松記糖水店

營業中

休息中

今日喺佐敦食完晚飯，但係都仲有少少肚餓 ，咁就自己一個人走咗去整碗糖水啦，喺佐敦當然就搵松記糖水呀啦，入到去，嘩都好多人，好彩都仲有位，今日簡單地叫咗一碗我嘅最愛: 雪曲幻彩明珠，其實咁多年嚟食，都係食番咁上下嘅嘢，但係都總係覺得好好味，好快糖水就嚟到喇，真係清涼爽滑，啲白涼粉同埋黑涼粉都仍然好有水準， 芝麻雪糕好香黑芝麻味，唔知係咪自家製，總之食落就好鍾意，好快趣好開心咁食完，咁就好滿意咁樣返屋企瞓覺。

係尖沙咀同朋友食完飯行返屋企, 咁啱經過白加士街間松記糖水店, 心血來潮想食碗糖水, 又即刻有位所以就入去啦. 叫咗碗我最鍾意食嘅熱芋頭西米露, 唔使三分鐘就上枱. 第一眼見到, 吓透明嘅西米水, 加熟嘅嘅芋頭呀？賣相已經十分之唔吸引… 喂, 我無叫走甜喎, 點解唔甜, 仲感覺到淡茂茂架. 再試試啲芋頭, 真係烚熟後加上去. 死得啦, 食甜品唔甜、芋頭西米露原全無芋頭味. 仲要三十個大洋. 嗱嗱聲食完走人. 浪費咗我嘅時間、金錢、及胃的功能. 絕對失望, 沒有下次

今日做完強檢，趁返工前去食個糖水先雖然有啲飽飽地，但係都忍唔住叫左兩個糖水分別係雪糕芋圓仙草凍同埋擂沙湯丸講返個雪糕芋圓仙草凍先雪糕🍦方面，我揀左最鐘意嘅曲奇呢度嘅曲奇🍪雪糕左好多曲奇碎喺雪糕球裏面所以口感好豐富仙草凍又軟又滑，而且份量仲唔少食得超滿足唯一缺點係芋圓只有五粒，如果多啲就好啦😮‍💨跟著到個擂沙湯丸我印象中，佢哋嘅湯圓係自家製呢份湯圓煮得啱啱好湯圓係芝麻餡，芝麻味好香但係配角擂沙就略嫌有啲一舊舊不過個主角湯圓已經令我好滿意所以松記令我一再encore但係服務質素就一如既往係‘’無‘’所以我覺得外賣比堂食更好因為你坐喺度連餐牌都唔會有人比你店員掛住傾偈😪😪

楊枝甘露完全冇味，服務態度差！我與朋友二人均吃楊枝甘露，大家都覺得完全冇味，告知服務員，可否加多少少芒果汁，服務員告知我們沒有這樣做的，便不理會我們的意見。不會再來這間松記，太差了！以前間中都會來的，現在越來越差，疫情之下這樣的服務態度，怎能長久！唔怪得知這裡沒有人來幫襯。

疫情下現在冇晚市堂食，唯有外賣回家吃，叫了兩碗糖水，其中一碗係芋頭西米露，真係未食過咁難食既芋頭西米露，好似水加西米一樣😵‍💫，而且有怪怪的味道，另一碗係腐竹蛋湯圓，但冇比湯圓🙄,完全失望👎🤦‍♀️

昨晚到這間舖頭買外賣，去到見到個男收銀講緊電話落外賣，佢好大聲同我講：「叫外賣响出面等等吖」。其實我想走架喇！不過帶住小朋友加老人家，費事行來行去，所以都幫襯左佢。之後我後面有位Miss同我同一遭遇，結果佢真係轉個頭走左。講句：「麻煩叫外賣响出面等一等。」有幾難？叫得外賣就緊係會行入黎，你出面又無寫响外面等你批准先可以入黎叫外賣，仲要好似比你趕返出去咁！從今開始，永不錄用。

榴槤水晶涼粉第一次食評就咁比左松記，岩岩食完晏晝，想食個甜品啦，點知伏到咁，好耐沒黎松記食甜品，咪試下榴槤水晶涼粉，一見佢放落枱果下，真係想講句，唔x係呀伏到咁，一坨細細的榴槤肉，成舊屎咁，本來都想試完榴槤水晶涼粉，再試埋個 榴槤班戟，但係比個涼粉嚇到，真心無下次

我地一行4人食完飯見仲早 就去佐敦松記食糖水 我地因為坐近收銀處 所以有一女仕企係收銀處幫我地落單 我地一共點左5樣食品 點知其中一個食品本身係要紫米露 佢結果到左西米露 咁我地就同其中一個員工講黎錯左 誰不知幫我哋落單果位女仕一臉不屑既眼光同語氣咁同我地講 話我地同佢講要西米露 唔係紫米露 但我地4個人都肯定我地係講紫米露 但最後佢都幫我地換左食品到齊 我地一路食一路吹水 我地自問都唔算食得好慢 其中一位朋友未食完 剛才收銀果位女仕 又大大聲企係我地旁邊 同門口等位既客人講 要等多一陣 其實好多人都食完 留返一隻碗係枱面 唔肯走 大姐呀 我地唔係專登留隻碗係枱面嫁 而係真係未食完嫁 最後我朋友用幾秒時間食埋佢 立刻走人比返張枱佢我地大家食完飯後 想搵間糖水舖食下野吹水 都要比人咁趕法 以後都唔會再返嚟幫襯囉如果開糖水舖 唔比人食得比較慢既話 唔該係門口寫明食用時間限幾耐 而唔係咁樣指桑罵槐

今晚Honey要加班工作，趁空檔，和他吃個甜品，他再回去工作。天氣漸涼，他選擇了喳咋配湯圓 $32這個不錯，喳咋好多豆，不太甜。湯丸，皮薄餡靚。我貪吃，天氣轉涼，但看到圖片有雪糕，就叫燒仙草芋圓雪糕 $36這個就不太好。紅豆好硬，燒仙草ok。但是，兩款芋圓都好硬好實，而且超甜。不好吃！地方是企理的，但服務態度就……

芒果涼粉：涼粉不香又硬冇彈性，仲要加咗好難食嘅 cream, 從未食過咁難食嘅芒果涼粉，咁容易整嘅甜品都可以整得咁難食，仲要唔平，非常失望！海底椰雪耳雪梨：淡而無味，當水飲咗佢就算

⋆⁺₊⋆.松記糖水店...呢間糖水鋪依家開到幾乎周圍都有ㅋ不過都依然好多人排隊～.經典系列 - 𝙎𝙪𝙢𝙢𝙚𝙧/ $38 /🥨🥨上面個2球雪糕有好多唔同味比大家揀(•̀ᴗ•́)و雪糕加埋雜果～可以話係回憶的味道ㅋ不過整體就中規中矩啦～［滿分5個🥨］...⌫ 松記糖水店 (佐敦)佐敦白加士街23號地下.#佐敦咔嚓@by.kacha

諗住松記有好多分店，應該有質素，點知未食過咁難食嘅嘢，榴槤班cake，食咗一啖後，立刻放低，榴槤超級唔新鮮，有啲怪味，份量細，價錢相對貴，又難食，榴槤似係隔夜，另外仲有叫既楊枝甘露和杏仁露，我地都係食左一半都冇就掉左，用心做同Hea做糖水，好容易分別到，明白疫情生意難做，但都希望用心去做，但感覺唔到，我諗以後都唔會再食呢間😩

海鮮晚餐過後，成班朋友意猶未盡，好想食下甜品，又搵到位泊車，記憶中嘅松記係好好食，我哋就決定幫襯一間陪住我哋成長嘅甜品屋喇，但係今日真係好失望好失望，食物質素一般，服務態度好差，舖頭入面嘅冷氣同雪櫃冇分別，向服務員反映咗，冇較細過冷氣，見到隔離枱嗰位男士都係凍到震，大佬，你唔係學食神嗰招：專登開大個冷氣趕人走咁老土呀麻⋯⋯never mind, 我以後都唔會再嚟，一定冇下次，連我哋嘅下一代都話唔想再嚟，好恐怖！

一向是去深水埗的老店，老店的甜品可說是價廉物美。曾光顧位於青衣的分店，售價較貴，但甜品不如老店好吃。這晚光顧佐敦分店，同樣價錢比老店貴，幸好食物質素和老店相若。這晚點了鮮雜果涼粉和榴槤西米露加芋圓。鮮雜果涼粉：上次在老店吃，只售$24 ，這分店要售$32，幸好雜果都鮮甜，涼粉爽彈，加上淡奶，味道和老店的一樣好。榴槤西米露加芋圓：一攪動西米露，我就聞到濃濃的榴槤香。西米露甜度適中，內裏有榴槤果肉，芋圓Q軟，質感不錯。

今日去QE覆診完，就專程去松記食佢哋嘅榴槤甜品榴槤雪糕班戟、榴槤雪山（加榴槤肉）、榴槤奶凍，埋完單見到個流心芒果件流心蛋糕嘅相幾吸引，所以就後加咗個流心芒果蛋糕（加錢將芒果雪糕專做榴槤雪糕。榴槤班戟的榴連肉香甜榴槤味齒頰留香、榴槤雪山的西米清甜唔會太甜搶咗榴槤的香甜、榴連奶凍就更是一絕、流心榴槤蛋糕的朱古力流心蛋糕由於問即叫即焗故此口感好好（故此最好預留時間等候）。總括嚟講以上幾件榴槤甜品算係好好味。