東興食品公司

營業中

休息中

朋友介紹這一間很出名，所以特別揸車去購買來試一試，但價錢偏貴，$112 牛筋丸一斤大約只有32粒，平均 $3.5一粒。但係我食過最好食嘅牛筋丸。另外，購買了半斤普通墨魚丸，$34 墨魚丸半斤有16粒， 平均 $2.2一粒，味道冇乜特別，只係冇乜彈牙，墨魚味不厚。另外，購買了魚扎一盒 $50，完全唔好食，冇味道，老闆說可以放2-3日，但盒上沒有註明生產日期，何時到期，見佢喺雪櫃攞出嚟。我不會再購買，不建議購買。

第一次經過時，俾一袋袋嘅炸魚皮吸引住，心諗呢間嘢自己整魚蛋，啲魚皮應該唔會差得去邊。當時見到4~5個人排隊買嘢。第二次經過時，仍然有4~5個人排隊買嘢。心諗咁犀利嘅，keep住有人排隊幫襯。第三次經過時，又有5~6個人排緊隊。再一次心諗，呢間嘢應該係好嘢嚟，唔係點會唔同時段都有人排隊。最後，除咗買咗半斤「炸魚皮」（$38），另外再買多半斤「頂級魚蛋」（$50），同埋4兩「超級魚片頭」（$20）。炸魚皮，又大塊，又薄片（比坊間少粉），超脆超鬆化，又有魚味，除咗打邊爐，當零食都一流。頂級魚蛋，係用新鮮魚打的（「超級魚蛋」就係用冰鮮什魚），差廿蚊，咁梗係試頂級啦。半斤有18粒。超級彈牙爽口，但魚味冇預期中咁出，但絕對係好食嘅。超級魚片頭，4兩有9件，同樣好彈牙，味道正常。

買吉士撻嘅時候發現旁邊魚蛋檔不斷有街坊排隊🤤身為食物搜尋隊隊長當然吾可以放過💥加上難得大西北出城當然要有手信拎返去🤣同大隻仔揀左最想試既3款每樣買左四兩拎返屋企整黎食🙆🏻‍♀️同大家介紹下先❗️特別想講超多人買炸魚皮呀‼️💁🏻‍♀️如果都係出城去探索既朋友記得買手信返大西北呀~~~打邊爐必買💥❐ 頂級魚蛋 $25💁🏽‍♂️💁🏻‍♀️推介❗⟰大概有10粒，大細同普通魚蛋差不多，形狀就似不規則🍡⟰一咬落去勁彈牙🌟大隻仔心心眼左，小妹覺得質感好似手打魚蛋係超❗️彈❗️牙❗️可以用彈彈波黎形容💥加上無魚骨又吾腥，但有鮮魚旦咸香味✨的確係正既‼️❐ 黑椒牛筋丸 $25💁🏽‍♂️💁🏻‍♀️推介❗⟰大概都係10粒，算大大粒而且外面會見到有少少牛筋✨⟰呢個超讚🌟仲好味過魚旦！一咬爆汁💦💦💦💦💦💦入面肉質又嫩又彈牙而且仲有粒粒黑椒同芹菜調味，好惹味🌶‼️無論口感同味道都滿分💯‼️❐ 超級墨魚丸 $25⟰ 好明顯係比超級呢2個字吸引既小妹🙌🏻大概都係10粒但係就細細粒⟰食落彈牙有少少粒粒墨魚🦑而且好香墨魚味🌟但係比起另外2隻無咁驚喜