本高砂屋

營業中

休息中

行開sogo，見到有黑銅鑼，之前見到已經想買(好似係食得太多野冇買到)，今次行thankful week買得興起，即刻買左黎食回到家，沖杯咖啡慢慢食打開拿出黎時，觸感與平時食開既唔同 (美心、kotobuki)，呢個軟身好多，而且有淡淡既蜜糖味個餅皮係鬆軟好多既，我覺得各有各好，平時食開既咬落去實在點，但我就鍾意呢個好軟熟餡料好好味，冇平時食開既咁甜，而且好香芝麻味，我鍾意~係一定會回購既產品~

行完sogo超市, 循例又四周逛逛, 行到去本高砂屋的櫃位, 見到有幾款和果子,本來都想買的, 但又怕無法當日吃完,只好選購了一個黑銅鑼, 包裝夠型格, 黑白色, 另有傳統的紅豆蓉口味, 用左紅白色包裝袋。習慣未吃先聞一下, 很香甜的蜂蜜味, 蛋香就不太覺, 咬下去可見多個洞洞, 質感很軟又綿密, 富彈性。內餡為黑芝麻蓉和紅豆粒, 麻蓉很綿滑, 但偏甜, 紅豆粒夠稔。兩者都算配合, 吃慣傳統口味, 不妨轉下款式。

餅皮鬆軟,,但冇咩蛋香味,,食到好多粒粒紅豆,,但味道略甜!但都好過宗家源吉兆庵,,冇佢咁甜~食過一次就算了~唔會再食~

第一次寫食評, 介紹來自日本的威化餅, 本高砂屋! 在朗豪坊地庫都有一間, 我都係喺這一間買! 每次我都會買五十元一盒的綠色包裝, 係三角形原味威化餅, 鍾意食因為夠脆, 而且餅乾有好香蛋味 有時會買嚟送俾外父, 送俾佢會揀什錦, 有埋朱古力味威化條, 但係因為我唔鍾意食朱古力味餅, 所以唔會買俾自己

Dunno why I chose this out of all the different kinds. The 黃豆粉 tasted very weird with the red bean paste inside. Personally, I don't think they match together. Also, may be because I bought it late at night (nearly closing time), it had totally lost its chewy texture. It tasted just like a blob of glutinous rice.

行sogo b2美食廣場,買左好多野番去食,有三文魚刺身,雪場蟹腳等等,加埋日本薯片,大豐收!另外行到本高砂屋,見包裝靓,貪得意買左一盒番去試食,諗住日本野只係得個包裝,點知食落原來味道唔錯!銀色包裝係三角形的脆餅,好好味,不過有d似甜阪既脆脆...紅色既係蛋卷,中間有夾住朱古力,味道仲更加好,如果買盒送俾朋友一定會令佢好開心!

我其實係喺朗豪坊間新店買的，但找不到旺角的分店，所以在這裡寫！我買了一盒細盒的回家試，因為覺得包裝十分精美，所以落左撘！銀色的是三角形旦卷，無物特別！反而紅色的味道很不錯！有朱古力夾心！新年快到，終於諗到送物野俾朋友！

薑餅人星期六下午外賣Sogo壽司和此處和菓子給我做午餐.Sogo的壽司真的比坊間很多的店鋪做得好, 魚生新鮮有光澤, 鮮甜肉嫩.和菓子有三款, 最得我歡心是草綠色皮紅豆茸那款, 皮有海草味, 紅豆唔太甜之餘又可食到粒粒紅豆.薑餅人萬歲~~

餐館寫得多,寫吓d新野!openrice都cover得幾廣,本高砂屋都可以寫,抵讚!咁都係,食得就寫得,唔係大家有損失!朋友送左盒本高砂屋俾我食,一拆!嘩!好正包裝,每條旦卷都係獨立包裝,有金,銀,紅,綠,用嚟送俾人一定好開心!最緊要係,好唔好食呢??答案係:好!特別推介巧克力圓旦卷,大家買盒試吓啦!!喂!我要問本高砂屋攞番廣告費呀!哈哈!

之前行ｓｏｇｏ發現ｏ左本高砂屋哩間賣日本甜點ｏ既專門店，已經畀ｃｏｕｎｔｅｒ上一個個圓碌碌ｏ既和果子誘惑到，今日ｏ黎Ｃａｕｓｅｗａｙ　Ｂａｙ，就順手牽羊，買一盒六個ｏ拉（有兩個ｄ味道ｄｏｕｂｌｅ　ｏ左）我同細佬每個一人一半分ｏ黎食．．．件件都十分有水準！我特別鍾意個外皮係紅豆沙ｏ個個，因為佢同其餘ｏ既ｏ吾同；ｏ吾係外皮煙韌，內在豆沙，而係恰巧相反；外在紅豆，內在係糯米．．．重有個外面灑上黃色粉末ｏ既都ｏ吾錯．．．白濛濛o個個外面係少少鹹o既，ｏ華，裡面ｏ既紅豆真係一粒一粒好大粒呢

食完晚飯行過, 忍不住買了兩粒糯米糍食.一粒係紅豆蓉外有黃豆粉–料足, 香甜.另一粒係紅豆蓉皮, 內裏係粒粒糯米, 煙勒, 有咬口.

尋日試過綠茶味唔係難食既,不過冇乜特別.其實同糯米滋差不多.十元真係唔抵食.另外試埋黃豆粉面個隻茨餅.佢話係豆沙餡但都係用糯米包住.希望佢可以出隻純豆沙團.

聽日就係中秋啦! 呢排好有口福, 不斷試唔同民族新奇口味o既月餅, 尤其係北上o個數天! 最新o既就係日本代表-- 月見團子. 佢本身有三種口味, 分別係豆沙, 抺茶同埋奶黃, 我食o既就係奶黃味. 我抱住好大o既期望去食, 點知一咬落去就勁失望! 我期望個團子係好煙韌家嘛!點知佢好似米糕咁一咬就斷! 而且裡面個餡我食唔出奶黃味, 反而似黃色o既豆沙多d!大福餅好味好多!

行過崇光呢度見到佢賣呢舊野,初時以為佢成舊都係紅豆好似好正於是試下(唔記得十幾蚊舊)摸上手凍冰冰既應該係之前放過雪櫃.咬落口發覺入面原來另有乾坤,入面有舊白色的東西唔知係雪糕定係糯米,頗煙韌既.食完都有d飽既感覺.不過我覺得成舊都係紅豆既應該會正d.