松記糖水店 (已結業)

太驚喜了！臨近收工，好友突然來電，說要請我吃飯。但是今天比較遲才吃午餐，仍然有點飽，於是建議直接食甜品好了，因為甜品永遠有另一個胃去招架🤭😁🤣！今晚發生一樁小插曲不得不提。話說我們叫的芋圓芝麻豆腐花湯圓當中的芋圓上碟時仍未熟透，朋友連忙給我告訴服務生，幾位服務生縱然有點懷疑又不解，也馬上致歉跟進，之後他們再端上一碗煙靭軟糯又暖笠笠的芋圓補飛，這才是待客之道吧😄！這樣的服務，即時令失望的我們頓時重拾返享用美食的樂趣。其實他們整晚的服務都很好，從帶我們入座到點單，即使朋友有些材料特別搭配的要求，他們都悉心安排配合，或給予建議，而且態度親切友善，令我們吃得舒適又稱心。雖然只光顧了兩客甜品，他們的服務態度令我對他們的食物印象更深更抵讚，食物中間的不完美，由貼心服務補鑊而獲得加分 👍。

原本諗住松記老字號一向都好食，見係旺角有分店就去試下，點知當天的用餐過程令人十分失望😥店員安排一張正方形二人枱捭我地3位大人，環境十分迫夾。明白夜晚繁忙時間需要快啲翻枱，但3位成人坐一張二人枱都略為唔合理😓 野食水平一般不過不失，服務態度略差，仲限時30分鐘，快過食老麥😓

用餐日期：2024/01/16用餐時段：下午茶 用餐費用(每人）：$57.5餐廳環境：室內不多座位 檯與檯之間較近 人多時可能要搭檯服務：服務員服務態度好 點餐上餐都快味道：點了芒果糯米磁(加加大)+ 鮮芒果芒果綿绵冰(+024榴槤肉)1: 芒果糯米磁(加加大)$29-糯米磁份量有分小 大 加大 加加大 雖點了加加大 但實物份量不算大 大/加大/加加大的價錢雖差別大但份量差別不大 糯米皮很薄 皮一按即穿破 芒果偏酸不夠甜 整體性價比低 不推薦2: 鮮芒果＋芒果綿绵冰(+D24榴槤肉)-有芒果肉+芒果冰+什果條+爆珠+另加榴槤肉 另加的榴槤肉香甜軟滑味道好 什果條彈牙 爆珠多汁 綿綿冰份量足 刨得一片片綿密細緻 外觀似一片片薄片層層疊疊疊埋一齊 賣相好 綿綿冰入口即溶 食到最後一口都沒怎溶 但最重要的芒果綿綿冰芒果味淡且不甜 附上的芒果肉也不夠甜有點酸 整體味道一般 總結：這家服務員態度不錯 點餐上餐速度快 芒果綿綿冰夠綿密有層次感但芒果綿綿冰和芒果肉都不甜 芒果糯米糍選了加加大但實物和加大的差不多也偏酸不甜 性價比低 整體味道一般 所以不推薦這2款甜品提示：這家繁忙時段限入座30分鐘+

點了杏仁豆腐花+芋圓，熱食，杏仁係好似用粉沖嘅，只係得個甜字，完全沒有杏仁味。芋圓得三、四粒，仲要好似未熟。豆腐花仲差過百福豆腐花，水汪汪嘅。從未食過咁難食嘅松記，今次真係中伏，以後唔使再嚟。

從未食過咁差的“甜”水,無技巧，無功夫，自己在超市買包湯丸好食過佢多多聲，不要上檔比佢對。劣評！不知所謂，貨不對辦。貴而無當，千萬不要幫襯，以免一肚氣。附近有另一間甜品店，價錢只是松記一半。

見到新開, 突然想食甜野, 叫左雜果仙草, d生果無乜味道, d紅豆太甜, 仙草味唔係太濃, 芋圓亦係一般, 整體味道唔太突出😅 家人食芝麻糊加花生湯圓都覺得麻麻地, 但佢哋服務都好熱誠, 值得讚賞👍👍

前幾日去旺角波鞋街見到松記竟然係到開咗，咁耐冇食緊係食番一兩碗試試佢啦。重點係唔洗等位叫咗必食既Summer 同埋好耐冇食既鮮奶燉蛋Summer 揀咗綠茶同埋曲奇雪糕，綠茶味都還好，但曲奇味雲尼拿味偏重，如果中意呢個味既朋友都可以試試，Summer既重點係佢加咗忌廉奶，食啲生果都會特別滑，再加埋雪糕係錦上添花鮮奶燉蛋 簡單既甜品，但食完好滿足。香滑細膩、入口即化好滑好香蛋味，而且冬天食碗熱既糖水又可以暖身，絕對係不二之選

第一次寫食評，近排見旺角新開咗間分店，叫咗個凍椰汁西米露外賣，睇佢色水已經睇得出好稀，食落仲衰，直情無椰味，同凍水撈西米無分別。。。。 😥 暫時未試其他糖水，不過都無咩期望☹️