松記糖水店

營業中

休息中

第一次試觀塘松記，外賣叫咗一碗凍芝麻糊和一碗腐竹雞蛋加兩粒湯丸... 芝麻糊好稀，似加咗好多水，而且太苦，無口感，唔似糊，係芝麻水。以為腐竹雞蛋會好少少啦，點知都係好失望，真係未食過咁奇怪嘅腐竹雞蛋，完全無腐竹味，黃黃地一碗，顏色已經奇怪，食落更奇怪。心諗好彩有加兩粒湯丸，一開始以為有少少安慰。咬落去，唉，都係伏，湯丸皮稔到似乎浸咗一晚，奶黃餡都無所謂，但成個咬落去，就好似食緊一個迷你浸水奶黃包，最後連粒雞蛋都係淡嘅...希望店家可以用心煮返好少少，起碼要對得住每日所用嘅食材啊。