木馬茶座

營業中

休息中

轉左㕑師嘢食好味左岀色左😏早餐改變左沙嗲牛肉麵真係吾錯🎈終於唔使食肥牛😅沙嗲汁都好味左👍👍滑蛋岀色奶茶 茶味濃❤️外賣乾淨企理🎈員工服務一流🔆🔆可以再試下😋😋

食到谷住一肚🔥-態度超差！好似欠咗佢哋咁。尤其個女人！-入去餐廳前搵唔到安心出行掃，因為閂咗門，原來響裡面。開門就咁指下就算，之後命令式scan針紙同掉低個QR code話點單用電話。-點完冇耐另一個男人話食物未到唔好除口罩。明既，我哋亦一直冇除過，但可以好聲啲。-雖然堂食但全部用晒一次性餐具，包括杯、叉同匙羹。超唔環保！-用QR code落單應該係減低錯誤但叫意粉都係黎咗飯。-嘢食口味不過不失啦，份量偏少但可以接受。-食完坐咗陣但未飲完嘢又過黎命令式話食完戴返口罩。之後即走。總結：從來未試過食嘢食到咁嬲！唔洗旨意會有下次！

秋風起又係到行山好時候，今次推薦大家行完可以去食呢間茶座。店外門口有隻巨型木馬，室內裝修簡約，牆上掛有不少木馬裝飾。食物方面就同茶餐廳差唔多，價錢大眾化。芝士焗豬扒意粉焗意粉時間唔算太耐，豬扒面加了很多芝士，份量十足，而蕃茄汁很香濃，豬扒夠大塊又厚切，味道岩岩好👍🏻滑蛋鰻魚飯首先平民餐廳仲要平民價錢，就唔好諗住鰻魚係新鮮遊水 ，但餐廳處理鰻魚整得好好👍🏻完全無雪味而且一啲都唔孤寒比差唔多舖滿隻碟既鰻魚，重點配埋半熟滑蛋加上秘制醬汁嘅飯，好送飯🤤🤤

【木馬茶座】呢間cafe位於村屋底層，講到村屋，一定會誤會係好偏僻，但其實係大窩口地鐵站啊上面咋！地點方便、空間闊落，座位係有墊嘅，坐得幾舒服。店員態度好，店內氣氛有種大學canteen感覺，幾溫馨。今次去食早餐，好豐富～🐈全日早餐（$58）A款有雞扒、腸、煙肉、炒蛋、蕃茄、多士。我將多士轉做牛角包（+$5），又另外加沙律（$10）。雞扒有兩大塊，份量足👍🏻沙律有薯仔、雜果，好清爽。另外，佢嘅炒蛋係加牛奶炒，所以有奶味，而且好滑。🐈沙嗲肥牛麵套餐（$35）呢個價值勁抵，出面啲常餐貴咗好多😿而且好多餐廳嘅沙嗲牛係用普通牛肉，佢係真係一片片肥牛，值得一讚。🐈另外推薦鴛鴦，咖啡味幾香。可以坐耐啲，環境清靜，都幾chill。最重要係平，嗌嘢食完全冇壓力嘛😸blue cate rate：😼😼😼😼＊為咗呈現食物最真實嘅狀態，呢個post嘅圖片都冇加effects、調色，只會加上文字及一點點插圖。

打完風屋企附近好多餐廳都唔開，難得朋友話佢屋企隔嚟呢間茶座有開門，即刻出去搵佢食返個brunch，一行到路邊已經見到呢隻咁矚目嘅彩虹小馬，非常易認。餐單設計非常簡潔，食物選擇多，用手機掃code落單，非常方便。菠蘿油尺寸適中，微暖嘅菠蘿包夾住冰凍嘅鮮牛油，表皮入口微脆，唔錯。放假當然要食返個all day breakfast，呢度嘅all day breakfast大件夾抵食，有香煎雞扒同脆炸吉列魚柳兩款配搭。香煎雞扒大大塊，雞皮煎得香脆而且唔油膩，配上超長嘅煙肉同法蘭克福腸，咁嘅價錢食到咁多嘢，的確係抵食。吉列魚柳份量同樣多，魚柳炸得夠晒香脆，厚切令口感更好，加錢轉嘅牛角包亦係新鮮香口。加$10配嘅沙律好有童年回憶，罐頭雜果加青瓜同埋沙律醬，清新開胃。阿華田紅豆冰好有驚喜，阿華田味道非常香濃，配上紅豆冰居然出奇地夾。估唔到村屋入邊嘅茶座都咁有驚喜，茶餐廳嘅價錢食到Cafe嘅水準，環境亦舒服，非常推薦！

今日去左朋友屋企玩, 臨上去前就係佢屋企附近食個下午茶醫下肚先! 餐廳提供嘅食物種類幾多, 樣樣都好似不錯咁, 於是就叫左好幾款一齊開心share!🌟凍檸賓🍋🍇🌟熱檸樂🌟西多士西多士有四大件, 件件都好厚身, 炸得金黃香脆, 沾滿糖漿後更加邪惡😈🌟松露炒滑蛋菠蘿包熱辣辣嘅菠蘿包夾住嫩滑嘅黑松露炒蛋, 入口好香黑松露味, 但又唔會蓋過左菠蘿包嘅香甜, 口感相當豐富🌟香濃蕃茄牛柳粒通粉配太陽蛋🍅🐂🍳蕃茄湯十分濃郁, 茄味十足, 牛柳粒口感軟腍幾juicy, 桔穿隻太陽蛋令蛋汁直流入通粉, 好有蕃茄蛋嘅味道!

🐷今日去左一間幾chill既餐廳😇響大窩口地鐵站行幾分鐘就到🍴餐廳門口有隻色彩繽紛可愛小木馬🦄💕好易認💚💜❤️💛🐽試左個全日早餐 $58 🍳🍞🥓份量都幾大架，我都差啲食唔曬😅有兩塊雞扒、腸、煙肉、蕃茄、蛋同牛油多士🍽 整體味道都唔錯，多士鬆化，條腸仔幾juicy😋 +$6 叫左杯紅豆冰，紅豆煮得夠軟，不會過甜😊🐽餐廳係自己掃code落單，幾方便，同埋店員都幾nice既❤️經開呢頭都可以黎chill下🌈☀️

木馬茶座同朋友係大窩口游完水搵嘢食，搵到呢間係村屋入面街坊茶座。————————————————————— 1. 香蔥叉燒滑蛋飯 💸$52叉燒偏瘦，但都有幾嚿係半肥瘦，佢個蛋炒得幾滑，加埋豉油同蔥就好好餸飯，值得一提佢啲飯勁熱，令到成個飯好食咗。2. 芝士焗鮮茄煙肉雞扒飯 💸$53因為想食蛋所以加多咗隻煎蛋係上面，佢呢個焗飯嘅茄汁係好懷舊快餐嗰種，但係又加咗鮮3. 蔥花鹹牛肉炒滑蛋三文治 💸$24有7粒，不過大細有啲不一，但係呢個好好食，食到魚鮮味，炸得好好入面唔會好乾身，多汁。————————————————————— 木馬茶座📍荃灣國瑞路咸田村28號地舖

今日是第三次光顧，因為是在工作地點附近，每天路經過這茶座都只看外面的Banner而沒有入內看，到了月初某天決定一試，食物質素十分好（是即叫即做，夠新鮮），好值得再來二，三，四次，而且侍應的服務很親切有禮，值得推薦給朋友及至愛。

位於大窩口村屋咸田村嘅木馬茶座，環境清幽，距離大窩口地鐵站A出口大概只有幾分鐘嘅步行路程，開業無幾耐，就已經好受附近村屋居民又或者旁邊兩個私人樓盤嘅居民嘅喜愛～室內裝修簡約，除咗室內嘅座位之外室外仲有一啲座位方便帶寵物又或者吸煙人士使用。落單採用QR code，好方便。員工好多個都係附近居民，好有人情味🥰食物方面就同茶餐廳差唔多，早餐、下午茶、午餐套餐、常餐或者其他小食諸如此類都有。我就叫咗兩款唔同嘅全日早餐🥣$58全日早餐A有：雞扒、法蘭克福腸、煙肉、炒蛋、蕃茄同埋牛油多士，加$5可以轉牛角包🥐全日套餐B有吉列魚柳、法蘭克福腸、煙肉、炒蛋、蕃茄同埋牛油多士，另外加多$10仲可以有埋沙律🥗兩款份量都好大，味道都唔錯😋好立克紅豆冰（套餐特飲加$6）同一般嘅紅豆冰唔同，變咗做好立克底配搭粒粒紅豆，雖然好邪惡但係好甜好好飲～見到有啲三文治同埋菠蘿包系列都好有興趣，下次再嚟食下先～

今日下午來到位於大窩口咸田村，一間以木馬為主題的小店吃午餐。來到門外不遠處，就看到餐廳大大的紫色Banner，從石梯走上，風景還不錯呢！到達門外，就被餐廳門外的主題獨角馬木馬所吸引，小小幾隻別緻可愛，如果我還是小朋友，一定會吵着要座座看！走進餐廳，發現客人也不少。店內有可愛的木馬裝飾，裝潢簡單整潔，有一種舒適溫馨的感覺。這裏是以QR code自助點餐的，看了看餐牌，選了滑蛋系列的「香煎肉眼扒滑蛋飯」，再配一杯「奶茶紅豆冰」。香煎肉眼扒滑蛋飯($55) 。肉眼扒厚薄適中，烹調火喉得宜，不會過韌而且容易切割，外香內軟，滿滿肉汁。沾上甜豉油，增添鹹香。滑蛋也夠嫩滑多汁，整體味道不錯。奶茶紅豆冰(+$6)。凍奶茶口感幼滑，味濃不苦澀，紅豆軟稔味道香甜，吃着吃着就把紅豆吃光！這間小店環境清幽，食物質素不錯，本來還想試試看這裏的「松露炒滑蛋菠蘿包」，可惜菠蘿包剛好賣光了，有機會的話，還想再來品嚐看看呢！

食物價錢合理的，食物質素都尚可，係職員出事。 外賣10次有8次都落錯單， 叫凍檸茶變左凍奶茶。轉出前一丁又冇左回事，但照收$3…. 試過幾次叫外賣，職員話整好打比你，等左半個鐘都未打黎，去到點知一早整好…. 次次叫外賣都好激氣

位置幾隱秘，係個fd帶綿羊黎既🐑位置都幾闊落，大約有3X個座位🍽估佢唔到，全部客人都係用QRcode自助落單，真係好方便🤓----------蔥花咸牛肉炒滑蛋三文治 $24好多餡，抵讚👍咸牛肉夠碎好平均，特別在加左蔥花，食落香啲😻美中不足係三文治冇烘底😭 豬扒太陽蛋菠蘿包 $28見到靚靚既太陽蛋就覺得正😚本身個包冇醬，所以有蛋黃就岩晒😁豬扒竟然有2塊，雖然一大一細，但係都好驚喜💕用左菠蘿包真係好吸引，食落香好多😋 西多士 $28用左厚切方包，入面搽左粒粒花生醬，牛油糖漿任落，好滿足🤗

一提到「茶座」，相信大部份人都想到新界一些較偏遠少少的地方，但估不到，若不是家住大窩口邨的朋友帶路，真不知大窩口港鐵站上面還保留了一些小村落，沿國瑞路一段有關門口村、楊屋村、咸田村，而友人帶路來到就在咸田村的「木馬茶座」吃一頓假日午餐。雖然友人帶路，但也不用擔心餐廳隱身於村屋中而難找，因為在店前馬路已掛了大橫額，一看便認得到。這裡十分寧靜，予人一份安詳感，在門口，還真的有兒時騎過的小木馬啊！走進室內，環境比預期的大，裝修簡約，配上木枱木椅，地方也十分整潔。最意外的是，以為位置稍稍偏僻呢，應該客人不多，但誰不知卻有不少街坊客，聽客人跟店員的對話，似乎是有對面的大窩口邨的，有附近豪宅縉庭山的。食物方面，可以視這裡為茶餐廳也可以，看過餐牌就明白，因為都不外乎是碟頭飯、三文治、多士，還有一些早餐、下午茶餐、常餐、特餐……等等。此外，還提供了假日午餐，不過，選擇不太多，只有三款，正正又合我們的口味。當然，這一類餐廳就不用收加一吧！而招呼也不錯，店員都十分有禮貌。不要少看店家只是家小村落中的餐廳，先進地以二維碼來下單啊！先來的是「香煎原條龍利柳伴蟹鉗配菠菜忌廉汁意粉」（$68），看來做得有板有眼，

🥯黑松露菠蘿包好味指數：👍🏻👍🏻👍🏻👍🏻👍🏻 滑蛋有好多黑松露，一咬落去，黑松露香味就湧出泥，而且麵包質地鬆軟，面頭有甜甜地嘅菠蘿包脆皮。🥗全日早餐好味指數：👍🏻👍🏻👍🏻👍🏻沙律用咗柚子醋，酸中帶果香。牛油多士烤到剛剛好香脆，內面已經查好左牛油。滑蛋嫩滑，亦呈現金黃黃蛋色，睇得出系用靚雞蛋。香腸超濃雞肉味，有驚喜。🍅焗經典鮮茄豬扒飯好味指數：👍🏻👍🏻👍🏻👍🏻👍🏻 豬扒鮮嫩，食得出系有精心醃制過。有超多蕃茄醬汁，每一啖飯都均勻沾上醬汁，同時亦都有芝士混合左，仲可以拉絲添。🍹韓國金桔蜜好味指數：👍🏻👍🏻👍🏻👍🏻👍🏻 味道非常香濃，就算加左冰，都有溝淡味道，好好飲😋☕️咖啡紅豆冰好味指數：👍🏻👍🏻👍🏻👍🏻👍🏻 飲完咖啡之後，又咬到甜甜地嘅紅豆，鐘意咖啡甜品嘅你又點可以錯過？以下係餐牌俾大家參考一下：