影片
港鐵旺角站 C3 出口, 步行約7分鐘
繼續閱讀
電話號碼
28060886
營業時間
今日營業
11:00 - 23:00
星期一至日
11:00 - 23:00
以上資料只供參考, 請與餐廳確認詳情
最鍾意幫襯小店，喜歡平民化同街坊生意果種親切感。今次特登去咗大角咀呢間隱世餐廳食晚飯。７點去到，已經坐滿人要搭枱。兩個人叫咗兩個餐。咖喱厚切豬扒飯 $61：超多咖喱汁，係屋企煮果種咖喱嘅風味，齋用D汁嚟餸飯都可以食晒成碟。豬扒好食，又淋又juicy，讚。秘製無骨海南雞油飯 $65：好幸運地喺無加價嘅情況下畀咗雞脾我。雞好嫰，已去骨，啖啖肉。係正宗嘅海南雞，凍上，係似啱啱喺雪櫃拎出嚟果種温度。撈埋熱辣辣嘅油飯食，温度變得啱啱好。油飯夠香，唔會太油太滯。值得一提嘅係，佢碟三色醬少咗黑醬油，但做咗酸蘿蔔嚟取代。例湯：超好飲。是日葛湯，好甜好好味。估計係零味精同勁足料！呢間餐廳性價比超高，有飯有湯有野飲，兩人埋單都係 $126，用心之作，值得一試。
繼續閱讀
「唔準諗，即刻答！雞、牛、豬、雞、鴨、魚、雞，你最鍾意食邊隻肉呢？」點解你個問題，雞會重覆又重覆呢？因為我真係好鍾意食雞呢！如果你同我一樣都係鍾意食雞，就唔可以錯過位於大角咀嘅柚子茶室。柚子茶室係一間人情味小店，從招牌上面既圖案，就知道柚子茶室嘅名物就係又香又滑嘅雞喇！椰子雞湯餐廳每日都會提供幾款唔同嘅燉湯，既然柚子茶室嘅名物係雞，當然就要揀椰子雞湯啦！椰子雞湯非常足料，湯底聞落帶有淡淡嘅椰香，味道方面非常濃郁，椰子同雞嘅味道清香，充滿層次，重點係一啲都唔油。秘製無骨海南雞油飯嚟到柚子茶室當然要試吓呢度最出名嘅海南雞！海南雞一上枱，最吸晴當然係雞皮下面嗰層濃濃骨膠原嘅啫喱，雖然邪惡，但絕對係海南雞嘅精粹。雞肉非常嫩滑，肉味香濃，當然最正係又香又滑嘅雞皮啦。加上絕配嘅油飯，絕對係perfect match！花膠胡椒豬肚雞湯米線米線湯底除咗雞香味之外，仲帶有淡淡嘅胡椒味道，店家仲加咗薑絲，但味道唔算辛辣， 十分暖胃。花膠同豬肚嘅數量亦都唔少，真係好抵食呀！至於雞肉嚟講，我都係鍾意海南雞多啲。
繼續閱讀
有次係旺角與大角咀之間既晏架街足球場踢波，見到有間柚子茶室就入去醫下肚，menu多款式有茶餐，雞飯，湯等等！幾地道價錢唔貴，而且份量十足！咸牛肉滑蛋三文治，見到圖都知幾厚身，有2寸幾厚，滑蛋嫩嫩唔乾身，咸牛肉咸香惹味，雖然唔記得叫烘底，但麵包都好軟熟！加埋牛油香，好滋味！呢個size大得令我驚訝！滋味生菜包，豬肉碎鹵得入味，再配大量配料放在生菜上邊食，清爽香脆，入味得黎又夠清新。份量又係大大碟！值得叫幾入味。配埋個蓮藕湯，夠熱辣辣好暖胃，而且餐廳講明無味精！非常健康既滋潤湯水。無骨海南雞飯拼豬手，海南雞滑滑嫩嫩夠多肉，口感好正，帶jelly狀既雞皮爽脆，雞肉肥美再配醬汁食更有風味！豬手亦都幾入味，多肉無渣夠香口，送飯一流。胡椒豬肚花膠雞湯，湯頭夠熱夠濃，飲落陣陣胡椒香味滲出幾滋補！花膠質感爽彈，豬肚帶咬口煙韌！雞件亦都相當足料，整體滋潤足料夠抵食。
繼續閱讀
喺朗豪坊買完戲飛，見仲有好多時間，即興走去大角咀食個 early dinner。之前有朋友推介過棕樹街嗰間「柚子茶室」，反正仲未諗到食乜嘢，一於過去試下。餐廳屬小店格局，以木製檯櫈為主，店內面積不大，但環境光猛，裝修明亮，地方乾淨企理，所以都坐得幾舒服。嚟到剛好 5:30pm，仍然係下午茶時間，見到餐牌有紅豆西多士 ($36) 供應，所以決定先食甜後食鹹。西多炸得很香口，外脆內軟，紅豆顆粒飽滿，微甜不膩，連糖漿同吃，甜度恰好，有粒粒口感，讚！店舖主打食雞，一場嚟到，當然唔可以錯過。點咗店員推介嘅話梅醉雞、香辣肉碎豬手飯，另外再加咗碟炸雲吞同灼油菜。酥炸雲吞 ($38) 雲吞即點即炸，新鮮熱辣，入口相當香脆，內裡蝦肉鮮味爽彈，點埋個酸甜汁食，超惹味。香辣肉碎豬手飯 ($68) 接著送上，跟餐送例湯。今日嘅例湯係眉豆花生豬骨雞腳湯，雞腳有豐富膠質，配以豬骨，飲落味道好鮮甜，非常足料。豬手整得好入味，肉質嫩滑，啖啖肉，配埋墊底嘅酸菜一齊食，醒胃解膩。旁邊嘅香辣肉碎亦非常正，不但辣度適中，而且乾身不油，用嚟撈飯一流！話梅醉雞 ($88) 雞件肉質超滑溜，皮爽肉嫩，食落完全沒有絲毫雪味，連雞胸都可以做到又嫩又滑，入口帶濃郁酒香，但又唔會過濃，無蓋過雞味。雞湯灼油菜 ($23) 油菜有菜心、通菜同娃娃菜可供選擇，揀咗菜心，烹調時間剛剛好，保持色澤翠綠，入口味道很清甜，鮮嫩又無渣。跟餐飲品點咗生薑杞子桂圓茶 (+$12) 同 熱檸茶 (+$3)，桂圓茶係餐廳自家炮製嘅，據說有益氣補血、健脾暖胃功效，入口薑味好重，飲完成個人都暖曬。
繼續閱讀
大角嘴街坊之友講起當區有間隱世茶餐廳，講到好似乜乜物物咁，我點樣都要佢帶我試試。由旺角出發行過去都幾遠吓，都行左成十幾分鐘終於到達 「柚子茶室」內裡裝潢簡陋，十多個坐位，但起碼乾乾淨凈。姐姐們都很親切，見她會主動送例湯給熟客，這些細微之處足以令客人繼續光顧。以為都係食吓茶餐、常餐，原來佢哋不走主流路線，主要係煮出一頭出色的雞。荷香藥膳雞 $98淡淡的藥材香，藥膳湯汁另上，浸熟的雞做出來口感截然不同，鷄皮爽口不膩，鷄肉彈牙肉嫩，鷄一定有鷄味，而藥材的獨特香味不搶，更突顯出廚師控制藥材的份量是十分精準的，難怪鷄成為茶室的主打菜式。朋友話另一款碟頭飯也是佢心水香辣肉碎豬手飯 $68老老實實我就唔太鍾意豬手，尤其見到層皮肥淋淋……不過依碟有啲唔同，因為有隻好靚嘅太陽蛋，加埋泰式炒肉碎，超惹味用來送飯真係攪到人哋可以啪曬碟飯。重頭戲來了，鹵水豬手真心肥，瘦肉佔1/3 ，神奇之處是入口即化，油脂轉化成膠原蛋白，鹵水入味又不會太咸，確系幾吾錯，但本人已經成為一高人仕，還是小食多滋味。油飯$13味道略為啖口，軟硬度適中。是日燉湯$38椰子燉雞湯蟲草花燉雞湯首推「椰子燉雞湯」鮮、甜、濃…. 必試！必試！必試！「蟲草花燉雞湯」相比之下就欠左嗰份甜味，但同樣是足料火喉足。當日六點前燉湯已沽清，各位想飲靚湯真係要早點去。鷄湯灼油菜$28零油，健康。
繼續閱讀