東屋台 (珀御)

營業中

休息中

▷火灸厚切鰻魚丼+玉子燒 $78鰻魚份量好足！咬落去都係厚肉啖啖肉，唔會淨係食到燒汁味，都有鰻魚肉嘅味道。鰻魚同玉子表面燒到有少少焦，食落都好香口～而且玉子燒激厚，讚！▶沖繩黑糖珍珠鮮奶茶 $34好大杯有排飲🥳 珍珠有咬口，黑糖味突出，可以走甜都得😂 但奶茶有啲澀，可以再滑啲就好～﹣@danyataihk | #yellow屯門✐ #屯門fatfat #日式fatfat﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣﹣東屋台屯門良德街8號珀御地下G09號舖屯門屯門龍門路43號龍門居50號地舖

呢間係黃店 所以一定要黎支持下而家網上外賣平台都可以叫到東屋台既野食煙肉芝心大阪燒首先佢都比左好多醬料 例如燒汁同沙律醬入面亦有好多煙肉同芝士味道都幾好食 4x蚊黎講都算係唔錯

一向唔鍾意食大板燒嘅我，連喺日本都唔會去食，已經好多個月想去幫襯下，終於有機會呀🙂章魚燒唔會油淋淋，好多章魚粒好鮮味，奶蓋濃香，喜茶行埋一邊啦，已經同自己講，過兩日再去食

繼續懲罰黃店系列，今站黎到建生嘅依間東屋台，舖頭細細，座位唔多，真係次次經過都見到有人排隊，疫情期間，都係買番屋企食好啲啦。今次叫左個片片橙熱情果，而個茶底就揀咗桂花烏龍，真材實料，有片片橙肉同熱情果，係好清新，refresh，同好夏天嘅味道。另外仲叫咗兩個章魚大板燒，章魚粒、木魚、沙律醬都好多，真係一啲都唔孤寒，再配埋啲粟米、紫菜同椰菜，佢個醬仲有少少Wasabi係度，食落冇咁膩。而且即叫即整，行咗幾個字，番到屋企都仲係熱辣辣。

龍門居東屋台自上年11月已冇開，最近開番好懷念。八爪魚大板燒（35蚊）一如以往材料足，好多八爪魚，淋上大板燒汁，好好味，但價錢比上年食貴左，上年食最平28蚊，物價貴左。飲品：粒粒香桃烏龍茶好好飲，茶底有唔少香桃粒，烏龍茶都幾夾，不過略甜。但係等外賣都等幾耐下，同埋只做外賣生意，不設堂食。店舖外面有好多反送中宣傳，有得俾人寫留言。 餐具飲管係門外自取，如果唔用想環保d，最好唔好拎，用番屋企餐具。會再食。

平時都好鍾意食佢嘅炒牛肉烏冬，但飲品就第一次叫。點知唔叫由自可，一叫就中咗伏，叫個烏冬連兩珍珠奶茶等左起碼40分鐘先有最慘係珍珠奶茶一早出咗，啲冰一早融晒。炒牛肉烏冬就仲要等多成半個鐘先出到。我諗唔使我講大家都知道珍珠奶茶放成個鐘...咩都唔好飲了。杯珍珠奶茶返到嚟，由於有茶包喺裏面，杯茶已經有澀味可能茶包浸咗太耐比較濃，飲咗三分一已經胃痛。呢個亦都係我之前冇叫野飲嘅原因，就係驚佢飲品出完仲有排等。不過最近少出街真係忍唔住其實廚房應該要控制下飲品連食物一張單的話就應該要做好時間控制，講真幫襯得都外賣多，但每次都咁樣，真係食物同飲品只能二揀一。雖然佢啲生意多到唔擾做，但希望佢都會改善下

😍🥰良心食店 🥰🥰 番工lunch time 行去買外賣 聽聞東屋台有新菜式 挭係去試吓啦 🤪 試咗 野菜黑咖哩 豚肉餃子丼 吉列豬扒丼 海苔唐揚脆雞粒味道都吾錯 可以一試🥰😚

其實東屋台只係係屋企樓下，但每次經過麵好多人排隊而skip左冇幫襯，今日襯條隊人少少就去左試。叫左一個海鮮大版燒同一粒檸檬果茶海鮮大版燒好足料又大份，就算男仔食都會夠飽。而一粒檸檬就真係用足一粒檸檬落去，而茶可以揀幾款，我就揀左茉莉花茶，十分清香。絕對建議大家黎食，唯一唔好處係堂食太少位同有d窄。

又係因為近屋企所以成日幫襯，今次試新嘢又寫吓食評野菜黑咖喱配吉列豬扒飯……日式咖喱甜甜口味易入口，野菜應該係同汁分開放有order至混合，就算有薯仔都剛剛好唔太淋，吉列豬扒外皮唔厚，新鮮食夠脆夠香口，肉質有少少肉汁唔乾，好味👍跟餐加可樂餅……好驚喜好好味，薯蓉好軟滑有淡淡洋蔥味，可樂餅夠厚而外皮夠薄，炸出嚟唔會好死實，推介👍細牛肉飯……一貫好味，牛肉洋蔥比例適中，成日食都保持水準跟餐加照燒鯖魚，醬汁惹味，肉質嫩滑今日特別肚餓所以特別要多飯

東屋台有兩間分店，一間係龍門，一間係良景。可惜龍門個間已經幾個月冇開，順便行到良景呢個就試下呢個黃到發金嘅飲品店。作為奶蓋愛好者，點咗芝士奶蓋桂花烏龍茶。茶底仲有四桂春、玫瑰烏龍、茉莉烏龍等等。叫咗少甜，味道剛剛好。奶蓋好厚，唔會太稀，口感夠滑。味道方面就重奶味但芝士味就冇咩。可能奶蓋比較重口味，所以唔太飲到桂花味，有d可惜。另一位朋友就叫咗黑糖珍珠鮮奶茶，烏龍茶底。黑糖同茶底各自都好，尤其黑糖好濃味，不過就覺得兩者唔太夾。整體飲品冇咩大驚喜，等龍門分店開返，就試下好多人推介嘅大板燒先。

珀御嘅東屋台成日都好多人 趁住年三十人比較少就終於可以試下喇先喺櫃枱買野食 舖頭雖然唔大但都設有少量位置堂食而款式唔算多 都係幾款大阪燒同日式丼飯同幾款嘅飲品✨煙肉芝心大阪燒 $40$40嚟講其實有啲貴🙈木魚絲同紫菜都非常多嘅佢嘅醬汁帶啲wasabi味 幾醒胃嘅又唔會太辣不過芝心嚟講就唔係好食到芝士味下次揀返原味應該會再夾啲✨黑糖珍珠鮮奶茶 $34茶底有幾款可以自選嘅 筆者揀咗烏龍茶黑糖珍珠口感幾好 甜度都適中但鮮奶茶方面味道就淡啲 可能因為佢係用成個茶包 所以無咁快出到味隔一陣飲茶味先出啲整體嚟講 味道唔錯嘅不過就真係比較貴如果出下啲套餐就好啲喇

推介良心小店--東屋台食物用心製作，店舖乾淨衛生，服務員態度殷勤，難怪要排上一小時今次試左炒烏冬，不油膩不鹹份量不少，不錯再配上凍四季春茶走甜，一流提提大家，小店外賣為主，店內只提供小bar枱，要立食啊。人情味超濃，食客絕不介意等了又企...香港人真有愛小店不近屯門市中心，人流卻滔滔不絕，大家都靜靜地排上最少一小時，可想食物質素一定不差吧！下次一定要試試珍珠奶茶系列，看見很多人購買，樣子也不錯啊!

黃到發金的店舖，點可以唔大大力懲罰~~~有時真係撞啱無開幫襯唔到，或者去左懲罰其他店舖今日難得可以早啲出門，所以早啲去排隊我地3個人，諗住都係要外賣架喇~~始終樓面坐位有限，都比較難坐低食，但等下等下男友都就返到，加上想佢食到最新鮮，咁我同佢媽就係店叫左野食，打算食住等啦！ 結果時間都唔係差太遠真係keep住都有人排隊架強烈推介，大阪燒係必食牛肉炒烏冬都好味，夠鑊氣杯片片橙熱情果(桂烏龍茶底)好味佢媽飲芝士奶蓋都好味，但忘記影相男友杯檸檬蝶豆花好味，有成個檸檬(真誇張)

最近不停食吾同既餐廳 而依間🙈系同事推介去食 一去到先發現主要系外賣無得坐系度食 但難得去到甘遠推介既小店 就企系度叫左一個餐來食 雖然價錢上勉強小貴 但味道好好食 😍😍😍！而且野飲放成個檸檬 真系估佢吾到！下次都會再來 食其他野～

小妹在想下午茶吃什麼好，剛好途經這裡，見門口幾多人排隊買外賣。之前都有聽聞這裡的大阪燒非常出名，所以叫左個基本款既章魚大阪燒。小妹十分喜愛櫻花蝦，所以都叫多左個櫻花蝦大阪燒。另外聽人說過一粒檸檬好正，特別是配桂花烏龍茶底，所以我都想試下。很可惜桂花烏龍茶底已經賣晒，可以選擇有四季春茶、桃香烏龍、玫瑰烏龍、茉莉綠茶。我問店員配什麼比較好，店員指每個味都差不多，我就選了桃香烏龍茶底，好像特別一些。這裡是即叫即做，要等15－20分鐘，唯有在附近的商店行下。幸好店員做得算快，不用15分鐘便有了！聞到陣陣好香既大阪燒味！的確大阪燒都幾足料，最喜歡是木魚片超多，這才有大阪燒的精髓！章魚燒內的章魚粒都幾多，配上一些粟米粒和椰菜，口感都幾豐富。稍嫌有些wasabi既味道比較重，應該是落了山葵，不太習慣。相比之下，我更喜歡櫻花蝦這款，個底既配料差不多，沒有章魚，但內裡有一些帶子粒，啖啖料，真係幾好吃！反而這款的山葵味不太明顯，較合我口味。很喜歡個底煎到有少少脆脆地，好香。到了牛丼，我叫了個細size，飯盒份量的確比較輕怡。牛肉配上洋蔥煮，日式的煮法，味道比平時的日式店吃到的偏甜，但勝在牛肉的份量算多。白