經吃了一半就不好意思更換 只好撥開來吃木子的整體感覺跟台灣的冰品店相當貼近經濟實惠份量夠大我跟朋友都說其實晚飯後點一碗分著吃就可以了以上。

木子自從40 蚊任食甜品的推廣後, 相信好多人都聽過木子個大名啦豬仔我特別欣賞木子既甜品, 貪佢夠凍之餘又足料！豆腐花豆味好香好濃, 而且唔會好甜, 抵讚芋圓減少甜品單調感, 同豬仔去台灣食既好相似, 十分'QQ'綠茶雪糕唔會太甜而且唔會好重奶味, 食落唔會有負擔感食飯再食佢, 絕對無難度呀

感覺上，香港的台灣甜品店不是太多。所以來這裡，主要還是想吃其芋圓。點了一個凍既椰汁紫米芋圓。椰汁味幾香，很滑，浸滿椰汁的紫米也很香甜柔軟，這些都是椰汁紫米的固定味道了，特別的就在那幾顆芋圓，煙煙韌韌的，帶點兒微甜，口感非常不錯。和涼涼的香甜糖水一起吃，很好味。

大本型係較新嘅商場，我本人就好少去，今次經過，同朋友行下食下糖水，搵到呢間，望落吾錯，就入去試下。嗌左我都豆花一號，價錢合理，但都吾見太多客人，可能時間還早吧，味道吾錯，豆花都滑，加上雪糕，覺得冇得輸，其他食材增加口感，整體吾會太甜，不過如果地方坐得舒服少少就更加好，如果經過會再幫襯。

喺大本型行街,行到攰攰哋,喺通往鯉魚門廣場旁,見到有間甜品店,坐位又可坐得舒適,就入去歇一歇。看看Menu,原來係台式甜品,價錢合理,最平$12已可order迷你糖不甩,和風白玉或小丸子。平價歇腳地雞蛋布甸有4款口味香草雞蛋布甸牛奶蛋白布甸可可雞蛋布甸黑糖雞蛋布甸冷熱均可雞蛋形玻璃罌,畫上招積趣怪雞仔,賣相可愛得意,食完仲可以帶返屋企最終揀了牛奶蛋白布甸$16香濃牛奶味,尚算creamy,但如果再滑啲會更好宇治豆花芋圓$24綠茶雪糕涼透心,加上綠茶嘅好朋友紅豆,芋圓煙煙靭靭,很好的配搭。至於豆腐花略嫌不夠滑,整體味道尚算不錯,炎炎夏日解暑之選。

叫左個紅豆湯蓮子芋圓滿心歡喜食紅豆 見到好大碗😋竟然芋圓仲多過紅豆.... 因為紅豆十粒都無....之後問侍應 我: 有無得要多啲紅豆嫁？因為離碗無紅豆呀侍應: 可以呀 等等(開始行開)我: (即刻叫返住佢) 哎呀 係咪要加錢嫁？侍應: 係呀8蚊我: 下 即係本身離個甜品係唔包紅豆嫁?侍應: 係呀我: ................... 唔洗加喇唔該係咪我太無知 定其他糖水鋪都係甘？可能係... 人地話湯就湯啦 sorry唔會有搾嫁-.- 但 係相對便宜的 人均消費唔洗30元PS..又無影相 但有張響台灣食過的紅豆湯的相 太大對比了... 木子的紅豆湯真係十粒紅豆都無😡或者年少無知....

食左無數次但食極都唔會厭！香港真係好少台灣芋圓糖水，而且木子價錢中肯，又大碗，所以經過都會食翻碗！黎到多數會食佢既抹茶雪泥芋圓，本身我好鍾意食芋圓，呢到芋圓好有咬口，夠煙靱，唔會太淋。但芋圓既size有時會因來貨而有大有細，有時會比手指公咁大粒既size ，但有時會比手指尾size 既芋圓！今次試埋佢既奶茶奶凍同抹茶奶凍，兩款奶凍都好濃味，撈埋落芋圓到，正！

叫左個芒果撈同雜果撈，仲有一D有水果嘅甜品首先D芒果係同檸檬一樣酸，D奇異果係同冰一樣硬，味道除咗難食之外唔知點形容，仲有我地因為成班朋友去食，所以比左大約40蚊散銀，果到嘅員工以極度無禮嘅態度同我地講話唔收特別係一個帶眼鏡嘅肥妹，算以我奉勸各位要食甜品嘅千其唔好去油塘木子，因為街邊是但一間都好食過佢

第一次係呢個商場搵食，原本想食雪糕窩夫，但點知未到十點已cut 人關門， 為有碰碰運氣睇下呢間木子甜品關門未啦，好在呢間收十，店舖吾大但拿左飛等十分鐘就有位，呢間以食台灣芋圓最出名，所以叫左個宇治豆花芋圓，男友就叫左個雜果豆花芒果凍芋圓，一聽個名就知料多，適合貪心咩都想試的朋友仔，吾好見佢廿幾蚊碗，但份量果真好充足，豆花無落糖水豆味好濃好滑好好味，芋圓係凍上的甜品上都無凍到硬晒， 依然彈口，軟綿綿，仲好食過我係台灣食的芋圓，芒果凍係用芒果汁做，並吾係芒果糖水制，真係用心制造啊， 加上依家down load 佢個apps 迎新仲送多份芋圓啊， 所以記得留意取飛位個度有教點整，之後打卡儲分仲可以半價買糖水， 如果係油塘住，都幾著數

今日同屋企人行街 口痕想食甜品 就黎左呢間啦 環境寬敞坐得舒服 我地3個人每人叫左一個 價錢都幾抵食架😀抹茶雪泥芋圓: 抹茶味普通不過不失, 雪泥開頭食以為係雪糕 但食落去又覺得比雪糕多水份 有啲似刨冰, 芋圓好煙韌 質感好特別 冰冰的抹茶雪泥浸浴在暖暖的紅豆糖水中 又有幾顆q彈的芋圓點綴 好配合! 😛西瓜豆花: 西瓜的顏色係橙色 唔係平時見開的紅色 亦不太甜 不過份量幾多, 豆花好滑 可能豆腐味重 食落不太甜 呢個甜品絕對適合不喜太甜又想食甜品的人😌宇治牛乳芋圓: 宇治雪泥甜中帶甘 愈食愈上癮, 牛乳係3.6北海道牛乳 好柔滑, 芋圓煙韌可口 宇治同牛乳真係好夾 😙3個甜品加埋都係$72 絕對抵食亦都飽肚! 雖然唔係話太好食 但係都唔係差 好過好多甜品舖架啦 同埋呢個價錢 仲想點先! 😈