木屋 (已結業)

平日食飯來來去去都個3間餐廳，難得出去第二區食飯，真係好開心!!我們去左大圍，揀左木屋。12點幾去到，仲有位。好多午餐揀，實在太感動喇~曼後揀左「咖喱雞球便當」。D咖喱唔辣，有少少甜味!!雞球都幾香口!!最喜歡蟹籽沙律，$48黎講，份量算多喇~~仲有3塊三文魚，太正喇!!一定試下!!

之前已經黎過好多次,喜歡呢度既款式常常有新花款,價錢唔算貴,刺身尚算新鮮。黎呢度,我較喜歡散叫,因為D set款式不算吸引,雖然份量多,有時仲多到你食唔晒,但我重質唔重量。

208蚊未加一，但真係我覺得唔得。1. 壽司舊飯，硬既,痴到實晒。2. 壽司上面舊魚，唔新鮮，粉既。3. 熱湯烏冬，湯底ok, 但係烏冬唔入味。4.牛柳粒炒什菜，椰菜幾瓣叫什菜﹖5. 杯金吉, 我接受唔到囉。豆腐沙律, 汁甜甜的，不錯。可惜太多生菜，不如直接叫生菜豆腐﹖海鮮鍋,蝦唔夠鮮,一概都接受到。(有無人知個底個d 唔係粉絲到底係咩﹖)坐得唔係好舒服。d waiter 收碟收得好快。搞緊咩?咁就230蚊出門口，可能係我太多要求?

第一次有衝動寫食評 食前狀態：好肚餓，基本上唔係難食都會覺得好食 +2 mode入坐時間：八點九，煩忙時間已過，得三四檯客生日想食餐好，所以一開始冇打算叫 d 咩二人餐，咁應該比起黎質素應該會好 D 啦我諗。未叫熟食先叫o左個 $78 蚊刺身拼盤，有 玻璃蝦、三文魚、吞拿魚、墨魚同兩種唔記得咩魚。每件得兩舊，唔緊要啦，擺碟賣相好靚，應該唔錯！先食墨魚，好膠但冇味o既？再食三文魚，厚切好滑，唔鮮o既？另外兩種魚，好爽口，但都係冇味架喎，最後食吞拿，終於食到有味啦，但梅梅地囉 ~ok，刺身都咁肯定壽司都唔會好食啦，叫其他熟食安全啦。叫o左 明太子玉子燒、牛柳粒鍋飯、同埋燒物：牛舌、雞肉大蔥、雞翼、燒元貝。一黎境然上個鍋飯先，算啦肚餓，飯還飯牛柳還牛柳配菜還配菜，成個飯好似大家都唔識咁，個飯汁係塔檯o既。玉子燒，d 明太子好似磨過o既果 jam 咁，再放o係隻中式炒蛋上面。燒物，乜 d 鹽好貴咩？淨係雞翼塊雞皮有鹹味，其他冇樣有味！牛舌好似同隻食完煙o既牛打茄輪咁，元貝買優子良品加返枝籤好食過佢 最後整多串 日本臭青味大蔥加白烚雞肉，真係飽晒！我比錢時直頭同講職員講 d 野好難食，佢o係到

跟媽媽到大圍覆診後，便在大圍火車站附近醫肚，看見這間日本料理門外有一個大企牌，寫明$168海嘯餐，於是好奇走進去吃。餐牌裡的款式也是一般食物，沒甚麼特別；於是決定嘗試吃那個$168海嘯餐，原來留心一睇，有不少桌的客人都點了這個餐，而更有三個人分享這個餐。蜜桃沙律：味道可以，都有半個罐頭蜜桃，但太甜了菠蘿特飲：太甜，加上太多冰玻璃蝦、三文魚、八爪魚刺身：味道可以三文魚手卷：份量和味道都可以牛肉鍋：絕對是適合女生食用，裡面有一棵金菇和一磚豆腐，份量實在太少，適合一些想吃肉但又不想吃太多的女生鰻魚炒飯：上面加了木魚，賣相好，味道都算是不錯雜錦天婦羅：蝦本身不新鮮，沒有蝦味，加上軟軟的沒有口感，失敗之作總括來講，整體味道和份量都可以，海嘯價錢二人前餐連加一服務費要$185，都算是可以接受。

間野我ge評價係服務九流~嬲到我食過咩都唔記得咁我同一個我幾有好感ge女仔去食~咁一入到去，個女仔覺得個位太窄，想話拉出d張檯，個待應已經話條路太窄，唔可以拉太出~但係條路明明好闊~咁都冇咩啦，咁之後俾餐牌我地睇，我個朋友好多野想食，咁就諗左10mins左右~就係呢短短10mins，個待應已經催左我3次落單~第一次催我,我同佢講,轉頭先,唔該~第二次催我,我同佢講,我地諗好會叫你第三次催我,我同佢講,可唔可以俾呢位小姐諗埋先,唔該~真係嬲到震~之後食野,每一碟岩岩食最後一件完佢就即刻走晒碟,連基本問下仲要唔要都唔問,就咁收晒~之後一路食,背後個股壓力係大到,跟本就試唔清d野好唔好食~食完仲要係咁同我個朋友講對唔住同各位講聲,真係唔使去

今日豬豬女友心情好複雜;來這裡, 都係一個複雜的決定...7點來到,唔太多人,坐下先.心情複雜的豬豬女友自我形容為 "肴底" ....食乜都決定唔倒. 我見個晚餐set都ok, 就叫呢個啦.有3個主菜, 要揀2;選擇有錫紙牛油焗金菇雞柳, 牛肉鍋, 及蝦天婦羅.豬豬女友皮膚唔好, 唔食牛肉喇, 唯有揀另外兩款.好快上.先上係個沙律; 個水蜜桃沙律都ok大, 蟹子都不少, 雪到凍一凍的; 菜爽口, 只係千島醬略多; ok 喇.之後有三文魚手卷, 係剛弄起的, 紫菜脆, 正.剌身都幾新鮮, 塊八爪魚及蝦都好食.另一提, 蝦已去腸, 很好!天婦羅少許油, 都好脆; 蝦都新鮮. 另其他天婦羅都不錯.錫紙牛油焗金菇雞柳比想像中細; 兩三啖都食得晒又真幾香幾好味, 金菇好食, 但d雞完全冇味, 淡.... 要醃多少許呢.另原來仲有跟餐波蘿凍飲, 過甜...服務很好, 一讚.打此評的時候己係七一; 希望隨住六月的完結, "肴底" 的豬豬會重身振作, 重拾昔日不覊豪邁的風彩!!!

蝦刺身..好新鮮..正三文魚壽司..條三文魚好長呀..都ok啦燒牛舌串係我重點推介..外面少少脆..入面軟..d汁好好味呀..雞軟骨..麻麻地..幾干身曼魚卷..都幾好味燒三文魚腩..好香..正

平日之下午同朋友黎左木屋食野，撞正學生lunch hour，左右兩邊都係學生，兩大枱嘈到爆炸！所以下次就算黎食，都唔會選擇呢個時段。叫左個鍋燒烏冬之類既定食，大約$5x，鍋燒烏冬個賣相幾好，仲有兩件加洲卷同一碗關東煮。壽司普普通通，同超市既冇咩分別，關東煮係凍既！唔係雪櫃o個d凍，而係放左出黎好耐o個種。個味道同便利店既冇咩分別。個烏冬，湯底同樣冇咩出色，唯一係蛋味比較重，因為佢有隻半生熟既蛋。烏冬係超市買到o個d，唔會彈牙，個炸蝦已經淋左。講真，響大圍食$5x一個lunch，都會對佢有少少期望啩.......點解會食到個大雜燴麵= =.......仲要係可以響屋企都可以整得到感覺...........................................雖然量係多，但係個味道同個質素令人有少少失望，唔係難食亦唔可以叫好味........= =

我之後久不久都會去木屋吃set luch或dinnerset lunch就唔係話很平但一分$一分貨, 都叫做有好多野食dinner散叫過很多食物全部都幾好食不過!!!!!!!個女經理(應該係老闆)態度真的很差木口木面, 多謝都冇聲, 一副唔憂做的樣子最嬲就係我上次去食lunch, 餐飲想要凍檸茶, 佢話賣晒, 得番汽水同檸水(唔明d茶點樣可以賣晒)之後算la, 凍檸水, 食到咁上下隔離臺叫凍檸茶咁即係點?????????

今個星期五下午四點個陣,自己一個人去左木屋食lunch.個陣真係好肚餓,我order左一份牛柳粒鍋飯定食.我之前2次都係叫牛柳粒鍋飯定食.但係今次難食得好緊要,個鍋飯同白飯冇分別囉,牛柳粒硬到石頭咁.我叫佐經理埋嚟,經埋就好快同我講,不如轉其他定食啦.佢推介我食鰻魚拉面定食.個經埋好nice,服務好好.希望下次嚟個陣,唔好俾我再食到d石頭牛柳粒鍋飯,真係好貴食又好貴食.62蚊一份定食,好食就冇問題(價錢).

經友人介紹,到此一食,1.三文魚壽司$182.曼魚壽司$203.什錦刺身$784.蟹肉炒飯$585.高野豆腐$36想不到這麼少店子,刺身,壽司那麼出色,新鮮,其他食物也ok!!!但如果你受得到那裹的侍應黑口黑面,都值得去一次,我真的未試過去一間餐廳,啲侍之應又唔招呼,又唔加茶,對啲客人視若無睹,

19.11.08是日補祝友人的生日，友人想在大圍吃日本料理在大圍沒幾多，最終選擇這間木屋店內的給我的感覺好像羽田，相似的擺設，又是暗暗的！我們剛好是第二台客人，可能是因為我們早到看看menu，很多都想試，但友人又不是太餓放棄了set lunch，選了四樣東西 $ 38 $44 $46點了餐很快便來，少人吧！(還要剛好撞見熟人坐在旁邊…)我叫的是炸蝦天婦羅飯，友人的滑蛋豬我未試過，我們都沒想到飯那麼大碗份量多，幾低吃，炸物味道不錯，不會太多粉由於飯太多了，吃不完，已經很飽啦友人已經把飯吃光光了炸蝦沙律，好正，炸得很脆！值得讚兩人都吃得很滋味，好正呀！大家都是炸物fans嘛另外叫了一款壽司，很正！本來友人想叫燒餅，但剛好沒有！不過幸好，我們已經很飽了！埋單時刪好和熟人一起！以這個價錢，都算低！味道方面都很好，會再來！

今日同個fd去左大圍個工聯會報名讀個課程,出番黎之後,經過見到有間木屋日本料理,當時大約1點半到,見到坐滿左9成人到,我同個fd決定入去食啦,d侍應都好有禮貌,話d野要10-15分鐘先至有,跟住我地叫左2份lunch,一份刺身定食($46),一份炸蝦便當($48),同埋一份鰻魚卷($23).嘩!...估唔到d野都幾好食,下次我會再黎食個dinner...

星期六lunch嗰陣,我同個fd去呢間木屋去食lunch,坐左一陣,有位侍應推介我地食西京燒雞翼便當,我地睇完menu之後就order左一份西京燒雞翼便當,另外order左一份什錦魚生飯,當不知所謂雞翼便當出到嚟,先得嗰三隻勁細隻既雞翼仔.玩野咩!三隻雞翼便當都要成60幾蚊呀...但係另外個份什錦魚生飯,我個fd就話幾好食同好大碗好新鮮,都唔錯.