東京淺草炸雞專門店 (黃大仙中心南館)

營業中

休息中

外表好似好好食，其實難食到想嘔，啲肉又硬骨骨，芝士又好流，嗰舊肉又好細舊，飯又多，又好貴，啲醬汁又少，嗰間店嘅質素好差，排隊等咗好耐先到，大家唔好食呢間店！！！

好想食炸雞路過見到出面既display幾吸引堂食都有位叫左個 滑蛋雞扒當$49 外賣因為外賣所以冇跟湯等左冇三分鐘已經有得拎！勁快手返到屋企十分鐘即刻食仲係好夠熱賣相都可以啦份量都幾多雞扒既肉質都還好 偏冧咗少少外皮炸得可以再脆口啲個蛋唔係好夠滑整體黎講唔算差但唔係好好食味道鹹咗啲個飯落咗好多甜醬油仲有少少洋蔥同蔥花夾埋食就啱啱好可能外賣對佢嘅要求就低啲如果堂食食到咁嘅水準我就覺得好麻麻未必會再試對比返商場入邊其他嘅餐廳如果一個便當冇嘢飲都要$50蚊其實都叫貴

記得淺草炸雞啱啱登陸香港嗰陣，都幾哄動，餐廳門外都要排隊等入座。但依家晚餐時間經過，見唔使等位，即刻入去食返餐先！成間餐廳都好細間，可能得20張枱左右，6:30入座，都淨係得兩枱單人食客，入座後快快睇吓Menu，發覺好似比以前少左啲菜式？最後叫咗個親子丼定食。大約等咗10分鐘就上菜，不過賣相睇落有啲普通，親子丼嘅蛋睇落好散好稀，雞肉食落有啲雪藏味，感覺解凍唔係處理得太好。之後到兩件炸雞，溫度微暖，我期望係熱辣辣，始終都係賣炸雞嘅店，有啲失望呢！味道正常發揮，有少少肉汁，不過不失。跟餐嘅麵豉湯唔會好鹹，都算飲得落口。呢個價錢，呢個質素，都合乎性價比嘅，只係當初對呢間炸雞過江龍有啲期望太高，應該短時間內都唔會再食。

東京淺草炸雞專門店 @ 黃大仙推介⭐️⭐️⭐️/5星滿分香炸雞翼和香脆雞肶肉定食 $55 有湯有飯 +$8有野飲係杯乳酸野飲望落有少少伏其實飲落都正常炸雞都炸得好脆 醬料都好味CP值好高 勁平

黃大仙廣場入面嘅一間日式炸雞店，店舖嘅面積唔大，非繁忙時間就唔洗等位。主打日式雞料理，除左炸雞之外也有海南雞等唔係油炸嘅雞肉料理，出品質素比較穩定，幾乎每一款都唔會話好伏。今次同朋友叫了炸雞拼親子丼同他他醬炸雞飯，價錢大約$60左右唔包飲品。炸雞方面，面衣包裹得唔會話太厚身，食落脆口得來又唔會太硬同厚。入面嘅雞肉多汁入味，雖然應該都係用雪藏貨色但係唔會食到雪味，反而雞味頗濃，以宜個價位來講都算幾抵食。

自己一個人食晚飯，係黃大仙行下見到依間炸雞好似幾吸引，價錢又唔算貴，一於試下佢！叫左個親子丼定食配2大舊炸雞，d炸雞皮脆肉嫩又多汁，好食！都只係59蚊！抵！下次想試埋其他🥰

經過附近又唔知食咩 就見到呢間價錢合理又唔洗點排隊既炸雞店 呢間野真係唔錯 味道可以話係中上 係呢個價錢黎講CP值高 唯一不足係門面只有兩個人做野 繁忙時間根本忙唔過來 其他都可以

唔知道⋯你有幾鐘意食炸雞呢？但無論你鐘唔鐘意食炸雞，呢間淺草炸雞、絕對一定要食！要食一定要先食咗「百香果醬炸雞」先啊強烈推介俾第一次食嘅你！完件雞件放入口，香口嘅外皮、充滿肉汁！配上百香果醬，係美味嘅幸福啊！！ 重點係一啲都唔會油膩，而啲肉仲唔會有雪藏味添另外，最近新出嘅—泡菜炸雞飯，係夏天無咩胃口時的好選擇。味道濃烈，但唔係渴口果種！呢個雞係用上大件嘅雞扒，再係上面淋上啱啱炒好嘅洋蔥泡菜搭京蔥嘅配料，熱辣辣嘅雞扒吸收咗配料的辣汁，果種泡菜嘅甜甜哋又會好辣嘅味道，真係一邊叫辣，但又未至於辣到食唔到呢會一件接住一件咁食唔停。P.S.如果你唔係食得辣，都可以叫黎試試嫁！呢個都係另一種好滋味的食法黎，將沙律醬放在炸雞上面，一啲都唔辣，仲好好味添但唔食得辣，就唔好食佢嘅泡菜京蔥配料啦🙏🏻

個拉麵太淋，冇乜味道，有啲似以前大學canteen嘅拉麵 (有可能大學啲拉麵更好食添）個炸雞個皮好厚，用左好多粉。叫咗個炸雞軟骨，雞軟骨同埋個炸嗰層個比例唔啱...絕對唔推介。Ramen was too soft, there was no taste. I guess the school canteen tastes 100x better. The fried skin was sooooo thick. Wrong ratio. Not recommended!

🌹週日行完山，落山位置是黃大仙，時間接近3點，在山上已肚餓，我和老公決定在附近搵食，路過領展商場，入內睇睇有什麼食店，未上樓上已被一間《東京淺草炸雞專門店》吸引。🌹食店裝修普通，衛生一般，但在這個時間客量仍不少，相信食物不會太差掛！ 找個位坐下，翻看餐牌，40幾至50幾價錢十分抵吃，我和老公各點不同款式來試試，意外地好吃😋！秘製芝麻蒜蓉炸雞丼⭐️⭐️⭐️⭐️米飯軟硬適中，炸雞香酥秘製蒜香雞脾肉定食⭐️⭐️⭐️⭐️米飯軟硬適中，炸雞香酥香炸雞翼⭐️⭐️相比下，雞翼較乾身，味道不夠個人評分味道⭐️⭐️⭐️⭐️服務⭐️⭐️環境⭐️⭐️衛生⭐️⭐️抵吃⭐️⭐️⭐️⭐️⭐️回頭率⭐️⭐️⭐️⭐️又一次證明細小食店絕不輸給連鎖餐廳，值得支持！

建議：他他醬控/蛋黃醬控必試 南蠻炸雞定食 記得3年前開幕，每日都激長龍。今日周末下午去到，餐廳都幾full，等左陣終於有位😋今次試左：南蠻他他醬炸雞定食 ($49+10%有飯+面豉湯)雞好脆唔會好油，個醬係重點 ❤雖然叫他他，不過同一般既他他唔同，係混合左蛋白+蛋黃碎 🥚🐓 為蛋黃醬控，依個醬真係好好味 (Any肥，其實係咪應該親子丼 🤣)

店舖比較細, 只有10張枱左右Menu有10多款可以選擇, 有飯有麵有小吃, 還有期間限定Menu我叫左南蠻他他醬炸雞定食, 包左白飯和麵豉湯上餐非常快, 下單5分鐘左右就送餐賣相都幾好, 和Menu圖差不多炸雞外面好脆, 入面好Juice, 再加埋他他醬, 真係幾好食麵豉湯同白飯就沒有什麼特別旁邊有胡麻醬可以加落椰菜絲度食, 椰菜絲都幾爽口總結, 這一餐好滿意以平民價錢可以吃到高質素既炸雞, CP值高からやま係香港開左幾年依然Keep倒這個質素好多日本過江龍既店都做唔倒, 抵贊!

我生平第一次光顧日式炸雞餐廳「KARAYAMA」，正正就是在「黃大仙中心」的「南館」商場裡面。當時的「KARAYAMA」有大量炸雞疊起的「富士山定食」。除了「富士山定食」之外，當時的「KARAYAMA」還有另外按炸雞實際份量多寡，因而訂出「松」、「竹」、「梅」，亦即是大、中、小三種份量版本的炸雞定食套餐。我光顧過「黃大仙中心南館」分店的「KARAYAMA」之後，之後還曾經光顧「KARAYAMA」位於「觀塘」「apm」美食廣場裡面版本的分店，當時我沒有購買和發現「富士山」，只是購買享用炸雞飯。結果後來重臨「黃大仙中心南館」，終於發現現在的「KARAYAMA」原來已經停售「富士山」和「松竹梅」，只是推出一件炸雞版本的「KARAYAMA定食」而已，可惜我跟「富士山」註定無緣。除此之外，「KARAYAMA」以前有為炸雞定食推出了很多不同味道調味料，但是現在的「KARAYAMA」為炸雞而推出的醬汁，就只剩兩款，包括酸味的醋跟類似「豆瓣醬」的辣味醬汁而已。不過「KARAYAMA」炸雞還有一個優點，就是炸雞外層實際口感仍然十分香脆，而且雞肉雪藏味道感覺不重，配酸味的調味醋和辣椒醬也是可以一試的食品。

Karayama has been around for a while now specializing in Japanese fried chicken.As well as the first branch at Wong Tai Sin, they have a few other branches.Tried the fried chicken a while ago which was not that memorable however the Sichuan style fried chicken at the Kwun Tong branch was amazing.It is interesting how they now have Hainan style chicken as well as chicken ramen but I have a feeling it is for the more traditional bunch who just love Hainan Chicken because I don't see this offered a

前兩日去了這間舖頭食麻婆豆腐雞及秘製蒜蓉炸雞飯。首先秘製蒜蓉炸雞飯，進食時炸雞外脆，及進口時感覺到雞肉柔嫩滿口醬汁，頓時哋口覺幸福滿載。再嚟介紹一個麻婆豆腐雞，這個大家就要小心点，因為麻婆豆腐個汁有点辣，影響咗炸雞的味道，食落去個炸雞就一啲都唔脆，及咀嚼時舌頭只感覺到辣味。。之後到雞軟骨，進食時感覺不油膩好食