李家 (筲箕灣道) (已結業)

今日去咗西灣河 一間叫做李家 嘅餐廳 ，唔講都唔知，仲以為係食中菜 ，但佢其實係食韓國炸雞。 餐廳地點都十分近地鐵站，步行大概五分鐘左右就到。餐廳座位都算十分寬敞，而且可以選擇坐outside or indoor。今日兩個人我們叫咗三樣食物，蜜糖風味炸雞 半份 ，海鮮蔥餅， 辛辣麵 。蜜糖風味炸雞十分香口，份量亦很多 ，兩個人嗌叫咗半份，十分足夠 。雞件亦都非常大件，而且可以選擇無骨 。海鮮蔥餅方面， 蔥餅d粉唔會太厚太薄 ，十分適中，口感唔錯。海鮮方面有蝦，魷魚再加埋啲蔥， 十分夾 。辛辣麵方面， 十分彈牙，宜且餐廳可以比我地選擇小辣 ，味道唔錯 。由於我們不是食得太辣，所以叫咗兩罐飲品，一罐橙汁，一罐桃汁。 只係每權加七蚊。 餐廳嘅飲品種類都非常之多供選擇 ，仲有啤酒同真露，愛飲之人可以下次試下。服務方面，由於我是第一次去這間餐廳，職員都很用心去介紹餐廳食物 ，每當我們有需要，餐廳職員亦都好快有回應， 十分有禮貌 。整體來說，食物質素都非常唔錯，可以encore。

母親節那天某媽媽很想吃韓餐，想起「李家」係西灣河有分店，即上網訂枱😁😁坐低，店員即時送上李家招牌小菜，不辣蘿蔔酸酸甜甜的，另一盤生的高麗菜絲加了千島醬，清新爽口，可平衡炸雞油膩感😚😚韓式炸雞🍗(有骨半份） $93調味炸雞是炸完之後裹上一層甜辣醬汁，吃起來甜甜辣辣很滋味😋😋芝士辣海鮮炒年糕$158mozzarella芝士鋪滿整個上層，Q彈韓式年糕，咬落煙煙韌韌，配上新鮮嘅青口，大蜆，鮮蝦🦐，魷魚🦑椰菜，紅蘿蔔，青椒🫑，伴炒韓式辣醬，辣辣哋好惹味，仲有份量十足嘅烏冬底，好正👍豬肉泡菜湯$158加入豆腐，金菇，豬肉粒的泡菜湯，賣相跟餐牌有點出入，不過飲得出煮這個泡菜湯用上發酵比較久和酸的泡菜熬出來，濃味不太淡🤔🤔

假日開開心心........打算做足功課，先去太安樓掃街，再去李家食炸雞！上網先叫定外賣自取，唔駛等 點知去到原來人到先做炸雞 ，變相又係要等 叫左份原味炸雞，因為想試下佢最原始既口味！炸雞望落好乾身，食落真係好鞋～～～～～～雞肉似舊舊都不是雞脾，唔知咩部位，原味炸雞真的好似KF(X).........但價錢貴幾倍！！！！！其實仲有叫左個蛋餅，不過真係太核突，食相極不吸引，相都無影蛋餅味道就是蛋。。。。。。沒特別！不似正宗的韓國蛋餅！失望～～～～總而言之，炸雞是失望的⋯⋯⋯⋯未試的不用試！

身邊有唔少朋友食過李家炸雞，今次我都專程黎拜訪一下～唔單止野食大碟份量足，而且服務唔錯，座位闊落，係幾抵食！原味炸雞炸雞保留到好多肉汁，有好多件，上碟熱辣辣，炸漿唔會過厚😋鐵板牛肉炒粉絲粉絲索晒味，入口好滑，仲有不少配菜，好似紅蘿蘿絲，菠菜，菇咁，味道好豐富，加埋牛肉最正👍🏻鐵板芝士雞肉鐵板上又係熱辣辣咁，厚厚的芝士底下係炒雞，青椒，年糕，年糕煙煙靭靭好好咬，調味雞肉連邪惡芝士真係無得輸😆

📌半半炸雞醬油 💢💢💢噴汁注意⚠️雞髀🍗一咬落去就爆汁🤯啲醬油流到成個下巴都係🙈..頭髮都中左招🥲情景：個口咬住左隻脾🍗都未放口，左手🫲就係咁拎紙巾抹面🫠🫠🫠 好彩枱面有紙巾（貼心）唔係果一剎那要摷紙巾..我真係唔敢想像啲醬油會滴到去邊😐👦🏻：😒眼裡面表示點解可以咁論盡我：😳😥😫唔關我事架🥺奉勸各位小心啲😐慢慢斯文啲咬🥹！！肥啤有理由相信係一個意外 未必隻隻雞髀都juicy 到有呢個情況講番啲雞：香氣十足 醬油帶少少焦香 好惹味有少少甜味平衡番 唔會死咸雞肉都好明顯地爆汁juicy唔會炸到乾晒📌韓式醃蘿蔔附送的一小碟醃蘿蔔，酸酸甜甜好開胃，配埋炸雞食可以解膩，仲好似冇咁熱氣添😛📌蜂蜜蒜蓉呢隻味其實上次都食過 但真係念念不忘🤤有蒜蓉同原粒蒜頭 同埋蜂蜜汁蜂蜜汁做到「掛汁」效果唔會太稀炸漿做到好薄身 唔會因為食個外皮都食到飽晒 而且淋滿蜂蜜汁仍然好脆口👍🏻📌 海鮮蔥餅黎到嘩左聲🫢比預期中大塊，而且好足料：蝦仁、蜆肉、魷魚🦑食落質感有啲似中式薄撐，不過海鮮蔥餅多左蛋香同厚身煙韌啲

啱啱去完食午飯，能夠成為我第一篇嘅食評，因為我真係要評論一下！！呢個午餐真係唔得！首先冇韓國嘅飯焦！！！！！石頭鍋飯唔似樣！個石頭鍋..............唔夠熱。。。。只係一個器皿！「有生米」另外飯混雜左生米，完全失敗與失望............................如果以韓國正宗餐廳命名，咁就應該要做返韓國正宗餐廳嘅準則同埋手法 。 唔好「得過且過」！如果唔係我去食茶餐廳仲好？！

西灣河呢頭好似無咩韓國餐廳，今日屋企人話想食韓國野，上Openrice搵到呢間幾近，價錢又唔貴。。我地叫左幾樣野食，真係幾抵食又大份量，岩晒一家人share食，「無骨原味炸雞 $168」炸雞🍗份量多，香脆又滑，原味炸雞都會配埋韓式辣醬，好惹味。「豬肉炒粉絲 $128」粉絲炒得幾好食，唔係好乾身，但係加左醃製過既豬肉片同埋蘿蔔絲等配菜，好煙韌又彈牙。「辛辣麵 $58」總係覺得炸雞配辛辣麵係最perfect match既配搭🤣「蒸水蛋 $58」去親韓國食燒烤都有蒸水蛋配，呢個水蛋真係整到好地道，表面睇唔似滑，食落又滑又甜甜地。.Lunch time 加配飲品仲要+$7就有，可以擇下啲地道韓國飲品（青檸無糖有汽水 / 白蜜桃汁 ）

晚市堂食終於開返，約咗朋友滿心期待食韓國炸雞.……果然係期望大失望更大……….叫咗雞蛋卷百幾蚊做唔到好creamy嘅效果…淨係好似食緊茶餐廳炒蛋咁，😵‍💫😵‍💫😵‍💫😵‍💫😵‍💫侍應有啲奇怪唔知係咪冇心做…？叫極都唔應，炸雞要追單，最後差唔多食完先來…結果要包起做外賣 半半炸雞 ..雞肉肉質比較林，醬汁太多，雞太細隻 Anyway it’s not cup of my tea …已經唔係以前既李家🤧

李家開到嚟西灣河緊係要約埋朋友一齊嚟食啦！前菜小食有酸蘿蔔同椰菜絲，爽口清熱配炸雞就啱曬啦！食曬仲可以再添。今日揀咗最經典嘅原味炸雞，一隻$158，兩個人食份量好夠， 如果想試多啲其他嘢叫半隻已經ok啦。炸雞脆度十足，一口咬下啖啖肉，仲有肉汁溢出，真係做到外脆內嫩。鐵板燒豬肉($158)，熱辣辣嘅豬肉醬汁味濃，肉質腍滑，一口燒肉一口凍飲，正呀。芝士雞蛋卷($128)，厚厚雞蛋包住半熔芝士，夾起仲可以拉出長長幼絲，好睇又好食。

之前在尖沙咀食過韓式炸雞鼻祖「李家」的炸雞，依家係西灣河都食到啦🥰，而且地方明亮又時尚年青，如果天氣好，還可以坐在露。韓式有骨咖哩炸雞韓式炸雞除了口味多，而且還有分骨和冇骨揀。我比較喜歡有骨，貪佢比較皮脆又juicy 。咖哩口味香甜又惹味，連小朋友也能接受的辣度。鐵板燒牛仔骨焦香惹味的牛仔骨下面鋪上一層洋蔥絲, 洋蔥絲既可以阻擋滾燙的鐵板不停直接把牛仔骨加熱變老影響口感外，同時亦可以吸收牛仔骨的湯汁令洋蔥更清甜美味。吃完炸雞和牛仔骨, 叫多碗爽口彈牙烏東，飽肚又滿足了

今次再去呢間度食，比上次多人咗勁多，受歡迎咗好多！！生意好咗都無怠慢到佢地嘅服務，依然keep到好有禮貌同上菜速度醬油有骨炸雞 ＄93（半份）同其他炸雞有少少唔同，因為呢款係無好杰身嘅醬汁同無炸得好脆嘅外皮，所以咬落去感覺似焗雞，味道有少少辣同咸咸地蜂蜜蒜蓉味炸雞 ＄108（半份）而呢個蜂蜜蒜蓉味真係百吃不厭🥰，裡面醬汁好多，唔怕唔夠味，蜂蜜蒜蓉超甜，另外仲加左大量蒜頭蒜蓉，真係好惹味！芝士雞蛋捲 ＄128名附其實超多芝士，一切開拎起，拉絲效果彭湃！！！咁多芝士又香又飽肚韓式牛肉炒粉絲 ＄128份量超多，粉絲質地彈牙好入味，牛肉份量出乎意料地多，配菜仲有洋蔥、菜、紅蘿蔔等等，口感豐富，而且好抵食。

兩個字難食！！！！！再兩個字～～失望！！！叫咗無骨炸雞，但係佢竟然俾咗有骨嘅炸雞我！極度不滿！！！！另外泡菜餅睇見都唔想食！超級核突！！！！又乾！好似食柴皮咁！但係要$158 ！？！以後都唔會再試李家！其實好食嘅韓國餐廳仲有好多，所以一定唔會再俾機會佢～the chicken wings were tooooo dry to eat, not to mention the flavour . so disappointed ! 

剛剛社交距離鬆綁，馬上去試一下西灣河新既韓國餐廳。星期五晚上7:20分到餐廳，好多人，所以只有比較窄既二人位。坐低點左兩樣野，（1）半半炸雞同(2) 芝士辣海鮮炒年糕，之後有一張單俾我地，顯示點菜時間為7:25分。之後就一直等，等到7:45分，開始覺得唔對路（等左20分鐘咩都未有）。望下周圍，發覺後面個枱都追緊單，我地馬上叫埋個服務員跟進下我地張單（最後呢枱係取消order就走左）。再繼續等，發現有點解枱枱都有兩碟前菜，而隔離個枱就一路都有菜式上枱（又好似都幾好服務），但我地咩都冇呢？等多5分鐘，我地再叫服務員黎，問佢哋係咪應該有前菜。佢地話：有既，但冇哂碟所以要等下。我再問，我地等左30分鐘，點解都未上到枱？佢地見我地開始不耐煩，就再去跟，過左一陣先至拎炸雞同前菜黎。我諗住一路食住炸雞前菜再等，食食下，就發覺又到8:10分，差不多45分鐘都未有？唔通啲年糕仲坐緊飛機黎香港？我就去問佢地，先發現原來佢地漏左單。係呢個時候，都玩左一個鐘，所以我就取消左個order 離開就算。當時，我地都發現有其他枱既客人都追緊單。食左炸雞加一肚氣，我就唔想留低，取消左order 俾埋炸雞錢就走。付款期間

成日去港島區開工，都會周圍搵嘢食..今日去咗西灣河大街附近嘅韓國料理, 食lunch set .叫咗呢個(((特級牛肉飯) ))一上枱啲牛肉已經好凍!! 唔係熱既!!!! 啲飯好淋,,,太多水煮飯啦!!!! 前菜 ： 蓮藕有浸酸味 泡菜得啲碎..........沙律暖暖地好奇怪! 主菜 ： (((特級))) 牛肉 特級牛肉好碎!碎上?!!  洋蔥多個牛肉！ 加埋唔知有無2 片牛肉其他午餐都好唔吸引完 。 唔會再試！

⭕️咖哩味有骨炸雞🍗半隻💰$108.⭕️青辣椒蛋黃醬炸雞🍗半隻💰$113.⭕️芝士雞蛋卷💰$128.⭕️韓式魚糕湯💰$158.⭕️石鍋拌飯（午市包飲品💰$68.👧🏻💬每樣餸都係熱辣辣上枱，炸雞特別好吃😋個蛋黃醬超多，拌着洋蔥絲，如果你唔中意吃洋蔥就唔好叫呢個。炸雞款有好多類，每樣都幾吸引。魚糕湯雖然有啲貴，但係好足料好大份👍湯底偏辣，如果冬天食會好爽。但有樣野需要改善係衛生，入到去冇乜人，但食緊期間有啲昆蟲飛下飛下，要不停趕蟲🤢。如果改善一下，相信會好好多。