林香檸手打檸檬茶 (景隆街)

營業中

休息中

而家手打檸檬茶真係好受歡迎去到邊度都見到🤣 呢間連鎖店見到都幾多分店今次第一次試🤔鮮黃色嘅店面好吸睛💛 係銅鑼灣行街如果想解渴都不失為一個好選擇呢🥹⭐️ 招牌手打檸檬茶 🍋第一杯試吓佢嘅招牌😋紅茶香嘅濃郁啱啱好唔會太過澀☕️檸檬甜酸比例好自然🧃清甜得來不加糖已經好解渴🤪⭐️ 鴨屎香檸檬茶 🦆比起一般嘅檸檬茶鴨屎香第一個獨特嘅香味☘️更加有層次同埋回甘🌱第一次試既朋友建議微甜岩岩好口味更平衡

店名: 林香檸手打檸檬茶地址: 銅鑼灣景隆街2號地下C號舖銅鑼灣站D4出口，行2分鐘環境: 外賣價錢: 4/5味道: 4/5最近手打檸檬茶掀起熱潮，曾有推介過幾次話林香玲嘅手袋檸檬茶好好飲，檸檬味紅茶香非常之夾得好，今次就同朋友嚟試椰子檸檬茶❤️❤️❤️❤️$38佢哋新推出椰子檸檬茶，真係有純正椰青水，椰子嘅香甜配上檸檬茶嘅微微苦澀，入口清新又舒爽🥥茉莉檸檬茶❤️❤️❤️❤️❤️$32茉莉茶十分清香，淡淡嘅茶香配搭上檸檬🍋獨有嘅香氣，相對地飲落味道更為清爽😝

.秋冬已降臨香港醫療相關新聞報道【後疫情流感 🤧😷｜人口免疫債要還】香港人 🇭🇰 打邊爐🍲 絕對係必做【多人活動 】但 【個人保養活動】 非補充 維他命C不可.講起維C 就係 中國神州大地獨特掘起水果 【檸檬🍋】由 嶺南至 四川一帶是 檸檬、柑橘類果物之發源地檸檬茶 🍋 凍O 絕對係廣東名物近年來 各大內地茶飲品牌南下擴充.再次衝擊港式檸茶 及 引爆年輕人對手搖口味改變正所謂 【萬變不離其中】沖飲 檸茶 為 3️⃣ 樣主要材料 組合1️⃣ 茶底/ 茶膽2️⃣ 檸檬🍋3️⃣ 配料.1️⃣ 茶底/ 港底多選用 錫蘭紅茶☕️ ｜ 但新派都以混合茶底 清新少苦澀的綠茶\ 或白茶類毛茶 或花香味濃等 如鴨屎香或四季春2️⃣ 黃檸/ 與青檸🍋‍🟩 就係兩大派系ℹ️ 青檸偏甜 黃檸偏澀｜但澀與香甜都藏在檸檬皮而且 產地會影響 檸皮包裹不同特別芳香而機械打汁 則生產量快 手打則酸及香味有層次.3️⃣ 近年 配料/配搭 【極多】 或 【大開腦洞】由梳打汽水🥤/ 咖啡/ 苦瓜/ 涼茶/ 乳酸飲品/薑茶/芫茜/水果類/ 蔬菜汁類/ Red Bull *️⃣期間限定/ 季節限定/ 嘗鮮新口味👅真係 想像唔到下一round流行什麼.今次我試 【苦

排隊前邊有兩個人, 排咗5分鐘先至輪到我落order，但係裏面嘅兩個職員同一時間響度幫前面嗰一個客😓….5分鐘還可以接受…但係之後等啦就等咗17分鐘先至攞到我杯檸檬茶。 大熱天時☀️要企響街度等，我完全唔值得。得嗰兩個職員，其中一個仲要係新嘅，每一個問題都要問同事…唔係佢嘅錯，係公司嘅管理嘅問題。兩個職員都好勤力，但係要我喺34度高溫🔥喺街排隊廿幾分鐘買一杯嘢飲就應該冇下次啦。我總共幫襯過三次，每一次都係超過四個字先至可以攞走杯茶。祝佢好運啦！

壞機又唔講，俾完錢白等好耐，要問先由收銀同店員口講落單。五個店員係度行行企企唔知做乜。終於拎到杯野，一拎上手就發現有啲重量已經心知不妙，點知真係飲得10啖，剩低嘅係成杯冰山，無誇張自己睇相（我叫微甜少冰）。呢10啖要$30，真係$20都俾多，大伏！寧願去茶餐廳叫杯凍檸茶外賣仲好。

之前朋友極力推介呢一間臨林檸手打檸檬茶，今日去到附近就諗住試吓。見到長長嘅人龍，便滿心期待應該唔會差得去邊。我同同事一人叫一杯，我哋各人叫咗一杯招牌手打檸檬🍋同原諒手打檸檬。我哋都係叫少冰同埋甜三度加寒天珍珠。滿心期待等咗大約10分鐘，到手嘅時候一飲勁甜，覺得完全冇理會我哋嘅甜三度。明明加錢叫寒天珍珠，但比支幼筒我哋。多冰同多渣。同事飲咗三四下，就飲晒。我就覺得太甜無謂勉強。唯有等到啲冰溶晒，先覺得甜度似樣少少。

做生意做到咁，杯野得7分滿，質素又差，員工亦沒有服務態度，毫無誠信可言，簡直係影衰晒香港嘅舖頭！幫襯時記得要三思！咁嘅價錢飲杯咁嘅嘢，直頭係交智商稅。絕對係最差嘅林香檸！

嗌咗一杯黃皮手打檸檬茶，要成$40 ，然後少咗冰，佢話會得返八成杯嘢飲。最後出到嚟冰依然好多，渣佔三份一，冰佔三份一，茶就得返嗰少少，然後杯嘢飲飲咗五啖就冇晒，完全係搵笨。

夏日炎炎經過銅鑼灣食出野都幾口渴經過檸檬茶街見到林香檸之前飲過一次好多冰同檸檬片諗住隔左幾個月會有客人反映/有改善$30 一杯 杯身唔高附送紙飲管早知飲隔離啲茶飲店起碼60% 係冰加檸檬厚切片真正飲得既得40%叫左小甜都係勁甜，仲要係死甜果種超級超級失望絕對不建議幫襯！唔明白點解開咁多分店，見到呢度既食評大部分都係負評，真係有原因下次都係正正經經飲番本地品牌fancy tea好過 $29 中大杯又少冰，茶底靚又少甜 。

茶嘅濃度係足夠，夠檸👍🏻其實都幾好飲，但就好揾笨，旺角銅鑼灣店都飲過幾次，每次都飲十幾啖就飲哂！成幾十蚊杯，完全覺唔值！真係忍唔住要上嚟評價下！應該要改善下。成杯嘢渣同冰仲多過茶😑

第二次飲呢間，原來轉咗鋪位，轉個彎就到，鋪位大咗，仲多咗小小坐位，有啲設計咁啦。我來嘅時候，無咩人，佢可能做緊啲外賣大單啦，所以都等咗幾分鐘，比第一次係舊鋪位已經好太多，之前買完等成30分鐘都未有得攞。我揀咗微甜，應該係3分甜，已經够甜，味道已經够甜，又有茶味，幾好。不過衞生可以好啲囉，攞杯嘢飲嘅時候，佢枱面好多螞蟻係度爬爬，有啲驚囉，就算賣甜嘅嘢飲，如果清潔做好啲，相信唔會有咁多小昆蟲，希望可以改善啦。員工禮唔禮拜，就見人見智啦，我只係俾錢嘅時候接觸小小，無特別感覺。

係遠處已經見到好搶眼嘅黃色檸檬仔，咁啱男人近排好鐘意飲鴨屎香檸檬茶，咁啱哂啦，見佢menu都多選擇，最後叫左杯龍井檸檬茶(3分甜少冰)同黑金鴨屎香(5分甜少冰)。味道龍井個杯係好飲，落order要求啲檸檬唔好中到咁爛佢地都有做到，但話明少冰，最後個杯有2/3都係冰，多冰到飲10啖已經啜哂。黑金個杯男人話怪怪地，(最尾google話係落墨魚汁?) 同埋男人本身都重口味，食得幾甜下，佢都話甜咁杯野都真係好甜(已經半糖左)。睇黎幾多糖幾多冰都係jokes to them 🤣🤣🤣🤣

💟渣男手打檸檬茶雙色檸檬🍋味都幾夠，勁多檸檬渣，平時如果用香水檸檬好似有陣香精味，呢款就純檸檬味，但無咩茶味，真係純飲糖水檸檬。味道不夠旺角店好飲🤔茶味唔夠，可能點半糖會好啲。

自己一直都鍾意飲佢地白桃檸檬茶，酸酸甜甜好解渴， 奈何就算搬左舖，工作效率都係一般……實在等得太耐，出餐次序古怪最緊要係店員粗口橫飛，大大聲聲，都明白做野辛苦，但唔係咁好睇囉……雖然好飲，但依加選擇多左……

呢排鍾意左飲手打lemon yea 覺得果種香味好特別 好吸引 所以就都不停有買來飲。冇話特別鍾意邊一間 基本上經過邊度見到有 價錢唔太誇張都會買來飲下。琴晚食完飯經過一間叫 林香檸 既手打lemon tea店唸住買杯試下 因為個人一直唔鍾意太多冰溝淡晒d茶味 所以叫左杯 5分糖 少冰 之後成杯得番3分一既lemon tea 都未影得切已經飲完，最後都補番一幅相比大家睇下少冰既定義到底係咩。想問一下lemon tea 既成本到底有幾高？咁樣玩人真係提提大家千祈唔好去呢間 ！😡