東星餐廳

營業中

休息中

今日放假去九龍城剪頭髮，太多人等緊，唯有去附近搵嘢食，諗住食個早餐再等過，去到九龍城侯王道諗住食最出名嗰兩間餐廳食早餐，點知排長龍排到街尾，我太肚餓唔係好想等，見到對面有間叫東星嘅茶餐廳，見餐廳入面冇乜客人，咪入去諗住依飽個肚算數。入到去見到個餐牌，選擇都唔多，叫咗個雞扒腸仔出前一丁，嗰個侍應同我講話加$5，咁我心裏面以為淨係只係加$5。點知食完買單嗰下，佢話收我$60，我當堂嚇咗一跳，之後再睇返個餐單，先知原來加麵要加10，即係$15，其實都冇所謂嘅，不過塊雞扒就真係好細塊，連埋嘢飲$60食個早餐有點貴，加上嗰度都冇乜服務態度，感覺上食過一次之後就唔會再有第二次。性價比真係低。如冇特別都唔會再幫襯。