東旭亭

營業中

休息中

啱啱去完黃大仙 週圍搵食咩 打開openrice, 見到有呢間串燒推介, 就共嚟試下, 呢度裝修比較 附近店舖特別一點 , 牆上貼上了很多特色的日本貼紙. 兩個年青老闆都頗為健談, 耐心推介有咩新鮮嘢食. 最後喺推介當中之下, 就點了汁燒原隻魷魚筒, 自家製酒干馬友魚, 燒雞泡魚乾, 串燒一口甜蕃薯, 燒洋蔥, 燒原條粟米. 呢度可以點日本sake, 日本果汁, 同埋日本Orion啤酒, 我自己就揀咗冰凍啤酒, 始終都係大熱天時😋 .店長最後仲請我哋食咗雪糕, 啲餐飯好豐富好味道, 價錢尚算合理, 食品質素不錯, 一定會再回來試埋其他野食.

約咗朋友，嚟咗呢間銀鳳街日式串燒店，以為呢頭冇咩好食，我估唔到又有啲驚喜喎😍。我點咗日本原隻燒生蠔，仲保留住海水味，夠哂Juicy； 芝麻雞翼， 炸到啱啱好，雞味很嫩；點左份燒雞肝，原本唔係幾鍾意食內臟嘅，我都覺得佢燒得好好食，啱啱好；店長推介我飲呢個䲞魚魚湯 ，平時我唔鍾意食魚， 我怕魚腥味，但係呢個魚湯餚得好好味，一啲都唔覺佢係魚湯，值得推介；仲有點左原條燒魷魚，醬汁調校得好好味😋。食過返尋味會再encore的.

我今日點咗 柚子汁燒帶子，呢個係高度介紹 highly recommend !!! 帶子好新鮮大大粒，柚子汁調校得好好味，燒烤時間剛剛好，底下仲有日本菇托底加上醬汁非常一流！蟹膏燒虎蝦，平時食蟹膏會覺得好腥，呢個燒完嘅蟹膏特別香，完全沒有腥嘅感覺，虎蝦都非常新鮮好味！燒日本原隻生蠔，好新鮮 ，同樣燒烤時間控制得很好，剛剛好，非常juicy 和 酥炸日本生蠔 🦪新鮮沙律菜托底， 仲嘆埋冰凍嘅日本Orion生啤。每樣海鮮都好新鮮，燒烤時間恰到好處。 估唔到黃大仙都可以有咁好味嘅燒烤😋😋😋！ 食材優質，價錢公道! 實在不試不可！

叫左 墨魚嘴一份 5隻 $60 10幾蚊一隻細細嘴 牛舌一串 $28 本以為係兩片完整牛舌 原來係 一片切成四塊 包你後悔之 一口和牛 $60 三粒 假和牛都算仲要係烤到帶滲血生 退返再燒 久久不見上 最尾都係冇食到 雞心 一串 兩粒 一分二 串四塊 肥牛金菇一串 雞脆骨一串 唔記得幾錢加啤酒一杯 $48 以為大杯會多點 原來所謂大杯就係人哋細杯 還要泡沫要占1/3一共300幾含淚埋單 永不再去！

上次經過黃大仙鳳凰村見到有間食日本串燒，今日終於試到，地方乾淨企理，食物款式選擇多，另外有日本直送食材！我第一round叫咗冬菇、牛舌、雞皮、雞軟骨、三文魚鮨、明太子雞翼（唔記得影相）、茄子，除咗茄子外都係鹽燒口味，鹹味同軟硬度適中，之後師傅推介日本直送食材，覺得佢手勢覺得可以試下第二round叫咗雞肝、雞心、鹽燒油甘魚鮫，雞肝同雞心係汁燒，日本直送食材真係唔同d，油甘魚鮫都好juicy，整體嚟講呢間小店真係喜出望外，食物質素拍得住大鋪頭級數，一定會再返食！

諗住食少少嘢，原來有章魚燒，叫咗個餐包一個雪糕球。估唔到章魚燒有水準，外皮脆脆，醬料份量恰到好處，有某某出名的章魚燒店，讚！👍🏻食少少嘢都有心機，搵日晚上來食串燒，期待。

上年8月見有新店開張，裡面裝修得好日式小居酒屋，就幫襯過一次！今年經過店舖又再幫襯多次！在入門口前店員已經事先講明會等食物耐少少，我同老公都唔趕時間就坐入去食，因為上次試了串燒，覺得串燒款式種類不算多，今次就點了2個飯，一個親子雞肉飯，一個日式牛肉飯！果然食物要等半個鐘先來到，食物熱騰騰，即叫即煮，用心製作 餸同飯嘅份量比例都算適中，味道不錯，仲有麵豉湯附送，埋單時仲有雪糕送，可以選朱古力味／紅豆味／芝麻味，個雪糕味道都幾好

早前經過心血來潮買左個鵝肝溫泉玉子丼外賣返屋企, 雖然已經擺左好一陣先食, 但都好好味🤩🤩🤩當時就諗, 下次直接去舖頭食應該仲正🤔果然, 啱啱整好嘅丼超級香口, 連埋飯一齊食唔會太膩, 同埋剛整好嘅鵝肝表面脆脆地, 勁好食!!😍🤤😋另外加錢將麵豉湯換成魚湯, 個魚湯都好足料, 非常好味!!所有野都係用心製作, 質素非常之高😤👍🏻👍🏻之後仲有飯後甜品雪糕🍦都好正!!😍環境同服務質素都好好, 而且非常衛生, 見佢會時不時噴消毒清潔, 而且店員非常健談同埋細心👍🏻希望多啲人知道依間用心而且有質素嘅小店😄

去左依間野大概三次晚餐串燒牛舌一流（極力推介）串燒雞皮 （薄得黎又脆口）Onion 日本啤酒 係啤酒機新鮮出黎坊間完全飲唔到午餐 牛舌飯（牛舌雖然無串燒個隻禁高質但都係一個令人難以忘懷既美味）燒靖魚 皮脆又有炭香味香港難得少食到既味道本人絕非打手 ，疫情前一年返日本家鄉四五次坦白講日本都唔係經常有既人情味 同美味同用心真心推介見到既朋友一試，此店因業主加租由西貢老字號店搬黎黃大仙廚師同老闆都好Nice 好用心製作今時今日香港真心難得❤️❤️

鳳凰村附近有好多野食，但見到呢間舖唔算太多人，唔洗等，外面睇落又幾日本風，見人少少就入去食，入到去店內裝修都好有日本風，日式佈置，但坐位就唔算太多，不過勝在坐得舒服唔迫。一入到去店員招呼好好，好熱情，環境舒適唔侷促。主要食串燒，食物種類都算多，野食都好快上菜，燒得好香，熱辣辣，味道幾好。京蔥博多豬腩，好食，豬腩有少少入口即溶feel，夾埋京葱食，好正。其他串燒都燒得唔錯，雞心，牛舌。池魚仔又整得好食。另外三文魚鮨都炸得好脆卜卜，骨都食埋

試咗幾隻口味…不過個人覺得’蜜瓜’梳打最好味日本蜜瓜點會有得輸……完全冇得輸！大家一定要試吓！大人同小朋友一樣愛好！良心小店，喺黃大仙有咁嘅質素算係咁啦！我都係第二次同家人食！