板上 (中海日升中心) (已結業)

公司係附近都無食過，平時有聽過同事介紹過幾好。遇到大雨，都係係度食先出去做嘢。價錢50至70不等，飲品亦多選擇。我地早到，有好多位揀。座位麻麻，還好。拎飛仔等攞飯，佢有個自拎區，湯同白飯任裝。呢個係雪花一口牛，牛肉煎得還好，不過有啲無味，口感麻麻，但點嘅汁救哂成件事，配得黎都可以，入到口。我要嘅係奶茶，算係還可。同事叫嘅係柚子黑豚，味道由於已經一早有，樣唔覺有，但係夠味，柚子味出，幾開胃。不過杯加8元嘅凍頂烏龍就麻麻啦，只係茶包就似乎唔係好值啦。

#cassiegokt-今日係觀塘排完戲都接近3pm，所以就同朋友去食下午茶餐。唔打唔撞就去左日升中心搵食。🌞-揀左間餐廳叫板上，因為佢啲下午茶餐款式都幾多。佢會包一個飯(黑豚飯/豬排飯)，兩個小食，同一杯飲品。小食我揀左粟米杯同雞翼，飲品就揀左熱花茶。總括黎講，都好好食又飽肚。👍🏿-不過呢個飯係無汁，要問職員攞佢先俾，同埋朋友叫左正常餐，份量好少，下午茶餐仲飽肚。😂-味道評分▶️🌕🌕🌕🌗🌑 (3.5)抵食評分▶️️🌕🌕🌗🌑🌑 (2.5)回購評分▶️️🌕🌕🌗🌑🌑 (2.5)-➡️板上 (觀塘)📍觀塘駿業街56號中海日升中心地下HJK號舖-IG: cassiegetfat  

是日式快餐店的經營方式，可利用屏幕或人手點餐，自己找座位然後等熒光幕打出號碼取餐。唔需要怕無位，因全店面積相當大，應找位不難。座位是從左至右分為兩邊，中間為收銀處。點選了蒜香三文魚燒極黑豚便當，當中包括小食有中華沙律、牛油粟米。中華沙律現成貨，味道正常。牛油粟米，牛油味濃。蒜香三文魚，有約1吋左右厚，全熟但肉質唔太硬，醃得入味。燒極黑豚，燒得有些焦香，肉鬆軟，唯快餐的問題，肉是涼了。便當碟底很深，一般人的飯量應不需一定添飯。麵豉湯自取，味道正常。而麵豉湯和白飯可自助添加。熱柚子蜜頗肯落料，唔係淡茂茂個隻。

呢日同老公喺觀塘放工 , 約左行下outlet之後搵地方食晚飯, 附近就係中海日昇中心 ,  就喺呢間幫襯下 ,  店內最方便我就係有電視睇 , 另外一邊坐位向牆壁 , 係高櫈有得叉電 , 燈光算暗 , 都幾有情調......我要燒鯖魚定食 , 鯖魚燒得剛好,味道幾鮮 , 不過海蜇稍辣 , 餐飲熱檸茶 , 茶味唔澀幾好 ; 老公要一口牛定食 , 牛柳粒好入味肉質幾淋唔錯 , 老公話出去counter裝味噌湯, 原來味噌湯同白飯係任裝喎 , 味噌湯既咸味剛好 , 我喺出面飲某d味噌湯都偏咸既....我地幫襯時間7點45分左右, 唔算多人  

呢日收工去左觀塘買野，買完就去左呢邊搵野食～呢度附近都有唔少選擇，最後揀左呢間—板上一入到去就覺得好大！好多位由於我食飯既時間都有Ｄ晏，所以仲多位，有bar枱又有長枱間餐廳好大，多位之餘又唔會坐得好逼，好滿意呢度既環境！叫野食就要去餐廳門口個counter，叫完之後就等嗌飛等左５分鐘左右，就可以去拎喇原來仲有提供湯添＃板燒鯖魚‧珍珠飯呢個日式便當入面除左有板燒鯖魚之外，仲有牛油粟米，中華沙律條鯖魚既皮燒到微焦，好香口！粟米好甜～晚餐黎講幾抵食，下次會再試下其他野食！

今日來到觀塘工作，做完工作見到有間叫griddletop 的餐廳，有漢堡和飯選擇岩晒我地，我地就入去吃飯，入到去見到款式都不少而且飲品不止汽水都不錯，最後決定食漢堡，飯和熱飲。首先來到是安格斯牛肉漢堡加脆薯皇，個包面的芝麻有不少在包面，咬落去都幾軟熟，當然生菜同芝士一定不少，增加了爽口同芝士香，入面安格斯牛肉好香肉香，油份岩岩好，又厚肉，成個漢堡一齊咬肉汁勁多好滿足。熱飲即磨咖啡，咖啡味都幾濃又香，沒想到水準都幾好。帆立貝拼赤味噌五花腩珍珠飯，好似一個日式便當，一個盒放仲有粟米同帆立貝，五花腩好香吾油身，醬汁味幾特別，混白飯一齊食都幾好味而且入面仲有不少豬肉汁好香。帆立貝燒得都吾錯幾香口。朋友叫的玫瑰花茶，玫瑰味都重茶味幾香。

2人行經過依間～知佢有幾間分店～但一直都冇試過～店面都幾大傾計一流～食飯時段自助型式落單取餐～夜晚係吧有得睇波叫咗兩個餐跟嘢飲～有飯同自助麵豉湯～不過要自己裝板上照燒雞配珍珠飯～照燒雞略甜～配以洋蔥都幾香口～可惜飯嘅份量有D少～我咁細食都唔係好夠～小食有四條秋葵配芝麻沙律醬、粟米粒～份量極少有D孤寒囉～再配熱菜蜜柚子醬油燒極黑豚配珍珠飯～柚子味唔算好突出～黑豚肉有D乾賣相麻麻～食落味道都還OK～再配以即磨咖啡

在這個一碟“碟頭飯”都快要50蚊的時代, 沒想到遇上這一家有驚喜的餐廳。 雖然當時店內顧客不多, 可能也因為時間快到晚餐時間, 但是性價比高。這次惠顧是下午茶時段, 這價錢, 食物還能有不錯的水準, 確實有驚喜。前菜 小食 主食 再加飲品 以下午茶來說, 份量很足夠。 在快要每餐味道都是差不多,沒在講究烹調的技巧, 功夫, 只能將貨就價的快餐年代, 質量已經有驚喜。至於用餐環境也很舒適, 備有多部電視,會播放球賽, 估計晚上時段也適合三五知己共聚, 看看球賽。

要搵又好食又坐得耐嘅餐廳係要花d心力，仲要想抵食嘅就仲難，好彩之前係荔枝角做野搵到呢間，又發現佢有分店，今日黎到觀塘又可以去食喇貌似美式裝潢配上日本菜為主食，加上又有工業區嘅風味，感覺幾特別，令人覺得係收工好hea無壓迫感嘅地方，好舒適，仲要無時限任坐以定食形式，多左配菜食，記得之前係沙律菜，今次就轉左粟米，用黎撈飯食加份甜味同口感都係唔錯嘅選擇，另一邊有酸辣雲耳，清爽小食，多一份清新感帆立貝拼照燒雞・珍珠飯 $64帆立貝雖係屬於中價食物，但餐廳仍然足料，而且唔會話有雪味，配上醬汁質素唔錯，照燒雞用左洋蔥爆香，而且係好滑身嘅雞脾肉柚子醬油燒極黑豚・珍珠飯 $62我好鐘意食酸野，覺得好開胃，清新配搭亦可以食番原材料嘅味道，呢一款就做得到喇，黑豚肥瘦適中夠曬健康附送野飲都好夠味，選擇都幾多

咁啱行到中海日升就落大雨 就諗住係到食埋先走🌧平時星期六日出街食飯最驚要等好耐有位 坐一陣又因爲好多人等緊而要走 食得急又冇得hea吓所以見到板上咁大間 啲位好寬闊仲要見到冇時限 我哋兩個女仔可以坐耐啲一邊吹水🗣 一邊等停雨☁️📕食物首先主要都係日式便當為主🍱例如三文魚 鯖魚 照燒雞之類呢到仲有好多小食 台式飲品但我哋兩個女仔就想吹吓水 嘆吓啤酒🍻所以就叫咗佢Happy hour (17-22)個SetA $158🍻煙三文魚薄餅6塊 餅底唔會太厚每塊都有大大舊三文魚🐟仲配上足料菠菜 同埋勁多芝士 熱辣辣 夠哂惹味🍻小食拼盤 （+$30）大推💖加$30可以由雞翼變拼盤拼盤有魷魚圈 大拇指雞翼 吉列蠔 芝士魚腐 炸薯角 勁豐富😋每樣嘢都係即炸 所以熱辣辣 入口又夠脆👍🏻最好食係吉列蠔 唔會腥 魷魚圈炸粉唔厚 食落去唔會成舊都係粉🍻啤酒係中杯Asahi 幾易入口 我哋兩個都好鐘意Set A係中杯 加$10可轉大杯話明Happy hour 我哋緊係由六點半傾到十點👭出街食飯都係想放鬆吓 同朋友可以有個地方嘆吓啤酒 吹吓水真係好正🤤

放工後去左觀塘搵好野食聽聞日升中心多餐廳選擇，於是睇左幾間鋪頭既menu，決定試下呢間多國菜快餐。餐廳門口幾闊趟，有大大個menu 可以選擇食物。為左提高點餐速度，門口旁邊仲有自助點餐機俾食客自己落order，非常方便。另外，Menu 上都幾多唔同嘅菜式選擇，價錢唔太貴，最後點左照燒雞配珍珠飯（跟餐嗌左杯咖啡）同埋水牛城雞翼。餐廳入面位置非常多，地方舒適，而且某啲bar 枱位有插頭位可以差電。等左大概5分鐘，已經可以去counter 拎食物。個人認為照燒雞配珍珠飯有驚喜燒雞嫩滑，日式醬汁甜甜地易入口，啲飯確實係日本珍珠米，好好食配菜方面，仲有玉米粒同雲耳。另外，水牛城雞翼熱辣辣新鮮出爐，味道酸酸辣辣開胃又好食。咖啡香滑都唔錯。係附近返工不妨一試

近年觀塘工業大廈已搖身一變 “美食天堂", 有不少美食進駐, 今日路經觀塘中海日昇中心， 上網搵下有咩好食先，見到這間食評都唔錯，就去試下啦食物款式都好多，有漢堡包啦、脆薯啦、pizza 啦、 大阪燒啦、仲有珍珠飯套餐！ 啱曬口痕嘅你、搵地方吹吹水既你、同埋肚餓嘅你…… 可以配合唔同需要嘅客人店舖環境真係好大好闊落， 地方舒適， 令人好放鬆 ， 而且完全無限時，任你坐幾耐都得，適合一大班朋友 gathering 或者幾個閨蜜傾密計都得 仲有兩部大電視， 其中一部播緊足球比賽，啱曬一班球迷啦！我叫咗 “板上雪花一口牛珍珠飯” 再加咗10蚊飲特飲 “蜂蜜蘆薈綠茶” 另外再叫咗佢出名既 “可樂餅”一口牛真係冇改錯名，細細粒容易我哋啲斯文嘅女仔放入口，唔使再用刀叉切，非常方便牛嘅肉質都 好juicy 一啲都唔韌蜂蜜蘆薈綠茶，甜度啱啱好，加埋蘆薈， 感覺好潤， 解渴而可樂餅， 我見網上好多人都推介， 一定要試喇 但好奇怪嘅係，冇明顯嘅咖哩汁同牛肉，但竟然食到咖哩牛肉味，佢係即叫即炸， 熱辣辣， 味道好夾，薯餅好鬆軟，好好味

好耐之前係附近返工個陣weekday試左一次板上印象唔錯，所以今個星期日帶左個friend再次encore，今次質素仲keep到wor！1:00pm食飯時間去到都有D多人有D多full，我地叫左兩個便當快餐，一個係照燒雞珍珠飯便當，另一個係蒜香三文魚燒極黑豚，等左唔使10分鐘就有得拎。伴菜正正常常，有粟米同雲耳。照燒雞份量鋪得好多大大塊、肉質好嫩好juicy，十分推薦！另一個餐雖然燒極黑豚薄切得黎有少少乾；不過三文魚扒就煎得唔錯好香口蒜味濃郁。野飲方面我好鍾意呢杯熱洛神花蜜，唔會好甜啱啱好，絕對係健康之選！Menu算多選擇,主要係日式便當、不過連burger/台式飲品都有，比想像多元化呢間餐廳係觀塘工廈區入面算唔錯，價錢Ok唔貴，主要係環境坐得比其他餐廳舒服同埋唔會趕你走，可以吹好耐水都ok，會再encore！

和家人想不到食什麼就試試這間板上，沒想到一是就吸引了我。他家的餐廳價錢便宜親民。可能由於地理位置屬於工廠區內所以晚上沒有太多人光顧。他的套餐賣相不錯而且份量十足，一個日式飯會配上一些伴碟和餐飲。特別推介的是蒜香三文魚燒極黑豚珍珠飯三文魚笑得很香口而且黑豚亦醃得很有味，一路彈着茶和朋友或家人聚聚頗為舒服。下次必定會再來光顧。

今日同朋友黎試下呢間好評甚多嘅餐廳😝-餐廳幾大，坐位幾闊落，有兩部電視，一部播無線，另一部播now，我嗰日仲有英超睇！！感覺係幾啱一大班人gathering嘅好地方🥳當日同行朋友遲咗二十分鐘，我就足足坐咗咁耐都冇嗌嘢食，都冇俾人催落單，食幾耐都唔洗怕俾人趕😂👍🏻-食物方面，晚餐選擇都唔少，價錢都幾抵，drink menu有兩版，應有盡有😋-我哋嗌咗安格斯牛肉漢堡+脆薯皇🍔🍟 個漢堡好大個，肉扒好厚，加埋芝士同醬汁好好味😍，而且麵包上面有好多芝麻，食落更香，不過個扒就有少少乾🧐 至於薯角都好夠脆，唔知係咪因為連埋皮炸，食落有更濃郁嘅薯仔香味🥔 點埋茄汁成個組合就真係無得輸🤤-另外都嗌咗個蒜香三文魚燒極黑豚珍珠飯🍚三文魚煎完有啲油香，再加埋蔥蒜香氣幾好食🥳 黑豚肉有少少乾，不過勝在豬肉味夠濃，用嚟送飯啱啱好🐖-仲加10蚊配左杯鮮奶綠茶，抹茶味好濃郁，甜度亦唔高，對想健康啲既女仔黎講係一個好選擇🍵-總括而言，呢間餐廳價錢唔算貴，食物味道又唔錯😋 如果撞正有足球賽事，約班朋友去食個飯，飲杯野都係一個唔錯嘅選擇🥳⚽️