東記海鮮小廚

營業中

休息中

充滿驚喜的小店😚在街市買加工海鮮到小店，成品充滿驚喜如果在外來買海鮮到小店加工，只收取加工$，我覺得價錢實惠今次我買了聖子，小店清洗乾淨，完全冇沙，洋蔥又爽又香，好好味👍🏻雖然小店外面招牌廣告不多，但在熟人介紹下一試難忘，特別在涼瓜鯧魚好新鮮，冇腥味👍🏻平時食開鼓裡鼓汁鯧魚，在店主介紹下試用涼瓜煮真係好好味呀😋大家值得一試本人喜歡熱鬧，係度搵到充滿香港味道真係好難得每位食客都好有感情，互相認識一睇就知有人情味會再繼續幫襯🥰👍🏻希望繼續保留香港情味道

若果你唔介意落單伙記以至廚房大哥都會擔住口烟嚟招呼你嘅話，呢間食肆都不妨一試嘅！午飯時經過東記，本來都冇諗住幫襯，但正值午飯時間，之前心儀的餐廳又冇位、兜兜轉轉嚟到呢間伯父飯堂，而喺經驗中呢類食肆除咗環境及衛生比較差之外，一般嘅炒粉麵飯都唔會太差。所以就胆粗粗蹤入去。因考慮到再揾落去可能唔夠時間食飯啦！😥坐低後見到附近的食客都係食緊嗰啲蒸餸小菜，都唔係我想食的，我都係堅持自己的信念叫番炒粉炒麵算了。果然不出所料，今次我碟雙蛋揚州炒飯個買相都唔差。仲有三隻蝦都係一個意外驚喜✌🏼

我叫呢間做麻甩嘢因為佢好多陀地嘢呢間嘢真係好好味佢雖然叫自己做海鮮小廚但係通常你都要過對面買海鮮去加工佢所有嘢都好多油但係唔多又唔好食豉油王炒麵真係好一流薑蔥魚卜我嫌佢係厚咗少少我當佢好咬口好唔好大豆芽炒大腸真係送酒至好好味大豆芽好嫩口老老實實佢需要多油就多油嗰個韮王大蝦炒蛋就唔需要多油滑到一個點真係好好味佢個炒芥蘭真係好好味呢間嘢鑊氣真係不得了睇嚟都係做熟客多有啲朋友已經攞咗骰盅出嚟玩我會再返去㗎