杉玉 (荃新天地)

營業中

休息中

見到間野新開都幾興奮即刻入去試，點知啲菜式勁少，唔岩小朋友食大人都唔係好岩 因為壽司款式得少少 仲要冇啲特色卷物 都唔知可以簡啲咩好 熟食又唔上唔落 冇平時居酒屋既飯 串燒等等 最後叫左啲壽司盤 其中一個落少左單 追左好耐先黎 最經典係帆立貝得半粒同我講係正常 大佬 香港日本食左咁多年壽司都未見過 beggar咩😅杯野飲苦過良茶....服務係唔錯 但有啲人唔知自己做咩 追單都唔係好識 最後完全唔飽一人盛惠210蚊 唔會再幫襯第2次....好伏

我地一行8人經過杉玉，人少少就拎飛等，7點01分拎飛，G2枱隨即入座，我地係G3，等左40分鐘，眼見遲過我地拎飛既2至4人枱都陸續入座，45分第一次查詢，職員話唔知要等幾耐，建議分枱，餐廳只有少量大枱。我地想一齊坐，下一張大枱到我地，知道用餐時間係100分鐘，所以決定再等。惟眼見2至4人枱一直入座，門口由無乜人等，到企滿人，再到無乜人，5至8人既G飛一直都停滯不前，我地係玻璃窗前觀察左一陣，其實餐廳內應該無8人食客，最多只有6人，而果張6人枱，無可能變8人枱。於是我再次查詢，想確認餐廳到底有無大枱，然而經理避而不答，一直帶我遊花園，經理話指定區域，2張4人枱合併就有8人位，我再問一次「到底餐廳內有無一張大枱？如果無，要等2張4人枱合併，但佢不斷放2-4人枱入餐廳，指定區域已經走左2至3轉客，經理完全無為5至8人既G飛作任何安排，G飛只能無了期等運到，浪費客人時間！餐廳座位只有2人或4人枱，但取票可以選擇5-8人，詢問數次都無坦白餐廳內根本無大枱，而安排入座時間又唔係順次序，餐廳亦無為4位以上既客人有計劃地留位及安排入座，只係建議拆開2張枱坐，如果只能拆開2張枱入座，第一次詢問就應該講清

香港人真係超中意食壽司郎😂逆市開到幾乎區區有，集團旗下居酒屋杉玉最近仲係荃灣開埋第4間分店✨，質素同食物款式再精緻啲，即時幫大家試吓有咩分別~.✨新分店做緊2個超抵嘅開幕期間限定優惠✨.📍大吞拿魚腩三貫（$36）拖羅肥美油潤，入口即融😍平均$12件大拖羅，真係抵到冇朋友❤️‍🔥.📍$100 SUNTORY生啤套餐日本人好鍾意放工飲番杯啤酒食啲串燒🍺有見及此餐廳都推出咗一款啤酒配炸物嘅抵食套餐🧡三得利頂級生啤配以下3選1料理🧡❥炸串盛合: 有齊蠔、鵪鶉蛋、蝦同魚，香脆得嚟唔油膩👍🏻❥杉玉薯仔沙律: 賣相有趣，薯蓉香滑同時又有一粒粒薯仔咬口🥔，加入薑粒帶點辛辣，加配上海苔碎，好食!❥超滿足天婦羅盛合: 蝦🦐同魷魚🦑都好高質，絕對有係日本食到嘅質數，兩款蔬菜就普通啲套餐限定優惠期：10/10/2023-31/12/2023.📍渾身是膽三文魚子軍艦（$58/件）賣相好吸引!!! 睇到流哂口水🤤三文魚子多到湧出嚟🤩鹹香三文魚子配上香滑海膽食落滿滿是幸福感❤️，推介!.📍霧鎖玉龍藏仙山（$68）香軟鰻魚加上水嫩玉子一齊蒸過♨️香甜暖胃，抵讚! .📍炙燒海膽牛油鮟鱇魚肝壽司（$30）鮟鱇魚肝壽司好少見🤘🏻

正常居酒屋裝潢，環境光鮮，乾淨企理，座位舒適。試業期間營業時間，人流不多，等咗15分鐘已經可以安排入坐。入座後，店員即通知用膳時間限時100分鐘。自己用QR Code自行點餐，十分方便。食物方面，比壽司郎多味道更勝一籌。炸物比壽司種類多，最重要如果鍾意飲酒的朋友，選擇都唔少。我點咗個大吞拿魚腩、一個刺身、池魚壽司、炸池魚。刺身及壽司，切得比較厚身，識落有啲咬口。炸池魚、炸到脆卜卜，熱辣辣，食得出啱啱炸起。飲品方面，嗌咗個鮮榨檸檬梳打酒，酒味唔濃，啱啱好。整體來講、不過不失、值得一試。