影片
港鐵旺角站 B2 出口, 步行約2分鐘
繼續閱讀
電話號碼
91300475
營業時間
今日營業
18:00 - 00:00
星期一至日
18:00 - 00:00
以上資料只供參考, 請與餐廳確認詳情
熱炒大排檔，真系食過返尋味！連住兩日都去幫襯！我哋一行人五點就去到嗰度，你都唔知等食飯等得幾辛苦，一直等到九點先食上！點解等咁耐呢？原來全場就得三個炒菜師傅，而且全部都系現點現炒，所以時間就比較耐啲。但系為咗食到咁好味嘅嘢，等耐啲都值得！仲有啊，記住一定要帶夠現金！因為呢間店只收現金💰，唔收其他支付方式嘅。唔使猶豫，直接衝！如果唔知點咩餸，我教你哋，海鮮類同蔬菜類，你大膽點！無論系炒蜆、炒蝦，定系炒通菜、炒豆苗，每一道都好正！炒出來嘅海鮮新鮮甜嫩，啲蔬菜又炒得好有鑊氣，入口爽脆，味道調配得剛剛好！
繼續閱讀
返完大陸驚多人所以早啲返落黎 喺香港食✨一口蠔 $128呢個都唔錯 個蒜好香👍🏻 啲蠔都有啲蠔味 炸粉唔厚✨雞油炒豆苗 $108非常有鑊氣！食極都仲冒煙🤩 雞油炒好香 啲菜都嫩👍🏻✨蜜椒薯仔牛柳粒 $125呢個有啲失望！因為啲蜜椒薯仔個皮一啲都唔脆😢 牛柳粒幾腍同埋有牛味 同埋份量都好多👍🏻👍🏻👍🏻🍺pure draft $19🍺啤酒 $28總括黎講都係好食嘅👍🏻 不過衛生就一般🙈🙈會有老鼠喺隔離跑過 驚嘅慎去🙈🙈🙈味道❤️❤️❤️❤️抵食❤️❤️❤️💔服務❤️❤️❤️💔環境❤️💔💰晚餐人均～$200（唔使+1）
繼續閱讀
行經旺角突然肚餓，隨手OpenRice搵到呢間大排檔。一個人點咗福建炒飯外賣。收銀已經一早同我講要等一陣，最後等咗半個鐘，同心理上預計嘅差唔多。如果冇時間真係唔好去，不過去得的話就預咗佢一定會煮好嘢俾你食。福建炒飯非常好食：- 飯有蛋炒底，有鑊氣，加分- 配料豐富，特別補充有菜心切片，亦估唔到大排檔炒飯會落瑤柱，加分- 份量非常充足，攞外賣嘅時候感覺盒飯非常贅手，剩返半盒留待下一餐- 唯一可惜係欠缺好香嘅鮑汁，個人覺得福建炒飯必須有鮑汁可惜一個人食胃口有限，只能夠試一個炒飯，希望下次試埋其他它小菜
繼續閱讀
近排聽朋友講旺角街市有間小炒好有鑊氣今日就約咗成班朋友去試吓先☺️嘩…好有驚喜 好好味尤其是咕嚕肉👍🏼表面脆卜卜好想食個酸菜魚 但係當日太旺場賣晒下次都係要早少少去環境比我想像中乾淨嘅一定會再有下次😍
繼續閱讀
香港買少見少GE大排檔風味佢個招牌就寫住松記旺角大排檔上到黎就聽到佢D霍霍聲聽到就好興奮因為平時出食飯都甚少聽到亦都愈來愈少呢D聲2個人叫左3個餸 （１）招排骨食落去其實啖啖肉少少甜仲有少少拉絲感（２）豉椒鵝腸好彈好爽（３）小鍋豬雜佢豬雜真係好雜～正！有豬肉、豬肝、豬肺、豬肚、豬心又夠辣又夠麻黎得大排檔當然吾少得叫啤酒啤啤佢！價錢方面貴過茶記又同酒樓差不多但是佢GE份量十足所以都叫做經濟實惠環境就比較嘈不過大排檔就係甘當然服務落單都係大排檔
繼續閱讀