杏香園 (已結業)

呢間喺澳門朋友推介畀我嘅中式糖水鋪，聽朋友講喺澳門算出名嘅。就來到九龍城試下。餐牌有好多杏仁類嘅甜品，我就點咗香滑杏仁核桃糊 ，呢個超對我胃口，好香好滑，核桃味好足，甜度都係啱啱好。食完仲叫咗一個湯圓，合桃糊湯圓（我喺真嘅超級中意呢度嘅合桃糊）湯圓喺花生餡嘅，豬油落得好重，好香好滑，同合桃糊一齊一啖食落去，超級滿足。下次再來過。

行過九龍城見到有一間“杏香園”，我又好奇看下餐牌，店鋪主打推出羽衣甘藍系列的食品，有芝士餅、蒟蒻凍餃子等，晚上時段，又晤想食得太濃油赤醬，於是我選擇來到吃碗湯餃麵，特色手工餃子有三5款，不過我最後都是選擇了羽衣甘藍素餃（湯餃8隻$42）,再加$8要埋羽衣甘藍麵，湯底都是選擇素湯，餃子餡有羽衣甘藍、雪耳、冬菇及馬蹄，主湯底都非常健康，飲落非常甘甜，有青紅蘿蔔、羽衣甘藍菜乾及羅漢果，麵條味道都好清又有嚼感，湯餃有點煮得過腍，不過餡料十足爽口，最欣賞是羽衣甘藍的功效真是多，又可以抗癌、排毒、補血、健骨等，藥理作用真是好廣，益腎補虛，食物又冇味精,真是非常健康，飯後點多碗椰汁杏仁茶$36，杏仁茶內加入了新鮮椰汁，椰香四溢，杏仁味也濃郁，入口滑溜，甜度適中

歷史悠久嘅甜品店甜品多數都已糖水為主適合鍾意中式甜品嘅人黎食 叫咗蛋白杏仁茶同埋蓮子燉膠 味道真係唔錯杏仁味重同埋去過蓮子燉蓮子都比較多環境清靜同埋乾淨 係一間一試難忘嘅糖水舖

同朋友係九龍城食晚餐，當然要留肚食甜品。鋪面很寬敞，裝修也比較傾向傳統糖水鋪頭的味道，環境舒適，地方很乾淨。店員服務態度也良好。其實呢度除了中式甜品，還有西式甜品，很特別的是這裡有餃子食，而且還是羽衣甘藍餃子，看上去好像很吸引，下次有機會可以來試試。今次試左個香芋椰汁喳咋，不會太甜，

中女獨食難肥日誌 杏香園這家甜品鋪頭源自澳門，大多數人都來這裏吃甜品，有一次午飯時間經過，看見superfood羽衣甘藍午飯套餐，一試難忘，有驚喜喔！沙嗲雞扒羽衣甘藍菜飯 $42講真$42成塊臉咁大塊雞扒仲包熱飲你仲想點？超值重點雞扒即叫即煎，嫩嫩的絕不鞋口，配上沙嗲汁超好送飯，講開個飯，係羽衣甘藍炒底，好味！食superfood 可以懶健康合桃糊 午飯套餐+$15其實平時我不吃合桃糊，麻麻地呢種杰他他熱辣辣嘅中式甜品，但見加$15就有，就俾個機會你啦！點知驚喜非常，一試愛上，又香又滑，丫真係估你唔到咁好味，完全唔係就咁粉溝出黎，係磨出黎嘅味道，大推

有日屎忽痕食完lunch想食糖水，點知周圍糖水店都未開，無意中發現左呢間野，原來係咁正。正係邊呢？就係佢有好多選擇，一碗合桃糊又可以加湯丸，唔鍾意又可以加鮮椰汁，想有d新鮮感就可以加蓮子百合，可以話係任君選擇，無咩配合係搵唔到架啦。除左傳統糖水，最有新鮮感係個馬蹄沙，馬蹄好似成日會食到，糖水真係第一次，真係要俾個讚佢。不過最衰食完lunch，唔係一定試佢個羽毛甘藍餃子。同埋睇得出佢地花左心思去搞個brand image，舖頭配色、糖水poster都好有設計感。

This joint comes from Macau and they specialize in desserts.I am not a fan of Asian desserts so obviously came here  because the Kale themed dishes were worth trying.They had Kale Rice, Kale dumplings, Kale Jelly and even Kale Cheesecake.Ordered the Kale dumplings where there is a choice of vegetarian or pork.I was tempted in ordering the vegetarian ones but then I thought pork would be tastier.Boy was I naive in thinking that I would get fresh pork in Hong Kong.The soup was good as there was no

今日黎開九龍城辦年貨。路過杏香園，遠遠俾佢地綠油油嘅門面吸引咗，又話有50幾年歴史，所以就算好飽，都嚟試下呢間澳門過江龍先。我哋嚟到嘅時候大概一點左右，人唔算多，都有3，4枱。好似都係熟客。睇下餐牌有咩食先。 除咗經典嘅港式糖水， 竟然仲有午餐食。 甜品都唔算平，要大概30-40蚊左右先至有一份。識食梗係叫份簡單$40幾既午餐，然後再加15蚊食佢哋嘅經典糖水。可以要杏仁茶，馬蹄沙或者合桃糊。我哋就試咗個羽衣甘蘭水餃麵再加馬蹄沙。羽衣甘蘭水餃同麵都唔錯。 水餃入面都係滿滿既羽衣甘蘭。開頭以為嗰面係菠菜麵，最後先發覺原來都係羽衣甘蘭做嘅面。麵條偏粗身，有咬口。感覺成件事食咗好多菜咁，好健康。 不過略嫌湯底冇咩味，成件事好清淡，重口味嘅人真係一啲都唔啱黎食。馬蹄沙做得好好味，好細緻嘅口感。不過略為偏甜。但我相信偏甜係迎合大眾嘅口味， 可以再試其他湯水。呢間舖頭好鍾意提及超級食物羽衣甘藍，好多海報都係以羽衣甘蘭嚟做賣點。竟然畀我發覺 有羽衣甘蘭芝士蛋糕。好難想像菜同蛋糕夾埋一齊，唔到係咩味。 如果有人試過可以話我知。

在九龍城附近吃完火鍋，於是在附近看看有什麼甜品可以試試。openrice了一會，就找到這家。周圍的西式甜品店都很多人光顧，唯獨過家中式糖水店人客不算多。所以不用等很輕鬆就入去。餐牌上有很多傳統的中式糖水，我就揀了 雞蛋銀杏腐竹糖水來試一試。銀杏夠大粒，帶少許甘甜。糖水白滑，帶奶香，清甜得來唔膩，腐竹就看不見，不知是否已溶在糖水當中，雞蛋我吃不到什麼特別的味道，很正常的雞蛋。乾燥的天氣吃起來感覺特別滋潤

中女獨食難肥日誌 好多時當吃了太多飽飽滯滯時，會想吃一個清淡一點的午餐😌這時就會想起杏香園的羽衣甘藍午餐😚感覺清新又健康👍🏼#羽衣甘藍水餃麵 🥬 $45 （包熱飲）第二次吃了，咦？湯底感覺跟上次不一樣？上次是一個清湯，今次有點點肉絲又有一點紅蘿蔔🥕像是老火湯底？難道次次煲不同老火湯配麵嗎？還有好多羽衣甘藍菜，麵及水餃帶綠原來都是羽衣甘藍做的😍好味又健康，湯底沒有味精簡直想喝到見底呢❤️#合桃糊 午飯套餐+$15上次已經好欣賞個合桃糊，忍不住口再吃😆又香又濃又滑不太甜，完美作結😚

香港終於有分店喇！最愛的杏仁蛋白茶好香杏仁味， 不是水汪汪架，而是糊糊的，好黏口。蛋白都好大舊。唯一要改善的是要減甜。環境簡單舒適，白和綠的色系，給人一種清新感覺。

食完晚飯最好就係食返碗糖水， 咁先會夠滿足㗎嘛， 尋日同朋友喺九龍城食完飯， 就去咗附近嘅杏香園糖水舖食糖水， 呢間糖水本身都幾出名啲嘢幾好食如果經過真係要去一去。我哋四個人嗌咗四本share食， 有招牌蛋白杏仁茶， 花生湯圓芝麻糊， 夏威夷木瓜雪耳， 竹生木瓜馬蹄爽。佢哋嘅蛋白杏仁茶杏仁味非常濃郁， 如果鍾意食杏仁味嘅你一定啱你心水，當然唔係個個都鍾意食杏仁味嘅。花生湯圓芝麻糊 ，係人手即磨嘅芝麻，唔會太希，有口感。夏威夷木瓜雪耳 又潤又甜，最岩冬天食補補去。竹生木瓜馬蹄爽清涼解渴，熱天消暑解渴。

今天本來打算來九龍城看中醫，結果排隊排隊竟然沒拍上，真是氣氛，後來發現這邊簡直是個美食天堂，最多的莫過於泰國菜，其次甜品也不少，而且多位一些老式糖水，這家糖水很好吃，老闆很客氣

最近工作繁忙到一個點, 需要一點甜去平衡下, 就去左九龍城食糖水~雖然九龍城既糖水選擇好多, 尤其好多都新式糖水, 但今次揀既係間傳統糖水。好耐無見過款式咁齊全既舊式糖水, 尤其係馬蹄露杏仁糊呢類製成需時既糖水, 店員話無論哪邊都係佢地自家製, 所以完全無開粉呢D情況, 就是真材實料喔, 試完覺得的確係有水準!芝麻糊係自家由芝麻磨成, 杰身度未係最高, 但以香滑為主, 驚喜位反而係芝麻湯丸, 有好多粒之餘, 內饀係用左白芝麻呢!!白芝麻同平時黑芝麻既香又唔同, 而且無出面果啲好多豬油杰身既感覺, 所以即使食哂都唔會漏呢!!另外叫左呢個既最招牌: 蛋白杏仁茶! 雖然我本身對杏仁茶好感不大, 但竟然不知不覺飲左好多! 杏仁香濃但不突兀, 先幽香再慢慢滲出黎, 最正係有好多白果蓮子, 唔會偷工減料! 甜度亦唔高~~ 見有馬蹄露咁特別, 又再叫埋黎食, wow一食唔係馬蹄粉果種杰他他既漿糊感, 而係真係有馬蹄粒粒, 順口而不漏, 馬蹄隱隱既爽口令成個糖水口感rich左, 如果您未食過馬蹄露, 好建議大家要叫呢個黎試啊!!!!

好耐無去九龍城喇，成日對呢個地方又愛又恨，太多好嘢食但又唔就我的腳，呢間在澳門賣到響哂朵，宜家開到嚟香港真係正呢到好多款糖水，仲有咸食套餐，主打生磨芝麻糊，杏仁糊及合桃糊，又夠, 真材實料呢碗夏威夷木瓜龍眼馬蹄沙真係正，木瓜好解甜，個馬蹄沙做到好有沙感，食落清潤美味蛋白白果合桃糊又係一絕，好少地方有生磨了，呢到有好驚喜，好香合桃味又滑身，加埋蛋白嘅白滑跟白果超正食完感覺特別健康養生，如果開喺我屋企附近一定日日食都似