木谷料理

營業中

休息中

觀塘雞飯 個相片。漏咗。無得edit 唯有另加一個。不過主打外賣 大部份熟既都係叫雞飯😂推介觀塘雞飯，辣雞飯，藥膳湯飯最重點係胡椒鹽，啲雞唔係好林，少鞋，但點胡椒鹽勁好食。（相片係雞飯）識咗好幾年，雞飯加嗰啲汁同埋啲薑蔥蓉係幾好味。只能食得勁少辣嘅就唔好叫辣雞飯。食到譚仔至少三小辣 平時我食野會叫小辣至中辣既 （但我又唔算好食得辣…）其實佢辣椒加上面 或者可以叫佢加少啲。但佢無汁 一定要配辣椒 太少個飯會好悶 得雞肉同飯。而佢雞肉唔似外面手撕雞撈晒麻油芝麻 佢似白切雞果類feel既手撕雞。但無汁 乾啲既 單靠辣椒配飯。但好夠味。條脷都…唔會太感覺到其他味😂。

觀塘雞飯 辣雞飯 我間中因為佢 由牛頭角行過去幫襯下。之前周末係觀塘活動 間中去食雞飯 朋友介紹..後來無去觀塘 間中係牛頭角都行去食。簡單手撕雞+飯+好味醬油汁+飯上淋上特製蔥油+上面加配菜：香脆卜卜聲既配菜我總忘了叫咩名…+爽爽口感似荀 果啲唔知咩配菜。**我好鐘意佢個「雞飯 」$46有雞飯 有凍羅漢果水（好好味，熱有蕎麥茶） 仲有好好味既湯 我覺得好抵喎！個湯有好大片厚厚地果啲係咪叫紫菜 好𡁻。 「辣雞飯」上1-2年新出 好鐘意 但都幾辣 似果啲椒辣 上面有好多綠色既辣椒 配飯好爽。但我會食到流鼻水。一試愛上果種辣…但唔識形容。但真係辣。有啲似台灣剝皮辣椒果種🌶️青色的。「藥膳雞脾湯飯」我都有食過，雞脾係勁林 煮到一篤就散開，好似手撕雞咁但無咁滑 有啲實既，佢個精粹係個胡椒鹽，點個鹽 超好味😂。**叫最多都係雞飯 同辣雞。有一排掛住個辣，有機會就食辣雞，今日叫咗普通雞 有蔥油有汁 多啲味。（辣雞無汁 主要靠辣椒 👅但配黎送飯好爽 不要過份自信😂慢慢少少椒配飯 同埋要叫凍飲 真心辣 愈食愈辣。無辣度分 我會放開啲辣椒 逐啖加少少 如果撈咗 我驚頂唔順 食唔到落去。）食過醉雞卷 我自己

無味精而且性價比高既湯飯店50元都唔洗就可以食到無味精既藥膳雞肶湯飯應該係觀塘都好難揾到家庭式工作細舖仔，姨姨同哥仔都好好人佢地通常以外賣為主，所以唔多地方坐買左返屋企係可以入微波爐加熱個湯好飲，飲完真係好暖身。成日覺得凍飲湯就啱曬。雞肶肉易拆，唔嚡。飯剛剛好，可以減飯既。買比阿媽老豆食都LIKE。

喺觀塘想食下啲高質少少嘅中式嘢，唔想次次都食碗仔翅，車仔麵，勁唔健康。木谷嘅菜式，就算又有酸菜魚，又有醉雞卷，但係都食得出少鹽少油，食完唔會有罪疚感，而且又好惹味順帶一提上次食過個酸菜魚，雖然係魚柳，但係份量勁足！而且魚柳就最啱我呢啲連魚骨都懶得挑嘅人😛今次試埋個花雕藥膳雞湯，成隻雞髀都真係好足料，不過真係略嫌燉得老咗，係有少少食湯渣嘅感覺。好彩佢有配個胡椒鹽，可以掩蓋一下。個湯底超級香，可能加咗花雕，啲味更加之散。飲得出藥材味，但又唔會好苦，係清清甜甜嘅好味😋未食過嘅朋友我會推介食醉雞卷先👍🏻

上次行過見到人哋食嗰碗麵🍜好似幾吸引，所以今日就坐低試下。其實我曾經試過叫外賣，嗰個好似叫做觀塘雞脾湯飯。由於嗰時冇得堂食，所以係外賣拎走，印象中係冇落味精嘅，亦有啲家的味道。花雕藥膳雞髀湯麵連飲品 $43今次就試下佢嗰個花雕藥膳雞髀湯麵，佢好似原本係米線嘅，但係我要求轉咗做上海幼麵，麵質爽唔會好淋，不錯。店員一遞上湯麵🍜，濃濃嘅藥材🌱味就飄埋，感覺佢都應該用咗好多藥材去淆製呢個湯底。至於隻雞脾已經係煲到淋晒，一夾就開，雞髀亦充滿咗濃濃嘅藥膳香味。店員另外畀咗一啲胡椒鹽我，用嚟點雞，非常好食。這個湯麵仲有一杯嘢飲跟，我就點咗黃金羅漢果水，係凍嘅，都係好清香甜美又解渴，$43嚟講又冇乜味精，呢一餐非常超值。不過座位有限，都係一間速食嘅店舖。

叫左酸菜魚麵外賣 返到去打開先發現唔係魚片 係炸魚柳？！？！咩事啊 fusion菜啊？（係嘅唔該寫明啦）食落係炸魚柳還炸魚柳 酸菜還酸菜 麵還麵 好似屋企雪櫃有咩隊落去一齊淥咁比五蚊加隻滷蛋 鹹到要即刻灌水呢碗嘢盛惠$50 仲貴過譚x三x單餸魚片酸辣米線！我覺得$30都唔值啊！疫情之下諗住小店生意難做 特登兜遠啲去東廣場幫襯小店買外賣 點知食到成肚氣冇心做唔好開舖啦 好多小店小本經營都可以做得好新鮮好好食 收得客人錢 可唔可以比啲心機誠意？冇 - 下 - 次。

諗住未食過就買一次試下啦，叫左個$43蚊既胡椒藥膳雞脾米線，無諗過原來入面隻雞脾係隻溶溶爛爛既煲湯雞脾，肉質又鞋，d雞皮個d煲到完全散哂，完全唔值依個價！絕對無下次！

其實我係牛頭角返工，要突登行去觀塘食嘢真係有啲遠！而今日去咗觀塘東廣場食野，我自己好鐘意去東廣場食嘢因為價錢唔錯，而且親民又好味！木谷料理自家制醉雞卷 米線係店家自家制，岩晒我鐘意啖啖肉！醉雞卷用杞子、紅棗做底，加入花雕整成，熱日熱辣辣凍食真係幾正！同埋都算好入味～不過我覺得米線煮得太淋，下次我諗再食醉雞都係跟飯好啲！酸菜魚湯 飯啲魚係幾好食嘅，不過唔夠酸又唔夠辣！仲有進步空間另外我哋仲叫咗麻辣汁海蜇，不過都係唔太夠辣！不過都好食嘅⋯⋯

以前細個都冇咁鍾意食呢啲鹹酸野，但自從試過酸菜魚之後突然對酸菜呢樣嘢刮目相看。呢日突然好想食酸菜魚，但一個人又去唔到啲咩餐廳，就去到東廣場覓食。呢間小店定位其實有啲摸不清，又有叉燒拉麵、醉雞卷、竟然又有酸菜魚。所以就試咗一個酸菜魚麵（送杯蕎麥茶）做午餐。其實小店主打係外賣，不過要堂食的話個老闆都幾nice，會開位俾你（雖然只係坐喺路邊）又竟然唔係用膠碗，$45算係咁。酸菜魚麵用嘅只係龍利柳，雖然同大餐廳嗰啲冇得比但係夠晒滑又淋易入口。酸菜湯同平日食開嘅唔同，冇辣味反而勁多酸菜，所以鍾意食酸嘅朋友應該會鍾意，但個人意見就多得滯啦。不過佢本身個湯底都幾易入口，應該不含味精。配上嘅幼身白麵有少少似日本拉麵，不過不失啦。我覺得酸菜魚都唔算呢間餐廳嘅主打，所以覺得普普通通。不過見佢都多人買外賣，都有興趣試吓佢其他食品。

«觀塘覓食中伏系列»東廣場有個美食廣場，內裡有好多小店，中西日韓泰都有，連西式素食店都不止一間，今次同朋友試試木谷料理。餐牌有好多不同的選擇和配搭，唔想諗嘅我就當然選擇套餐呢。豬骨湯日式拼麵配鹽水雞翼，飲品選了大麥茶。價錢係幾實惠可惜味道.....拉麵一食便知出事了，小店經營，都知道不能日本地道拉麵比較，但拉麵的麵質真的强差人意，唔彈牙，而且有點似未煮熟呢，口感較粉.....豬骨湯底上枱時只是溫溫的，味道是淡淡的豬骨味，本人比較喜愛濃郁的豬骨湯呢。日式叉燒都厚切，但只有咸味，可能襯返比較淡的湯底。鹽水雞翼應該是預先煮好再微波翻熱的，可惜翻熱不足，入口又是微溫，雞翼味道都還好，不太咸，但肉質比較鞋口，朋友的烤雞翼好一點。希望小店能夠改善整體食物水平呢。

係AMP行街行到肚餓，梗係想搵好野食，點知下午茶時間周圍都好多人等位，排得黎都餓暈，就轉場去附近東廣場。本身對呢個商場唔熟悉，不過有朋友介紹話呢個廣場開左好多餐廳，就抱著到此一遊心態。呢個廣場內嘅餐廳都比較細間，細細一個鋪位只係夠廚房，食客就坐係商場通道，木谷料理係其中一間。兩三張枱凳就放係餐廳門口，食物選擇都唔算少，下午茶都有8款，主要配飯、拉麵及烏冬。我太肚餓，飯係我唯一選擇，就叫左照燒豚肉飯+熱大麥茶($42)，而老公就見menu註明「本店湯底，不含味精」，就叫左照燒雞扒拉麵+凍羅漢果水($42)，見有小食加，我地就加左4隻煎餃($20)。飲品先到，用細紙杯盛載，呢個可能都係商場特色，見好多細鋪都係用外賣食具器具。我係第一次飲大麥茶，味道淡淡地，飲落都有少少香味，算係一般。不過凍羅漢果水就完全唔得，我同老公都喜歡飲羅漢果，真心覺得太稀，淡而冇味，一d羅漢果味都唔出，比較失望。照燒豚肉飯︰用外賣盤分開上，個膠兜係比一般外賣盒細，豚肉份量少，切到細細舊都易入口，照燒汁係好味，都好香，配飯係一流，但未食完碗飯已經食晒d豚肉。照燒雞扒拉麵︰見到豚肉之後，都預左雞扒唔會多，果然不出所料，雞

上星期五約左去朋友度玩，但下午有事來不及食晚餐的我只好叫個外賣了最近天氣開始熱，胃口變得差左，剛好見到木谷個餐牌有醉雞烏冬，加埋啲野飲好似都有啲特別，所以就決定食呢間喇餐牌睇落價錢都算中規中矩，諗左諗決定叫醉雞烏冬+羅漢果水事後其實再加左隻糖心蛋$6-由落單到拎到外賣大概10分鐘內完成到我上到朋友度開始食都係18:00（15分鐘內）醉雞味道不錯，（冇骨呢點我最like）酒香係咀嚼的時候溢出、唔會雪得太凍，而且份量都夠（只係指啲餸）但係烏冬的份量⋯比我想像中少，湯底⋯⋯睇顏色似乎唔似係醬油味⋯飲落都唔似⋯⋯因為講明冇味精，所以味道偏淡而且⋯唔算滾燙⋯啲湯係暖⋯羅漢果水味道淡淡地，so far都ok既係烏冬湯底度都扣左分咁或者堂食可能會好食啲

如果大家係東廣場諗住是但拉啲野食下，建議都唔好黎呢間食麵，因為真係會浪費左你幾十蚊，難食到食唔落。叫左個日式叉燒拉麵，落完單走埋錢就上左個麵，速度真係唔係其他店家可以媲美。但我第一啖食落去，哇，點解可以咁淋既，麵質真係可以一啲彈性都冇，差唔多入口即熔，冇牙食就差唔多既。望一望入廚房原來啲都一早熟晒一盒盒加熱就上得，即使係咁操作，都簡啲本身有彈性啲既麵吧。叉燒都唔得的，勁柴，用晒瘦肉，調味得個咸字。湯底就唔評了，如果料同麵 ok ，醬油加水做湯底都得啦。食左幾口放棄了，好想食個出前一丁。其實老闆係好有禮貌，如果想做好間店，建議真係首先改善味道先可以有問頭客。例如東廣場入口果間拉麵，唔係話好好食,但麵質同湯底正常已經會加令人番去再食。只可以話每間生意淡泊既店都係有原因的。

整體味道唔錯😋價錢夠親民❤️最好食係照燒豚肉蓋飯😍😍😍味道甜甜地 仲有洋蔥既味道☺️羅漢果水清甜 好飲😚價錢又唔貴👍用心製作❤️誠意滿滿👍老闆十分親切 抵讚

禮拜六同朋友係觀塘行街，咁岩中午有D肚餓，去左東廣場搵野食，忽然左見到呢間新小店，老闆非常之有親切同有禮貌，都令小弟幾深刻下。小店選擇同配搭都幾多下，然後最後同友人點左個A6蒲燒鰻魚烏冬同F4滑蛋日式叉燒飯。食物都出得幾快！烏冬煮得幾彈牙，而且非常都唔算少，鰻魚都幾好食，小弟本身點多左個溏心蛋，湯底好足料，同個烏冬幾夾，差唔多飲曬！然後最鍾意就係個叉燒，入口即溶，後尾先知原來D叉燒係小店親自製作，難怪同出面餐廳ge味道同口感完全唔同，都幾值得推薦去試下！附送的羅漢果水都幾好飲，又唔會太冰，飲完都覺得好舒服！下次行開東廣場，一定會再幫親，試埋其他野食！