東海堂 (已結業)

話說近排中左東海堂西餅毒瘋狂食東海堂啲蛋糕同卷一直都覺得東海係連鎖西餅舖之中最好🤘🏿.士多啤梨卷喱個士多啤梨卷都出左好耐終於有機會一試🤘🏿🤘🏿蛋糕好軟熟鬆軟一啲都唔乾好香士多啤梨味！🍓啲cream亦好滑又唔膩仲有淡淡的士多啤梨香真係不錯!.焦糖卷.焦糖卷真係好香 焦糖味好出中間啲cream好滑身仲有少少焦糖漿😍令成個卷好濃焦糖味又令蛋糕濕軟啲✨但又唔會好甜外面層蛋糖依舊好鬆軟幾喜歡喱隻味！

媽咪今曰生日，買佢至愛之一朱古力味道同佢慶祝，貪方便去咗東海堂買生日蛋糕！見到5重奏朱古力！就試試佢，中伏了，個朱古力脆脆餅底好林，一啲都唔脆，失望諗住大集團有保證，個生日蛋糕質地好似好實淨咁，一啲都吾cream

因為要同朋友慶生而壽星女好中意食士多啤梨，所以今次特登去東海堂買呢一款以士多啤梨為主既蛋糕比佢。因為人少少得三個人食，所以見到赤莓・甜心cake little係輕量版又好精緻所以就買左呢款。<赤莓・甜心cake little>，$158，就咁睇已經好吸引。食落有好多層次，底層係用白朱古力脆脆，同一般用蛋糕做底唔同，口感豐富左好多。士多啤梨下面有一層啫喱面，然有草莓慕絲，中間再夾着一層士多啤梨醬，足足有成6個層次，完全滿足晒我地想食士多啤梨既慾望

東海堂抹茶line 樣樣都試過哂就係差哩樣抹茶啫喱杯如你鍾意食啲精品甜品，咁呢個抹茶杯就岩哂你喇！佢最頂層有粒粒大大粒既抹茶啫喱，下面有一層一層的抹茶蛋糕同忌廉，俾到你一層又一層的口感！好值得試！

我本身都幾欣賞東海堂嘅蛋糕，因為佢比其他嘅餅鋪冇咁甜，同埋啲生果全部都好新鮮，唔會話比糖漿浸到好甜，全部係天然嘅生果味，另外啲cream又唔會太多，剛剛好！近排我就幾欣賞呢個蜜瓜蛋糕，首先蜜瓜清甜又清新，大家食完飯之後食少少慶祝，剛剛好唔會滯！

濃厚可可$228 (enjoy card 可享88折): 東海堂近期大推的70%濃厚可可蛋糕，爸爸生日，於是買來跟他慶祝(根本是有私心...) 蛋糕不有花巧裝飾，簡單用上chocolate ganache 製岀花紋，中間放著金箔 (註: 面頭的可可粉是我為了拍岀灑粉效果才會這樣的) 切開，蛋糕分了4層，面是ganache，中間夾著榛子蛋糕，朱古力忌廉，可可脆脆，外邊圍著可可慕絲。 因採用70%濃度的可可為原材料，蛋糕吃起來朱古力夠濃郁，微微苦澀味繼而滲岀。 叉起一角的蛋糕，雙唇緊抿著，吃岀面頭的ganache密度高，濃度也高，但不好甜食的可能會覺得膩口。 整體蛋糕不錯，唯內裏的海綿蛋糕略微乾身不夠軟熟濕潤，些微破壞整體口感。Wow factor: 7/10東海堂 九龍灣偉業街33號德福廣場二期3樓308號舖

朋友生日我哋係東海堂買咗個蜜瓜味嘅蛋糕俾佢，食完飯就切蛋糕啦，蛋糕有蜜瓜嘅清甜味，綠色視覺上好靚，裏面仲有啖啖蜜瓜肉，就算啲cream都唔會太甜，朋友都好滿意呢個蛋糕，下次如果其他朋友生日我哋都會再買黎食。

東海堂嘅紫薯軟雪糕依家好多分店都食到啦,靚靚嘅紫色睇落好吸引。雪糕比較挺身同軟滑,第一啖食落紫薯味吾太突出只係覺得好甜,越食越覺得膩同埋越黎越口渴。同埋杯雪糕唧得有D核突,好似打風甘。

國際軟雪糕日喎，當然要食返杯軟雪糕啦！！想試東海堂呢個軟雪糕好耐啦，好多好評！有紫薯味同北海道牛乳或者兩溝，雖然兩樣都好吸引，但因為想試真啲隻味所以就無揀到兩溝喇 。唧落其實有少少失望，因為平時睇相都見呢個係好大枝，但今次到我食明顯係少左兩成份量左右囉無計啦唔通叫佢唧過咩！雖然好想相機食先，但佢都溶得好快呀，影左幾張相已經溶到滴落黎，睇黎佢好心急比我食喎食落紫薯味果然無令人失望，唔會係果種好假既味，而且好多時如果特別口味既雪糕都會過甜，但呢到就甜道岩岩好。雪糕除左味道當然係個質感啦，牛乳係賣點，滑溜溜口感走唔甩啦，雖然滑但都唔係同係日本食果啲牛乳雪糕咁稠身，所以即使咁大杯都意外地唔會覺得漏架！！

紫薯雪糕 $30份量好大😈顏色好靚😈雪糕方面，超creamy，creamy得過份😅好似食忌廉咁😂食2啖就飽左😂但個味係還好的，淡淡紫薯味，又吾會太甜🙈但咁creamy既口感係冬天食就好d

有人同男友行經九龍灣呢間東海堂, 見到竟然有我地最愛既紫薯雪糕?!買個試下正唔正先! 見住個staff係個雪糕機度唧d軟雪糕落個筒果時, 我同男友都有種好強烈既感覺: 唧多d唧多d~~~~~~~唧多d食落口好香紫薯味, 而且食落個口感都幾滑溜最重要既係~佢唔太甜令到我可以食好多都覺得唔係好肥紫薯控一定唔可以錯過!!!

第一次見東海堂有雪糕呀~ 有綠茶味同紫薯味（$30）。因為綠茶普通d，所以試下紫薯。話說個店員唔係好熟手，個軟雪糕dur 左皮，佢即刻掉落垃圾桶。呀，好浪費。然後佢欏完第二個cone，又掉多個cone。我就大叫其實唔靚都唔緊要，唔好嘥野。佢話一定要靚架。姐姐好堅持。第二次終於都ok，不過隔左5秒都係dur 左皮😂超級creamy，紫薯味好rich！讚。食完個口好似有d紫薯喺隻脷度。好大杯，一個人會食會有d 漏~

抹茶總有一個神秘魔力，吸引著女生，見東海堂有濃厚。宇治抹茶牛油蛋糕，當然被魔力吸引著我！買一盒來試試，望色同香味已經好吸引，食落去好濃的抹茶味,不過甜左D後尾試左雪雪櫃再食，正好多！經過要再買黎食

呢個蛋糕雖然係為White Day 而設, 但不一定要在White day 才可以食, 之前見雜誌廣告張相好靚, 已經想買, 星期六放工時咁啱見到, 豪不猶疑即買.外表白雪雪, 好靚, 本以為一定是一個好好味的蛋糕; 但是, 它的蛋糕身份並不稱職, 蛋糕的比例相當少, 成個cake都是cream, 太多喇! 雖然係好靚, 但係不是我杯茶, 都係蛋糕份量多些會好味d.

今天是14/2情人節，當然要吃情人節蛋糕拉，看見東海堂的白色士多啤梨蛋糕十分漂亮，於是我便訂了一個回家吃。蛋糕外形方面，蛋糕上有4粒大大粒的白色士多啤梨，白色士多啤梨周圍都是cream，十分漂亮。味道方面，雖然這個蛋糕的賣點是白色士多啤梨，不過白色士多啤梨味道一般。雖然士多啤梨很大粒，不過完全不甜，有粒是酸的，有粒淡而無味，總知味道一般，有點失望。不過，蛋糕味道不錯。這個蛋糕是蛋白蛋糕，蛋糕十分軟熟，入口即溶，十分美味。蛋糕中間是3.6牛乳布甸，布甸十分滑，而且有很香濃的牛奶味，味道不錯。雖然蛋糕有很多cream，不過cream完全不甜不膩，和蛋糕一起吃十分美味。不過，蛋糕中間有些士多啤梨果醬，果醬有點酸，味道一般。價錢方面，這個白色士多啤梨蛋糕原價$438，9/2前訂購$372，價錢十分昂貴，而且白色士多啤梨味道一般，有點不太值得。總結來說，這個白色士多啤梨蛋糕十分漂亮，而且味道都算不錯，大家可以15/2前買一個回家吃^_^