木屋大排檔

營業中

休息中

禮拜六去左呢間嘢食 真係嚴重踩雷 絕無下次 先講重點 條烏頭 1個鐘整整1粒鐘出到給妳食一開始話預半個鐘（都OK啦要焗要成 係半個鐘都理解）4個人一千出頭 ➕1 環境普通 坐落會有熱感 叫左咖喱牛腩 普通嘢 但跟埋嘅煎餅黑碳咁食左兩啖飛了 叫換唔給 個禿頭侍應串串哋話個爐勁有小小黑嘅 跟住真係勁啊個爐 串雞肉串燒咬落見粉紅色 雞肉唔熟我真係唔識欣賞 唯一值得推薦就係兜炒飯 夠鍋氣嘅 上個生菜包果陣個侍應掃到d肉碎 即刻無食慾 兜菜剩幾條問都無問直接收走 唔知以為唔想招呼添值得一提可能我叫換過煎餅問題第二次叫個侍應 已經無好說話聽了 食完嘢條魚沒來 問佢 話咩條魚焗係耐d 串燃爆 喂大佬啊 我食完都沒來等8 9個字沒來 問下唔正常？仲見到d侍應沖水喉水給人飲 總體評價狗都唔食之絕無下次 嬲到第一次食評就給你了服務0.5星星 食材2星星 師傅1星星

今日放工約咗朋友喺大埔食飯，泊低咗架車經過見到呢間個門口好大同埋裝修都幾靚，望吓個Menu啲嘢食都好抵食，同埋本Menu都好靚，就俾佢吸引咗入去。我哋兩個人所以叫咗個佢哋推薦嘅$248二人餐，二人餐可以揀三款食物，另外飲品我哋叫咗個買一送一嘅泰式奶茶配忌廉（$32@2杯相同）食物我哋揀咗1) Combo小食拼青木瓜沙律🥗 入面有多款小食，一次過滿足晒你幾個願望，有泰式春卷🫔(2條）/ 炸魚餅🐟(2塊)家鄉雞卷塊🐔(2粒）/木瓜沙律 份量好足夠，啱晒兩個人又想試好多唔同嘢食🤭2) 泰北沙嗲串🍢有豬柳1串🐷/雞肉1串🐔/牛肉1串🐮佢個沙嗲醬好好食甜甜地好香花生味🥜又唔會過咸，三款肉串都好大粒好厚肉，而且燒得啱啱好飲質鬆軟有肉汁😋 3) 鮮蝦炒金邊粉🦐金邊粉有四五隻蝦，金邊粉份量都幾多可以兩個人食，而且炒得好香好夠味，酸酸甜甜好開胃😋4) 買一送一泰式奶茶配忌廉🍹🍹泰式奶茶好好飲真係好似喺泰國飲緊個杯咁，感覺返晒嚟，自己個杯加咗忌廉仲特別香滑另外再加咗個墨魚脆豆卜（$48）胞卜卜熱辣辣上枱，送啤酒一流總數埋單3百幾，好抵

太和呢間泰菜lunch menu唔貴得黎，啲野都好食，食過幾次試咗唔同款式都無伏過，仲要每樣都係佛心portion，啱曬我呢啲大胃怪！冬蔭公蝦蝦蝦湯河 ｜7/10大碗到無一次食得曬，真係好足料，一碗有齊三種蝦，分別係櫻花蝦乾、煎大蝦同蝦球！另外啲洋蔥同秀珍菇都係海量，食曬都飽咗一半！湯頭好香，唔算太辣，中意食辣嘅版主覺得可以再刺激啲，同埋再酸啲會更開胃呀！咁先可以令人有胃口清咗佢快滿瀉嘅河粉…青咖哩豬扒煎蛋飯｜6.5/10青咖哩甜甜地再帶啲椰汁嘅香味，下飯之選！唔食得太辣嘅朋友可以從青咖哩入手呀！豬扒同煎蛋就普通啦，勝在佢份量多，1個鐘真係食唔切 泰式豚肉炒河 ｜6/10 有鑊氣！炒河好易整到太油，但呢度嘅河粉都做到乾身嘅感覺，唔會一路食一路滴油(出面真係有啲咁樣serve人都有…) 無骨鳳爪沙律| 7/10私心酸辣酸辣嘅味道，尤其夏天用泰式沙律做entrée，即刻胃口大開，本身就算熱到食唔落嘢，食完沙律精神返曬嚟！

今日去左太和，見一排無食泰菜想試下。本來以為可能要去其他區先有得食，上網search過就決定去木屋。到達餐廳後，餐廳職員好友善咁帶我哋去分配左嘅座位，同時介紹而家做緊咩嘅set menu。我哋叫左個二人餐，再加一個馬拉盞炒通菜，飲品就叫左青檸檬梳打。最先上枱嘅係梳打。飲品杯入面已經有少量青檸檬汁，就泰國入口嘅樽裝梳打倒入去都己已經夠味。當杯入面嘅冰融得七七八八，可以篤下啲青檸。咖哩花甲同蒜蓉包都好快上枱。咖哩香味濃郁，而薯仔都頗為入味。更難得係薯仔係焗/炸過，入口唔會淋哂。蒜蓉包有驚喜，熱之餘夠香脆，包上面蒜蓉醬更令人回味無窮。之後送上嘅係馬拉盞炒通菜。有別於一般泰式餐廳，菜係用熱嘅砂煲上。咁樣令菜更加乾身爽口，亦將馬拉盞香味進一步揮發。最後上嘅係泰式拼盤同炒金粉。啱啱食完啲濃味食物，泰式拼盤嘅青木瓜沙律酸酸甜甜，正好平衡返。而炒金邊粉就味道正常。離座時見到餐廳滿座。所以如果呢間餐食晚巿，都係建議先訂位。

喺大美督玩完，晚餐去左大埔食泰菜～～泰皇青咖哩crab焗麵包（軟殼蟹2隻）份量係超級大！大大個蒜蓉包裝住青咖哩，入面仲要有好多料！再加埋兩大隻炸軟殼蟹，食完真係好飽勁滿足！地道椰汁雞湯個湯其實係好酸，我無諗過會係咁酸，不過我本身鍾意食酸野，所以接受到，亦都成個湯飲晒。有好多雞肉，肉質滑溜。有火一直熱住佢，所以由頭飲到落尾個湯都係熱，呢個加分。泰式板煎蠔仔蛋蠔仔都大粒，也有好多粒，味道正正常常。有蔥粒點綴，OK! 兩個人食完超級飽！

之前食過一次，覺得食物質素唔錯，所以今日母親節，想叫外賣自取，拎返屋企成家人一齊食。5:30想打電話落單，電話一直打唔通，打左15分鐘，決定行到過去再叫啦。離開望去門口，有個員工拎左個外賣俾個客人。心想，原來有開鋪，點解電話打唔通呢？正當我同門口嗰位員工講想叫外賣，佢就應付緊啲堂食客，咁唔緊要，我等一等，點知，當佢問我幾多位，我話我想叫外賣，然後佢話：我哋唔做外賣啦！你都見到啦，堂食客咁多，我哋廚房做唔切外賣㗎啦！我非常無奈，咁我剛才見到佢拎個外賣俾另一個客人係咩一回事？我無同佢拗，因為睇來只一心想做晚市堂食掛！？

路過求其搵食，門口見到午餐價錢都幾抵，所以就不妨一試。泰菜黎講平均一個餐只係五六十蚊左右，仲要包埋野飲，其實只要唔太難食都已經合格，但呢間係有驚喜嘅～而且食物質素都性價比高，只係座位有啲舊同迫。香煎雞扒蛋飯配黃咖喱 - 賣相唔錯，咖喱唔太辣，好惹味。雞扒煎得好香脆，份量亦適中。蝦醬炒飯配雞肉串燒 - 六十幾蚊個餐，都算抵食，炒飯好大碟，但係蝦醬味唔算太突出，可以濃味少少。雞肉串燒大大串，香脆夠熱，整體唔錯

因為疫情關係減少咗出外飲食，諗住買個青咖哩牛腩加餸俾左$78蚊買一個青咖喱牛腩外賣，店員交俾我個陣見到見到份量得一半已經O左嘴返屋企打開睇，原來得5件牛腩，😡收我$78蚊得5件牛腩會唔會過份左D？一心諗住加餸，家人食得開心D，結果依家大家都冇曬心情，覺得份量太少畀人搵笨！😡打返去木屋大排檔反映情況份量，個店員仲諸多藉口，話呢個係例牌份量，我覺得不能接受！開店以來水準一路下降，豬頸肉炒芥蘭D豬肉係黑色變質變味不新鮮🖤，已經唔敢再食，依家連青咖喱都令人不敢恭維😡78蚊得5件牛腩，咁既份量無下次，再見！！！！

金邊粉 $88食泰國野都會叫返個金邊粉, 岩feel d佢擺碟都好靚 用個竹既野裝住 感覺上都好左配料擺係則邊自由調味 辣粉夠惹味 花生碎都好香口蝦夠爽口 金邊粉係正宗有少少甜 冬陰功明爐海鮮鍋 $148真係成個鐵鍋上菜 又係感覺上好左 味道都有加分入邊d料都好足 好多款唔同既海鮮唔會好辣 送飯就係一流

因為疫情又開始嚴重，又開始禁堂食😣，見到新聞後馬上約朋友今晚出來最後衝刺😋，每間食肆都好爆場🤪，這間也是排長龍，幸好我們提早一天book位，所以不用等就可以開餐🥳 💠鮮蝦炒金邊粉 🦐🍝$88Pha Thai w/ prawn份量多，入面還炒了芽菜、蝦、雞蛋.粉條堅韌，很彈牙，味道香濃.加了青檸汁，有提味酸酸的口感再有少少的甜味，再加少少的辣椒粉 味道多層次☺️💠黃咖哩牛腩 🍛$78 + 香酥烤薄餅 🌯$28Yellow Curry w/ sirloin + Bake Pizza有青咖哩和黃咖哩可選，因為不太能食辣，所以叫了黃咖哩，跟配了薄餅.牛腩很肥美，又嫩滑，入口即溶😍咖哩很香，少少甜味，配上薄餅又可減低辣度和飽肚. 💠唔係炒嘅生菜包（泰北）🥬🥙$68No Stir-fried Minced Pork wrapped in lettuce 名字很搞鬼，不是炒的生菜，其實就是比較濕身的炒法.濕炒很易入口，不會太乾身，肉粒也很香，瘦肉很多，配生菜簡直絕配，又不會太油膩😚

香港人一向鍾意去泰國，泰式料理都好受歡迎，係香港都有好多泰式料理店，今次搵到太和嘅木屋大排檔，係OpenRice 見到d相好吸引，夜晚就去試下好唔好食招牌係紅白藍嘅霓虹燈，夜晚一眼就見到。一開始好奇點解呢間店會叫木屋大排檔，入到去見到店內裝修就知道，牆面以竹木為主，比起大型連鎖店，更像一種特式小店嘅感覺今次就試左軟殼蟹米紙卷、冬陰功明爐烏頭同埋泰式海鮮炒粉絲，飲品當然要叫返個椰青軟殼蟹米紙卷口感豐富，米紙包住菜、芒果、軟殼蟹，一啖咬落去勁夾唔會太油，推薦作為前菜 冬陰功明爐烏頭好大條，烏頭呢款魚肉質好，但本身冇咩味，配冬陰功呢款濃味啲湯就最好，由於係明爐，可以保持溫度，令到食到最後都仲可以食到熱辣辣嘅烏頭另外海鮮炒粉絲都好香口，椰青好鮮甜，可以食埋果肉

今日去左大埔呢間嚐一嚐泰國菜😆😆❣️距離mtr 大約十分鐘左右～～店舖主要用木屋做主題，營造大自然既氣氛🌳🪵都幾特別🙈🙈🍢Combo 小食拼盆（小）$52小食拼盆有2條泰式春卷、2塊炸魚餅🍘、2粒家鄉雞卷塊同埋2隻庶蝦😋😋如果兩個人食又想食小食既話呢個就岩晒，一人一舊，可以過下口癮，又唔洗食咁多🤩🤩🍲雜菌炒金邊粉 $72呢碟都幾抵食，好大碟，又足料都好夠食🤣🤣原本唔係好鍾意個汁，但吱左d青檸落去又唔同晒，酸酸味味咁幾開胃😙😙🥘黃咖哩雞 $68 （+薄餅$28）叫左個唔辣既咖哩😆😆同埋追加左薄餅😍😍呢個好好食～～雞都唔少，有好多舊，沾上香氣十足的咖哩醬~很好入口，就算就咁薄餅沾咖哩都可以一口氣吃光😋😋，雞既份量原來都幾多，最後都食唔晒🤣🤣🍽燒牛仔骨 $48牛仔骨入味又鬆軟，焦香多汁的牛仔骨值得再三回味🤩🤩

大埔食泰菜都會諗起木屋大排檔，名叫大排檔但其實係一間坐得好舒服嘅餐廳！外賣有好多優惠，住附近嘅話一家會狂幫襯！平日晚市都好多人，一家大細都會落黎食，應該係因為佢味道質素好，而且性價比高青咖喱Crab焗麵包上枱個時俾佢嚇一嚇，個顏色青bb咁(ﾟoﾟ;;一食先知唔簡單，味道非常有層次，有香料味道再帶出一點點辣，夾埋個包食一流旁邊軟殼蟹竟然有2隻咁多，點落青咖喱度食無得頂！馬拉盞粉絲炒雜菜煲份量大，味道平衡拎得好，唔會過咸鹽焗烏頭製作需時，但一定唔會令你失望，上枱時熱辣辣肉地好厚，仲好結實，本身條魚已經好有質素，烹調方式令到成個菜式更上一層樓，好有肉汁！脆爆芒果園一杯大到夠晒2個人飲，芒果香味夠晒，仲有好甜嘅芒果肉！

📍🇭🇰 木屋大排檔Wooden House.Sa Wa Dee Car~我們事前特登去預約定去食，好似去左轉泰國旅行去食野。山長水遠特登坐車入來太和食呢間由朋友推介的泰國餐廳😋.兩個女仔買左吉秀卡，有$300 quota，多左就補返錢，另加一服務費。.我們分別點左以下：🍛 菠蘿虎蝦炒飯{HK$168}- 長長的叉穿住菠蘿，幾有特色，食得好飽，菠蘿好甜，炒飯份量都幾多幾深。.🥗 燒豬頸肉沙律 {HK$78}- 豬頸肉好香口😋.🥦 勁爆炒生菜包 {HK$78}- 生菜包炒底辣辣地，他們有唔係炒系列，我建議食炒底，無咁濕，配生菜和包沙律好夾👍🏻🥥 椰青 {HK$30/個}

嚟到大埔🌬天氣涼兩地想食啲酸辣嘅嘢❗️但有冇理由揸返車落九龍城排隊‼️喺OpenRice覓食下見到呢間好似唔錯🤏裝修幾舒服 坐得好闊落❗️而且價錢幾好 所以入嚟試吓🥢公車諗霸 💲6️⃣8️⃣清甜 大隻❗️抵食🥢青咖喱 💲6️⃣8️⃣味道幾好 小辣 ❗️🤏不過水咗少少如果傑啲再好啲，有個爐就唔好咁快凍啲咖喱👅 薄餅就唔油膩，爽脆❗️🥢鹽焗烏頭💲1️⃣3️⃣8️⃣📍 木屋大排檔 (大埔)大埔大埔太和路15號太和中心地下27-28號舖#泰國菜#大埔美食#hkfood#food#hongkong