松記燒鵝飯店

營業中

休息中

抓緊好天氣，一行十二人去錦田八鄉白泥部落Glamping。首先，我們去元朗集合，先吃午飯。契爺提議去松記燒鵝飯店用餐。我們點了八道菜 - 燒鵝一隻、蜜桃骨、炒鵝腸、水煮牛肉、楊州炒飯、椒鹽白飯魚、細羊腩煲和椒鹽魷魚。燒鵝的皮，沒有想像中的香脆可口，鵝肉也稍嫌過鹹了，肥膏也較多。炒鵝腸入口爽脆富嚼勁；楊州炒飯量多，味道一般。蜜桃骨、椒鹽白飯魚和椒鹽魷魚絲，或酸香有致，或香脆惹味。水魚魚和羊腩煲，小妹沒有吃。只見眾人對羊腩煲讚不絕口，羊腩量足入味且咬口甚，蓮藕和枝竹也盡吸醬汁精華！

今日入元朗搵個朋友食飯，問吓佢有咩好介紹，佢話元朗一定係去食松記燒鵝。搭西鐵入元朗行路過去都係5分鐘左右，都幾近西鐵站又方便，可能星期六去到坐到滿晒人，我諗食物都有保證啦。去到松記燒鵝冇理由唔食燒鵝，燒鵝真係好好味啲皮燒到好香，咬落去又多肉汁，諗起都流口水，好味過太興嗰啲多多聲。跟住個豉油王蝦又係好好味，又香啲肉又爽。去大排檔一定要試吓佢個炒蜆，一食就知呢間嘢有料到，夠晒火候去炒，整體來講十分滿意。呢間鋪頭個老闆好好客，仲會同你飲下啤酒，係九龍區搵唔到，如果鍾意食燒鵝嘅人，一定要去試吓

小弟好鍾意食燒鵝，聽聞元朗有兩間出名嘅燒鵝飯店, 一間係松記, 另一間係天ⅹ，天x之前已食過非常正 ,今日路過元朗就試下另一間兩口子食嗌一個下庄份量啱啱好，但一上枱就心知不妙， 睇D皮就知道瀬嘢皮係淋嘅， 再加上微暖嘅燒鵝，幸好個汁唔錯 ，攞返少少分數相比起天x以至九江街萬發都爭好遠……呢個椒鹽鮮魷就非常正喇，鮮魷大大舊，炸到皮薄香脆芥末味適中，墊底的薯仔亦炸得香脆， 但大排檔牛柳用medium rare嘅煮法， 同埋牛柳好明顯係用好多鬆肉粉，醃到毫無肉味可言……飲返支啤酒消下氣先

晚飯時間到,唔知食乜好,咁岩經過見到入去試下。燒鵝肉嫩多汁,皮燒得香脆而不見太多肥膏,吃得放心,份量也大。炒聖子惹味又不太辣,火喉足,聖子仍保留鮮味。蒸鮑魚鮑魚肉厚彈牙,再配陳皮香味,清香味美。椒絲炒通菜有微辣又唔會好油。蠔餅爽脆,又有好多蠔,點魚露味道啱啱好。

美味靚燒鵝半隻268元🦢食過多間出名的燒鵝，個人覺得呢間最正，鵝香肉嫰，一定要食燒鵝，真.正大斑二味388元🐋🦈夠大碟，火喉夠，略嫌味道爭小小椒鹽海蝦88元🦐🦐惹味，好食下次來一定會再叫燒鵝，小菜就會嘗試其他款式

今晚預早慶祝母親節，想食小菜，一行四人去左松記食晚餐。見餐牌都多選擇，結果我地叫左燒鵝併义燒、蝦醬炒通菜、茄子斑腩煲、炸墨魚餅。上菜啦，燒鵝係脾位，yeah!一睇就知好食。义燒係得少少肥，岩晒我，食落又淋又暖，正蝦醬通菜咸度適中，上枱已勁香蝦醬味，而且完全無渣至於斑腩煲，茄子同斑腩都煮得好香，斑腩啖啖肉，岩晒我條脷最後係炸墨魚餅，新鮮炸起上枱，炸得剛剛好，夠脆又唔燶，食落夠彈牙，不過我驚熱氣，所以食一舊就夠皮喇。咁豐富都只係$400多啲咋總括：美味又滿意的母親節晚餐

今日漫無目的，諗唔到去邊度食lunch,結果行過松記，見到有燒鵝又有碟頭飯就入去試下先（朋友想食燒鵝，我想食碟頭飯，岩晒啦）。入到去，麻甩佬飯堂格局，十張八張大圓枱咁樣，因為得三、四枱客，所以都坐得鬆動舒服。朋友就叫左燒鵝飯，我就叫左生炒排骨飯。兩碟份量都好大碟啊！我都食左舊燒鵝，皮脆、肉質軟熟、暖暖的，唔錯唔錯。而我嘅生炒骨有成9舊咁多啊，比起茶餐廳炒得有鑊氣，而且好多甜酸汁，撈飯超級開胃，抵食之選

響元朗工作，成日去會去松記用餐，佢d午餐真大件夾低食！ 平時好意叫炒野食，因為好夠火喉！今次就叫左佢出名的燒味飯來試試燒肉唔算肥，皮脆肉嫩，午餐都有咁嘅質素真係可以畀個佢。雞都幾滑，薑蓉就油d，好再唔係好咸。佢有個例湯送，不過要自己去拎！34蚊來講，双併飯真係好低！可作午餐飯堂！

朋友來來去去都係選中餐食…都唔知點解…食極都唔厭既…真係咁傳統中國人！？！？今次朋友推介呢間…又係燒鵝！！！門口都掛哂係度啦…仲有燒鵝套餐…唔通真係咁出名！？！？除左燒鵝…都係普通家常便菜…係咁二都要叫幾味試下啦…燒鵝襯啤酒…又係中國傳統食法黎！？！？例牌都唔細碟…仲比左下裝我地…睇到d鵝皮咁油咁深色…相信好夠火喉…皮唔係太脆…無咩肥膏…可能已經溶化哂…咬落仲好多汁添…材料好多…有涼瓜，豬肚，冬菇，芹菜，枝竹…最正係個白胡椒湯底…我一向唔食得辣…但對於胡椒既辣…反而好受得…阿媽教落胡椒軀寒好好呢…呢碟係普通菜式…都幾ok...反而呢碟非易煮既菜式…就真係好家庭feel…唔只賣相唔得…色澤唔得…肉質唔得…汁底都唔得…好明顯唔係專業做法…魷魚大大件…好多塊…炸皮薄而鬆化…魷魚又好咬口…夠哂香口…好大煲…菜好翠綠…仲有肉碎蝦米仔吊味…幾有鑊氣…食到底都仲係熱辣辣…但發現菜有點變黃…所以要快d食…幾大碟下…蝦仁都唔少…幾新鮮…西芹無咩渣…味道一般ok...其實呢度主要係以燒鵝為主…其他都係家常小菜類…並不突出…價錢算合理又大大碟…算係幾化算…

晚飯無餸，想買燒味、鹵水等等。走到松記。 松記專賣燒鵝， 燻蹄 $50蚊一斤！　咁貴？不可以只是買半份，佢話唔得。 好食！真正燻蹄原來肉甜味這麼濃，跟本不用點任何醬料！ 好期待下次堂食，試試燒鵝飯與其他燒臘～～～

In YL,It is difficult to find decent good dishes from major restauraneurs,most of them quite heavy in use of MSG and salty foods resulted!But still you can find few gems there,these are rare from the picks!Song Song Pork Chop Noodle and Wined Chicken--home feel pork chop cusine like from MA MA! vinous wined chicken-gelatinous skin and savoury meat inside with heavy wine flavour good for cool summmer pair with beers!Ho Do Dai Won Tun Noodle Shop-an old Gaungzhou style meat won tun noodle soup,bit

上幾個星期，聽過鄧達智介紹「松記」的燒鵝是很好味的，之後一直想找機會來試一下。為同朋友補祝生日，終於有機會來嘗試這裡的「脆皮燒鵝」。星期日中午這裡也很熱鬧; 原來，這裡已經變成了近期崛起的「單車旅人」的驛站。一大檯一大檯都是拿著「單車帽」的中年騎士。我們一行三人，叫了以下送菜:如圖，沙拉骨的沙拉油(即沙律醬)超少，我真的很懷疑其實是他們不記得入沙律醬，才會弄出這樣的沙拉骨。而且，肉排炸得實在有點兒 "濃"了，肉質都被炸乾，有幾塊最後是咬不開的。叫的是「椒鹽蝦」，吃的卻像「荵油抄蝦」; 可能每家菜館手法都不同吧。吃起上來也很鮮甜，像用了本地基圍蝦製作，就是欠了椒鹽。主角出場，「招牌燒鵝」半隻。燒鵝要親熱吃，因為要是涼了，皮會不脆，肉會韌。所以我們便第一時間起筷，夾下自己喜愛的部位。首先我吃了胸肉，依~皮真的是「脆」! 可是鵝胸亦都真的是「實」! 比較韌。鵝腿，皮脆肉多且彈牙，不會像鵝胸那麼「實的的」。其實有很多人忘記了，或不知道燒鵝 ( 鴨和雞也一樣 ) 有一個部位的肉是特別嫩滑的，那便是「背脊肉」，也就是「鵝脊柱」兩旁的一小塊肉。因為肉少，往往被人忽略; 可是，那裡才是真正的「皮脆肉嫩

搭巴士見過松記好多因為佢個廣告牌以燒鵝為主打,所以一路都想試今次終於試咗個燒鵝都果然賴 ,以我當日 閒日晚上點半左右去食,已經係非繁忙時間.人都係小貓三四隻本來對隻鵝都唔太大的期望但端上枱時一口咬落,都不失可以用四字形容"皮脆肉嫩"除咗鵝之外重有薑汁芥藍,不過唔夠薑海哲燻蹄本來就無乜特別,但係個醋,就真幾正.........點止係醋咁簡單佢可能加咗d泰國"雞醬"落去

繼續寫團年飯，今次來到元朗主場；繼週六house-warming後，先後有例牌大量甜品、新居樓下大雞大打底的七個人，去到這家元朗老字號--松記燒鵝飯店，再來一頓豐富的入伙暨團年飯!　松記有點大牌檔風格，一多人就會擺出店外，是晚我們也是就坐較暗的戶外位，環境很一般；吃的也不是精緻小菜，然而菜式足料也新鮮，味道也不差的，介紹如下：　老火例湯-湯中滿是肉碎，可見廚房真的落足料，而且飲得出火候十足，以例湯計味道不錯交足功課。　蜜汁叉燒-只要了例牌，但份量都不少，堆得滿滿的足夠每人吃上4-5件，而且叉燒肉質略帶肥又充滿蜜汁，很欣賞!　馳名燒鵝-招牌的燒鵝身量巨大，只來半隻已夠撐飽七人有餘；由於流量大，新鮮烤起的鵝隻皮脆，肉又香，要挑剔是肥膏有點多，吃多幾件很易膩!　鹽水沙薑雞腳-雞腳非我所好，沒試不評了。　元朗蒸烏頭-這裡的菜式看似粗枝大葉，但為方便食客，廚房實已細心將魚骨去掉了；熱食的烏頭總少不免有點嚡口感，松記算是把火候拿揘得好，而微甜的蒸魚鼓油還帶陳皮香，味道也不錯，很快就清光了。　梅菜扣肉煲-三分肥的扣肉炆得軟稔入味，沾上梅菜甜香後豐腴又美味，不喜吃飯的我也為它添了半碗靚仔；而吃到煲底，