影片
以上資料只供參考, 請與餐廳確認詳情
海報上的一段文字「從少女變成母親，由雜工變成海南雞工匠，三十多年為生活而苦幹，只為用心做好每一隻雞」我細嚼了這段文字，但不太明白句與句之間嘅關聯性覺得最後一句已經好勁好夠店鋪裡面姐姐一腳踢所以上菜需時同豬女分別點左秘製無骨海南雞油飯配例湯例湯足料夠熱舒服油飯粒粒分明有油香海南雞有點期望過高皮下脂肪啫喱狀呢部份我喜歡雞肉嫰滑但可惜油太多了雞下面都是油淋淋，好heavy煙燻鴨胸肉配煎蛋飯煙燻鴨胸有驚喜外皮香脆同時保持鴨胸肉汁醬汁配搭得宜，令食落唔會太單調再加埋隻煎蛋更加錦上添花期望太高，海南雞有進步空間#柚子茶室📍旺角棕樹街2-20號榮富苑地下1A號舖#dcb食在香港 #dcb吃喝玩樂 #dcb香港 #食在香港 #香港美食 #美食 #雞 #小店
繼續閱讀
話說去朋友屋企，咁啱佢食緊外賣，小熊貓聞到好香，忍唔住問佢喺邊度叫嘅然後佢就推薦咗呢間專做雞嘅餐廳俾我～ 🐔餐廳揚言自己做雞做咗30年，而且專做雞，聞到咁香都嗌返碗食吓先～🐔 藥膳雞湯米線湯同雞米線係分開送過嚟嘅～ 我冇加錢，但佢有比雞髀我，而且雞肉都好多啊，雞肉好入味，忍唔住連埋皮食～ 藥膳湯底的確好濃藥膳味，雖然有啲雞油喺度，知道有啲肥，但都忍唔住飲咗幾啖湯仔
繼續閱讀
海南雞同炸雲吞都好好食肉碎都幾好食藥膳雞湯好飲 飲完唔會口乾奶茶凍檸茶嗰啲嘢飲正正常常米線都幾好食海南雞同埋炸雲吞，真係一定要試整體環境都乾淨企理舒服呢間嘢真係好食
繼續閱讀
最鍾意幫襯小店，喜歡平民化同街坊生意果種親切感。今次特登去咗大角咀呢間隱世餐廳食晚飯。７點去到，已經坐滿人要搭枱。兩個人叫咗兩個餐。咖喱厚切豬扒飯 $61：超多咖喱汁，係屋企煮果種咖喱嘅風味，齋用D汁嚟餸飯都可以食晒成碟。豬扒好食，又淋又juicy，讚。秘製無骨海南雞油飯 $65：好幸運地喺無加價嘅情況下畀咗雞脾我。雞好嫰，已去骨，啖啖肉。係正宗嘅海南雞，凍上，係似啱啱喺雪櫃拎出嚟果種温度。撈埋熱辣辣嘅油飯食，温度變得啱啱好。油飯夠香，唔會太油太滯。值得一提嘅係，佢碟三色醬少咗黑醬油，但做咗酸蘿蔔嚟取代。例湯：超好飲。是日葛湯，好甜好好味。估計係零味精同勁足料！呢間餐廳性價比超高，有飯有湯有野飲，兩人埋單都係 $126，用心之作，值得一試。
繼續閱讀
「唔準諗，即刻答！雞、牛、豬、雞、鴨、魚、雞，你最鍾意食邊隻肉呢？」點解你個問題，雞會重覆又重覆呢？因為我真係好鍾意食雞呢！如果你同我一樣都係鍾意食雞，就唔可以錯過位於大角咀嘅柚子茶室。柚子茶室係一間人情味小店，從招牌上面既圖案，就知道柚子茶室嘅名物就係又香又滑嘅雞喇！椰子雞湯餐廳每日都會提供幾款唔同嘅燉湯，既然柚子茶室嘅名物係雞，當然就要揀椰子雞湯啦！椰子雞湯非常足料，湯底聞落帶有淡淡嘅椰香，味道方面非常濃郁，椰子同雞嘅味道清香，充滿層次，重點係一啲都唔油。秘製無骨海南雞油飯嚟到柚子茶室當然要試吓呢度最出名嘅海南雞！海南雞一上枱，最吸晴當然係雞皮下面嗰層濃濃骨膠原嘅啫喱，雖然邪惡，但絕對係海南雞嘅精粹。雞肉非常嫩滑，肉味香濃，當然最正係又香又滑嘅雞皮啦。加上絕配嘅油飯，絕對係perfect match！花膠胡椒豬肚雞湯米線米線湯底除咗雞香味之外，仲帶有淡淡嘅胡椒味道，店家仲加咗薑絲，但味道唔算辛辣， 十分暖胃。花膠同豬肚嘅數量亦都唔少，真係好抵食呀！至於雞肉嚟講，我都係鍾意海南雞多啲。
繼續閱讀