校長燒肉日韓料理 (沙咀道) (已結業)

老公鍾意任食，今日就揀左間平平地既試下個人覺得食物類型都幾多，有燒烤、打邊爐、點心、熟食、沙律吧、糖水、甜品、雪糕樣樣都有，而且每個類別選擇都唔少，另外一點覺得好正既係飲品選擇好多😂但食物質素係一般，唔好期望會食到好好味既牛、好新鮮既海鮮，係呢個價錢有咁多既選擇已經算係咁

今次係第一次食校長燒肉成日經過開荃灣都會見到終於試吓價錢都算幾抵食物種類都幾多基本上係全自助嘅不過餐具就污糟咗少少火鍋撈係肉眼可見嘅污跡夜晚八點左右雪糕已經冇乜都冇人補嘅但係其實冇乜人流應該好多時間補貨但係喺食物種類同埋味道方面呢個價錢完全係抵食嘅但係值得一題係刺身部戴眼鏡哥哥仔真係好冇禮貌同行家人都有同感一直企係個度玩手機見到有人企喺嗰度都唔會主動行過嚟招呼係要人哋叫佢先會行過嚟但係保持一副人哋欠佢嘅樣😅因為第一次食嘅關係唔係好知佢哋系統係點哥哥仔係好冇禮貌冇耐性咁樣講「每次係限拎一碟㗎咋喎」「你食完先再返嚟拎囉」其後去拎佢都係好冇禮貌咁樣同客人對答一比完我就即刻去玩手機客人仲企喺前面😅唯獨呢啲待客要改善不過其餘樓面姐姐哥哥幾好收碟好快有禮貌同佢講唔該同佢講唔使客氣如果口痕唔知食咩值得去試吓嘅但係追求服務態度嘅就可以轉下一間啦

星期一朋友約我到荃灣校長燒肉食放題，說現正有特價優惠，所我們就去試試。果然店內滿是客人，都幾熱鬧。燒肉生料有好多款式，豬、牛羊、雞應有盡有，我特別愛吃牛柳，夠嫩滑，醃得夠入味。秋刀魚都好味，一點都不腥。熟食都有好多選擇，有各種點心，蝦餃好好味，不會太厚皮。壽司都有好多種，腐皮壽司幾好味。食得燒肉多，食些蔬菜都不錯，可以邊食燒肉，邊食火鍋，不致太油膩，而且火鍋生料都有好多。食完燒肉、火鍋真的很飽，但甜品倒是必定要食的，這裏有很多不同種類的甜品，各款奶凍，其中我最喜愛班蘭味。還有白涼粉、黑涼粉等等。

而家出面天氞咁熱，午市冷氣完全唔足夠，烤肉烤到出曬汗，就快要除衫，經過多次投訴之後，店員推咗兩把風扇出來，雖然風力唔係好強勁，但係都好過一股悶熱嘅死氣，噉嘅情況好過冇，都係好熱

呢間放題，搵人笨，我12:45入去，正價價錢$200，咁下午茶餐呢就$88。 +1我正價價錢入去食係得魷魚鬚值錢，但係我食咗四五條就俾人哋收晒，因為佢個下午茶餐啲人又係食呢啲嘢，但係佢就將魷魚鬚呢啲比較貴價啲嘅嘢，收起佢，咁我二百幾蚊又係食呢啲嘢下午茶$88又係食呢啲嘢咁憑乜嘢收收咗啲比較值錢嘅嘢俾我食，問啲經理佢話係咁㗎啦，唔同價錢同一樣嘢，咁樣我覺得好唔值，同埋俾人搵笨，間鋪唔老實，本身啲嘢已經冇乜嘢食，仲要收埋啲咁嘅價錢，我好少寫食評嘅，但係我覺得我要話俾人哋知你間鋪係咁樣嘅，免得其他人中伏。

話說最近我睇到open rice有推出262兩位用嘅韓燒放題早鳥優惠同198蚊韓燒放題優惠券，於是我就決定帶屋企人一齊去食韓燒。我覺得韓燒放題價錢親民，飲品選擇多，不過食物選擇相對比較少，而且只有少量刺身供應，真係無法滿足為食客嘅味蕾。整體而言，我覺得飲洛神花茶同食韓國蜜瓜味雪條係最好味，而且韓燒放題性價比高，真係值得推薦俾大家食呀！如果腦細可以無限量供應多種類嘅刺身同壽司俾食客品嚐，我覺得餐廳生意必定客似雲來吧！

雪糕又無得食，雪條又無得食，連橡皮糖都無得食，非常之失望，是否做特價就什都都無得食，咁不如不做好過了，之前去以為只是午餐才沒有，點知原來連晚餐都沒有。。。。。。

昨天去荃灣逛街，晚上朋友提議食燒肉放題，食燒肉放題首選校長燒肉，近期還有優惠，幾抵食，真係便、靚、正！刺身種類都幾多，有三文魚、帶子、大赤蝦、虎蝦、象拔蚌......整體而言算幾新鮮，三文魚橙白相間好靚，帶子都好鮮甜，赤蝦亦夠大隻。烤肉種類都非常多，一口牛幾好味，夠軟滑，牛味都夠濃。我最喜愛食燒雞腎，十分爽脆入味。土匪雞翼都唔錯，微微辣幾惹味。食完燒烤還可以打邊爐，食些青菜消消滯，還有其他的火鍋生料，基本上一般想食的都有。茶葉bar有不同的茶葉或配料，食完燒肉喝杯濃茶，真是好爽，而且更可消滯。甜品都有好多選擇，有各種的雪糕雪條，奶凍等等，我最喜歡自己調配的甜品，白涼粉、黑涼粉、紅豆、爆珠，你想怎配就怎配。

找數真漢子，得罪朋友請食放題，當然保護自己錢包，選一間超值放題。就在荃灣位置，平民化放題，應有準有，大眾水準，不錯不失，穩穩定定。除了汽水之外，還有豐富茶葉，標示各種茶葉功效，夠養身。重點是有期間限定生啤(紅桑子味)刺身夠衛生，有廚師切分發。有炸物，熟食豬腳踝、一些中式點心。校長燒肉放題，賣點就是可以一邊燒肉，一邊火鍋。燒肉及火鍋材料豐富，同一樣食物可以混雜又燒烤又火鍋。食飽還有甜品，款式算多，有布丁，軟雪糕。

我本身勁鍾意食燒烤，男友見有promo就訂咗位試下～ 餐廳環境都幾寬敞嘅，繞場睇下嘢食，好似好多款式～鐵板上放牛油紙好貼心，燒至愛燒牛仔骨，好在我唔係戴假牙咋，韌到根本咬唔開，試埋其他，比較正常係雞腎、雞軟骨、雞翼、魷魚鬚～至於火鍋方面: 就揀咗個麻辣湯底，但好求其下。包裝湯底仲好過佢🫣配料都多選擇嘅，但質素真係難以形容😮‍💨刺身我都只係食咗一片三文魚再無食～哩間真係超伏唔係講笑，令平時瘋狂食燒肉嘅我無晒戰鬥力～ 不過要讚服務員會主動不停換牛油紙～差到咁我嘅食物質素都係第一次～希望餐廳好好改善下😔

上次去了元朗的校長燒肉，食了午市放題，有刺身燒肉打邊爐，隨心任食。今次就去了荃灣分店的校長燒肉，同樣食午市放題，不過就無加刺身項目，所以價錢更便宜，人均消費$154，飽到上心口。食完直接坐車返工。荃灣分店和元朗分店同樣有好多魚豬牛海鮮選擇，味道一樣有不同風味，例如韓醬/ 蒜香／黑椒等等。大家都可以隨心揀選想食的味道，再加以燒制。我自己就覺得韓醬風味醃製得比較濃和入味，無論雞豬牛都同樣好夠味，而且肉質都有咬口，生熟程度就自己燒制預時間便可。打邊爐的食材都好多，豬腩片，肥牛，金菇，粟米，各款麵類等等，任君選擇，總有一款自己想食的材料。飲品和炸物選擇和元朗分店其實差不多。不過值得一提是……甜品選擇，好像荃灣店比較多。而且荃灣分店有豬腳薑食，平時想食豬腳薑都要去鴻福堂一包一包買，到了荃灣分店就隨便食隨便取，食到自己稱心滿意為止，哈哈。

👧🏻😋👅🍽✨抵食多元化放題 刺身燒肉打邊爐-👨🏻‍🏫 沙咀道分店地方好大! 聽店員講有做下旅行團生意, 的確係平靚正選擇, 燒烤火鍋刺身放題最高級全場可食, 但買餐券只需$198, 再平民D既餐冇刺身但都有多款美食, 可以食到好豐富!-😋😋😋晚市 燒烤火鍋刺身放題 自選3小時 $198/位 (OpenRice餐飲券優惠價, 原價$361)✔️燒肉、火鍋✔️刺身壽司、熟食、點心✔️甜品、啤酒、花茶-🐟 刺身💯平價放題但竟然都有師傅即切, 為保新鮮每次只可拎三款, 都已經好夠食, 可以密密拎😜 有象拔蚌非常驚喜, 而三文魚肥美高質最好食!-🥢點心✨蝦餃燒賣一出大家就一窩峰去拎! 慢少少都冇晒, 但其他供應充足既馬拉糕, 牛肉球, 奶黃包都唔錯-🔥 燒肉/火鍋💯豬牛雞魚同其他海鮮應有盡有, 想食清D又可以邊爐淥熟, 有幾款湯底自選自助-🍹 飲品✨All in suntory日本麥啤! 雖然都試左其他款啤酒同好耐冇飲既蜜瓜奶😂

之前已經想試校長燒肉但因為full咗，所以試唔到今次見到網上有得買優惠券夜晚三個小時任食 兩個人都係470食物質素唔好expect太高質但係比漢和好好多呢個價位性價比算係好高有得打邊爐韓燒仲有點心 湯品甜品都幾多 除咗雪糕雪條仲有好多自家製甜品另外值得一讚嘅係服務以為會同漢和一樣，冇乜服務可言但係都好多Staff 經過會睇吓你個爐會唔會太大火會幫你較大較細想搵Staff換過張紙 都好好態度好快就幫你收咗啲碟人手非常足夠仲見到有Staff主動問隔籬枱要唔要換過張紙先繼續燒服務態度值得一讚

去荃灣做嘢見呢間校長燒肉放題，價錢抵食，仲有好多唔同種類嘅食物選擇，飲品多到數唔晒, 除咗韓式燒肉，仲有火鍋刺身，熟食，壽司，點心，甜品雪糕，飲品，全部都係任飲任食，非常滿足刺身有三文魚，虎蝦，象拔蚌，希靈魚，北寄貝 ，三文魚肥美肉質鮮甜 ，虎蝦好爽口 ，彈牙，刺身非常新鮮，要有嘅刺身應有盡有店員入座時會比張貼紙就可以取刺身，上面都有張隔油紙可以放心燒燒燒😄出面攞嘢食嘅地方都好寬敞，又乾淨，食物方面都種類繁多，豬牛羊雞魚各種各樣都有，熟食方面炸物都有幾多款，春卷，洋蔥圈炸雞卷炸魚皮響鈴，全部炸到金黃色卜卜脆最特別的就是炸魚皮，大過我的手掌🐮小排肥牛片個人覺得牛小排同埋肥牛片都唔錯，充滿着牛肉鮮味，肉質嫩滑，脂肪同肉嘅比例又夠平均，唔會太肥膩，燒起有油香入口都嫩 ，任食好滿足，如果覺得燒肉肥膩，可以包生菜食，生菜夠晒新鮮又夠嫩綠 ，連埋菜一齊食感覺不肥膩，仲有口感多春魚同雞軟骨比較好燒推介除咗燒肉之外仲可以打邊爐出面都有三款湯底，可以選擇火鍋生料都有不少選擇，食啲菜可以清清腸胃都唔錯，菜類菇類種類比較多，可以用嚟打邊爐打邊爐仲有好多唔同味道嘅湯底，有豬骨湯，壽喜燒同埋四川麻辣食材非常新鮮

約朋友食飯來到這間集合燒肉及火鍋的放題餐廳～店員安排我們坐在窗旁邊，落地玻璃看街景！十分開揚～餐廳很大，全自助的形式，我們首先到刺身區排隊，告訴師父想要哪種刺身，我們取了三文魚、螺片⋯⋯燒烤區各式的肉類和海鮮，有不同的口味，我們較喜歡韓式大醬牛肉～香辣惹味再旁邊有不同的粉麵可以加到火鍋入面，我取了烏冬和河粉行下行下有熟食炸物區，多款小食，而且把食物放置在熱爐下一直保持溫度，依然熱辣香脆！火鍋選了四川麻辣湯～但不會太辣，用來配烏冬和蔬菜～這邊的沙律吧和前菜小吃都有很多選擇，十分豐富呀有數個飲品櫃放置各種的汽水和茶開始燒肉了，店員會不時更換燒烤紙，這裡的抽風系統不錯，沒有很大的油煙。不停encore的韓式牛肉和漢堡扒，很好吃～另一邊同時打邊爐，淥烏冬和丸類，雙重享受呢～有甜品櫃放了不同的手工甜品，布甸和啫喱等等……最後與朋友一起吃雪條和雪糕作結，十分滿足！