林香檸手打檸檬茶 (K11購物藝術館)

營業中

休息中

最近都好興手打檸檬茶～K11 就開左間林香檸，成日行過都好大陣好香嘅香水檸檬味🥰睇個menu都有好多種唔同類型嘅檸檬茶，有啲仲幾特別㗎～鴨屎香檸檬茶個鴨屎香茶底好夠味唔澀，雖然深色但係又唔會太濃太苦～香水檸檬嗰浸味真係好特別，飲落好大浸香味，但又唔會又酸又澀，個人認為好飲過茶餐廳檸檬茶好多😍香印提子檸檬茶本身仲估係檸檬茶加提子味嘅糖漿，點知原來真係用咗原粒提子，揼爛再加落檸檬茶度😨而且提子份量都唔少，飲落口仲會食到新鮮嘅提子肉😍提子陣味同香水檸檬味都幾夾，飲落去好清新，如果夏天飲仲正！

❤️k11-🙌🏼🙌🏼🙌🏼手打香水檸檬茶呢杯茶真係好靚好消暑，但係唯一嘅問題就係冰塊多咗啲🥶🥶茶嘅味道都出色🫶🏻一啖就可以感受到新鮮檸檬嘅酸甜滋味，同埋茶嘅濃度剛剛好，唔會太淡或者太濃，飲落去好舒服。唯一嘅小問題就係冰塊有啲多咗啲，可能會稀釋到茶嘅味道🙏🏻🙏🏻不過，如果你鍾意冰凍嘅口感，呢杯茶絕對係你嘅首選😢😢杯茶嘅外觀真係好吸引🎤透明嘅杯仔入面，浮咗好多大塊嘅冰塊同檸檬片，好清爽嘅感覺

同朋友嚟 K11 行街聞到陣陣飄香嘅檸檬味原來係近年大熱嘅"林香檸"呢度都開咗新店揀咗兩杯唔同口味等候期間...不斷會聽到揼揼揼嘅聲音店員不停人手打磨檸檬唔怪得遠處都聞到檸檬清香✨ 百香果檸檬茶加入百香果味道好清新人手打出嘅檸檬，特別甘香裡面仲有幾片厚厚嘅新鮮青檸+$4 添加 滑嘟嘟嘅愛玉凍，口感更豐富✨ 黃皮特調檸檬茶加入原粒新鮮黃皮吸啜啖啖果肉原來同檸檬可以咁匹配酸中帶甜．味道好Fresh加上粒粒 寒天晶球，好有嚼勁店內仲有唔同口味嘅小曲奇當下午茶嘅最佳選擇+$48仲有個好Cute嘅保溫杯下次拎嚟買野飲仲可以減$5

見到呢排越嚟越興呢個手打檸檬茶😂 小編就真係忍唔住去試吓因為見到呢間林香檸都好似幾出名 lol 本身以為冬天咁凍應該冇咩人飲 但冇諗過又真係幾多人飲..😂所以都係試吓😶‍🌫️😶‍🌫️.🐷渣男手打檸檬茶呢杯手打檸檬茶真係幾香濃 個味道唔錯 份量都算真係幾大😂 不過建議大家好似我咁樣叫一分甜😂😂 如果大家都唔係特別鍾意飲超級甜糖漿 1分甜真係唔錯😂.🐷幽幽奶桃加寒天呢個其實就係白桃奶茶😂 奶茶嘅味道都幾香嘅 不過我淨係叫咗3分甜 太甜我驚會唔鍾意😇 呢個甜度對我嚟講都叫做係岩岩好 同埋我真係好鍾意食寒天 所以就加咗一份寒天 飲完成杯仲有好多寒天 都幾正😇.林香檸手打檸檬茶📍尖沙咀河內道18號K11購物藝術館B1樓B122A號舖.#吃貨日常 #香港 #茶餐廳 #Cafe #麵包 #西餐 #中餐 #日本菜 #韓國菜 #泰國菜 #堂食 #好西 #食 #香港美食 #hkfoodie #foodiehk #九龍 #九龍好去處 #九龍美食

尖沙咀新開手打檸檬茶兩杯都叫了7分甜和少冰，真的看見店員努力手打出檸檬汁及有機器冰搖茶鴨屎香檸檬茶$32飲落好出青檸香，鴨屎香茶味非常出色獨特又微微回甘，加上甜度感覺剛剛好，非常舒爽。渣男手打檸茶$30這杯喝下去比較酸一點點，好出檸檬香，非常足料，可以食到檸檬的，喝下去非常解渴舒服，茶底亦不會太苦澀。仲出左冬季限定，可以留番下次試下環境以檸檬黃色作裝修，成間舖頭都好可愛呢～完全打卡一流呀～店員服務態度都好好🍴林香檸手打檸檬茶 (K11購物藝術館)📍尖沙咀河內道18號K11購物藝術館B1樓B122A號舖

今日到我去「林香檸」打卡喇❤️ 佢有各式各樣嘅手打檸檬茶飲，每一款都帶來清新的口感同豐富的風味。🍹🍋🥥🍇柑桔檸檬茶加愛玉凍，呢杯茶飲有濃郁的柑桔檸檬香氣，加上清涼的愛玉凍，味道清新宜人。茶飲酸甜可口，愛玉凍爽口又有嚼勁，絕對係一個消暑的好選擇。香印提子檸檬茶加荔枝椰果，真係加入左香印提子果肉😍 呢杯茶飲結合了提子的香甜，檸檬的酸甜，同荔枝椰果的清香，口感非常豐富，茶飲的味道平衡，香印提子爽脆口感增添了層次感。「林香檸」的茶飲真心味道出眾，絕對值得嘗試🍹🍋🥥🍇

同朋友食完燒肉去咗行街街，見到間近期大熱嘅茶飲店《林香檸》喺K11都開咗分店，買返幾杯試吓先😌每杯都有香水檸檬嘅獨特香氣✨ღ柑桔檸檬茶 $38 加$4愛玉，甜度可揀3/5/7分甜，我就揀咗5分甜度，手打檸檬好清香，金桔同檸檬搭配，味道酸甜可口ღ白桃檸檬茶 $29同樣要咗5分甜，有濃濃嘅白桃味，飲落好清爽，再加咗$4荔枝椰果做配料，好有口感ღ 百香果檸檬茶 $38百香果味好清新，同樣加咗滑嘟嘟嘅愛玉凍，芳香可口ღ 黃皮特調檸檬茶 $30朋友最愛呢杯黃皮特調檸檬茶，用咗新鮮黃皮，味道飲落酸酸甜甜，再加上寒天晶球，好有咬口

最近見到尖沙咀K11新開左林香檸嘅分店即刻想試吓 🙌🏻店面以黃綠色為主已經夠晒搶眼🟡🟢而且係開放式 可以見到店員即叫即製特別期待💯林香檸係以手打檸檬茶為招牌每杯都係用左自設果園出品既新鮮檸檬採摘後保證38小時內送去門店👍🏻確保以最佳新鮮度製造飲品品質絕對有保證👏🏻而且每粒🍋都充滿鮮甜同香氣配埋茶特別好飲除了經典既香水檸檬茶仲加添了好多特色的口味試咗龍井檸檬茶都好好飲!😋經過絕對要飲一杯🙌🏻

尖沙咀除咗美食多之外，手搖飲品亦都多咗好多🥤😍加上而家天氣凍凍地，又係流感高峰期，真係要搵啲熱飲飲吓暖暖個胃先😝。 （5⭐️最高）白桃檸檬茶（5⭐️）白桃烏龍茶成日飲，但係如果配檸檬茶，我又覺得佢又唔會太甜😚。 而且有陣陣嘅白桃香味飲落喉嚨好舒服🤗陳皮檸檬茶（5⭐️）老公最近有幾聲咳飲陳皮，有助佢舒緩喉嚨痕癢嘅感覺😌，熱熱地嘅檸檬茶配上甘味的陳皮🥸。飲完喉嚨真係冇咁乾同埋冇咁澀😍。 yummy

尖沙咀K11林香檸手打檸檬茶💕🍵香印提子檸檬茶讓人眼前一亮。林香檸特製的茶底搭配上清新的提子果肉，再加入特調的糖漿和冰塊，一口下去，清甜爽口，回味悠長。不僅如此，還有一股淡淡的果香，真的是好喝到爆炸！🎈🎈🫶🏻再來是薑汁奶茶。這款飲品的口感醇厚，甜而不膩。薑汁的加入，讓奶茶的口感更加豐富，同時還帶有一股暖意，真的是冬天裏的一股暖流。😃😃

檸檬茶本身已經係香港特色，但係最近好興手打檸檬茶，咁啱喺尖沙咀k11 artmall又開咗一間喎，所以今日經過就決定叫兩杯。本來就應該叫凍嘅，但係而家天氣咁凍，又發覺佢哋有冬季限定嘅熱飲，所以就一樣要咗一杯。冬季限定嘅熱薑汁鮮奶茶同一杯金橘檸檬茶兩個都要咗3分甜，甜度剛剛好！薑汁鮮奶茶個薑味好出，奶茶都好順滑，我覺得唔錯，至於凍嘅柑橘檸檬茶都好濃味，但又未到苦澀，清新可口！下次嚟應該會叫埋佢哋啲mochi cookie。另外見到佢哋個環保杯都好得意，呢個保冷杯下次再嚟買任何正價飲品仲可以-$5！

可以向客人展示你使用新鮮食材來製作手打檸檬茶。確保青檸的外觀看起來鮮亮、有光澤，這樣會給人一種新鮮的印象。今日下午去k11行街途中想買嘢飲解下喝🤪經過見到一間主打檸檬茶店～叫左2杯檸檬茶😄鴨屎檸檬茶散發出檸檬嘅香氣😆具有清新口感😛與一般的檸檬茶不同，鴨屎檸檬茶的口味更加酸澀😗這種酸味與茶的甜味相互平衡招牌檸檬茶有些少鹹味，它可以平衡酸甜的比例，使茶更加順滑並增添一種微咸的風味。櫥櫃裏放了一些青檸😅可以向客人展示使用新鮮食材來製作手打檸檬茶。確保青檸的外觀看起來鮮亮、有光澤，這樣會給人一種新鮮的印象🤪店舖以檸檬黃色為主題

已嗌少冰，職員稱少冰份量會少d d我答ok。結果成杯8成以上係冰！茶嘅份量懷疑有冇50ml?! 檸檬目測有一整個 但茶底實在是太少…..味道方面 我覺得正正常常，不過不失。$30@杯 偏貴，因為可以飲嘅份量太少，基本上飲10-15啖就飲完*正常吸嘅份量*。 買得手打檸檬茶都係想解口渴同埋鍾意飲茶類多過奶類，但係期望愈大 失望愈大。想飲杯野解口渴，到喉唔到肺 冰落得實在有點過多。結論係唔會再飲凍🥲或者試飲熱飲 睇吓會唔會好啲。

公司附近本身得一間手檸檬茶 🥤慢慢後期發展起碼附近有四五間 我每一間都試過 其實呢間嘢對比其他手打檸檬茶嘅分別就係佢個茶底比較濃，檸檬估計有最少一個 但係佢比其他餐廳再多嘅係乜嘢呢？就係啲冰 係全滿嘅 其他餐廳可能有六成，但佢有十成 我諗頸渴少少真係三四啖飲晒🥲本身鍾意飲檸檬茶，其實呢啲好似上一個評語咁樣講同普通茶餐廳差唔係好多咗 唔同嘅就係香水檸檬 真係好想知香港邊度有香水檸檬買🫨 自製應該都好簡單，哈哈哈😆(某間平台有優惠$70@3杯先至叫嘅）所以冇得走冰 建議如果到門市嘅話必須要少少少少冰🫰🏼

K11新開左林香檸當然要即刻黎試下啦見到前面個人咁FIRM要渣男我都跟機要個渣男手打檸檬🍋仲要加埋愛玉一飲落個檸檬茶底十級強烈同濃飲一啖都滿口檸檬味好在我對檸檬都好熱愛 所以對我黎講都可以加埋個愛玉都好正下次要飲下佢個白桃檸檬先🫶🏻