東星餐廳

營業中

休息中

今日在隔離街某餐廳搞到一肚氣未坐低就離開，找到呢間餐廳，門面普普通通，但係店員熱情招呼瞬間由地獄上返天堂，幾十蚊的午餐都會介紹一下，知道我趕時間秒速下單出菜，$60肉眼扒午餐連grissini、餐湯、成塊面咁大嘅牛扒、配薯菜飯或飯意粉，牛扒都幾Juicy有牛味煎香，薯條新鮮炸熱辣辣，凍檸茶檸檬唔苦大大杯，老公改黑椒汁又得，性價比非常高，最緊要店員熱愛工作服務態度好，見隔籬枱唔食午餐散叫佢都慢慢介紹推介食物同酒水，服務貼心。下次有機會我都會去Hea下，偷聽到佢話一set六樽啤酒只係百幾蚊。

位於九龍城的餐廳外表唔吸引,但是食物質素有意想不到的路過這間「東星餐廳」,又想食西餐, 見到呢間西餐廳人少少, 環境覺得不錯唔太嘈,就隨意入了去, 一入去內在環境無特別, 只是一般茶記FEEL , 有大電視睇,我叫了羊架1個餐,有3件, 無”穌”味, 香草適中, 肉的成熟的情度適中,正合我心意, 配了白飯是珍珠米朋友叫了豬手餐, 煮法有點不同, 不是喊豬手, 而是外脆內軟, 有點豬”穌”味買相OK,味道一般,可以接受價錢都一般，唔會話太貴, 去茶餐廳仲可以加錢飲酒,唔錯,可以再黎還有小小的甜品

大年初一睇完戲一家四口諗住嚟九龍城搵食，點知想食既泰國野同日本野都冇開又揸住車，唔想搵泊好位就見到間餐廳！入嚟鋸扒！食個龍蝦餐！仲有生蠔配紅酒🍷唔錯👍🏻生蠔🦪大大隻！都抵食😋最後埋單都冇收貴D，話晒都係初一晚！舖頭好老實👍🏻

經過多次今天終於選了這裡相比起九龍城其它早餐餐廳這家真的是很安靜來的似乎是熟客仔居多這就是九龍城小區的人情味啊在下看了陣餐牌點了份 R. 意大利菜湯 雞肉 螺絲粉 $42先來餐飲 熱檸茶之前就來了主食菜菜長時間被煮顏色變得不好看了黃黃的像酸菜因為沒看到雞肉 以為是分開上的就稍等了一下再等埋多士到就開始吃了多士本身輕烘底 這點不錯👍而螺絲粉..在下嘗試攪拌幾下再看看 嗯…找到雞肉了原來這是推崇小肉的餐廳吧？看到過往食評照片加上在下眼前的雞肉螺絲粉想咬肉的人必定會心感雞肉小得可憐拼起來有一隻雞翼的量嗎…？🥲好吧 窮人吃飯 別諸多意見環境覺是不錯店員的細心和廚師的誠意有進步空間只能這樣吧…

📍九龍城西餐廳 East Start Restaurant📍喺九龍城做完運動想搵間餐廳食飯填肚，見到呢間西餐廳，好似有好多肉肉揀，就入去諗住食肉補充蛋白質！😀佢嘅午餐餐牌都幾多選擇，最貴$88，最平就$48，價位都正正常常，唔會話太貴。我哋呢次就揀咗香草羊架$88，同埋肉眼扒洋蔥汁$58，包一杯熱飲，凍飲加三蚊。羊架有兩支，味道一般，有小小”穌”味，羊味唔太出。肉眼扒就好大塊，不過就同一般餐廳嘅牛扒差不多，無乜牛味，都係一般。大概係一間普通正常嘅西餐廳🤔。

在九龍城拍照的一天，來到中午時份，路過這間「東星餐廳」，就在這餐廳求其吃個午餐才回家。在黑板上寫著的是日午餐中揀了「紅酒牛肋條」（$58）做午餐。兩款餐湯，一紅一白，我揀了白湯「雞蓉忌廉湯」。這湯雖然稀冷冷的，但奶味甚濃，那些若有若無的雞蓉就不提也罷了。隨湯還附送長麵包條，脆身的麵包條正正常常的，並無問題，不過它竟然被放在玻璃杯裡，就令人覺得有點突兀古怪。配以意粉的「紅酒牛肋條」的肉汁頗濃，不算少的牛肋條也煮得軟腍，水準是及格的，意粉也過得去。最後的甜品，竟然是原粒的「雪糕糯米糍」，雖不是甚麼特別的甜品，也算是聊勝於無吧！平凡的一餐，就像這平凡的一天一樣，眨眨眼，便過去了。

今日落住雨周圍都冇咩人我11:30陪完婆婆入醫院就喺九龍城搵嘢食同埋睇吓有啲咩啱婆婆食嘅可以買俾佢因為周圍都仲係賣緊早餐冇飯餐而婆婆係想食飯所以就嚟到依間東星餐廳一入到去已經一浸煙味坐近門口有四五個地盤佬係咁講粗口地同埋枱櫈到油淋淋不過我都係想買個飯比婆婆食啫所以我都坐低咗跟住叫咗個回鍋肉飯因為見到有湯飯所以諗住等陣買俾婆婆食結果坐低咗好奇怪第一次係叫中食飯係會跟忌廉湯同埋西式湯個湯係完全冇味道嘅我諗住落鹽點知全部鹽都係塞死咗完全都唔出叫咗個姐姐玩咗兩次都係咁樣後尾聽到有個阿姐喺廚房度叫出嚟咁我哋開冷氣啲鹽樽係咁㗎啦俾個大嘅佢自己樓囉回鍋肉飯嚟都真係嚇我一跳好明顯就係煙肉炒椰菜完全冇汁我試左一啖啲米係半生熟、椰菜係完全冇味道咁我同個女侍應講佢話依個就係回鍋肉飯我再問頭先大叫出嚟嗰個姐姐佢話張單就喺度你可以買單冇問題依啲咁嘅舖頭我都唔想再留多1秒比完錢立即走仲要嗰個侍應落單係會坐喺你張枱上面真係唔知道樓面定做坐女希望大家都唔好有依個不愉快嘅經驗其實九龍城真係好多嘢食

本身目標是去隔籬街一間食川菜辣嘢的店舖，不過疫情之下它又沒有開門，九龍城都死過臘肉。人少過鄰街《小店》好多，但我覺得味道更好長麵包條、白湯，不過麵包條用透明膠杯盛載，即刻扣了分，因為正常以透明玻璃杯的嗎。忌廉湯都沒有什麼特別，至少沒有結到一團團的樣子啦。西冷扒鵝肝汁配薯菜，落單之後沒有問我幾成熟，我就發現賴嘢了，原來都是預先做好那種西冷扒，雖然都算係個薄身，不過難免會比較老了一點，有輕微鞋，幸好旁邊還有少許脂肪，不至於完全乾乾的牛排。甜品是雪米滋，也只是拿出一粒即食冷凍雪米滋，沒有特別。凍奶茶味道都算正常，至少茶味不會太淡，味道也不太甜這間餐廳雖然味道不算特別出色，不過至少環境夠寬敞，不像上次那間小店那麼侷促，店員都非常親切有禮貌，因此比起上次那間感覺好一點。

今日放假去九龍城剪頭髮，太多人等緊，唯有去附近搵嘢食，諗住食個早餐再等過，去到九龍城侯王道諗住食最出名嗰兩間餐廳食早餐，點知排長龍排到街尾，我太肚餓唔係好想等，見到對面有間叫東星嘅茶餐廳，見餐廳入面冇乜客人，咪入去諗住依飽個肚算數。入到去見到個餐牌，選擇都唔多，叫咗個雞扒腸仔出前一丁，嗰個侍應同我講話加$5，咁我心裏面以為淨係只係加$5。點知食完買單嗰下，佢話收我$60，我當堂嚇咗一跳，之後再睇返個餐單，先知原來加麵要加10，即係$15，其實都冇所謂嘅，不過塊雞扒就真係好細塊，連埋嘢飲$60食個早餐有點貴，加上嗰度都冇乜服務態度，感覺上食過一次之後就唔會再有第二次。性價比真係低。如冇特別都唔會再幫襯。

午餐經濟，有侍應門口拉客，入去試試，快歺店模式，全店只看中央唯一黑板，無menu, 紅湯/白湯+主菜+餐茶，餐湯配長餅乾條，5食侍應會收回，5知會否翻用🙇🏻‍♀️意大利菜湯淡淡的無特別，主菜袖珍之羊架$78配薯菜，有一堆薯條及椰菜拌碟，胄口不大嘅我都只能當作下午茶，羊架肉如手指頭般，當是法式吧😅最後一杯即磨咖啡+$5，更有一粒雪米糍作甜品，簡單之快閃輕食lunch, 再下一城去另一間tea🍽😆

又開工，又開學。今天放工後，跟Honey到九龍城，原本想吃糖水，但剛好在東星餐廳外有位泊車，就在東星吃下午茶吧。我點了火腿吞拿魚飛碟。一般，不夠脆， 碟底有水氣，麵包變稔了。Honey就叫熱狗。這個好抵食喎！長長的潛艇熱狗包，香腸也是好大條熱狗腸。而且不用一般茄汁，而是用青瓜醬……好重本！兩杯飲品都不錯，熱辣辣的奶茶。抵食！

為了慶祝屯馬線既出世，專誠去左九龍城行下。去到呢度見到東星餐廳，聽朋友講啲龍蝦幾大隻好好食，就一於試下。龍蝦肉身真係幾大幾多肉，易咬落去又彈牙，真係需要推介一下先得。遲啲再同朋友過黎食多次先得。

最平的午餐HK$46 便有肉吃了, 而且包餐湯, 脆麵包棒及餐飲, 份量又適中(可能男士會覺得太少,  我囝囝都覺少, 不過可以要求多飯) ,  我覺得性價比超高,  香蒜雜菌天使麵的天使麵很入味, 香蒜不會太重蒜蓉味, 所以吃完也不會成口蒜味,  有清清淡淡的感覺。而焗芝士肉醬意粉, 的肉醬份量適中, 很適合不愛太多肉的囡囡吃。囝囝卻覺得意式雞皇飯太少份量,  我叫他可以吃肉眼, 見其他客人的肉眼很大份量似的。下次我們會再光顧, 女店長很nice, 讓我囡囡同一家三口的貓店長影相,  她說晚肆堂食時段,  三口貓店長會出店幫手的

Don't 升餐廳，第一次叫依到嘅外賣，Menu睇落好似好好食, 嚟到之後好似食緊一個完全唔識煮嘢食嘅人煮嘅嘢食咁。啲飯爛到好似食糊仔咁，啲豬扒係燶嫁，啲配菜係冇切到就煮。D湯用生粉水開到好似漿糊咁, 今日係嬲到唔可以唔寫。😤回水都補唔番，若果你係收平嘅話，茶餐廳價錢嘅話，我冇嘢好講。但係一個飯加多杯熱檸茶要成舊幾水，兩公婆食完飯要2百幾蚊，但係唔知食咗啲乜嘢，後悔。算吧當自己買個教訓😔，希望質素有所改善，唔係嘅話真係唔好開餐廳。過節仲要食啲咁嘅嘢真係好唔開心。係我自己衰冇睇食評就order, 我知錯了...

週末想吃吓西餐，去咗九龍城見到間叫東星餐廳，以為是茶餐廳，但看見其顯示板打出有西式食物才停步留意一下，餐牌都有些吸引便入去吧磨菇忌廉湯，濃度剛好，份量亦多。羅宋湯，味道亦ok。配法式麵包條，長長條狀，一般部很硬實，但這卻非常酥脆，好味。肉眼扒黑椒汁意粉，黑椒汁畧少，肉眼扒大塊軟腍，肉味亦可以，意粉韌度剛好。忌廉白汁雞皇飯，忌廉白汁有奶味磨菇忌廉湯，濃度剛好，雞肉唔肥，份量亦多。飲品凍檸茶，仲有甜品，雖然只是現成的雪米糍，但也很喜歡的。午餐價格相宜，成份餐的份量亦很多，整體來說很抵食。