東哥點心籠仔蒸飯專門店

營業中

休息中

呢到蒸籠飯都幾大份，呢個蒜蓉海蝦蒸飯一上枱就好香蒜蓉味🤤🤤，超多蒜蓉鋪面，海蝦開左邊，但蒜蓉味唔入蝦肉，而且蝦唔夠新鮮，唔爽口，不過又難怪既，但係蒜蓉撈飯就好好食啦！飯煲得軟熟，份量多，bud到四小碗飯。牛肉腸粉，腸粉太厚，唔算好滑，牛肉普通，香啲就好了。點心拼盤款式少，蝦餃好食，皮薄餡飽滿，菜苗餃都一樣，食落口豐豐滿滿的，潮州粉粿好酸，原因不明，食左兩啖就冇食嚕。叉燒包大大隻，軟熟餡多汁多。腐皮卷外脆內軟，足料，口感豐富，熱辣辣好食。生菜新鮮爽口，跟飯會平啲。整體黎講唔錯幾好食既，不過有啲貴同尚有進步空間

天氣炎熱..但又想食點心..一於去（東哥）買外賣返屋企嘆住冷氣睇住YouTube食😆兩個人叫了籠仔香辣排骨假，東哥蝦蛟皇，蟹籽燒賣皇同埋鮮蝦腐皮卷。雖然是外賣，回家路程大約15mins，但打開仍然夠熱，味道依然！籠仔香辣排骨飯..排骨夠味辣道適中..但飯好濕..（不知是否外賣的關係，蓋住有蒸氣）東哥蝦蛟皇-好大粒蝦😍皮薄！推介蟹籽燒賣皇-都是必食推介鮮蝦腐皮卷..雖然外賣，但都仍然夠脆..裡面又夠足料！今次兩人食唔到太多..下次再去想試下其他..因為都幾抵食

東哥點心係元朗小茶樓黎講一直屹立不搖。作為小茶樓當中平價既代表，我當然推薦大家食炸越式米網炸兩腸，外軟內脆，性價比頗高。另外作為脆的代表當然也推薦安蝦咸水角，脆皮的外表入面包含豐富肉味足的餡料。作為在元朗居住二十多年的元朗人，本人十分推薦這家小茶樓。

堅流🤤🤤流野奶黃包🤘🏻一地都係口水😂😂😂有片👉🏻https://www.facebook.com/3badfoodies/videos/1448795605218605/40蚊一大籠二人份量三寶臘味蒸飯 cp值幾高👍🏻小籠包睇賣相唔多好 以為好乾😂但食落幾多湯汁😮味道ok既但肉質麻麻 其他點心質素正常平平😁但係開到凌晨四點 夜晚餓醒好去處🤞🏻=========================三個90後吃貨會不斷開心share美食💓💡Facebook:三個90後吃貨 3bad_foodies🚩Instagram: 3bad_foodies📍OpenRice: 3bad_foodies📬Ublog:三個90後吃貨 3bad_foodies 歡迎在不同的平台 繼續留意我們的推介🙆🏼🙇🏼‍♀️大家亦可以向三個吃貨介紹美食👻我們一定會去試👅#愛吃也愛分享 #三個90後吃貨 #3bad_foodies#三個90後吃貨_元朗美食推介.========================

元朗有間食籠仔飯+點心既餐廳開通宵，完全岩哂我呢d夜鬼想飲茶既慾望！！！！！ 今晚收工收得夜，同baba mama一於落街食飯，最後daddy揀左呢間！ 咁岩有人埋單，唔洗等就有位食飯！ 呢到既座位比較逼，講真就真係唔係好舒服既。今次叫左成家平時飲茶必點既鳳爪排骨籠仔飯，加幾個點心，例如腸粉、沙嗲金錢肚，炸腐皮蝦卷，奶皇包等等！ 籠仔飯其實一d都唔細，一籠食到最少4碗，所以我地3個人食岩岩好，奶皇包趁熱食，一咬d奶皇就流黎！其他點心都唔錯，晚餐都係$145! 超抵！

9點後入座 一入即刻有位坐底 點左一大堆點心 但水準好一般 蝦餃皮一夾就散 有d似腳皮😑 其它食物都只係一般般 最出色係個蜂巢糕 甜度剛好又咬口 價錢嘗可 如果想飽肚既話都係一個不錯之選

第三次食東哥雖然舖頭唔大間但下午茶時間唔算多人total食左7碟點心加1個飯野食都係好快到 味道比好多茶樓好食個人認為金錢肚同蝦腸最出色春蛋燒賣都幾值得試好耐冇食過蛋下面仲有蝦嘅春蛋燒賣另外薑蔥牛柏葉就唔係人人岩食真係好大薑味 朋友都話大味得有少少難頂鍾意食薑味重嘅朋友就比較適合飲茶必食嘅蝦餃燒賣就不過不失 個人覺得都比唔少茶樓好東哥對比元朗其他點心舖頭就唔算話好抵食但同茶樓比就真係抵d茶錢3蚊個 茶味都唔錯點心就20到20幾蚊 無分時段

收工，9點幾，食個宵夜。舖頭細細，但坐得幾舒服，唔算逼。1) 蟹子燒賣，夠熱，即蒸，食完無油笠笠，唔算特別。2) 芋頭蒸排骨，哈~無芋頭，但排骨夠軟身，入味，唔會太肥太多糕，幾好食。推介之一。3) 牛肉腸粉，一般，粉厚，牛肉分佈不平均，口感還可以。4) 灼菜，蝦蛟，小龍包，平凡正常既點心，無特別。5) #流沙包#全晚重點，堅流沙，又熱又夠濃蛋黃味，推介6) 龍仔飯。。。太飽，我食唔洛，但朋友評語係夠入味，分量足。最後，食完先記得影相，post 1 post先，証明我真係去過，唔係吹水。