杏香園 (已結業)

Wow!! amazing dessert shop hidden in Kowloon City!! If you like Chinese desserts, this place is definitely worth coming on a regular basis. You can really taste the difference, good ingredients and quality food. perfect for all seasons!!

每次去澳門玩，都會專登走去清平街杏香園，價錢雖則算頗高，但難得係食到香港已少有嘅真材實料糖水。偶然去九龍城晚飯，突然見到「杏香園」三字，即過去睇睇，果然澳門杏香園已過大海嚟到香港，看看menu同澳門設計都一樣，價錢同澳門亦都幾乎一樣，當晚嘅飯後甜品已有選擇啦⋯⋯哈哈店舖裝修沒有了澳門嘅陳年歷史味，新式裝飾設計，地方小小、座位迫迫，但都一樣舒服嘅糖水店！糖水方面－椰汁杏仁合桃(三味)：杏香園招牌糖水三味，跟係澳門食到的一模一樣，超香超正杏仁合桃：沒有椰汁令杏仁合桃更加突出，正椰汁銀杏馬蹄沙：我嘅至愛的椰汁馬蹄沙，一樣的爽口清新，再加上製過嘅白果特別甜，應該係杏香園獨有雪糕椰汁紅豆粒：雪糕唔算滑但好有椰子香，加上大大粒嘅紅豆，好好味。好開心唔駛過大海都食到原汁原味嘅杏香園，可能價格係澳門已高，嚟到香港無再調整。真的一分錢 一分貨，以這個價錢完全食到正比嘅好味糖水，真心希望這間來港開設嘅食店，唔好重蹈某些過江龍的覆轍，可以一直保持到自身水準呀！

與巴打的午飯吃魚蛋粉，他嫌未夠喉，嚷著要吃甜品，於是到杏香園吃糖水。其實小人已差不多飽，所以只吃兩粒湯丸便足矣。擂沙湯丸表面沾滿了花生芝麻顆粒，透著濃重的香氣之餘更有脆脆的口感，湯丸軟軟糯糯的，沒有過甜，好吃是好吃，不過始終是糯米粉做的，小人吃掉兩顆已覺飽滯。生果之中巴打最愛芒果，但凡用芒果入饌的必然不會放過。芒果椰汁西米涼粉的果肉甚為甜美，在椰香中有爽滑的涼粉以及軟腍的西米，豐富得來是多層次的享受。巴打吃完甚為滿意。

今天落樓食糖水，換來的卻是一肚氣此店說明營業時間是由15:00到0:00，但今天晚上，我們二人23:24進店，已明顯有感覺是「阻礙她們下班」，收銀姐姐要到廚房問問食物、內裡員工大大聲問「有幾多個人」......難道我如果有8人、便趕我們走？人數有甚麼關係？明明那時只是23:24！食物上桌、收銀姐姐拿著手袋回到收銀機旁、23:37催促我們付款，23:39 三位女士自廚房走出來魚貫下班、即是想添食/外賣也沒有了既然如此，建議店主不如將營業時間改為23:30、配合你的店員吧！

🕴🏻杏香園-精選糯米糍$20.👧🏻黎到除左食出名杏仁糖水之外，今次揀選精選糯米糍-內有芝麻餡，外皮薄、口感煙韌，外面鋪滿細細粒花生碎👍🏻仲要小小熱 咁樣先覺得好味，平時出面食都唔會熱🤦🏻‍♀️坐系甜品店都幾舒服 至少唔會同隔離位坐到好close 空間感(九龍城黎講)亦都算大/而且可以坐好內，同時又唔怕俾員工趕你走😁😁 今晚就系咁坐左好內😂店員服務周到貼心，如果想靜靜地搵人洛黎宵夜食糖水兼吹水，的確系唔錯嘅好地方❤️

話說去過澳門嘅杏香園之後，見識過佢嘅馬蹄沙之後簡直驚為天人，一直對佢念念不忘，唔係講笑真係有初戀嘅感覺，每隔一排又會掛住佢。好在而家喺香港有兩間分店，掛住佢都唔洗專登去澳門食。今晚食完飯，又掛住佢了，所以幾攰都好都要專登走過嚟九龍城分店食一食！蛋白馬蹄沙 ($43)佢呢個嘅賣相同澳門嘅差不多，就係嗰種好親切嘅感覺！外面嗰啲馬蹄露係開粉，只有甜及成口糊。但呢度嘅係非常真材實料，馬蹄碎及馬蹄沙撈埋一齊好濃稠，啖啖都係成口馬蹄，充滿咬口感，食得非常開心一碗係唔平，但食嘅就係足料！$43就係食初戀嘅感覺！

今晚友人介紹左間話養生糖水，價錢比出面貴叮叮。腐竹旦糖水愛好者既我，必須一試。對呢碗睇落去平平無奇既糖水，十分喜愛。旦唔會過熟，好滑。匙羹一 不，好多大大粒既白果，粒粒甜到入心。腐竹真正煲到化曬，清香唔會太甜。三個系完美友人叫左個椰汁龍眼馬蹄，一見個樣，好似太極個嘜頭。2個食法，你可以混到一隻色去食，都可以分開一羹 不起2隻色食。我比較愛後者，因可以食到啖啖馬蹄，椰汁味又好香口，好美妙啲配搭加上香甜既去左核既龍眼肉，無得頂，視覺同味覺都感受到。如果認真混埋一齊隻色本人覺得唔討好。但都系因人而言。呢次評得有啲誇張老實講，堅真材實料，值得一試。

每次來九龍城都係夜晚嘅時候，今次亦都唔例外，上次其實有幫襯過呢間鋪頭但就冇寫到食評，今次既然係第二次幫襯，呢個食評就唔可以再唔寫啦。呢間糖水舖寫到明係由澳門開到過嚟香港，喺糖水舖雲集嘅九龍城黎講，佢哋嘅糖水的而且確有唔少嘅特別之處。講用料，的確非常新鮮。而糖水款式亦都唔係局限於只有雪糕或中西合璧個類型嘅甜品。成間鋪頭賣嘅都係手工甜品，仲要係一啲比較嘥時間去煮，去預備嘅舊式中式甜品。嗰晚我要左一碗木瓜雪耳百合糖水，一攞上嚟嘅時候真係大碗到嚇一跳。既然係糖水顧名思義就係甜嘅，雖然我個碗糖水係熱嘅但係木瓜就唔係話完全好熱，而雪耳就煮得非常之軟身，蓮子就好鬆化。而當晚有人要左一碗椰汁涼粉，試咗一啖之後淨係覺得椰汁味非常之濃，好唔好食就真係見仁見智，如果你鍾意好椰子味嘅嘢，呢款糖水應該幾啱你。最後賣單HKD99，我就覺得唔平，但如果比較起來食雪糕或者食啲fusion嘅甜品，我會寧願幫襯呢一間。

啲人成日話吾洗食燕窩嫁，食雪耳一樣嫁！一直都吾明，點會一樣呀？淨係口感都吾係同一回事啦！直至遇到呢碗百合蓮子雪耳！噢賣葛！首先個冰糖底已經好清甜，百合入口即溶，蓮子亦係有誠意去晒芯嘅！雪耳真係有驚喜，吾係平日媽媽煲完湯仲好爽果種，而係一片片一入口即刻滑左入喉嚨！大力推薦！！！！食雪耳真係可以好似食燕窩嫁！！！！當然功效一吾一樣我吾知，但只要有心有誠意做，做得好，食雪耳都可以食到點點燕窩嘅甜甜潤潤滋味！

甜品店要深入民心，必須明確的訂立自己的定位，走多樣化或是以寧缺勿濫的專門路線。忽然想吃杏仁茶，除了想起源記的杏仁露 (但露非茶)，就是這家店名有幸有個杏字而令我記起的杏仁產品專門店。或許少跟朋友談起杏仁甜品，我想這店未曾有名得廣為港人所知。即使聽過其名，可能是因為吃過澳門的原祖店，而非在半年始開到香港的這店。九龍城有名的甜品店有好幾家，即使所有都在黃金時段要等位，有心吃那幾家的都未必會到杏香園來，畢竟路線截然不同。週六晚上到訪，經過那斷家有名的甜品店都見到人潮，但這店不需怎麼等就能入座。貴為澳門的幾十年歷史老字號，除杏以外的甜品選擇多，但多數是較傳統和養生的款式，用上滋補清潤的食材，如蛋白、腐竹、馬蹄沙和芝麻糊。年輕人不是不愛傳統甜品，只是廿歲出頭的會嫌老套，而我這不老不青的，當身邊的女生開始戒凍飲說要調理身子，開始懂得和肯花錢吃這裡賣實效的甜品。不知應否以養生甜品的定位來解釋，這裡的甜品可不便宜，平均四十多元一碗，有些甚至過五十大元。收得較貴的甜品未算非常特別，其他港式甜品店、即使是本地老字號都有供應，可不會收這個價錢。若非養生和傳統老字號添上一點高價的意義，偏高的價錢確有點令人卻步

今日放工同老婆食完晏，去咗九龍城行咗陣街，攰攰地，下午茶時間，最佳好去處緊係食返個滋潤糖水sweet下啦！唔洗多講click得入嚟就知我點揀啦！可以食到傳統糖水嘅舖頭就真係買小見小啦！Lee間嘅價錢，貴就係貴咗D，但係要自己煲，我倆公婆又真係唔識，試完之後，又真係好想話比大家知，好好味，真材實料，堅 "正"。先講下熱嘅"鮮椰汁杏仁合桃糊"，杏仁好香，合桃糊好難形容，濃郁，堅嘢~ 係好耐無食過嘅感覺，三種味道加起嚟，又甜又香又滑，口感好豐富，咁滋潤有益嘅當然最岩女仕啦！跟住就係熱嘅"香芋鮮椰汁咋喳"，Lee碗就真係材料豐富囉，除咗個名講到嘅材料之外，仲有蓮子，百果，口感豐富味道一流，下次同再下次嚟，Lee款糖水都真係走唔甩，要再試真D。順帶一提，唔計糖水嘅甜味，都真係食得出材料本身嘅新鮮同香甜，當然Lee個係我倆公婆嘅感覺啦！

冬天食完晚飯，就想食一碗暖笠笠的糖水！九龍城食嚟食去都係果兩間，今日試吓搵下有冇新野食先！等就係等耐左小小，我一路都未食過馬蹄沙，原來都好好味架，我哋叫咗椰汁蛋白馬蹄沙，原來好味過馬蹄露好多！以後去親九龍城又多一個選擇喇！

作為澳門杏香園的粉絲，知道呢間名牌甜品店來九龍城開分店，當然要前往嘗嘗。基本上不用看Menu也知道要叫甚麼東西，首選也是我每次去澳門杏香園的椰汁馬蹄沙。個椰汁馬蹄沙賣相同澳門店差不多，依然足料，有粒粒馬蹄的咬口，不像其他中式糖水店粉多過馬蹄的缺點，而且感覺好清爽。另一名物杏仁茶，我叫了加白果的，同樣清香，但稍嫌杏仁香味差過澳門店少少。至於該店另一名物，那個出名貴到出汁（過百元）但好好味的裹蒸粽，這次沒有叫，留待端午節要送禮時才出手吧。

今日同媽媽，妹妹，加我一家五口去九龍城食飯，咁食完當然要搵個糖水試下，媽媽提議想食d傳統嘅糖水，咁就黎左呢度食。一坐低已經見到唔係平，但都坐低左啦，可能真係好好味呢。咁我就叫左個木瓜蓮子雪耳，我老公爍中左個合桃糊，媽媽要杏仁茶，妹妹要雪糕涼粉，小朋友叫左個芒果雪糕盅share 食。我媽媽就話個杏仁烌好香好好味嘅，我都聞到好大陣杏仁味。老公食嘅合桃糊，佢就話食得出唔係開粉嘅但就覺得唔係話真係勁好味。我嘅木瓜蓮子雪耳就甜度剛好，但只有好少木瓜。妹妹嘅雪糕涼粉得好少，仲要個雪糕係食得出係雀巢嘅......小朋友唧芒果雪糕盅，中間一舊雀巢雪糕，上面有幾片芒果.....完全係十分唔抵食...食完肉痛到死....只可以話得個名。

以前每次去澳門都會去杏香園, 因我好鐘意佢地個馬蹄沙.  香港好少(或者無)甜品鋪有得食.  喜見杏香園o係九龍城落戶, 今晚o係附近食飽飽泰菜就過o黎懷舊o下.  今晚凍左, 正好點個椰汁蛋白馬蹄沙取暖.  朋友果個係椰汁龍眼馬蹄沙.  我覺得仲好味過以前o係澳門食.  而且我最like佢係少甜.  好"住家糖水"既感覺.  我果碗蛋白份量唔少.  類似係片左幾匙燉蛋白落去個馬蹄沙度.  有一點點失色係椰汁味太淡.  但我依然比8分佢. 有D主觀? 有D偏心?  都係.......因為我真心好鐘意呢個甜品.  你問我40幾蚊食椰汁蛋白馬蹄沙好定食心太軟好.  我一定揀番椰汁蛋白馬蹄沙.  因為唔係度度有得食.  自己都整唔到呢個味(我試過整), 而且要好有耐性刨馬蹄.  係心機同手工 !!!