東方小祇園齋菜

營業中

休息中

上次嚟小祗園食素已經大概十年前。 這十年間有很多新派/自助素食餐廳的出現， 令到素食款式及口味上有很大轉變。 而舊派素菜餐館，東方小祇園相信會是其中一個代表。打開餐牌，除了舊有的素食菜式外， 另有新款素食菜式。 但來得這裏就當然想再嘗回舊有嘅味道， 簡單地點了酸齋(細)， 羅漢齋炒麵， 福建炒飯， 素一品煲。以前如果有人問我香港邊到有好食嘅酸齋，我會答小祗園是不錯的選擇。 但今日碟酸齋，無論賣相,味道上跟以前比較，真的是有㸃比下去。羅漢齌炒麵， 福建炒飯。 用料非常多，份量夠大，味道亦算不錯。另外素一品煲， 別以為會用上素蝦，素海參，素鮑魚等材料，以上嘅食材全都沒有。用上的是竹笙，黃耳，發菜， 冬菇等天然食材。 其實我會入更喜歡用上這些天然素食材， 比用上加工素肉食材好很多。.

睇到電視介紹依間有多年歷史嘅齋舖，所以買外賣返屋企試吓。羅漢齋炒麵 雪菜素肉炆米炸春卷腐皮卷鹹水角芋角👌🏼芋頭糕 、蘿蔔糕、齋滷味（除咗酸齋之外）👌🏼總結: 試完一次 無下一次

行過諗住買個外賣 諗住要一份酸甜齋個收銀阿姐聽錯咗 收咗我57蚊之後到我再問佢 佢話你呢度一盒囉 咪57蚊囉我話我要一份喎 佢就成棚人好似覺得我好似嚟踩場咁：咁點吖咁你係咪唔要吖 唔要咪換囉幫你😅😅😅姐係你啲員工聽錯 收錯我錢仲要咁嘅態度以後冇下次 好似自己搞錯仲要聲大夾惡覺得你玩嘢咁如果你搞錯應該好聲氣啲同我換過份啦 而唔係咁樣講嘢囉 打開門咁樣做生意 難怪愈嚟愈冷清希望行過買外賣唔好畀佢個15蚊份呃到最後都係會剪咗57蚊畀你

今日5點同老婆行完街，正在考慮吃什麼呢？就想到差不多十年前幫襯過呢間齋菜鋪，當時印象還不錯，就同老婆入去坐低. 當時由於非食飯時間，目測只有約4枱客. 叫了茶後就看看餐牌，發覺價錢一點也不便宜，小菜要$90，炒粉麵炒飯也要$80，但由於我同老婆肚餓關係，也不計較立即下單，等了一會兒終於見到有個男待應經過，便叫唔該落單，但個待應好似當我隱形，就咁行過，我心諗可能在忙吧，就等咗一陣，但過了幾分鐘仍然不見有反應，唯有起身找其他人落單，原來發覺個待應就係附近閒著，我立即問他可不可以给我們落單呀？哈哈佢居然一點反應都唔俾你，態度好似話你吹漲咩我係唔采你呀，之後有一個年紀大一點嘅應該是部長吧就走過來，講要落咩呀？我就投訴了一句點解你同事態度咁差㗎，點知佢立即還拖我依家都同你落單啦仲想點呀？跟住佢將手一伸，意思就係唔食就走啦！好嘢算你狠我唯有同老婆離坐，各位如果你接受咁樣嘅服務態度都願幫襯嘅我都無話可說啦。

灣仔齋鋪 就會諗起呢間 。2人去 食個中午飯， 叫左 一味 鴛鴦炒飯、夠大份， 完全感覺自己不似食 齋菜😆， 因為炒飯 有水準、茄底甜酸味道開胃， 白底 夠濃味。 加埋三併齋（酸齋、 齋叉燒、齋鴨腎）好味😋👍👍👍

以前小時侯老爸就經常會在這買盒齊滷味回家加餐，而我一直不知是這裡，只覺得點解在出面啲齊滷味冇小時侯好食。今日招呼外國親友，1行5人早一點點5點己就坐，都已有幾枱客，招呼好好。一邊食一邊聊天，老爸才講起以前因為他上司食齊，所以成班同事每月都有一兩餐在這開飯，不過就是冇帶過我來5人點了8個餸佛門齊滷味，比一般齊店的好味。羅漢齊炒麵，麵底香脆，不過個羅漢齊的汁可少啲，否則不可久放要立即食。上海酸辣湯，用素蝦代替了肉絲。甜，酸，辣3味好平均。秋葵白雲耳，白雲耳爽脆可口，加上陳醋，特別開胃。五香素玉蓮藕餅，冇咩特別，如不是特別的鐘意炸物，可以不點。鮮竹蜜豆炒貝柳，色彩鮮艷。翡翠法輪卷，汁太多，個皮可再炸香口啲。其實得5個人，埋單唔記得叫佢改返人數這是暫時我食過的齊店之中，唯一有興趣再回頭的一間

翡翠法輪卷/整個菜濕潤的，吃起來喉嚨好舒服；腐皮柔軟，咬到裡面金菇超爽脆，口感豐富。炸芋角/外表炸得超級鬆脆，吃起來就像完全沒有負擔；芋泥綿密，調味得宜，不會濃味到搶走食材原有味道。雜齋/ （細）味道有調教過，不會太酸 那喉；堂食份量少，而且相比外賣的價錢貴很多。麻婆豆腐伊麵/出餐快。份量不算少，但愈吃愈滋味還不夠吃，可能麵濕潤而且花椒味很香。伊麵軟硬度及芡汁稀杰度適中，第一口就有好香好濃郁的花椒味，豆腐又多又嫩滑，但就欠缺麻婆香辣；三色椒清甜。

📍東方小祇園齋菜灣仔軒尼詩道241號首先菜館地方好寬敞，乾淨，給人一種心寧上平靜嘅感覺。侍應都友善。幫襯了三次，多位朋友口中係好食齋菜，但略貴一點。我都覺得略貴一點，但勝在地方企理，齋菜味道不錯，價錢貴一點都可接受啦。兩個人食叫了一碟福建炒飯($92-HKD)，料多，大碟，熱辣辣。一條細嘅五柳仙班($78-HKD)，今次係第二次叫，其實係芋頭魚。呢度做得味道剛好，外皮又鬆化。第一次同今次仍然覺得好好味。😋另外呢度嘅糕點要推介芝麻糕，好重芝麻味👍🏼五味齋也不錯😄羅漢齋炒麵😋

因為家中長輩住灣仔，已經幫襯東方小袛園幾十年，所以我都已經係由細食到大。所以有時我都會去灣仔緬懷一下，今日去到就有一張枱，係一個人嘅專屬座位🤪我相信冇人會明白我對齋鹵味嘅熱愛程度，唔知點解我真係好鍾意食齋鹵味，所以我今日除咗叫我最鍾意食嘅羅漢齋湯麵之外，我都叫咗一客齋滷味，寧願食唔晒都用盒帶走羅漢齋湯麵嘅湯底同埋啲餸都出奇地好食，其實我食完碗麵之後已經好飽好滿足。不過我都要新鮮食齋滷味，每一件都係回憶，好好味，不過最後食咗一半都飽到要問店員買外賣盒🤣🤣

開素食店都如此不友善，店員全部兇神惡殺，買個外賣都要受你氣。點知盒 茄子豆腐飯出到嚟，85%都係芡，豆腐得4舊，茄子3舊（油炸，但畀芡浸到認唔出係茄子）收你$45，你良心過意得去嗎? 隔離兩餸飯賣緊30蚊一盒飯，飯又多過你，芡又少過你，恃住自己有啲歷史就咁樣做生意，理應被社會汰。簡而言之，食物非常無誠意，門口一班阿姐企喺度，亦十分兇神惡殺。It’s rare for a vegetarian place to give out unfriendly vibe, but they did it. Somehow they managed. With a swarm of old ladies crowding the entrance, warning you to go away. However this humble patron didn’t listen to her guts and went in regardless, and had her day ruined. $45 for a teeny-itsy-bitsy portion of plain rice, and

今日為大家介紹灣仔嘅東方小袛園齋菜，相信好多人都認識甚至食過，我就第一次食，原來係百年老店，唔怪得啲店員都好有「態度」。😅見到有點心食就試下點心啦，加多碗湯麵添。點心 $26-$29，款款都有兩件，唔算貴。👌🥕 蘿蔔糕 $26講真未試過响齋鋪食過好食嘅蘿蔔糕，唔係凍嘅就係死實實成舊都係粉。呢個蘿蔔糕真係超符期望，雖然我影咗好耐相，但食果陣都係辣口嘅（戴頭盔先，可能我好彩咁啱新鮮煎好比我食到），而且完全唔粉，入口溶化，世界級。🌐🥟 菇粒蒸粉果 $26粉果係鮮蝦粉果 style 唔係潮州粉果 style 。後生啲嘅應該唔知咩係鮮蝦粉果，即係扁身啲嘅。皮係厚嘅，餡料冇素肉（sorry 唔記得有咩，都係啲菇粒呀，一粒粒果啲啦 🤣）。唔係話好驚艷，但我好鍾意佢好有家鄉風味，令我諗起細個果陣阿嫲整嘅粉果。👵🍤 荔茸炸芋角 $26呢個真係唔熱，涼涼哋，但都仲脆，同幾好味。😀🍜 京都炸醬湯麵 $58見到京都，即係酸酸甜甜啦。麵就係粗麵，好淋，冇牙都食到。肉碎好少，一心想食素肉嘅朋友會失望。餸就好多，有蕃茄，冬菇，青椒，麵筋，雲耳。味道都 ，okay 㗎。呢間同茶樓一樣可以揀茶，茶錢 $12 位。本身見

甜酸齋係齋舖必賣食品之一，應該甜酸俱備，買左份$13外賣，返到屋企食發覺要沾多d汁個味先會好食，有幾舊只有甜而酸度不夠，立即覺得好可惜🫣$13一份細細份當開吓胃都唔錯

呢間東方小祇園 我堂食就未試過 亦唔打算試 事關聽朋友講得多呢間嘢服務態度麻麻 食物又難食之類 今日買個外賣係因為有個朋友入咗廠 冇啖好食 就買個齋滷味！但企喺收銀機附近對住個齋滷味柜嘅阿姐剪緊剪緊（齋滷味）我叫住佢剪多兩下再細粒啲 個阿姐真係做多小小都唔願意 🙄攞嚟我面前冚蓋時佢話：「冇得再剪細」我心諗 我睇住佢剪緊時已經提佢 佢當聽唔到 攞嚟我面前冚蓋就話冇得再剪細！都唔知咩道理我就費事採佢 我連唔該都冇同佢講 接過外賣我行人我雖然冇喺度堂食過 但買個外賣兩樣嘢接近80蚊 我諗有得揀 我唔會堂食幫襯

作為一個未能食素的人，很多時都不會主動去齋舖食飯，但剛好今天傍晚在灣仔經過東方小祇園門口，想到很久也沒有吃齋菜了，便進去吃個晚飯。見店舖內人頭湧湧，原來今天是初一！因自己很怕吃到扮肉類的齋菜，所以只點選了幾個簡單的餸菜。環境：店內裝修簡單，座位不算闊落，清潔環境尚可菜品：齋菜款式簡簡單單不花巧，味道頗好。但糕點不單止質感不好，而且味道也不佳服務：不知是否因為初一人多，服務員大多比較繁忙，所以服務不算殷勤但也算快手

位於灣仔傳統素食店，星期六中午時段唔算多人，不用等位已可入坐，店舖古色古香，保留傳統中式裝潢。餐廳內環境淨潔，餐枱上餐紙有簡介店舖的歷史及讀音。素春卷香口爽脆，內裹有白蘿蔔的清甜，亦有唔同素材配搭，香脆可口，好味非常菠蘿咕嚕肉~菠蘿新鮮酸甜適中，素咕嚕肉有彈性煙韌，醬汁比較杰，甜甜地幾好食酸甜齋+齋义燒時有外賣，甜酸剛好，開胃可口。齋义燒煙韌可口，一口接一口雞絲粉皮~用上咸咸地的腐乳醬，咸咸辣辣，我個人麻麻地喜歡，但同行者覺得好味。我個人比較喜歡用上麻醬的口味。小店有提供中國茶，我們選了“香片”，茶香清甜唔澀口，店員落單上菜加水也有禮貌及勤快，覺得不錯。小店的餸菜比較大碟，多人去品嚐可試多幾款，當天只2人同行，未能試到其它菜式，下次可再惠顧。