板燒郎燒肉鐵板放題料理專門店 (已結業)

尋晚食完一肚氣，入到去間野好似雪櫃咁凍，嗰啲韓燒爐燒親既食物都好易窿，一窿嗰啲肉全部都變苦，燒左一轉已經熄爐唔想再食。其他食物啲種類選擇好少，唯一一樣好，就係刺身有赤貝食，但叫嗰啲一碟碟嘅壽司、軍艦，用筷子一夾，啲飯就散晒...個侍應拎到碟野埋黎，d壽司係訓低左既，唔知似乜...心諗，算啦，去雪櫃攞杯雪糕食，櫃頂有啲膠匙羹，一筆落去，個羹頭軟到好似就斷咁彎晒...膠羹既質素都咁差...最後冇晒心情埋單走人...以後都唔會黎食！

今日一家人一齊去食放題，跟住咁岩見到板燒郎就入左去食嘢。一到去佢唔似其他嘅鐵板燒店咁狂sell嘢，唔比你講野，佢哋服務態度好好，而且d食物好快就上左，跟住一上菜就有人幫你開爐，唔會浪費時間。有咩唔明問員工員工都會好有耐性咁答你，跟住仲有好多菜式。我開頭係同屋企人落左張刺身既單，唔洗等好耐就有得食，跟住之後d蝦好大隻好正，個個北海道帶子都好正，佢個生蠔仲要係即開，真係正到爆。食完刺身我地就開始叫牛肉、羊架之類的食物燒，唔識燒既時候個度d人仲會教我燒😂好好人之後叫左d天婦羅吖，泰式料理等，啲嘢唔會好似其他店咁一堆油咁上比你，同埋好多菜式同埋選擇。整體黎講係超正，真心正，想食鐵板燒不妨去試下，我下次一定會再黎！

食左幾年都重肯幫親，主要原因是座位舒適可以同朋友傾下計，但哩間店的服務質素和食物質素嚴重下降， 食物款式亦大大減少，食物比以往難食。食左幾年，不論爆場定係得兩枱客佢都必定漏單的，這情況幾年來不變之餘，早兩天去過情況更為嚴重，隔離枱的客人禮貌地告知服務員已漏左3次單，最後嬲到要自行將單直接拿給廚房。我們亦一樣，一坐低叫左個刺身，90分鐘都未到肯定漏單啦，咁咪再寫一張單咯，一比完單服務員，第一果盤刺身即到，心諗大獲一陣又要食多盤，金邊粉由入座開始叫左3次，埋左單才肯來一碟，炸蠔入口竟是冰凍的（在雪櫃剛拿出來），經常等到枱面無食物要出去拎沙律食，其實佢廚房的真係好唔掂，點解可以漏咁多單，近50%食物會漏單或超過一小時才到，有時一來就來幾碟同一款食物，見到都唔知點食，嬲到我朋友說要黑名單這店了，永遠不再來，我決定告知所有人這店漏單情況嚴重，建議客人們下次要早有心理準備會大量漏單，真心想覺得可以消委會投訴這店。重有好多好多問題不能盡錄，總之就黑名單啦

我媽今日生日諗著去試新嘢 就揀咗呢間 點知係個伏. 一入到去 個地下又滑又有水漬 設計又像茶餐廳 啲肉又冇肉味 蜆都有沙 到熟食 有泰國料理 炒金邊粉太乾 又經常漏單 頭兩round 叫的炒菜臨尾先到 根本食唔切 唯一接受的就係魚生 不可一不可再

成日都話想去試下，但次次都好多人排隊，所以走人，今日終於再有時間試下個宵夜放題，星期五所以係$178 加一，大約每位$196，22:00至到2:00，食4粒鐘，如果多人慢慢食慢慢吹，係超抵嘅，但只有我同女友2個，例牌食乜都2小時內埋單，就唔抵了。招呼唔錯，尤其2位男經理，因着晒西装，當經理，笑容好，乜都跟足，90分。環境就2人位唔係太舒服，好窄，4人卡位就好啲，50分，VIP房每位+$20，唔駛等位。魚生選擇唔多，正常款式，無我至愛帶子，但新鮮合格嘅，7O分。韓燒都可以 70分。泰中日韓小食甜品都OK，70分。手卷軍艦壽司不推蔫。飲品任飲，款式多，60分。有少少漏單，但不多可接受。整體70分，應該不會再去。

難得一大班女生想吃得放一點，於是我們便來到板燒郎吃放題!我第一次來的時候和一班男人，覺得這裡的食物一般。這次跟女生們聚餐，亦同樣覺得還好。由於我們去到之時還有好幾個朋友未到達，我們坐在出面的等位區內。此時，這兒的老闆開始向我們示好，給我們每人一顆榴槤糯米糍。說真的，榴槤味非常濃郁，味道很不錯。之後，老闆便開始推銷他的升級美食了。但女生吃放題吃到多少呀? 所以我們向他就不。先來的當然是刺身拼盤，特別是那些厚切三文魚，非常肥美。說好的海膽手卷，就只有這麼一小點的海膽。跟沒有吃過沒大分別。花之戀，也是行貨......至於鰻魚壽司，味道還好，但小得使人吃得很不盡興。炸物反倒挺不錯的，芝士年糕外層香脆，內裡的芝士味濃郁，年糕非常軟糯，令人不禁想再吃。南瓜天婦羅、紫薯天婦羅和軟殼蟹是你絕對要嚐的美食!燒肉亦很不錯啊!最後還有冰淇淋。建議大家還是不要貪新鮮試左邊牌子的冰淇淋，太甜了。

對上一次黎食完之後，一試難忘。今次同女朋友經過佐敦，當然係兩個人去食餐好，估唔到星期五既7點都人山人海，等左半個鍾先有位，可能好食所以多人食掛，等到頸都長，下次都係提早book個位先。今次d野食同無次一樣甘正，最特別係個椰子雞，夠鮮嫩，又真係估佢唔到。個經理幾好人咁送左兩個燕窩西米露比我地食，入口冰涼。刺身夠新鮮，生蠔夠juicy，鵝肝夠香口，和牛夠雪花均勻，赤蝦刺身夠大夠鮮味。女朋友大人話下次黎過板燒郎食。

家庭聚會，黎板燒郎食宵夜時段放題，價錢超抵食先179每位，於是乎我地十幾個人試埋佢地嘅148至尊升級版，俾啲圖你地睇下先然後仲有重點位嘅椰子雞，一開頭仲以為係28每位咁加，諗唔到原來真係28蚊一隻，真係抵到爛十三個人加左兩隻，個湯唔係講笑真係非常之甜，甜到入心入肺個雞都真係文昌雞，街市買都唔止28喇最尾講下其他野啦，服務好體貼，環境衛生麻麻不過都可以接收，光線雖然不夠光但繫都足夠溫馨，總之會再幫襯！

相隔半年又嚟翻呢到食飯🤔今次同啲中同四個人一早book咗枱上去食韓牛😋🤤初初仲諗住399嘅價錢上去伏下都抵啊佢399包最普通嘅放題之外再另加四人份題嘅韓牛🐄🐄🐄🐄其實我地都唔太識食牛😂淨係識分有冇渣同埋韌唔韌🤔不過啲侍應又會幾好咁介紹埋比我地聽之後先知原本隻牛分咗七個部位🤷🏻‍♀️雖然唔識食不過都叫做識分邊個部好食啲嘅👍🏻其實個人認為呢隻韓牛同其他牛嘅分別就係香啲😯未燒個陣望多好多花以為好油，但食完之後又冇想像中咁膩我就覺得以呢個價錢都值得一試嘅☺️其他嘢食就中規中矩咁啦🤥嘢食味道同早半年前嚟都冇乜分別

是日我比朋友帶去一間日式泰式既放題雖然我住元朗 因朋友既約 點都要去既我朋友帶我去行佐敦我仲以為佢係街邊檔嘅放題點知又唔係喎我係樓下見到個 阿拉斯加蟹既短片我已經好有衝動想上去食 佢唔似一般嘅放題咁樣 一味硬sell自己有啲乜嘢好食個帶位又幾好服務令我感到呢間放題唔係伏咁我就試下個阿拉斯加蟹呀因為上個禮拜其實我試過中環某一間日式餐廳 都係試左佢既阿拉斯加蟹 呢個一咬落去已經佢裏面嘅肉汁已經爆咗出嚟 食到我成口汁 好邪惡如果對比番中環個一間呢間已經贏咗佢可以畀到平民嘅價錢享受嘅有錢人服務

適逢各位老婆齊齊過澳門我哋老公們就齊齊偷食我就約咗班 老友 就去咗呢一間一入嚟唔知係咪個服務員認得我或者真係認得啦 佢話你又嚟呀 咁我就話係呀同埋今次帶埋班friend嚟咁我哋一坐低 咁就不如試下阿拉斯加蟹放題啦竟然又唔差喎都可以話比得上中環嗰啲所謂嘅高級餐廳嘅其實我 最好畀到貴嘅價錢但食唔到好嘅質素 但呢間 的而且確比到平靚正 刺身一直都冇減少質素嘅問題服務態度又好服務員窩心見我哋隻手污糟就即刻畀濕紙巾我哋我朋友話清酒任飲真係好少有

整體上工作人員服務態度算良好，環境亦都不錯。但食物偏差，肉類全部應該加左梳打粉，肉質好林但完全𣎴好吃，牛肉冇牛肉味，豬肉冇豬肉味，羊架沒有羊味。加了88元追加和牛，更是十分令人失望！跟豬肉差不多。唯獨熟食尚算可以，但壽司很差，飯很黏，像漿糊狀黏咀。要數算最好食，只剩蔬菜。整體性價比十分十分低甜品選擇十分少，只有糕點3~4款，水果2款，雪糕更是一早已售罄沒有。飲品選擇還可以。仲加了88元，再加一後，差不多400元一個人，真係一定絕對冇下次，去食個普通buffet仲好。

今個星期氣溫下降，涼涼地就決定食燒肉慶祝聖誕，但齋食燒肉又覺悶悶地，所以最後選擇與家人到板燒郎晚餐慶祝，因為集燒肉、日本料理、泰式料理和甜品放題於一身店內環境整潔，座位不會太迫，燈光足夠，不會覺得暗*每位加$20可以選擇房內座位*每位加$88至升級版可以享用多8款食物*每位加$148至至尊星級版可享用共11款額外食物除了在menu order食物外，客人還可以到凍櫃選擇燒物、冷盤、水果、甜品和飲品刺身新鮮，身為三文魚愛好者認為好滿足，因三文魚厚切肥美壽司款式種類多，而特式壽司更喜出望外，例如有海膽花之戀、吞拿魚他他軍艦、鵝肝帶子壽司和海膽三文魚手卷等等，真係不是到處可以吃到最開心就係壽司size 細，不會因為食壽司而快飽肚串燒雞肉值得推介！雞肉肉質嫩滑配上腌料令雞肉更添味道！一口豆腐也是我最愛，外脆內軟，入口不用多咬豆腐已在口裡溶化！

價錢合理既，食物又多樣化，但係食物上枱速度同質素就可以改善一下！先講下食物先，主要係得2張餐單係肉類，咁就有牛豬羊雞呢幾只，但係就冇其他味道例如可能話係芝士或者辣味，味道會比較單調。海鮮都幾多款！蝦同青口又大大隻，不過花螺就唔係好推介因為要燒好耐！亦都有一點要值得讚揚嘅就係服務員態度幾好，主動會幫你收野同埋會問你食物有冇到齊！笑容可掬，所以食起上嚟都比較開心既。二百幾蚊呢個價錢都算叫做ok既，但係唯一唔高興嘅就係食物嘅時間有啲耐 around 25分鐘先到其他地方就都滿意既

周圍搵唔到大閘蟹賣，記得同事介紹去佐敦有大閘蟹放題，晚上10:00後可以食4小時，同朋友去試下《燒肉刺身大閘蟹放題》，公司同事果然無介紹錯喎! 勁多蟹膏😋每人十隻食返夠本，店員服務態度又好