東江食家

營業中

休息中

去襯大埔，如果想食小菜，我都會嚟食架！因為佢啲鹽焗雞真係好好食！今次同ka ho兩個人食，叫咗兩個小菜 & 一碟鹽焗雞飯。喱度啲小菜，勁大碟，水準又穏定，真係唔錯......1) 琵琶豆腐真係好大碟，又有西蘭花伴碟。不過啲琵琶豆腐今次唔夠香脆，有少少失望。2) 椒絲腐乳通菜又係勁大碟，兩個人食唔晒，好嘢味！3) 鹽焗雞飯唔駛講，必食！每次都會叫鹽焗雞，肉嫰、有雞味，唔會淋pat pat。喱度另一必食推介係原隻菠蘿生炒骨，原隻菠蘿上，獻汁味道適中，唔會太甜 / 太酸，勁開胃。可惜今次只得兩個人，一定食唔晒......所以冇叫！

一月十一日, 今日我同老公去咗大埔外影, 所以晏就嚟咗大埔廣場呢度食晏,我哋一行七人選擇咗入嚟呢間《東江食家》試吓佢個招牌鹽焗雞飯 ($30),個樣都算 OK, 食落都唔錯, 夠鹹有啲雞味, 份量都算適中啦! 係啲飯唔夠熱!老公就叫咗個咸魚雞粒炒飯, 我冇試, 不過睇個樣都幾靚仔喎~呢度既郊外油菜只有唐生菜, 同埋呢碟要成 $12, 貴咗少少...個飯仲送杯豆漿, 不過係凍既, 只係飲咗一啖, 算係咁啦!估唔到呢間嘢都算幾好食, 只係啲小菜貴咗啲啫!更詳細資料及圖片請看 : http://hk.myblog.yahoo.com/joycewai616/article?mid=12309

在假期眾人正在開心放假,而小弟則在公司工作,午飯時候和一眾同事,一行十多人去食東江雞吧,3個月前也寫過一次,想不到今次會再來,這裏我覺得不用食其他東西,一碟雞飯即可,因為這裏食鹽焗雞出名,這裏不像什麼酒家,酒樓,像平民飯堂,因人多的關係要開2圍這裏的雞飯不算貴,30元一碟,加支汽水只需2元,比較便宜,廚房忙過不停,所以每一碟則較耐時間,一碟雞飯則附送一碟沙薑,但這裏出的鹽焗雞,不加任何東西應該食到它的鹽味,先說飯,下水不太足,令到飯本身比較乾,很難食得完整碟飯,這個不足之處要改善,雞的鹽味調教得不錯,件件食出鹽味,只是個別一件鹽味重了一點,雞肉則滑,食完一件又想食多一件感覺,服務態度只算一般.有時間來食一次也沒有所謂,當然它不是最美味的雞.但它也值得一食

今次來食這間東江雞吧在這間店鋪也有一段歷史,這裏的鹽焗雞頗有名令到紅叮想來這裏,找到星期六的午餐時間,一行7人來到,剛來有一張大抬,~想也不想即叫一碟鹽焗雞飯~要汽水加2元,豆漿不用錢~因為比較多人要的關係,也需等一會兒之後來到我面前,份量也不少~鹽焗雞都幾滑,不會鞋口,頗有雞味~但紅叮不太喜歡雞翼尖部份~飯的份量足夠填飽自己肚子~加支汽水還不錯吧

常幫襯此店的老鋪,第一次幫襯這開了10年,相隔幾個鋪位的分店,兩店的分別是：老店只得大檯一張,而新店大檯多,老店較為殘舊和狹窄,新店則較為寬敞和光猛,老店免茶,新店則收茶錢,平日$1位,而週末及週日和假期茶錢$3位,招牌東江雞全由老店出,其它小菜就各有廚房煮,老店廚房少用味精,新店則多用.18人分兩圍,我那圍叫了：招牌東江雞半隻$75 - 廿年沒有褪色的招牌菜,即叫即以上湯淋熟,雞有雞味,又滑, 蘸上沙薑醬食更滋味!雞蛋焗魚腸$42 - 魚腸多,加上芫茜和少許紅椒,全無魚腥味,最正是上枱時滾熱辣,正!椒鹽九肚魚$46 - 炸得乾爽,香脆又夠熱,好!原隻菠蘿咕嚕肉$52 - 原隻波蘿上,夠綽頭,吸引人,火腩大鱔煲$58 - 鱔滑,火腩淋,惟豆腐覺得不太入味,黑椒牛仔骨$50,炸大腸$46,和蒜茸西蘭花$34都O.K.另一圍亦叫了相若的八個小菜,梅菜扣肉$50 - 飛象過河,食了兩件扣肉,肥肉已走油,入口溶化,可以順喉嚨而落,過瘾!18位茶$54, 8啤酒$176, 6枝裝汽水24, 再加9飯1米粉,埋單$1121,

13-11-07果日考完試,陪完同學返家,來左這兒買飯要左個咸魚雞粒炒飯送豆漿($29),對學生來說都幾貴,不過間中一次都冇妨GE!打開外賣盒,一陣香氣撲進,份量多,兩個人食都得飯炒得金黃,有大量雞粒,雜菜等配料‧咸魚份量反而很少,間唔中先有少少。味道不錯的,咸魚咸香十足,唔會一陣腥。總括來說,是一道炒得不錯的咸魚雞粒炒飯,不過咸魚份量可以再多。

13.4.2007 (Fri)以前都幫襯過幾次，喱間菜館都算經濟抵食，而且都幾好味，菜式選擇亦算多，幾好架！我3個人，叫4個，包括：1) 椒絲腐乳通菜($28) 勁大碟，夠味，正！2) 鹽焗雞(例牌) ($50) 真係好味，雞夠嫩滑，唔會淋pat pat，必試3) 招牌小炒皇($38) 有腰果、西芹、魷魚、蝦干，好香口4) 客家豆腐煲($42) 個獻汁多，但豆腐好滑，唔錯。我見個個都叫鹽焗雞，可想而知，雞唔會差得去邊。喱度環境都算乾淨企理，多數4-8人，2個人去一定要搭。7:00 p.m.後勁多人，唔想等位，就要7:00 p.m.前到啦！

經濟抵食, 味道好, 又有好多甜品$4 - $8 很抵食! 但電視機聲音太嘈!! 太嘈了!!

今日去左東江雞食晚餐,好耐之前食過d雞唔錯,去到果時得十個客唔算多人啦叫左雞,豆腐和京都骨。過一陣來左京都骨,個樣真係麻麻,而且有d 黑!!!心想~唔係掛,京都骨到左!?雞仲未來之後有雞到啦,但唔係俾我果張,係俾遲過我叫果張= ="禁冇計啦~追下單啦,個職員就話e到d 單無數字嫁~跟都唔同我跟下,之後就不理不彩即刻我要埋單閃人,仲叫我埋單去出面間野俾啦間野同之前俾差左好多丫= =

東江食家除了出名食雞外，早午茶市也是相當不錯的，而且很地(足否)風味，東江食家每日的早午茶市，大、中、小點一律8元，腸粉每款10元、盅頭飯也才不過11元，相當划算，款式也不少。試過煎堆、鵪鶉蛋燒賣、大包、梅菜蒸魚飯、雞扎、豬(月閏)腸…全都甚有水準(當然也會是舊式問題——多油)，下午茶時段還有糖水、碗仔翅、生菜魚肉、豆腐花等供應，當然最好味的還是其招牌鹽焗雞啦，通常我都會拉埋成家，吃點心之餘也可以食埋鹽焗雞飯，人多o的、食物又可叫得多o的，每次來這裡聚天倫我都會很開心的啊！！

估唔到居然無人o係度讚呢間野d鹽鋦雞?????!!!!!!!!呢間東江雞，當然最出名係雞la.細個(十年前度)屋企人經常帶我黎食，有時會買外賣返屋企加餸。記得一兩年前某報紙有介紹呢間野，話d雞ok la，唔係非常特別好。我好耐無幫襯(搬左)，都唔係好記得d雞係未"特別"好味。上星期去食，發覺佢要埋隔離鋪(當然la，間鋪咁細，記得以前成日都有好多人等位，宜家都一樣要o係出面開多兩三枱)。可能太耐無食，覺得非常好味。好入味重非常滑。不過我唔係經常去唔同鋪食鹽鋦雞，所以無得比較，唔知會唔會好多鋪頭都做到咁好食。無記錯例牌係48蚊，夠兩三個人食，半隻$7x，一隻$14x.(一隻雞百四蚊算唔算貴呢?)service ok la，一搬好旺ge鋪頭仔，d嬸嬸好忙，但態度幾好。環境當然係迫la，好彩ok乾淨。