板前壽司 (已結業)

準時放工，即刻來，都已經大排長龍。等了大概半個鐘，終於入座。魚生，好新鮮！特大帶子，很大只啊！海膽軍欖，今次的海膽很新鮮！火焰三文魚，啊！埋單時才發覺貴了，加了$4。Sake 雖則吾貴，所以size成正比！師傅做起壽司放在我們的木板上（之前是盛著我們叫的壽司的，吃過壽司，木板沒有拿走），但我們跟師傅說，我們沒有叫呢！師傅check check 單，原來是旁邊的食客order的，他沒有轉給旁邊的食客，即時掉進垃圾桶內，再弄過給旁邊的食客，還向我們say sorry。我們都覺得很可惜啊，不過以衛生而言，也是應該這樣做的。

18/02/2008中午與同事去板前食lunch，不是坐旋轉枱，而是後面的普通位，方便傾計，可能就是這樣，侍應忽略了我們，坐下很久也沒有熱茶招待，於是我一邊招手叫他們要茶，一邊咕嚕說“我們沒錢付嗎？茶都無杯？”之後，一個男侍應便端著幾杯茶到來，放到最後一杯，我同事發現到杯中有異物，立即細看，嘩，竟然是小強，好恐怖，那侍應立即想收走那杯茶，我同事即時阻止，說要影相，之後，用電話影了相。而那侍應竟然連一句“對唔住”都欠奉，嚇窒左抑或欠缺training？照常理，一杯茶只會有一個茶包，但那杯茶有兩個，可能就這樣將小強夾在一起，附送給我們。之後，我們觀察了那侍應一會，知他沒有將此事告知經理，於是我們便叫經理過來，告訴她發生了這麼的一件事，她解釋因為昨天才進行滅蟲，可能是一些已經死了的蟲出現……原來，滅完蟲更加恐怖，後來，她給了九折我們，又送我們每人一客南瓜雪糕，對我們說“我識做時希望你都識做，delete那張相啦。”我想我會有一段長時間不會去幫襯板前了，

又係要勁等位!終於有得食,都叫左好多碟,三文魚,板前蝦,帆立貝,金鎗魚(呢個特別要叫,因為佢老闆喺日本買左條日本一返嚟威威!),金鎗魚腩,鰻魚,蟹腳!簡單d講,因為大家已經好認識呢間舖..最好食:金鎗魚腩,因為d脂肪入口即化,新鮮!最唔好食:蟹腳,以為係真野,原來係仿做,個味仲怪怪地,特別係篤沙律醬!不過又真係幾好食!!

係尖沙咀板前開左冇耐既時候, 食過幾次都覺得好食!! 旺角個間都食過幾次亦都覺得好味!!!咁女朋友又未食過話想食, 我就同左佢黎尖沙咀呢間食啦... 點知...等位耐就預左架啦, 入到去我地就坐左bar table... 咁樣先大鑊... 因為我同女朋友都睇住個3 個sushi 師傅一路係度高談濶論, 由我地開始食講到我地走都未講完... 即係講野唔係唔比講, 但係都唔好係整緊sushi 都講丫... 整完之後比我食, 我望住都唔知食唔食好..我都唔知有冇d sushi 有冇佢地d 口水... 再講d 魚生既份量又細左, 水準又差左... d 師傅就更加唔使講!!!ps. 仲有個小插曲, 排緊等位既時候, 有個女人買左好多外賣, 但係因為員工既錯漏, 比錯左d 野個女人... 個女人差唔多45 分鐘後先返黎同d waiter 講返d 野錯左... 岩個d 野就一直放左係度, 之後個waitress 就張個袋野攞開左一陣, 之後就比返個女人!!! 我覺得就真係差囉, 雖然maybe 好多餐廳都係咁!! 但係佢地咁懶優質既餐廳都咁樣!!! 哈哈女朋友同我都決定以後唔去呢度食野喇!!!

本來想去金水因為食左幾次都覺得佢既半價低得黎又好味但係遲左等位都有排等又勁肚餓所以揀左板前之後一路都無試過板前以為咁出名又咁多人等應該超好味點左好多叫左最鍾意食既蟹棒比較起黎金水半價時的蟹棒還新鮮大條好味之後叫其他果d 都係普普通通唔係咁特別最後叫左個豚拖羅因為佢要燒呢個最後上呢碟應該係成晚最好味既一碟但係下次再揀都係會揀番金水

各樣食品都okay... 兩個人食左二百五十蚊sushi only ... 因坐order 台上得幾慢鰻魚好好味....... 因為吾係太平味度okay 所以比okay lad 待應無乜精神咁...............................

又係食壽司時間了,呵!排隊排到肚餓,其實本來去斜對面元祿就可以唔駛等,但係個friend唔制,無計!叫左都唔少野,舌拿魚,火焰帶子,瀨尿蝦壽司,三文魚腩壽司,蟹腳,池魚王壽司,板前蝦,油甘魚,另外仲有燉旦!個人認為,味道其實都幾好,師父們都很專注地做,材料新鮮,可是點解我不主張大家去是因為坐得不舒服,太迫了,加上要等很耐先有得食,去金水唔使等咁耐,味道差不遠,去元祿味道差一點,但坐得舒服很多!我唔會俾喊,但只係ok!

星期六下晝四點,想以壽司當午餐,去到板前門口,竟然要等幾張檯,唔通效應咁犀利!坐低叫了個瀨尿蝦壽司,本人第一次食瀨尿蝦壽司就在這裡,今天食完,好味依然!跟著三文魚腩壽司很肥美,很新鮮!再叫了池魚王壽司及油甘魚壽司,不過...二種壽司竟然差唔多樣,睇咗好耐都分唔到,只知兩條魚都很好味,其中一條特別肥美,絕對值得食!又叫了蟹肉軍艦及吞拿魚沙律壽司,很新鮮,紫菜也很脆!另外還有蟹柳壽司,三文魚王壽司,北寄貝壽司也很不錯!以上食物就很好,可是遇著個不知所謂的經理,話說本人寫order紙落上述二件軍艦壽司,經理走嚟落單,但不知道他是否擺款,竟然大聲喝罵他的下屬,不要聚在一起,好明顯比到我的感覺是他不想做這些低下的工作,本來不關我事,但最慘壽司等了很耐都未來,過十幾分鐘再落過才有得吃,這樣只顧罵人而做不到事的經理,在我眼裡絕對是不知所謂!!!另外現場所見,侍應添水次數都幾密,亦幾有禮貌,並有說小心水熱,希望不是個別例子吧!

我覺板前d野食都ok，而且經理很好人。最新鮮是三文魚。我試過tst無數場，本人覺得是tst數一數二的。當然我最愛的魚頭是香中之香，冇腥味又好味，掂啊呀!不過其實我以前是食開TST其他店的，但因為我鐘意有d野睇，所以之後發覺板前內有部電視，咪ok囉。不過，這是電視台?叫高清台DOTV 我好似在麻布都見過...是日本過來的嗎? 但好得意因為係播一d TV or 電影精華，不過好過看TVB。因為我試過同以前女朋友食飯時要看足3個鐘大長金大結局先肯走-_-總括:新鮮魚生+ 有電視看=最正!!

今日同友人四點幾去到醫肚啦...叫左野唔多, 火炙三文魚, 海膽, 炸生豪....一入去成間鋪既人都面黑黑, 個經理講野細聲到聽唔到...我地HA左一聲, 就好晦氣咁repeat 一次..壽司ok 啦...但個炸生豪一上碟..仲黑過d炭..真係唔夠膽食..好有禮貌咁問一個junior既waiter 可唔可以換過碟...佢話等陣..就去問manger...可以換過碟...過左大半個鐘...另一碟返黎啦....又係頭先果碟...用手指摸下已經凍哂....真係不能接受...最後無食到就咁走左...差唔多每個星期都幫親一次板前, 尖沙咀呢間係一第一次..亦都係最後一次..板前未開分店之前真係覺得佢食物同服務都有保證..依架...情況真係無得救

或者係我期望高啦...見到報紙報導話個老闆喺日本買條魚王返嚟,就想去試吓!板前蝦壽司:味道ok,不過有冰未溶,食到我牙痛..吞拿魚壽司k,不過又係未溶雪..海膽壽司:算係較正常,不過無野特別...又唔係唔好食嘅,但又好平凡...

自問是板前長期忠實fans,由開檔至今已捧場多年,但真的很失望,每況愈下,service由始至終沒有改變,寿司師傅及樓面的服務態度,而達到不能容忍的地步,試問一間餐廳怎能接受員工開工時間,面對著客人高談闊論不在話下,甚至連粗口及夾雜糞尿屁可能更甚!本身對其食物出品都很欣賞,但近來發覺真的跌倒谷底,現在連寿司飯的質素也大不如前,不是單單這一間總店,其他分店也是一樣,希望管理方面落下苦功啦,如果不設法改善,幾好的聲譽也會毁於一旦.......

食回轉壽司首選,食物長期保持水準,朋友有銀行現金券$50,埋單$200幾,款式比一般壽司店多,但每次排隊時間太長,加上門口個派飛仔員工好似唔憂做咁,攞張飛叫極都唔應,真係要改善.

一星期內, 吃了三餐\壽司, 全都在尖沙咀, 都咪話唔驚人.是日較早, 板前不用等位, 當然第一時間衝入去啦.點了珍寶帶子, 今次沒失望, 好新鮮, 夠彈牙, 帶子比飯大上幾倍, 真想叫佢\俾多個靚仔, 唔該. 好味!海胆, 是次都係十分, 大大片海胆, 幾片的躺在軍艦上, 等待我們的宰割, yeah! 一點點的腥味都無, 好鮮甜呀!當然仲有我至愛鰻魚, 我對其他壽司店做的鰻魚都很失望, 不是冷冰冰, 便是薄薄一片, 口感全不對辦. 唯獨這裡的鰻魚, 熱騰騰, 厚厚的, 跟鰻魚飯內的鰻魚有八分相似. 好懷念日本的鰻魚飯呢...敗筆的是那可惡的軟殼蟹手卷, 呢幾次全部中伏. 幾乎找不到蟹的蹤影, 只見那炸了的殼...慘!!! 其餘的火炙三文魚, 池魚..ok啦!

2007年12月1日下午的時間,同朋友一齊黎,唔洗等好耐,好快就可以入去!食物依然保持水準,新鮮好味!今日既三文魚切得幾好,急唔住叫左3碟,蟹棒都好正!!