松柏食堂

營業中

休息中

早餐奶茶好出色，如果鍾意飲奶茶一定要嚟工業區松栢，絕對失傳左架奶茶、口感滑溜、又香、有茶味不雖要加糖落小奶口感都滑溜，好似加大都係加＄3大家可以嚟飲吓咩叫真正失傳奶茶100分。

在黃竹坑区返工已过一年了，松柏食堂都買外賣數次，食物及工作人員是可以的，但那位帶著帽子及帶口罩的收銀員亞姨態度是“不可一世，悔氣的”，只要你忙記價錢，又或者猶疑一陣，她都会說一些攻擊你的說話，例如：你都吾係第一次買啦。有次我說双餸飯攞走（非常大声及清楚)，她突然沒有用嘴巴說出來，只用手指顯示1同2，心想她是問我餐號嗎。原來她說：要1餸定兩餸，都聽吾到（語氣很悔氣）......你聽不到又是我錯嗎，但自己又不是很懂与人駡戰的人，就唯為忍氣吞聲。原來我也有幾位同事都受過她惡劣的態度。那店似乎是家庭式作業的，所以那收銀員才可這样囂張，希望她的父母要教育她怎樣尊重別人了。

平時經過開都冇留意到呢間野，今日諗住入去試下佢，d野都唔錯叫做正正常常，但係收銀嗰條八婆就真係影響晒成間野啦，態度囂張，好似唔想做咁，超級趕客，我永遠都唔會再去……………………………………………………………………………….

早餐對於我嚟講 絕對嚟得比午餐重要。正所謂「一日之計在於晨」吖嘛所以自從返咗呢份工後養成咗每朝都要食早餐既習慣。通常都會嚟呢到食早餐 貪佢有我中意食既通粉但呢度通粉好好賣 有時遲咗落車就會賣晒通粉都係一般既火腿通粉 再搭2樣配料比你自選早餐A💲31今日就配蛋同火腿 飲凍奶茶呢度既火腿唔係方型個隻 圓形呢隻個口感幾好 唔會太薄 厚度適中 煎蛋則係帶點燶邊既太陽蛋 正🤤通粉唔係細細粒 而且係冇紋既而湯底清清地 唔會好濃味 亦唔係用味精粉開出嚟 個感覺係真係有心整出嚟既難怪咁受歡迎！而杯凍奶茶 茶底都唔錯 叫小甜岩岩好Btw呢度係先買飛後取餐 到你個餐個時會有人叫之後你舉手 就會有人送嚟 唯一缺點我諗係同時間有2個人或以上叫一模一樣既嘢食同餐飲🤔不過我估機率應該唔會好高🙈

八月上旬．晴大聲講野的朋友約吃早餐，就來這裡，是躲在廠區後街的食堂。八時多來到，人很多，這裡是行半自助形式的，即是去買了票，將之交給伙記，有野拿出來，他會大聲叫「腿蛋米！」，咁買了的人就乖乖的舉手 ~ 都好少可見,到這樣的形式的了。要了腿蛋米，很有趣，是一碟腰絲的湯米，再另加一碟配有煎蛋的圓形火腿，份量也真不少。米粉過得清，也爽滑，加上太陽蛋，是清淡又份量足的早餐。伙兒原本拿了奶茶來，喝了一口，淡了一點。打回頭，再拿咖啡來，幾濃郁，我早上始終需要咖啡多一點的。

冇尼喱間食堂已經十幾年,細個o既時候去黃竹坑踢波,一定尼喱度食野或者飲野,貪佢夠近.後尼冇再係度踢波,就冇尼過喇.今次重回舊地,又係踢波,所以點都要番尼食野下!叫個西多士加凍華田,始終係食堂,味道當然好一般,但佢地用o既麵包係超級市場一包八塊o個D白麵包,並唔係食店專用,一大條有排食o個D,所以應該比較新鮮同有彈性.西多士炸出尼金黃色,一D炸"lone"o既情況都冇,令人感動!雖然要$19,但那分感情是無價的!