松記糖水店

營業中

休息中

今日約左朋友，趁唔係好多人就入咗黎松記糖水店食下野，吹下水。好在黎嘅時間真係唔多人，如果唔係都幾迫，而家仲可以慢慢簡食咩。我自己就要咗個三重心太軟，一埋到黎已經聞到好濃烈既朱古力香味，入面既流心朱古力好熱，要睇住唔好辣親條脷，配埋凍冰冰既雪糕，一啖熱一啖凍咁食好正。仲有2粒士多啤梨，我自己習慣唔cut開個心太軟黎食，而係喺頂頭開窿食，一方面可以避免流心朱古力漏到四圍都係，二來就係可以浸d生果點朱古力食。而擺盤都有花心機，整得幾靚。

次次去親松記都會買湯圓😍有好多唔同嘅創新湯圓，必叫係紫米奶黃湯圓！外層嘅湯圓皮係加入左紫米，令到外皮更加有口感。內層就係流心奶黃！奶黃味香濃。糖水底係薑汁，薑汁同糖嘅比例恰恰好，飲落唔會太辣之餘仲唔會太甜。

突然，好想食甜品。其實耐唔耐，我夜晚就會想食吓甜品增肥🙄|(￣3￣)| 結果，我順利點咗我屋企人出去買。去到佢話間嘢人手嚴重不足喎，得一個收銀同一個水吧。個收銀要落單收錢，仲要送餐，加上入面full house，等得耐無可避免。╮(￣▽￣"")╭ 佢等咗大約半個鐘，加上來來回回，結果我成四十五分鐘後先有得食😂。冇辦法，鬼叫我想食舊式糖水，嗰吓又諗唔起附近有咩第二啲選擇。 我自己就叫咗熱嘅椰汁西米露，屋企人食熱紅綠。屋企人話碗紅綠好鬼甜，食咗三份一就放棄咗。而我碗西米露就太多西米，完全似食飯咁，嚇死人(有密集恐懼症嘅人，唔該唔好睇張相😂)！結果我都係食咗三分一都放棄埋。 我諗，冇下次。

真係好鍾意呢間甜品店本身搬咗都好少再幫襯呢一日返去探屋企人突然想叫啲甜品外賣食喺外賣見到呢間店仲要好多選擇添呀😸😺🤩叫咗3樣野都好好食！芒果班戟好好味😋呀 入面真係有好多芒果 好好味😋好fresh好好味😋同啲cream、同層皮係勁夾鍾意食芒果嘅話一定要試超正 又唔貴合桃杏仁糊都唔錯椰皇飄香（凍）入面有啲粉圓 湯圓 芋圓好正仲有兩粒芝麻湯圓好好食😋仲可以食埋啲椰子🥥肉全家人都食得好開心🥳

今日食評有✍🏻松記@元朗店試食指數⭐️⭐️⭐⭐店舖衛生⭐️⭐️⭐侍應態度⭐️⭐️⭐️((每項5⭐️為滿分)) · 我哋幫襯松記好多年喇食評卻好少寫平民地道的港式甜品沒有fancy的擺設但入口都是好味嘅·我哋點了1️⃣summer ⭐️⭐⭐️⭐/5有水果有水晶有雪糕配搭豐富抵食之選2️⃣熱紫米加紫薯⭐⭐️⭐/5熱紫米唔夠椰汁紫薯一向係畫龍點睛之配3️⃣檸檬木槺芝士蛋糕加雪糕球⭐️⭐⭐️⭐/5淡香檸檬味不會太搶芝士蛋糕味道配搭得剛好雪糕球好似搭枱咁，不過有佢令成件事抵食啲·599•Eat疫情下的食肆怕多人辛苦排得嚟又唔好食食外賣食到悶想岀去搵食又驚唔衛生·我哋599•Eat幫到你無論大鋪小店我哋都會盡試盡講

依間甜品店價錢好貼地 份量好足 水準好穩定！成日encore既甜品店🤗 不過就唔會有咩大驚喜 唔係for打卡適合平常日子食😚✅ 雪糕芝麻糊 （$29)芝麻味香濃 夠滑！ 雪糕味道可以自選✅ 三重心太軟 （$50）熱辣辣 入面朱古力醬味道剛剛好！同冰凍雪糕食係冰火呀 🤗🦁 松記糖水店 (元朗)元朗鳳翔路69號建輝大廈10-11號舖仲有大量地方都有分店 但我次次都係食元朗依間🤣🦁 人均消費：$40｜回頭率: ❣️ ❣ ❣ ❣️❣️/ 5

食完飯想食啲糖水，就黎松記食下先，今次叫咗個榴蓮西米露，好香好好味，榴蓮好足料，唔會只得少少，榴蓮亦好新鮮好香，岩曬榴蓮控想食榴蓮但又唔想買成隻咁大個返屋企。友人叫咗個summer，佢話好好味，有好多材料，也有唔同口味雪糕。

食飽晚餐。特然好想食糖水！炎熱天氣食個冰涼的甜品🍮真爽！松記有好多連鎖店，品質保證！比較傳統的糖水，又有夏暑的感覺，我第一個就諗到馬蹄爽，再加上木瓜。真係涼快，咬落有馬蹄的爽又有水果木瓜配搭真係一個字，爽！

甜品真係超級好味！😄呢間甜品店係朋友帶我去食，都係朋友推介，叫我一定要去食！🤗見到menu都有好多選擇，選擇困難症嘅我真係每一款都好像想食呀！😋😋芋圓係我嘅心頭好！最後叫咗我超鐘意嘅芋圓！好味！！😝好多雜果，正呢！朋友果份芒果冰沙都好正！😄果然無介紹錯😍😍

放工已經10點 晚餐只食杯面既我 唔想人生過得太慘 食小小甜野係必需的於是我就帶佢黎到元朗松記記憶中松記係又平 料又好食既啲日松記客人不算太多只想買外賣今次又無試新野既心又係叫左summer因為有雪糕之如仲有生果價錢方面都係$30 好快就有貨收揸車大約15分鐘返到屋企打開外買盒 拿。賣相就😅雪糕球有兩種口味一係雲呢拿 二係曲奇兩種口味雪糕都好滑 我特別鍾意雲呢拿味而生果就有芒果西瓜哈密瓜 仲包兩條小蛋捲出面平平地 都應該無咁多料我個人覺得抵呀👍🏻

夜媽媽好想食糖水🤤就諗起松記 ,元朗呢間分店係第一次食 🤗呢度可以帶埋我隻可愛狗狗🐶坐室外， 又可以泊車係附近🚗夠方便今晚一行四人搵食團， 叫左4款唔同野我叫左姜汁撞奶， 好快就有得食， 姜味唔算好勁，易入口， 奶好香同好滑唔會太浠， 岩岩好朋友叫左碗芝麻豆腐花， 佢話豆腐花同芝麻糊都好香好滑， 唔太甜都幾好另外仲叫左楊支甘露豆腐花， 餐牌上面冇都叫到🤣佢話好香芒果味都好好食， d 芒果又好腍最後一個係叫左芒果棉花冰， 好多芒果汁， 啖啖棉花冰都有， 佢話如果芒果甜d 更好喎😂😂。

元朗除左x仔涼粉出名之外，我就最鐘意食松記糖水🤩🤪松記除左中式甜品外，都有西式既特色甜品，個人認為比x仔涼粉更多唔同款既選擇🤤🤤湯圓係必食推介！綠茶奶黃湯圓既皮綠茶味香濃，再配埋奶香既奶黃，十分特別😻😻

星期六晚食完飯想搵糖水食黎到松記見到出面有風扇又有位就坐低左點知個風扇完全冇風 等野食果陣不停流汗😰落單後足足等左15分鐘先有得食...紫薯竽圓豆腐花 - 成碗野都冇味 加奶都係超淡喳咋 - 又係冇味👎🏻👎🏻👎🏻好似飲凍水咁芒果大明珠 - 口感吾錯既 煙煙un un咁 但係而家當造既芒果竟然咁酸😵？雪糕心太軟 - 最好味就係呢個啦！熱辣辣 中間d朱古力真係流出黎既 幾正～曲奇雪糕都好味👍🏻👍🏻總結*以前覺得松記好高質，經過今次之後應該吾會再黎食了。

夏天行街太陽咁猛烈，出咗汗，又口渴，最啱食d消暑解渴的甜品糖水。店內poster推介一款夏日甜品，以蜜瓜為主題，都幾吸引，所以點咗黎試下。蜜之戀人：由切半的蜜瓜做成蜜瓜盅，掏出瓜肉做成一個個圓蜜瓜粒，底下有d類似白涼粉的果凍狀粒粒，配埋芒果雪糕，唔會太甜，非常清涼。同朋友食完仲未夠喉，再點咗一件咖啡木糠布甸，配曲奇雪糕。餅底層同布甸層比例均勻，餅底層細滑，唔會太乾，布甸層夠柔軟，唔會太膩，兩者配合得天衣無縫，加埋凍冰冰的雪糕，非常適合夏天品嚐。

係新手媽媽屋企探完BB，食完Pizza，有位朋友提議食糖水，結果去左松記糖水店。夜晚八、九點去到都幾多人，等左幾分鐘就有位。小店格局，地方好擠迫，加上坐近門口，外面三十幾度，熱風吹襲，不斷流汗😅熱成咁，朋友個個都點summer，有兩球雪球配水果，我就點左熱辣辣既芝麻糊。一上枱，好大碗，幾乎大過塊面，而且多到滿瀉。芝麻糊幾香滑，唔會好甜，二十蚊都抵食😁