板長壽司 (康怡廣場南座) (已結業)

今晚想吃稻庭烏冬，記得係到食過，所以再嚟試吓。之前試牛肉，今晚試豚肩肉稻庭烏冬，叧加玉子燒。先來玉子燒，係熱食，都可以，跟住來過烏冬。湯底算清，烏冬幼身算滑，但豚肉就係唔得，好硬，唔知係味一早煎左再整番熱。自己煮一定好食過佢。

朋友介紹才知道這間壽司店也有下午茶餐，而且價錢親民，六十多元就能吃到多款日式料理，我們逛完街後便來開餐。我們點了冷麵拼壽司套餐，冷麵湯底帶淡淡的堅魚味而且非常冰凍，夏天吃實在是透心涼。雖然配料只有比較普通的蟹柳絲、青瓜絲和溫泉蛋，但份量也不算少，吃完都能飽肚。壽司方面，一共有三件加數片刺身。三文魚刺身都是厚切的，入口啖啖肉十分肥美。赤貝壽司也夠新鮮，沒吃到有腥味，其他壽司的質素也不錯。以這個價錢來說，性價比算高呢！

不合格，不值，不會再去！叫咗128元一碗的魚生飯，兩片帶子目測小於5mm的厚度，面積小於一元硬幣，問店舖職員餐牌內相中的帶子有厚度的，不是咁薄，職員稱影相緊係靚，之後走咗，無再跟進。海膽5元大小的份量，色澤暗淡，食落不新鮮，而且是出水的，同帶苦味。蟹肉大家睇相，淡而無味，1湯匙份量，完全唔知食蟹肉中，2片三文魚同2片唔知乜魚的魚生叫似樣點，128元一個魚生飯來說，魚生份量太小，完全不合格，不會再光顧。

之前一直都食開元氣嘅，但係我男朋友今次叫我試吓食板長，話其實班長好食好多，咁我就決定去試吓啦！去到發現原來佢哋做會員係唔需要入會費嘅，同埋佢哋係逢星期三會員都會有個八折，同元氣只有每一個月第一個星期三有八折嘅唔同，之後我發現原來用會員係會有啲特價嘢食都好抵！三文魚子軍艦$18好新鮮好正咁我就叫咗啲set,發現真係大部份都好新鮮,同埋我知佢哋啲壽司飯係手握嘅不錯喔！仲有我真係幾鍾意飲佢哋嘅味增湯，因為佢哋既味噌湯都應該係用三文魚黎熬，所以好重魚湯味

其實我覺得個壽司師傅唔係好有經驗我見佢一早擺咗啲冰先去處理條魚因為佢係碎冰溶得好快我食到一半嘅時候啲冰已經溶溶地佢亦都冇擺塊葉隔住咁樣會影響到條魚嘅口感其實我真係唔明點解要用碎冰不過其他壽司都做得唔錯有少少漏單嘅情況不過後尾見到啲妹妹仔整個火灸壽司就即刻燒得唔夠service very good啲人非常之有禮貌無論係師傅或者侍應都應該畀佢一個讚如果屋企附近 嗰幾間 冇 我想食嘅 貨都應該會返嚟食嘅一定唔會返西環嗰間囉

今日同老公去咗屋企樓下板長食晚餐，順便用埋某app嘅生日折扣。生日優惠有八五折，都算抵食。叫咗一份三文魚火炙壽司帆立貝壽司甜蛋壽司油金魚壽司，油甘魚壽司可以揀原味、黑松露、柚子。每一款都唔錯。芝士蝦卷、軟殼蟹手卷、鵝肝壽司。呢三樣熟食佢整得唔錯。Overall not a bad dinner especially there are 15 percentage off.

某個星期三，我地要去超市掃平野，所就上左板長食，佢呢個月既星期三有折.平時可以會揀元氣，但某尐原因，避到就避啦！其實我想話，佢呢間有兩樣野令我地間唔中黎食既，一來我男人鍾意食日本野，二來就係佢有鮮北寄貝，而呢樣係香港真係唔係好多地方有，同埋佢價錢唔算貴，還好還好~ 另一樣就係呢個冷烏冬，個煙韌度好好，而且涼涼的，最岩就係熱屎辣辣既天氣食，其餘就一般般囉～正正常常，無咩特別咁囉～不過就成日都要等好耐位(無論係咪星期三都係!)

星期六太古康怡區午飯好多人，這間板長位於Aeon內，好處是等位都有冷氣，不用企在街上又熱又食塵。這店多四人台，這區多年輕家長和小朋友，非常適合。我與朋友兩個人反為等枱比四人枱的食客等更長時間。有冷氣等都無所謂，加上有櫈坐著等都ok，因為都等了差不多半小時。落單是自動以平板電腦點的，一入舖客人會收到一張QR Code，在平板點完食物後，便掃條碼直接下單至廚房，快捷清晰。海膽櫻花丼跟麵豉湯 $168👍😊海膽新鮮，也頗大件，同時好像覺得灣仔新鴻基中心那間板長的海膽更新鮮更大一點。而且新鴻基中心那間個麵豉湯是有蜆肉的，更加甜和濃。我個人比較喜歡那家板長。假日午餐滑蛋吉列黑豚定食 $138這個午餐樣樣齊，有湯、沙律、前菜、魚生、豬扒、飯、麵豉湯。豬扒味道是可以的，同時就有點韌及難咬，同魚生比較就遜色了。還是推介魚生類，新鮮。幸好這個午餐也有4片魚生，我個人覺得來板長我建議魚生類食物，熟食不太理想，上次我叫了個鹽燒三文魚鮫好”鞋”，三文魚鮫都好難煮得”鞋”😅😅真不建議熟食。前菜南瓜及沙律。總結的話是推介魚生類，熟食則免。

11/3/19MondayToday I went to this japanese restaurant for dinner with my wife after work. We received a notification from the itocho sushi app that there were 20 percentage discount for memeber. So we decided to have dinner hereWe arrived by 7 pm, little queue even it is weekday. We were too hungry and forgot to take many photos of the food We orders a salmon set, price was 105 before discount. Very reasonably price. The taste of the salmon was great. Egg sushi is also one of my favorite althoug

今晚又無住家飯食就同老公兩個亂行，到了 太古 Aeon 間板長，貪佢不用等位，又快又簡單，又穩陣。可惜都算幾失望，上次去板長已經係讀書時去，記得整體感覺唔錯，可能人大左對食物要求高左，亦注重健康，覺得啲食物咸點太咸，同時味噌湯又加好多糖。我叫左個櫻花蝦蜆拉麵。普普通通，櫻花蝦無咩蝦香，反而啲蜆肉幾大隻，而且全都係個蜆殻度，無跌出來，幾美觀。中間有小插曲，其中一粒蜆入面有隻小蟹，不特止仲要有好多膏，真係大開眼界，無想過咁細的蟹都可以有膏，仲要咁多。老公要左吞拿魚丼，都係中規中矩之作，最大敗筆就係碗味增湯加左糖。

我總會偶爾的想吃鰻魚飯，因為我總會偶爾我想起在日本我鰻魚飯。很多時，我成日同自己講，唔好係香港食鰻魚飯，但總會偶爾的去左食鰻魚飯。今日lunch叫左個鰻魚飯加蜆殻湯（108加1，大概120蚊）個餐一黎到，我總會偶爾的失望。鰻魚飯既醬汁太”杰”，我總會想起日本既鰻魚飯既醬汁濃得黎好似水狀，食落去唔會檔左炭燒既香味。依個鰻魚飯醬汁太甜，真心唔好食，但比左錢冇理由唔食架。反而我幾鐘意個蜆貝湯，幾清新。不過板長其他野我都有嘗試過，其實ok，可謂不過不失，但依個鰻魚飯會哭泣。（注：此評論只針對鰻魚飯）

星期日晚，和家人黎了吉之島晚飯，媽咪一向喜歡吃壽司，市面又其實好多壽司店，成行成市，但媽咪話佢鐘意板長多些，覺得店的壽司上碟時仲係暖！咁我都認同既！老公方面，板長可能始終價位不算便宜，他就話覺得元氣或其他店會好些。不過是晚最緊要揀媽咪鐘意的，於是好早我地就走左去攞飛，唔駛排就有位！（如果想係吉之島晚飯時唔駛排隊，的確6點3就好預備攞飛入座！）講番板長，一年幫襯唔多，一排冇黎，發現依家餐牌多了壽司set,可能1x件壽司收番百零蚊，三色拼盤set也多左！可能餐廳覺得要經濟實惠，令人有多人些預算吧！我地是晚叫了一個set!就如下圖menu:實物黎到，影張相比較下先：我地就係叫左全部都係三文魚🍣！有燒，有刺身，呢個set唔錯，抵叫！另外，我地散叫左下邊既壽司：熟食方面仲叫埋炸軟売蟹，同埋玉子燒，上碟夠熱，味道很好！咁耐冇黎板長，似乎都仲keep到水準！最後，等我都上載番店內環境先，算光暗適中！

24號平安夜晏晝去板長食lunch，人唔算太多，大約等左10分鐘就有位。當日依然有set lunch揀，我order左個滑蛋牛肉便當，配麵鼓湯，沙津，蒸蛋，小食。個便當就好好食，其他一般，小食就唔太岩我食。不過服務尚算唔錯，野食黎得又快，會再幫襯

辛苦左一整天，難得放假可以留喺屋企，晏晝就梗係要落去食返個好食同抵嘅午餐啦。午餐價錢比夜晚抵好多，但係冇將貨就價。食咗個非常新鮮同好味嘅刺身飯。期待同老婆放假再去樓下食過。

今天來到康怡午膳，地庫美食廣場人流相當多，結果就上去其他樓層的食肆看看。來到板長，發現它的午市套餐選擇不錯，有定食、海鮮丼、壽司定食、刺身配烏冬定食....這天我選了「特選吞拿魚壽司定食」，套餐有沙律、麵豉湯、日式蒸蛋及壽司。沙律菜新鮮，醬汁很好。日式蒸蛋夠熱又夠滑。麵豉湯，清甜好味。壽司盤上有蛋味濃郁的玉子、香脆炸蝦壽司卷及魚生壽司。壽司上的刺身/魚生都相當鮮味，飯團軟棉棉，非常好。服務方面，店員有主動加水/協助點餐，算是不錯。價錢方面，套餐要$115連同加一服務費，就要$130。這個午餐算是高消費，但整體感覺良好，也是值得。