板前壽司 (已結業)

排左好耐隊, 先有得食的板前, 今晚都無例外, 勁等不過等都係值得, 因為佢既壽司係好食啲, 今次試左之前未食過的蝦天婦羅壽司, 真係好好食, 炸粉做的皮夠哂脆, 入面隻蝦蝦肉彈牙有咬頭, 好好食啊 用一貫天婦羅做法, 一啲都唔油膩, 一碟兩件食完再番單!沙律蝦卷都ok, 味道唔錯, 仲叫左吞拿魚, 北寄貝, 三文魚, 三文魚就覺得無之前咁好, 可能因為係減左價啦, 覺得好似乾身啲 (搵極都唔見左三文魚幅相, 明明有影).... 吞拿魚有魚味 (好似魚肝油嗰種味), 係好食的壽司雖然要排好耐, 但係都值得既

先兩日同個fd 去板前食壽司, 而家等位已經無以前咁耐, 十分鐘左右就已經有得入去對板前的壽司我給予一個幾高的評價, 因為味道正宗, 用料上乘, 例如件藍鯨吞拿魚, 肉質鮮美, 而家仲減o左價, 更加抵食! 要介紹比大家係個鵝肝壽司, 用火餡的形式燒熟, 迫哂d鵝肝油出嚟, 件鵝肝真係好香, 好好食咁多間壽司店之中, 我覺得板前的壽司飯係最好味的, 一間壽司店, 最緊要差不多係個壽司飯, 做得唔好, 枉稱為好的壽司店, 所以食壽司我會prefer呢間!

今晚都係第一次去板前(平時都係去板長多),諗住差唔多啦..點知就一肚火,D人做野非常不知所謂,先講食物,佢同板長都係做$3一件三文魚壽司,但板前就做得好差,舊飯比平時既細舊,煙三文魚既味道就比元氣差,煙鴨胸就OK,鰻魚手卷都可以,但一肚火既原因唔關食物事,係D人做野好粗心大意,我一坐低冇耐飲左啖茶,佢地雖然好快咁幫我加水,但就成杯倒瀉哂囉,跟住就到壽司師傅出事,因為我同女友係坐迴轉枱既關係,D師傅可以直接拎食物客人,當個師傅遞食物比我時,成碟壽司冼手,跌哂D壽司落枱,之後又因為落錯單,明明我地叫左六碟三文魚壽司,一碟煙三文魚壽司,兩碟煙鴨胸,兩客鰻魚手卷,點知就冇黎兩碟煙鴨胸,就黎左兩件海鰻壽司,我就同佢地講冇叫到海鰻啦,佢地都有睇返我張ORDER紙係冇叫到既就幫我更正返,到我埋單就出事喇,佢地條數唔知點計既,我自己計過係連加一就應該收106,張單黎到就係$17X,睇返張單原來係照計左我冇叫既海鰻落去,同佢地講返之後就改返啱,但到找錢又找錯囉,單價係$106,我比五百,佢就找返$374比我,找少左$20,好在我係當面數錢,唔係又比佢地屈左,到最後我地計返之前$17X條數點黎,係計唔返囉

下午同朋友到尖沙咀,本來想去隔離食半價下午茶壽司朋友想食板前,以前食過其他分店啲食物還算不差所以就在此食, 我們order 咗三文魚丼定食,三文魚壽司,鰻魚壽司....order 食物後,壽司好快來到,三文魚丼不久也來到,但定食啲沙律同湯,我哋食哂三文魚丼之後都未嚟到,想問waiter,但佢哋完全唔望人,呆呆哋,等咗一陣,先有一女經理嚟到我哋話定食勿冇沙律同湯,佢先入去攞出嚟,但係只比湯同一小碟唔知係勿啲小食,沙律就比隔離枱,我問佢點解餐牌有沙律而唔比我哋,佢話可以係其他代替,態度很差但我哋ｏ弟餐牌寫係冇沙律才以其他代替,但佢哋有沙律也唔比我哋,而且小食很差,三文魚丼也比其他分店細碗下次一定唔會再嚟尖 沙咀分店

是夜在板前食壽司, 是十點鐘去食的迴轉帶上的壽司看起來都像很多, 吞拿魚, 蟹棒, 油甘魚, 板前蝦等轉來轉去, 我通常都會優先揀迴轉帶上的壽司, 因為知道收工賣唔哂會倒, 覺得好嘥, 而且一直以來擺得上條帶都無難食既經驗不過今次就比較失望, 一間咁多人食既壽司店, 理應唔會有擺左好耐既壽司在帶上, 但係只係睇睇碟吞拿魚... 刺身既邊位已經黐實隻碟, 魚身已經不鮮, 仲乾哂咁, 食落味道都唔係太好都係叫佢即叫即整好, 不過整都不見得很好, 好像個軟殼蟹手卷, 紫菜完全唔脆, 一點都不好食.. 排長龍的壽司店, 已經不再可愛, 品質控制都越來越不濟.. 越來越不想來!

平時食開旺角家樂分店的今日來到TST, 一於試下, 點知...今晚7點左右去, 等左成20分鐘先有位環境唔係好得..冇家樂分店咁明亮, 員工呆少少d員工態度都好少少, 但個女經理問人幾位時望都唔望人的, 冇禮貌!d野未上就發現天花板滴水.......叫左幾客三文魚壽司塊三文魚薄到咩咁, 又細件$3件都冇用啦second order等得耐左d催一催就即有, 姐係冇入到單啦... 下次都唔會再黎尼間分店!

前幾日五點幾去左食野食左 蟹棒三文魚三文魚子蟹棒舊飯細到不能係比平常0個d細一半實在令我非常不滿

5位9:45pm去到等咗20分鐘才有枱, 期間入咗好多2-3人客... 納悶~ 好耐無在呢間開餐了, 大家都好肚餓叫咗以下的食物:三文魚壽司: 肉質食味都OK 但唔凍... (好似唔係幾好...)帶子壽司: 好味! 鮮甜爽口! 蟹捧壽司: OK辣三文魚手卷: 第一次食, 以為好似千兩果隻但唔係, 佢係熟三文魚加辣, 味道都OK, 9蚊一個, 鍾意食辣的朋友不妨一試! 蟹肉蟹子沙律: 青瓜絲爽脆, 有蟹肉, 味道不錯!鹽燒三文魚頭: 得三件而且係無肉果PART, 超唔抵食! 另外, 朋友食了很多甜蝦, 玉子都唔錯! 不過D 壽司既飯就明顯比以前細好多喇~~~

三文魚壽司：$3一件，夠平，但質素一般，魚生脂肪比例唔平均。帶子壽司：賣相唔夠光澤，味道一般。牡丹蝦壽司：牡丹蝦甜就夠甜，不過肉質唔夠爽。鰹魚壽司：時令食品，個人覺得較腥。火炙三文魚壽司：三文魚燒得剛剛好，好食喎！芝士熟蝦壽司：唔覺有芝士味？！其他如蟹柳、螺片壽司等等：普通。整體質素其實很普通，如要排隊就末必會光顧啦！

水凖無變,依舊新鮮,其實是行街路過,見無人等位,就立即冲入去、整反幾碟做下午茶,失望的居然無甜蛋,吓甜蛋都無, 凍熱都無!實在有点兒過份,係咪留到晚上賣呢?食咗巨帶子,板前這款帶子是最低食的平靚正。三文魚籽講都知道好味。

好耐無去板前食啦, 因為之前諗住試下其他壽司.... 結果, 板前係好食d....今次兩個人去食左三文魚啦, 燒三文魚, 帆立貝, 牡丹蝦, 板前蝦, 仲有d軍艦呀咁... 樣樣都幾好食, 帆立貝入口夠凍, 好鮮甜... 另外仲叫左炸墨魚軟骨同燒油甘魚"教", 個油甘魚好似無以咁好食, 個炸墨魚軟骨好似唔係即炸, 唔係好熱既....整體黎講, 我覺得樣樣野都better than average, 所以得閒得下位都值既 !

Usually go to other Itamae Sushi or the Itacho Sushi (can order by 1 piece) branches. The other day needed a quick lunch and thought I'll come to this particular shop, having not been here for a few years.The quality of the fish was so bad - some of them were dark and most of them were really fishy. I have a feeling its because there's something wrong with the 'temperature' control here because the fishes were all way too warm. Not only that, but the sushi chefs here have poor skills, the sushi

今日去開海運行街, 冇去呢到好耐 (以前係我地的飯堂), 就去一轉朋友經過本想攞張飛先, 點知只係等9張飛,我地就去海運行下, 再去睇睇, 八點幾都係10張飛我地諗唔係經濟咁差.......入到去都發現有新野....叫左幾碟魚生壽司先, 都幾新鮮, 但係件壽司飯細件左好多第二round叫左d新野 - 燒年糕, 腐皮沙律壽司, 香芒蟹子沙律, 仲叫左燒玉子嘩嘩嘩, 件玉子嚟到, 原本切角形的蛋變左一塊長方形, 我地仲以為轉左(前兩日去板長都係起角), 咁就照食, 不過後來發現同隔離的唔同, 食完先見到隔左好耐, d新菜式仲未嚟, 同佢地講, 佢地話冇落單, 唔係呀, 個waiter之前好仔細寫左係張單到.... 跟左一陣, d野仲唔嚟, 本想同佢經理講, 個經理叫左個senior嚟, 個senior好冇禮貌, 我地未講完就走左去同隔離枱點菜 最後都要叫個經理先有得食 另一邊兩個女子整瀉左, 佢地用tissue係咁清潔, 但冇一個人去幫佢地唔知呢d係未新的服務態度

都有年幾無黎過呢間板前食啦~之前都食過幾次覺得好食同抵食~今日下午3點零經過見無乜人~又有d餓就一個人入去坐低~見到條line都無乜野好食~就畫紙仔order~叫左燒三文壽司,海鰻壽司,吞沙壽司,甜蝦壽司兩客同埋一個唔記得左叫乜乜蝦卷~仲有我至愛既牡丹蝦刺身~燒三文壽司:本身唔食魚生既我~都叫左個試下~呢個ok海鰻壽司飯一夾就散晒~件海鰻都係普通無乜特別吞沙壽司:呢個都係普通無乜特別甜蝦壽司:大大隻一件兩隻~呢個好食乜乜蝦卷:隻炸過既蝦凍晒~應該係炸定左好耐咁牡丹蝦刺身:呢個唔掂~好唔新鮮唔夠爽口~仲要50蚊得兩隻~食甜蝦好過今次黎覺得有d唔抵食既感覺~服務都可以~keep住加水(可能無乜客)~埋單$155~

成日經過板前都見到排晒長龍, 前幾日終於又去試下真係有幾好食,其實真係無乜好特別, 不過個jumbo scallop 就真係超大隻, 都幾好味,仲有 "魚背" 雖然唔知其實係咩黎幾, 不過就好好味, 有d 似銀雪魚~~總括都ok ge...