板長壽司 (已搬遷) 新店位置

縱使日本核危機令本港大部份日式食肆陷入僵局~但就日常所見~港人對壽司ge鍾愛依然不變~商場內所有壽司店都要等上一句鐘左右~~地震前由日本回港後就再沒有吃過日本料理~~結果這天毒癮發作之下~連板長都唔放過由門口到每桌的餐牌架~要有告示標示關西與九洲是集團的貨源地~排除污染的恐慌~~說實話~單單和歌山等地的魚市場~卸貨量實在有過之而無不及~勝浦魚港的鮪魚量甚至是全國之首周日的晚市~三人等了大半個鐘後獲安排吧檯~因午餐吃得太多~三人的胃納都不大~只是過過口癮而非為填肚而來~~而且妹子不吃魚生~所以壽司點得不多~反倒周邊的小吃為主壽司方面~海鰻~飛魚子~石垣鯛等都是標準手作~~只是黃鰭吞拿的顏色光澤稍遜~暗淡無光~只好安慰大比這裡是香港~別用兩地水準作比較~~而一式三件的軟殼蟹也未見熱脆~紫菜也變得淋韌~不合格沙律~麵豉湯~冷麵等也做得不錯~但燒玉子就明顯在早前準備過程中煎得過焦~而且份量較以往縮水~這樣也安份侍客?不想追究~~這等分店~換一客也不會有太改善~屯門的壽司選擇認真少而少~~有時甚至自暴自棄~想買超市的拼盤吃就是了~反正只剩下金水~元氣~明將等選擇~~可以點?

什錦刺身 ~ 份量很少, 只得三文魚, 帶子, 池魚, 牡丹蝦, 只是一人份量, 刺身算新鮮!!北寄背刺身 ~ 第一次係北海道食 好好味, 係香港好少地方可以食到北寄背刺身, 通常都係熟咗!!海謄軍艦, 燒海鰻, 冷烏冬, 大蝦天婦羅, 牛乳湯等其他都係中規中矩!!

與家人前往晚餐，店內環境是有點擠迫，但燈光柔和而侍應生服務態度OK，食材可算是新鮮，個人認為可以值得再試。

板長再次投得「日本一」藍鰭吞拿，莫視環保人士的聲音，誓要一嚐。志在一嚐，所以只點了最廉價的那一種，即管看看有何特別之處。吞拿魚顏色呈鮮紅，可惜只是薄切。肉質的確是嫩，而且鮮味十足，無可否認，的確比其他吞拿魚的味道佳‥‥不過口感欠奉，可能是太薄的原因。有一塊中間更是薄至見飯。一口四十元，問值不值的話，我會說不值。但人生難得一次，試試無妨。或者點魚腩部分會更佳也說不定‥‥‥‥但腩的售價實在令人卻步，我這種窮學生，也是算了吧！！不可能吃藍鰭飽肚，要點其他壽司來填肚。當然少不了我最愛的鰻魚啦！　一直都很喜歡板長的海鰻壽司，但今天的ＳＩＺＥ好像比平常細了一點‥‥‥海鰻的脂肪比鰻魚少，但肉質卻比鰻魚滑！另外還有三文魚‥‥墨魚‥‥龍蝦沙律等等。不詳細說明了，因為今天的主角是：藍鰭吞拿魚！！～～＊吃一次夠了，如果下次再有機會，我想我會選擇要最貴的那種，只有這種方可試出極品的味道。

呢日因為要出去買棉胎所以順便dine out... 6點半就去到板長喇..當然唔洗等位啦...之前睇電視廣告見到有$8的promo, 去到見到$8嘅款式都唔係好吸引, 於是淨係試左個黃鰭吞拿...其他都係叫返main menu... 個$8嘅黃鰭吞拿呢...睇顏色已經可以証明到平野冇好野喇! 但係今次叫嘅其他壽司, 我覺得全部都幾好,幾新鮮...好過我上1次喺呢度食, 同埋好過上1次喺旺角食!不過呢.. 我食食下比個waiter成杯熱茶淋落我度,我衫褲,袋都濕鬼晒... 佢話個杯有油所以滑wor.. 離晒譜...爭d要同佢收返乾洗費呀!

媽咪生日, 諗住帶佢食佢最鍾意既日本野, 平時都係去開別府, 今次諗住特別D食下板長, 一如以往勁多人等位, 足足等左一粒鐘先入到去叫左D刺身, 壽C, 手卷, 炸蠔等等, 講真唔算好正, 不過D三文魚刺身又真係幾新鮮爽口既,係我阿媽至愛, 但o係等咁耐位既情況下, 無咩我都未必會再去

我們一家人去市中心街，因為我沒食午餐所以問媽咪你想食咩，因為今天是媽咪的生日，所以由媽咪決定食咩午餐!!!!媽咪最後決定去板長食壽司，因為由它開業到現在常常都見到很多人等位，因為等待的時間十分長，所以一直都沒去食過。不過有點驚喜的是，見到它們的壽司是手握的，如果是用機出的飯會很實，我不太喜歡。我同媽咪說: 今天是你的生日，你喜歡食邊款壽司就叫啦，不用在意價錢，我請客。食了以下名單 :三文魚壽司 ---------------------------好食蝦天婦羅-------------------------------一般安康魚肝帆立貝燒壽司-------------ok豚拖羅壽司----------------------------ok明太子墨魚軍艦----------------------一般，因不太喜歡它的味道。芒果龍蝦沙律卷----------------------好食，因為有創意所以叫來試下。親子卷----------------------------------幾好，不過媽咪和爸爸都不太喜歡咁大粒蟹子。香葉宮城秋刀魚----------------------不太

　　之前系新元朗中心食過一次（等位都等成半個鐘=.=冇計，因為要睇戲，又冇地方可以行）今日一早就講定，今日去屯門食板長，一入屯門直殺錦薈坊3樓，嗱嗱聲摞籌排隊，正，等7個號就到我地了！　　兩個字左右，有吧位，FRI唔肯坐，又再等多一個字有卡位坐．三文魚壽司6蚊件系我唧必食菜，今日又推出新推廣，壽司配黑松露，8蚊件，要了5件嚟試試，其他壽司分別叫咗D，加埋有成20幾件，上菜速度好快，收碟一樣神速，所以唔知唔覺就食咗10幾件壽司落肚，總唔駛半個鐘=.=想食得lady d都唔得．．．　　感覺上屯門尼件唧三文魚冇元朗果間厚身，唔知系唔系我唧錯覺，但一定新鮮，尼一點，毋庸置疑！

身邊有不少人都非常極之抗拒板前板長集團~但就個人而言也並非差得要調頭走的水準吧~~至少在屯門區有限的選擇情況下~在明將。元氣。元綠。金水。活壽司之中~板長的價錢非最高~質素卻中庸~所以偶爾也會來吃一頓~~是日的壽司癮何其大~~但家附近沒有任何壽司店~~唯有往外賣速遞的方向出發~~連鎖集團計~只有元綠和板長有速遞服務~雖然前者無論價錢份量都較相宜~但不想再回憶起中學時代的惡夢回憶~理所當然地就致電到板長的外送熱線~~不想逐款慢慢落單~要了伊勢壽司盛[$170]~再外加一個鰻魚手卷[$12]予不吃魚生的妹子~~伊勢壽司盛的內容包括每款四件的三文魚。玉子。火炙墨魚鬚。板前蝦。油甘魚以及平目魚。再加一條八件的加州卷~單計件數也有三十二件~要求不高的一天~已感滿足~$450才免費送貨~所以總數為$182+$10 = $192不消40min~壽司已經送到門前~內裡還有冰包放底面保溫~各樣都整整齊齊有條有理~筷子豉油濕紙巾wasabi等一盒的紮好~~膠袋外也有請盡快享用壽司的溫馨提示sticker~~甜玉子 - 長度厚度皆勝~而且調味不會甜得喧賓奪主~作為其中一款自已最愛的壽司~口裡的這件合格有餘~

屯門區都算多壽司店選擇，但呢間就特別多人，只因佢出名，我唔多鍾意排隊，所以極少試呢間，但又想睇下佢水準有幾高，所以今日決定等！等左45分鐘，以為會有餐好野食，order左好多野，正等住食，店員同我講話無海膽，有無搞錯，咁大間咁出名，只係七點幾就話無海膽賣！無辨法，又繼續等，同朋友傾計之際，前面個黑衫仔唔聲唔聲就放左碟壽司向檯上，等左一陣我先知原來係比我，咁無禮貌架！壽司到了，一睇個賣相就想退貨，如果係間二打六店，我會好受d，話晒都叫板長呀！味到唔算好、亦都唔差，食食下見到另一個黑衫仔無帶手套在bar 檯後"R痕"，即刻影響食慾，跟住見到佢向檯面收回一個用過的紙兜+保鮮紙，佢竟然拉一拉張保鮮紙就放回櫃上番用，我實在睇唔過眼，就跟住海報上的電話號碼打左比佢地管理層！雖然唔知咁做會唔會有幫助，但希望佢地老闆會係一個正面的老板，否則 "摺左佢啦" ！

次次都要等好耐初初食就ok,但水準已經下滑!又係轉曬金三文魚,但竟然無魚腩最後轉食普通三文魚...都幾好味,夠肥既.之後叫左芝士飛魚子,一上枱已經明顯睇到份量少左之前有好多芝士飛魚子架嘛......仲有油甘魚,普普通通啦,但舊飯就好易散三文魚杯飯,無咩特別鰻魚壽司,好長好長,媽媽話幾好味.員工既服務態度可以改善下,得某位男經理同外賣既司機態度好少少之外,其他員工都係黑口黑面今次都尚算可以接受,但再差落下就唔會再幫趁喇

三文魚壽司：新鮮度一般，有點退步平貝黑松露壽司：黑松露味濃，奪去平貝的味道了象拔蚌黑松露壽司：同上，哈哈海龍王卷：這個不錯，味道很配炸軟殼蟹：十分抵吃，件數不少，夠脆夠熱，推介稻燒宮城海鰻壽司：鰻魚蠻大片的，味道也好本來點了鰻魚炒飯，但等了半個小時還沒來，追問之下發現漏單，侍應竟然隨即說爐壞了沒有炒飯！奇怪，為何不早說呢？另外又點了一個車海老卷，等了十五分鐘，最後我們還是走了，畢竟不能等足一晚！最後環境扣分，是壽司師傅在人客面前清潔玻璃，恐怕清潔物質會沾到食物啊！因為當晚我們是坐在BAR桌，感受深刻呢！

屯門板長一向要排隊，日日都要排隊，有時都唔明屯門咁多日式餐廰，點解咁多唔排係排佢？無他，因為佢D質素好穩定，而且真係好扺又好食，壽司刺身質素可謂數一數二佢除咗d貴嘅壽司一般d之外，其他野都好有質素~除此之外都無乜不滿啦，，不過晚市預早一兩個鐘拿飛啦~<<牛乳布丁>>我每次都一定要食~本人推介~震過蘿蔔son~好cute^v<<<火灸三文魚腩壽司>>$9好吃~這是簡單而好吃~價錢亦相宜~好選擇!!<<燒玉子>>$12有冷熱選擇~我選了熱的~味道勁正~好甜~好好味@v@!<<火灸三文魚壽司>>$6比火灸三文魚腩沒那麼好吃~既然也是差不多價錢~吃就吃好一點吧>v<!<<金三文魚壽司>>不外如是囉~<<溫泉蛋>>係凍的, 口感好滑~順帶一提~上菜速度勁快~

一號係我正日生日當然係留番俾家人啦去邊食飯當然我話事啦舖壽司癈發作所以去板長因為金水實爆多人唔想等太耐不過七點幾八點去到都要拎飛八點半左右開飯今次重點講有相個兩款壽司盛好似係新野有八件唔同款既壽司食左和牛個件生食都好好有油香同埋易咬得開生蝦好鮮甜爽口仲有食舊和牛壽司左手邊個件唔識分咩魚只覺得魚油味好濃同上面個一篤酸酸地既醬好夾刺身盛有四款唔同既刺身帆立具好甜加檸檬汁好fresh蝦依舊都好喜愛媽同sis食左個炸蝦頭話好多蝦膏好正蝦頭格黎有一款唔知咩既刺身我嫌腥左dd仲有食個個極上海鰻好大條但飯唔會好多飯暖暖地加埋d燒汁好好食如果有得單出鰻魚飯就爽仲有食醬油漬三文魚好抵食都係3蚊件屯門呢間好食過荃灣既板前可能同來源地不同有關仲有玉子壽司比我想像中好食完全唔係擦膠黎架好有蛋香同適中既甜仲有少少汁普遍黎講d野都幾新鮮服務都ok la不過有好多款都好似好快賣哂咁..(e.g. uni)

之前食過其他既板長,都ok冇野既, 食物ok冇問題,其他幾間服務都冇咩問題; 但今次呢間,諗都諗唔到咁亂。1. 野食係ok冇問題, 尤其係個牛乳布丁勁正; 其他sushi同其他分店都係咁好食。2. 不過服務差好遠lor:- 落單個個人食物又落錯,我地叫2件又同我地落4件 - 叫人改完單諗住冇野la, 跟住我地又check下張單,只係改左食物名,數量都係4件- 跟住又改, 好la, 食物到既時候,4件都是錯的, 再換過, 今次食物0岩,但又係4件....又叫佢收走- 最好野就係內閧wo,自己人知道咪算lor,在我地後面講d單單打打既說話人地都係打工0者,洗唔洗咁呀,我地又冇追究,係都等收工個時先講la....- 隔離枱調左枱,d食野改度亂龍 - 跟住我地令住張單對住d野食,唉....食餐飯好似返工咁~但張單已係唔0岩,又叫佢print過出來對- 到我地埋單個時,叫人地埋單,等左15分鐘都冇人來,又要追.....呢間又唔係特別多人客, 點解乜都咁亂ga, 就算再食,下次去另一間分店食好過