杯子蛋糕 (已搬遷) 新店位置

近排人氣食店之一，估唔到cup cake都有專門店，仲可以有咁多花款。今過三次，都係姐姐請的食過約十二款︰朱古力爆爆、開心果、cookie & cream、raspberry、檸檬芝士...有d都唔記得係乜，賣相真係好吸引，有d唔捨得食，不過一食落就覺得一般，唔係想像中咁好味，個蛋糕底似足孖寶蛋糕，有幾隻直頭係好"鞋"，比較好味係raspberry，檸檬芝士都ok，$8一個唔係太值，不過有人請的話都無防0既順帶要講，真係好唔環保，一個大盒放三個小cupcake，未免係過份咗囉...

其實點解會去試li間野呢...我係某日上黎open rice諗住搵野食既時候見到有個"最多劣評"既list, click左入去睇下, 就見到li間野排第一而我自己就不嬲都好想試li類既cup cake, 所以最後亦都真係去左試見買3個有平所以就一次過買左3個(只買1個的話$10@)仲要係買左最保險既幾隻味圖左=朱古力爆炸上面係好甜既chocolate cream, 下層係chocolate cake但上層既cream已經cover 哂下面個cake d味圖中=蛋白+檸檬蛋糕我覺得還可以, 因為係3個入面冇咁甜既一個但檸檬蛋糕就真係好普通既檸檬蛋糕....圖右=朱古力曲奇我老豆食左, 佢話其實只係一塊orea+cream+chocolate cake冇咩特別總括黎講......應該都有9成以上機會唔會再去試一來太甜二來貴(我寧可俾$20去italian tomato買一件cake食得滿足都好過o係度買3件$24但唔好食既cake)

坦白講大家都系比佢個賣相吸引姐～而且見佢$10一個，$16兩個咁，價錢咁平，都唔好有太大期望啦～～上次貪平，一個人叫兩個，結果太“漏”（D CUPCAKE真系好甜）今次學精了，叫一個就好了～這是開心果味～上面的花：冇咩特別味，就系甜lor～下面個cake OK，中和番～～不過整體都冇開心果的味道啦～下次都會再試下其他味ge～鬼叫佢賣相令咩～～P.S.不過用紙碟同膠叉就真系唔環保啦～

去肥姐度食鹵水之前途經cupcake店。見賣相好靚，就俾吸引進去。買了3個cupcakes，只係$24，好平。賣相真係好吸引，用一個很骨子的盒裝住。個盒雖好骨子，但就好唔環保。買了pistachio, raspberry and egg white。egg white toppings with grapefruit cake。個egg white 齋食就會好甜，不過配埋個蛋糕一齊食味道就剛剛好。egg white 好滑，有入口即溶的成覺。個蛋糕底不太甜，有少少西柚味，但味道不太特出。raspberry + strawberry cake呢個賣相仲搶眼。顏色鮮艷。rapsberry cream topping 都係好滑又好甜。上面的金色珠脆脆地，幾好味。pistachio cream + cake顏色好鮮艷。不過pistachio 味道不太出，唔覺都唔知係開心果。配埋蛋糕一齊食甜度適中，絕不會太甜。甜度是適中的，不會有嗆喉的感覺。阿媽好欣賞這類甜點，叫我下次再買佢食添！

睇雜誌介紹已經想買嚟試，　不過唔係好識路，　好彩有友人指點，　今次終於比我搵到。其實店舖都幾細，　一眼見哂。我地９：００ｐｍ去到，　得一個職員，　都幾nice咖。見到d cup cake一個個排哂出嚟，好靚。真係好colorful, 個個都想試．．．哈哈。＄１０一個，　２個開始就＄８一個。我地２個人每人３個，　即係total 6 個　＄４８。三個cup cake一個盒，　好鬼靚，　好grand。我買咗：爆炸糖朱古力：真係feel到有爆炸糖咖…幾得意喎。上面d 朱古力cream比較甜咗d, 不過 cup cake係應該咁甜咖啦..哈哈..下面個cake就係普通蛋糕囉。咖啡：細佬話好味。開心果：阿媽話ok, 不過始終太甜都係唔係好啱佢喎。整體嚟講都ok咖, 你話$8貴唔貴就見人見智啦, 其實佢都不過係一個”紙杯蛋糕”加一pat cream啫。不過, 你相比d要二十幾三十蚊一個, 都係差不多東西的話….$8都ok咖….有機會都想試吓其他味, 不過…糖份咁高的東西…間唔中食吓咖咋。哈哈。

真係好難食我食既係朱古力味個cream係無味既 蛋糕又鞋又硬一d朱古力味都無 得甜味係除左甜之外食唔到其他味!!超差雖然只賣HKD8 其實可以做得更好

我只想講 ... 真係極度唔好食 ... 舊cream ... 食左1啖就丟左 ...下面個蛋糕我食晒 ... 不過係舊冇味既蛋糕 ...唔鬆唔軟 ...睇怕就算有人請我食我都唔會再食 ...美心的西餅比佢更加有吸引力 ...而且價$係佢既一半呢 ...

次次行過都入去，但都因為趕時間而無去到，見到入面d cake好似好靚好好食甘~~但原來幻想係美麗，現實係殘酷...因為都九點幾，所以餘下款式不多，但都足以令我同朋友仔兩個唔知食咩好內，亦只有我同朋友仔兩個客人，於是我問個女店員，有邊一隻係無甘甜ga? 她就無笑容好串甘答"我地呢度d蛋糕都唔係好甜"，我就再問有咩推介，但佢好似借左聾耳陳隻耳甘，無再答我，於是我轉去問收銀個男店員，佢就指左舊餅話"呢個la~上面舊cream好多客話好食"總共買左兩件($16)，一件係男店員講既上面舊cream好多客話好食既曲奇忌廉，另一個就係爆炸朱古力。曲奇忌廉: 上面舊cream.....係無咩味(連甜ar，少少忌廉味都無)，都滑既，但係下面舊朱古力蛋糕，仲差過係七仔買既嘉x蛋糕......無咩朱古力味，亦無牛油香，總之就係食緊一舊深啡色既野........成舊cake食左一半...已經掉左...因為唔好難為自己..朋友仔食既爆炸朱古力，上面個朱古力cream....朋友仔一食落去，即刻"驚為天人"，佢話食呢舊野好似咬左一啖砂糖，只有平價既糖味，無朱古力咪，只係好鬼死甜....佢再咬埋下面個蛋糕(同我個

嘩，竟然係MK搵到咁得意既CUP CAKE店~仲要做緊優惠，$8@真係好抵食呀~話曬一個咁既樣既CUP CAKE平時都要去ELEMENT買呀要成ard$20，今次十蚊都唔駛得呀~見佢有:1. CREAM CHEESE仲要係GINGER底，仲有2. 好得意既爆炸糖朱古力，點可以唔叫呀~個GINGER好香唔辣喎，個CREAM CHEESE反而無咩香味，佢個香味來自APPLE蓉。如果你唔鍾意太甜既，LE個值得一試~個爆炸朱古力，真係炸我唔到不過好脆甜甜地幾得意，個朱古力好濃郁，唔太乾，8蚊係咁上下。講真你話ELEMENT好D定佢好D，一定佢唔得，因為佢個味道唔夠MATCH，基本上係CREAM同MUFFIN加埋一齊者，中間又無FILLINGS呀。但係你話咁既價錢咩~你係屋企整個都要咁上下錢，仲要唔一定成功，所以行開口痕既，可以試下呀~

綠色係開心果 - 最靚係佢,味道最差都係佢. 上面有層甜到漏,有少許開心果味的cream. 下層蛋糕真係一般過一般.中間係榛子朱古力 - 好似係'榛子'呱,唔記得,因為完全食唔到榛子味. 我只係食到一舊勁甜的cream... 反而下層舊朱古力蛋糕味道濃郁.曲奇忌廉 - 有點搵笨,因為純粹只係最頂有塊曲奇,中間白色一舊cream,下層朱古力蛋糕; 所以'曲奇'同'忌廉'係可以分開...一句講晒: 得個樣,唔好食.

早就想試試賣相討好既cup cake....就算覺得只是虛有其表,亦無法抗拒去嘗試.之前起某地餅店見過賣得好貴,唔捨得試. 知道呢度有平d 既cup cake,今次就去買黎試....與家姐合共買左4款- 爆炸糖朱古力;焦糖咖啡; 同兩款唔同既檸檬cake我選左個人氣cake黎試 - 爆炸糖朱古力第一口咬落去d cream度, 好甜~~朱古力味唔係好夠,唔知係咪比d甜味搶晒.... d爆炸糖就幾爆,食落口感好得意.第二口試試個蛋糕....好乾口....又冇味. 睇落去d顏色咁深，仲以為好重朱古力味....點知同普通一舊粉團冇乜分別....即是話我食左好多色素落肚?!第三口cream同蛋糕夾住一齊食.....都係好甜,冇乜朱古力味....未食晒都已經覺得好"餾"....整個口腔都好"油淋淋"咁....d cream一定落左好多油同糖整....另外我亦試左一口..唔知乜野檸檬cake...忘記了名... (買給媽媽既)覺得d味好"化學".....係d好假既檸檬味(香精). >< 唔好食...但媽媽就話幾好味...只係甜左d.總括黎講係值得一試既. 咁既價錢,有好服務,有包裝

最近十分有人氣的小店，而且$8個算不上貴，於是抱著一試的心情去買了兩個。食落其實不過不失，我又不覺得太難食，一般蛋糕差不多。我要了一個爆炸糖朱古力蛋糕及士多啤梨。相較起來，爆炸糖朱古力蛋糕較好吃，不算太甜。不過，那些蛋糕外表的確精緻，不過的確有點不環保。

說她是甜甜漏漏，嚐過的朋友應該不容置疑，而按糖粉加牛油及忌廉的份量推斷，一個Cup cake有她四五百十卡路里都不是奇事！朋友聚會，一行十六人，小妮子買回共九件的小蛋糕來作飯後甜點，而當從廚房裡將為數九大件的小蛋糕合捧出時，眾人議論紛紛說丁點兒小蛋糕那夠填進裝甜品的小胃腩，結果每件小蛋糕一分為四，會共三十六個quarter的蛋糕，最終還是沒法耗掉，原因亦是如題一樣甜甜漏漏，但輕嚐的話，這蛋糕確實又是不可多得的甜點，牛油蛋糕本身已是大家童年集體回憶，但加之這蛋糕牛油香味極濃，加上蛋糕面頭七彩繽紛，當中，巧克力慕絲及榛子慕絲的味道濃鬱，是咱家最愛，難怪小妮子說這兩款是這裡的鎮店皇牌，果然不錯。其他的味道沒舍印象，只覺是極甜之物事，但若跟朋友或情侶品嘗，還是將份量預算減半好了！

請公司同事食CAKE~買左1打~$9X幾~同事見到: 食完:而我都覺真係好甜!只係賣相靚，下面個CAKE就好普通~~唔值$8-$10 一舊!!如果唔係XMAS~都唔會豪一次!!!

佢一開已經想try! 不過真係冇陣香味吸引我!好奇怪! 就算係車x哥x 都會有d 香味聞下!! 個個星期都會倍男朋友去槍街,,,e 間野正是開係個到....次次都係冇味? 唔新先or 其實唔係用牛油局??今次try 左 chocolate cake,,,至少保險d! 個"pat" 野發生咩事? 好似我食緊一"pat" 用糖煮到流質既野咁! 食個cake 身,,,,,wow!! 干到你? 放左10日? why冇牛油味？　我食緊舊麵粉？　唔需要再有下次！！　ｐｓ：　如果店主睇到ｅ個ｐｏｓｔ，　我想講，　懂得造ｃａｋｅ既人一定唔會用假牛油！ｐｐｓ：　假牛油是植物牛油，，，完全冇香味可言！　　同埋個ｐａｔ野想令人作嘔