松記糖水店

營業中

休息中

松記糖水好多人同雜誌都推介過，之前食過好多次～ 但已經隔左好耐無幫襯過～ 就有d掛住佢嘅甜品，今日出開黎就回味一下佢嘅甜品～舖面依舊企理干淨，有不少推介甜品，但我仍然忠於自己，食最愛嘅幻彩明珠幻彩明珠（$25）係佢店舖有名的甜品，材料豐富而實惠，水果多樣，有芒果，西瓜，密瓜，奇異果…………樣樣都好新鮮同甜～ 最令人值得回味就係佢嘅椰奶，椰汁香濃，奶香重又滑撈埋其他材料食，甜度剛好～ 加上西米配合有大有細，咬口十足，最底層嘅涼粉配合上層嘅水果，清爽水果配合清涼涼粉，熱天食一流！另外嘅西瓜涼粉（$25），味道比較清～ 但加左椰奶，涼粉口感更滑，但西瓜切得好大粒，匙更難勺之餘，都較難一粒入口，建議材料切得細d會較好價錢相比普通甜品店相宜，但份量明顯比之前少得多

話說 雪糕變左雪冰 叫榴連味但係變左雪櫃味 不能入口的個阿嬸答我： 雪糕係雪櫃拎出黎緊係有雪味啦我： 但好難食 我都知係雪櫃拎出黎阿嬸： 咁雪糕放雪櫃嫁嘛 緊係有雪櫃味啦 。。。。

與友人踩單車、bbq 勞動一天後的享受，有大埔隨意找了間糖水舖，松記卻給予了意想不到的驚喜。一般叫糖水，沒有放下$30或以上也別想要有什麼好東西吃。但與友人在這裡吃甜品只需要$25-$29不等小小的價錢，大大的享受上方的這個甜品材料豐富，可自選不同口味的冰淇淋和配料，自由度大，更難得的是 價錢便宜 無記錯的話 只需要$27 ，很抵吃喔！而且賣相也蠻美觀的，同樣達致視角和味角上的享受。贊

近年大埔有不少糖水舖進駐，而松記令我一試再試皆因它平、靚、正，的確是街坊價，難怪在競爭甚大的香港佢遍佈港九新界。幾乎每到松記必叫SUMMER，即使正值冬天，也毋損SUMMER的吸引力！雪糕球非常足秤，今次選了芝麻味和芒果味，前者香濃，後者偏甜，而底層鋪了透明珍珠及水果，配上兩條朱古力棒，將幾種甜味共冶一爐，穩據本人心中的首位！幻彩明珠味道相對清淡，主要材料有多種水果、蘭香子、涼粉及透明珍珠，口味都偏淡，淋上芒漿頓時提升了整個甜品的色香味。總的來說，幻彩明珠較適合怕甜的朋友(可要求走奶)。

我覺得summer是物超所值的，以這個平民可以負擔的價錢嘗試到各種不同的味道。不過略嫌他們的雪糕可能不是自家製作，味道上與市面上的雪糕沒有什麼大的差別，不過雪糕也算壓得實，沒有偷工減料。水果食材也算新鮮，沒有一種冰雪的味道。不過他們的芒果汁略嫌欠缺芒果的鮮味，口感有點澀，本人就不太喜歡這個芒果汁了。雖然如此這個價錢能夠吃到這個甜品是十分合理，不過並沒有讓人留戀的地方和特別之處。

夏天大肚真係更加熱..以前我很少會行到半路中想吃甜品解熱的..但最近真的不行..去完大埔海濱公園散步後..熱到不得了..提議老公去'松記'未陀阿b前..每次我都來吃熱馬蹄露..(之前我很乖的..很少吃生冷東西..)老公點了在家不能吃的..哈哈..西瓜涼粉..沒法子啦..為了不要引誘我..所以暫時家中都不能吃這個呀..西瓜涼粉當然沒什麼特別啦..很難做得不好吃呢..^^我自己嘛..一向都覺得豆腐花一定要吃熱才滑..但我真的很熱呀..我認我不乖..我叫了芝麻雪糕豆腐花..阿姐問我要不要加奶..我明明說不用..但結果又有加^^(慶幸我沒所謂..否則要換又浪費食物了~)我不知道雪糕是自家制還是外購..但我覺得偏甜了點..而凍豆腐花方面很神奇..完全沒想過凍的都竟然這麼滑..不過它又比平時街上買到的豆花更軟一點..有點像我之前自己買食用石膏粉和豆漿..自行在家撞的那種質地..如果單吃這種豆花..就會覺得太軟..但如果和雪糕配在一起吃..我覺得這質地是剛剛好..um..其實大肚可吃的凍甜品好像不太多..這個都算不錯的選擇..醫生說過只要不吃軟雪糕..吃夠衛生的雪糕是可以的..都是奶類制品嘛..有益

同男友食完壽司, 諗住食埋糖水先番屋企, 好想食SUMMER, 又諗起上次黎松記剛好關門, 於是走左去食。等左一陣位, 眼見好多踏單車人士去食, 佢地泊低架單車O係門口~叫左個SUMMER之後有D失望...D生果少左好多...生果得2-3舊西瓜，2-3條芒果，1舊奇異果就冇喇...係咪我真係太耐冇食呢, 定係之前食深水埗同佐敦會多料D= =

由於上次去松記食左個木糠布甸中伏了，今次穩陣地只叫中式糖水，我叫了蛋花馬蹄露，內裡有很多馬蹄， 都幾足料，而且糖水甜度適中，適合我愛吃甜，但又怕太甜的麻煩人囉~至於友人點的咋喳，他說幾足材，好多豆，好夠纖維喎，都不錯呀~松記都係食中式糖水先掂的~

去左松記食甜品，我叫左<咖啡木糠布甸>( $16)，平時我好鐘意食的，之前又食過松記既，咁就叫左嚟試LA~外表好似幾好咁，但係食落就超硬，唔知雪左幾多年呢? 點解可以硬成咁，平時食既木糠布甸係好軟的，依個似雪糕多D，唔係我杯茶LOR~ 如果講好食我覺得CWB既木糠甜品屋好好多LOR，人哋仲會切埋幾件方便SHARE食添~呢間野，下次都係叫番中式糖水穩陣D喇!

三色涼粉~有平時食開的黑色涼粉、透明涼粉同忌廉涼粉,好特別,透明涼粉冇乜味,不過比黑色涼粉爽口,忌廉涼粉甜甜地,有少少似大菜糕,唔錯呀。雜果明珠,表面睇既話以為只得大粒西米同芒果汁,雜果係晒個底到,不過份量唔係好多,味道普通啦。士多啤梨雪糕拉麵,之前係工展會到試過咩料,唔知松記個板本係味一樣,果然真係相同呀,只係張雪糕變拉麵咁樣,一條條,食落同雪糕差唔多,仲要比較冰,一般呀。

今次已經係第三次係度食到有問題ge出品，今次忍受唔到佢地ge 惡劣態度終於上來寫食評。首先係食左個完全無味ge 西瓜豆腐花，之後係一個硬過石頭ge檸檬木槺布甸，我哋問負責人，佢竟然態度惡劣咁死撐，話肯定出品質素無問題！大家唔想一肚氣的話，千萬唔好去！

22-Apr-2012 (SUN)天氣開始熱了，又係想起冰凍糖水既時候。今日我哋嚟到大埔分店既松記糖水，並冇叫我哋以往必食既幻彩明珠，今次點了開心世界和白果腐竹雞蛋糖水。 開心世界個名果然冇改錯，望到成個人都開心晒！份量比平時的糖水大碗，入面生果有西瓜、芒果、哈蜜瓜、香蕉、奇異果和椰果，同埋有一種望落似豆腐花但食落似布丁既粒狀墊底，再淋上芒果汁和椰汁上碟。生果新鮮甜美又多汁 凍白果腐竹雞蛋糖水加入了薏米有口感，雞蛋整隻上，新鮮白果配上腐竹清淡怡神。

修行完畢，我們如常的先送外母等人回大埔。事成，二人的feeling 甜蜜，於是去大埔中心，找甜品店，我們一於sweet一下。入黎大埔中心，首選當然是彩虹啦，不過看見他們的長龍就只能望而輕嘆，在中心區，仲有一個好選擇，就是過江龍的松記。幸運地，在松記的門口有一個空位，我們安心的泊下車子，就去攞籌等位。等位的時間也不短，不過一看就知道真正等位的人並不多，多的，只是外賣打包走的一眾街坊。食得多榴槤同楊枝金露，來到這一類的甜品店，總是想找找新意思，我的眼光便轉移到牆壁上，看看有什麼新既產品推介。天氣開始熱了，牆上推介的有一個叫做雪糕拉麵，名字咁特別，我不敢不試。名字特別，但實際上沒有什麼特別過人之處，把雪糕整成條狀實在只是賣弄色相之作，士多啤梨味的雪糕，味道還算可以，不過雪糕常有的奶油味沒有，令到果味成為了主角，有少少令人覺得有賓大過主的感覺，特別但沒有特色。 雜果撈，以芒果為主體，加上了一些台製的珍珠，再把其他的水果撈入去。好事來的，因為這樣的一個甜品，可令一些平時不吃水果的人，一口氣地食晒不同類型的水果，而且甜味，是純天然的水果香甜，若不是有那些一粒粒的

服務態度差劣，特別是收錢那個中女，黑面，毫無笑容！失敗！甜品沒甜味！失敗之中的失敗！店員要叫好多聲先落單 感覺被無視！吃完想留係到傾多陣計都吾得，會有壓迫感！其他方面如環境，衛生方面可以接受總結：下次不會再去

星期一晚 大約下午6時 本人外賣了一碗芒果西米露 但番到家裹慢慢品嚐 先知道原來D芒果勁酸 同勁細塊 如果我係堂食 實會對佢地破口大罵 估唔到價錢加多左幾蛟 而D食物質素差左咁多 我唔會再光顧松記 松記真係令我好失望……