松記糖水店

營業中

休息中

我哋一行四人食完飯諗住食個糖水，上網搵見到有間松記就行去試吓！平時去開深水埗嗰間，點知今次第一次嚟觀塘依間就失望😞食到一肚氣！！我哋每人叫咗一款糖水，我哋三個嘅糖水都ok.. 無乜特別出色或特別差，點知第四碗糖水就出事⋯⋯朋友叫咗個雪糕涼粉，食咗兩啖就食到酸嘅涼粉，再比我個朋友試，朋友都話係酸咗，壞咗，所以就同個職員講酸咗，叫佢換個碗，點知佢話廚房師傅試咗廚房嘅涼粉係無問題，所以佢將收起嗰碗酸咗嘅涼粉原碗比返我朋友，額外用隻碗裝咗少少仙草，叫我朋友如果覺得涼粉酸咗就𢳂走佢，加返d 仙草落去😱😱😱我哋話酸咗即係壞，咁𢳂走就當無嘢？加返仙草落去咁都得？之後我朋友激到叫佢退錢企咗出門口等，剩返我哋三個快快趣食埋碗糖水就走。。人均消費$50，咁嘅質素同服務態度。。真係唔會有下次。。。

第一次試觀塘松記，外賣叫咗一碗凍芝麻糊和一碗腐竹雞蛋加兩粒湯丸... 芝麻糊好稀，似加咗好多水，而且太苦，無口感，唔似糊，係芝麻水。以為腐竹雞蛋會好少少啦，點知都係好失望，真係未食過咁奇怪嘅腐竹雞蛋，完全無腐竹味，黃黃地一碗，顏色已經奇怪，食落更奇怪。心諗好彩有加兩粒湯丸，一開始以為有少少安慰。咬落去，唉，都係伏，湯丸皮稔到似乎浸咗一晚，奶黃餡都無所謂，但成個咬落去，就好似食緊一個迷你浸水奶黃包，最後連粒雞蛋都係淡嘅...希望店家可以用心煮返好少少，起碼要對得住每日所用嘅食材啊。

夜晚成日都有好多人排隊食松記， 今次中午黎食，唔洗等，直接入座。餐牌上有好多選擇，睇到眼花瞭亂，最後叫左個芒果小丸子豆腐花，價錢合理，份量多，芒果大大塊，豆腐話都幾香滑，整體黎講，味道不過不失。

將雜果芋圓仙草凍發揮到世界級水準，啲紅豆擺左雪櫃解凍再放返入雪櫃重覆幾日果陣雪櫃味；啲雜果有蜜瓜（淋得黎冇味），哈蜜瓜（爽得黎又唔知放左雪櫃幾多日），西瓜（冇味得黎唔甜唔爽有啲硬，芒果（淋既但比起其他已經叫大鑊全勝），珍珠（放耐左果種外散內實既質感），芋圓最有誠意暖既可惜浸左係薑糖水道唔知幾耐但可能係特色，啲仙草質地硬硬地好似啫喱一咬散修修個感覺好嘔心；食完好想嘔🤮好似將所有就黎要倒落垃圾桶既野放入口

觀塘既糖水店原來不太多，看了一遍openrice發現傳統一點既糖水店就得呢間近裕民坊的《松記》點了一個芋頭紫米露芋圓湯圓$47，另凡惠顧可以$10加配兩粒擂沙湯圓，點知無認真望下圖片，到上枱先發現同記憶中既擂沙湯圓不一樣，少許失望，記憶中既擂沙湯圓係乾身的，湯圓沾上花生粉，呢個有少許似湯圓版糖不甩，雖然花生係幾香的俾大家參考返

好多次行過都見到要排隊等位，最近去過兩次都唔使等，甜品糖水好高質，擺盤都靚，味道都好好，款式超級多，價錢又唔算好貴，係晚飯後好去處，不過最搞笑嘅係落單講想要啲咩，員工堅持要我講英文編號，我要喺本餐牌書仔入面搵返個英文編號俾佢，無言。

出錯曬單 仲要電話打唔通 個電話都唔知攞黎做咩 掉咗佢啦 ！！！嚴重非常唔推介大家食呢間 出錯晒都算 出錯嗰個餐應該係有芋圓，但係連芋圓都冇！！！唔會再有下次！！！救命，非常唔推介！！！

在觀塘區晚飯完畢，意猶未盡，想吃糖水。諗起有間松記，就行過來。以前去親松記都好多人，門口排晒隊，今次嚟到，只有一半人左右，輕鬆入座。餐廳嘅職員對客人沒有很友善，都是一副不憂做的咀臉。他的店舖不大，有一個閣樓，我之前也曾經試過坐在上面閣樓，因為以前很多人，都會坐滿。其他人吃的糖水，我沒有嘗試，所以就不能評論，我自己點了紫薯芋圓仙草凍。這個糖水，我在其他分店已經食過很多次，但是松記不知是不是每間味道不同，觀塘這一間特別甜，而且他來的時候是沒有奶，乾的，我問他可不可以加點奶（因為食開都有）才幫忙加了。芋泥好像是雪了很久似的。總結：職員態度比較不親切，糖水味道一般。而且又坐得不舒服，很迫夾。價錢以前很便宜，現在已經追上其他甜品店，性價比低。觀塘店絕對不會回頭了。

食完晚餐11點幾想食甜品糖水大部份舖頭都閂門好彩仲有呢一間未款式都多有中式蓮子紅豆沙綠豆沙又有西式西米露pancake 上菜速度又快係坐位，有啲迫但味道唔差街坊甜品舖

相信大家都對呢間出晒名嘅糖水舖有好深刻嘅印象 咁嗰日同朋友練完舞💃🏽🕺🏼諗住食個甜品獎勵吓自己消耗咗幾多卡路里所以決定share一個甜品食 咁當晚嘅天氣又的確有少少熱 想食返啲Fresh啲嘅嘢食 所以叫咗個芒果丸子冰🥭🍡食 佢一上枱果一刻我就知可以打卡 佢擺盤好有港式甜品嘅味道而且配料都比到好足 佢除咗有好多丸子之外仲有芋丸 蜜紅豆 芒果粒等等 咁中間個芒果沙冰，雖然有芒果汁覆蓋 但係未到就比較清淡 需要配搭最頂嗰舊芒果雪糕嚟食就會啱啱好夠味😋 不過如果對芋丸要求比較高嘅朋友，可能會比較失望 因為佢冇乜口感 而且粉味好重☹️

中式甜品鋪一定會想起九龍城，原來觀塘都有😋😋芋圓杏仁露湯圓 $43 ~ 杏仁露清香唔算太甜， 芋圓又彈牙， 三粒唔同餡料嘅湯圓: 芝麻、 荳沙、 奶黃👍 不過價錢就口略貴芝麻糊 $24 ~ 普通糖水無抱太大期望，點知…… 有燶味， 食咗兩啖，第三啖吞唔到落口喇😑😑一碗咁貴 另一碗唔好食我未必再嚟

(自費食評) 好味的甜品之選❤️今天來到松記糖水店觀塘分店，直接被他們的精緻餐牌影響了，所以我們就挑選了兩款不同的甜品。三色湯圓+芋圓他們這款糖水十分足料，包括，芝麻湯圓(兩粒)，花生湯圖(兩粒)，奶皇湯圓(兩粒)，總共有六粒湯圖還有，數粒的芋圓，非常彈牙所以，用衣款糖水作為飯後甜品真是十分飽這款糖水賣相與餐牌相同鮮雜果杯杯冰這款糖水賣相與餐牌差少少，幸好非常足料，又多醬味，又多雜果，真係好正，好味

中式糖水舖愈來愈少，秋風起想食返碗合桃杏仁露，整體唔錯，建議可以俾返客人選擇單點合桃露/杏仁露（$29），而唔係只得雙拼另外呢度既湯圓寫住新鮮製作，如生買既話兩三日內要食哂，我都有點心動想試試，但一問職員，原來加湯圓要$10（得兩粒），所以都係打消念頭了，太貴啦

男朋友成日都帶我過黎食糖水，都算係我地既糖水食堂。😂價錢合理，味道岩我地口味，係唔錯既選擇。有觀塘朋友會話港記好食d，但我地都係鍾意松記。✅芒果明珠 ($36)我地每次黎親都會叫佢既芒果産品，全部都好好味，明珠即係大西米，好有口感，正呀！👍🏻楊枝甘露豆腐花 ($40)豆腐花好香滑，但我覺得同楊枝甘露唔夾，第一次食有小小失望。😌下次會試下其他，其實大部分産品都ok。😄好食就唔算超好食，但起碼係唔錯，絕對可接受。😂

這間糖水店在香港有多間分店，而且經常爆滿，有很多人還架車去外賣。今天介紹的分店位於觀塘，鋪位不大，我們去到的時間是星期一晚上9點左右，但已坐滿人客，要即時開埋2樓給我們。我叫了楊枝甘露，但我覺得似芒果西米露，因為只有十分少的芒果和柚子，全碗幾乎是西米，我還以為叫錯呢。我的朋友叫芒果班戟，上枱時是用透明膠盒包著的，我朋友要自行剝掉膠紙，可以為客人多做一步嗎，而且班戟十分細。另外的是芋圓雪糕涼粉，這個算不錯。離開時門口已見有人在排隊等光顧，香港人愛吃甜品可想而知，怪不得可以開完一間又一間，但我覺得味道一般。