桂花小幸 (將軍澳廣場)

營業中

休息中

桂花小幸相約朋友去將軍澳食牛肉麵,餐廳位於新界將軍澳唐德街一號將軍澳廣場一樓,餐廳主打台灣菜,餐廳裝修簡約,牆上有綠色小盆栽和圖書擺設,好有文青味,餐廳以自助形式落單付款,服務員招呼有禮會送餐到你枱前。晚市套餐秘罈酸菜魚酸菜魚材料有紅辣椒,芫茜,娃娃菜,大大碗酸菜魚份量都不少,魚肉嫩滑鮮甜美味,配有白飯,肉燥伴芽菜,原盅燉湯,飲品蜂蜜檸檬蘆薈,入口酸酸甜甜,飲落有好多粒粒蘆薈。清湯蘿蔔牛腩材料有芫茜和香蔥,牛腩厚身,微鹹,食落腍滑有牛味,不膩,蘿蔔吸收了牛腩汁,食落鮮甜又有牛腩味,配有白飯,肉燥伴芽菜,原盅燉湯,飲品夏日水漾鮮果茶,水果茶有藍莓,檸檬,西柚,.入口冰涼清爽。

呢日黎到將軍澳呢間桂花小幸, 好食既台灣菜買少見少, 而呢間既牛肉麵我覺得係perfect~ 7點都唔算多人, 等左一陣就入得, 但如果7:30 就開始要等位, 所以都係早D 黎拎位好D~ 我地各自叫左麵,一個係三盛牛肉台灣麵,一個紅燒牛三寶麵, 加左茄子同紫菜魚丸湯, 野飲就叫左一個芝士奶蓋炭燒烏龍茶, 一個芝士奶藍阿里山金萱! 三盛牛肉台灣麵入面有腱心牛肉, 牛腩同埋牛筋, 紅燒牛三寶麵入面有牛筋牛腩同埋牛肚, 兩個我地都要左紅燒牛肉湯, 呢個湯有少少辣, 食落好過癮! 佢既牛肉好有牛味, 成個配搭都好好! 小食既茄子好大舊! 有醋食落酸酸地好正! 紫菜魚丸湯唔會好咸, 味道岩岩好, 粒魚丸好彈牙好味! 再配埋芝士奶蓋茶,真係一流既享受!

平日晚上嚟呢間位於將軍澳廣場嘅台灣菜，由於價錢親民，所以即使係平日晚上，都座無虛席。一行兩人叫咗以下嘅食物：🌸紅燒半筋半腩牛肉湯麵（ $78 ）：湯底濃郁，牛腩醃得入味，牛筋唔會太硬或太腍，麵條軟硬度適中，成件事搭配一流，份量亦都唔少，對得住價錢。🌸酸菜魚配白飯（ $78 ）：酸菜魚微辣，湯底過癮，有大量酸菜做配料，而且魚片完全冇骨同滑身，令人忍唔住一口接一口配白飯食。🌸黑糖仙草鮮奶（$32 ）：即使加咗黑糖，但亦沒有蓋過鮮奶嘅味道，而仙草高冇乜味道，但整體感覺都不錯。🌸百香果多多（ $32 ）：百香果清新解渴，值得一試。

桂花小幸 (將軍澳廣場) (將軍澳)地點📍 將軍澳唐德街1號將軍澳廣場1樓L1-133 - L1-134 - L1-135號舖星期五收同仔仔行下將軍澳，覺得好似好耐冇食過台灣野，就決定去食下桂花小幸都好多人，要拎飛排隊😚店舖亦都裝修得好有台灣風味---------------鹽酥雞排滷肉飯+時菜+燉湯💲84雞排炸得好酥脆好可口🐥又大大塊而滷肉亦唔會太鹹，配飯一流---------------滷水蛋牛腩滷肉飯+時菜+燉湯💲95滷水蛋同牛腩好入味，再有蘿白做配菜👍👍唔生，滷得好冧同好有味---------------寒天水晶可可加奶蓋💲30+6奶蓋好正，唔會太鹹可可勁濃郁配埋寒天勁好咬口---------------蜜桃烏龍多多💲34蜜桃配烏龍係絕配，有埋益力多味👍😋---------------椒鹽花枝丸💲42/5花枝丸勁大粒，又唔會炸得太過火一D都唔燶亦唔會話因為有椒鹽會太鹹勁好咬口---------------

響將軍澳廣場唔知食乜好，行行吓都係返嚟食台灣嘢🤭🔸秘罈酸菜魚套餐 $98啖啖肉嘅無骨酸菜魚幾滑，個湯好濃而且酸度剛好，配白飯唔錯👍🏻跟餐有滷肉配芽菜，我哋加$10轉咗個是日燉湯。滷肉配芽菜好有台灣風味有齊肥肉瘦肉，芽菜爽口拌飯一流👍🏻是日燉湯日日唔同，貓奴今晚飲嘅係山藥圓肉百合燉牛𦟌。牛𦟌燉到腍晒，係滿滿嘅骨膠原🤩 加10蚊好抵飲～🔸士林胡椒豬肚湯飯 $68胡椒味勁道十足嘅豬肚湯飯都幾辣🫨 非常啱冬天飲，飲完一定暖笠笠🤭跟餐配白飯又幾開胃😋🔸鹽酥雞扒 $48炸到脆卜卜嘅鹽酥雞扒，邊位好似食緊薯片咁脆～ 當小食二人share份量啱啱好👍🏻🔸夏日水漾鮮果茶 $29解渴水果茶酸甜開胃～🔸芝士奶蓋白桃烏龍茶 $27貓奴次次都嚟呢到飲嘅芝士奶蓋😋是日燉湯：山藥圓肉百合燉牛𦟌😋平日晚上嚟都座無虛席，呢到直頭係將軍澳街坊性價比高嘅飯堂😆選擇多之餘仲有滋潤湯水，貓奴響將軍澳廣場諗唔到食咩就會嚟呢到，總有一款啱食😋 🐾貓奴足跡🐾🌐桂花小幸 (將軍澳廣場) (將軍澳)📍將軍澳唐德街1號將軍澳廣場1樓L1-133 - L1-134 - L1-135號舖

將軍澳區平民食堂台灣菜，經常同屋企人一齊食😋款式選擇多又好食🤤🤎秘罈酸菜魚平價酸菜魚之選🐟魚肉無骨啖啖肉，酸度濃郁，配白飯好開胃🤤🤎手工花枝丸台灣麵蕃茄湯底清新口味配上彈牙台灣麵，一吃難忘🍅花枝丸彈牙夠大粒🤎蜜桃烏龍多多酸甜開胃，好適合夏天悶熱嘅時候飲，又帶有烏龍茶香🤎香濃珍珠奶茶台灣美食點少得珍珠奶茶🧋香濃奶茶係我摯愛，奶茶比例好正🦥桂花小幸 (將軍澳廣場) (將軍澳)將軍澳唐德街1號將軍澳廣場1樓L1-133 - L1-134 - L1-135號舖

今日約個將軍澳朋友食飯傾計，諗起《桂花小幸》，好食又抵食。店內裝修台灣文青feel，會發現一些靚靚打卡位。這店有多款美食之餘，台式特飲選擇都十分豐富。原盅燉湯定食套餐-酥炸排骨滷肉飯~大大件酥炸排骨即叫即炸，香脆可口，排骨一啲都唔韌，滷肉飯是我的至愛，滷肉拌飯美味非常，足料燉湯，仲有上湯娃娃菜，呢個套餐堅抵食。紅燒牛三寶麵(紅燒牛肉湯)~滑捋捋牛筋，牛腩炆得夠冧，仲有爽爽牛肚，各有各美味，麵底夠爽滑，白蘿蔔炆得好淋，自家製麵爽韌。加$18多個小食，加$26有兩個，涼拌黑醋茄子~黑醋汁味道調教得好好。滷水蛋~火龍果多多梳打~味道唔會太甜。夏日水漾鮮果茶~清新口味。

心血來潮想食台灣嘢，就會諗到桂花小幸。午市時候都幾多人，不過唔算等得耐，都好快入座。食得台灣嘢，一定要食滷肉飯。鹽酥雞扒滷肉飯鹽酥雞扒超級大份，炸得非常酥脆。雞肉嫩滑多汁。滷肉飯調味不錯，不會過鹹，肥肉入口即化，好味。蕃茄酥炸排骨米線呢度嘅蕃茄湯都好出色，鮮茄味道濃郁，淡淡茄肉，米線亦都好入味，軟硬適中。酥炸排骨炸粉夠薄，豬扒肉質都不柴，好香口，配上千島沙律醬，更加惹味。套餐仲加配咗小食手拍青瓜手拍青瓜醋味濃郁，是偏酸的那種，不辣。黑醋茄子呢個超級好食，酸酸甜甜，茄子軟滑。滷水豆腐豆腐較實淨，好入味。仙草鮮奶仙草份量非常多，很滑溜，奶味香濃。芝士奶蓋桂花烏龍茶奶蓋有些少乳酪味道，所以較為輕盈，加上清新桂花烏龍，完全不膩。

又再一次黎到桂花小幸，因爲性價比實在太高，又近，所以就成為左我嘅食堂。紅燒牛筋三寶台灣麵繼續encore我個三寶，牛筋、牛腩、同牛肚，分量多又抵食。紅燒湯底係世一，牛腩炆到好軟熟，牛筋牛肚非常爽口。上湯雲吞雞雞肉嫩滑，雲吞皮薄肉嫩，個湯底飲落仲有淡淡嘅雞味。今次我仲升級左個套餐做燉湯，出街食飯要飲湯其實真係好難，唔係好多餐廳有。另外仲叫左個椒鹽花枝丸，大大粒，有嚼口又彈牙。最後仲叫左2杯台式野飲，質量同出面專門賣台式飲品嘅店鋪差不多，食物可以叫埋，非常方便。

大部分設有卡位，坐得幾舒服；食品多元化，人多可以試多幾款😙香辣青椒炒肉(套餐）套餐附送肉燥拌芽菜+ 花枝丸清湯，加$10可以升級是日燉湯-山藥圓肉百合燉牛𦟌肉燥拌芽菜好適合𤏪飯，燉湯清甜；香辣青椒炒肉幾惹味，不過青椒有甜有辣都好睇彩數！三盛牛肉台麵（紅燒湯_微辣）三盛包括腱心牛肉、牛腩及牛筋， 湯底加入紅蘿蔔及白蘿蔔，甜甜地又帶微辣，越吃越過癮！珍珠鮮奶烏龍（走甜）飲得出烏龍茶香，珍珠比例上都好多，適合珍珠控😍檸檬茶(凍）（少甜）正常水準，清爽解渴😙

桂花小幸 @Cafebbc_tko主打台式料理同特色飲品不時推出多款新菜式👍🏻今晚來食晚餐！叫左最新推出秘罈酸菜魚配白飯 酸菜魚微辣酸度夠！🐟魚肉鮮嫩非常好下飯跟餐仲有肉燥伴芽菜同花枝丸清湯～份量十足鹽酥雞扒滷肉飯 跟燉湯 鹽酥雞扒🐔即叫即炸夠酥脆滷肉飯油香味重🤩配埋每日特選燉湯夠曬滋補燉湯係椰子紅蘿蔔煲雞～湯頭非常鮮甜麻辣紅油水餃 🥟～ 一碗四件微辣惹味除咗主席之外呢當然唔少得要叫佢哋嘅特色飲品炭燒烏龍珍珠奶茶 🧋芝士奶蓋阿里山金萱 🧀 #抵食 相機食先 #手機食先 #美食博主 #香港美食 #香港探店 #香港旅遊攻略 #香港旅遊好去處 #香港美食推薦 #香港必食 #香港地道美食 桂花小幸📍香港將軍澳唐德街1號將軍澳廣場1樓L1-133-135📍香港元朗青山公路249-251號元朗廣場G樓003&005號鋪

三盛紅燒牛肉麵食評首先，腱心牛肉的肉質很嫩，咬下去真的很有汁；牛腩燉得剛剛好，軟軟的，味道也很入味；牛筋則是Q彈的感覺，吃起來特別過癮。這三種肉搭配在一起，讓我每一口都驚喜。湯底方面，紅燒湯頭濃郁又香，喝一口就讓人暖心。湯裡有牛肉的精華，還帶點甜味，真的很舒服。裡面還加了新鮮的青菜和胡蘿蔔，不僅營養滿分，顏色也看起來很誘人。麵條的部分也很棒，彈牙的口感讓我每一口都想多來幾口。麵條吸收了湯汁的味道，吃起來特別過癮。

將軍澳呢間集合台式餐廳同手搖店於一身嘅餐廳，可以跟餐就配到手搖飲真係好吸引😁餐牌啲菜式都有其他國家菜式嘅選擇，例如酸菜魚同埋小菜炒牛肉等等清湯蘿蔔牛腩 （$88）牛腩蘿蔔就唔係魚蛋粉嗰度食嗰啲牛腩汁，相對偏乾身，套餐可以再揀滷肉飯或者雞肉飯，層次上更豐富😍原盅燉湯湯時菜鹽酥雞排滷肉飯 （$84）呢個套餐仲跟埋足料椰子燉湯，炸雞髀炸到好硬身，切成八小塊方便食～蜜桃烏龍多多 （$29）蜜桃汁都幾突出，配埋多多有種酸甜嘅感覺，仲有啲烏龍茶餘韻🍵椒鹽花枝丸（3粒） （$28）好多墨魚粒嘅花枝丸，椒鹽味就唔算特別突出喇蜂蜜檸檬蘆薈 （$25）檸檬蘆薈好清新，而且蘆薈嘅果肉多汁冇渣😙

今日路過桂花小幸，見到佢有新餐牌喎，多咗中式菜套餐，而且全部可以升級燉湯，所以就嚟食個晚飯～蔥香手撕雞腿+燉湯套餐豐富，除咗主食，配白飯、肉藻及燉湯。今日燉湯係椰子雞，十分清甜，以一個厚厚嘅盅盛載，保持溫熱。手撕雞有蒜泥及蔥，唔算太油膩。香菜熱拌牛肉（小辣）+燉湯炒牛肉可揀辣度，小辣應該好多人都食到。由於類近川菜做法，惹味燶郁，相對油膩少少。蜜桃烏龍蘆薈 。檸檬寒天冬瓜茶鍾意桂花小幸茶飲選擇多，晚飯叫咗兩杯都無奶嘅，可自選甜度，感覺清新。🛎️必試指數：9/10🔆

桂花小幸 (將軍澳廣場) (將軍澳).開左咁多年都係咁好食，住附近嘅我們成日幫襯，外賣都會叫佢！.▪️酥炸排骨麵 ▪️.每次黎呢到必食，酥炸排骨唔會太肥膩，湯叫左紅燒牛肉麵微辣夠惹味我同男朋友都係呢個麵嘅忠實fans！唔想食台灣麵嘅可以食米線！.▪️台灣烤香腸▪️.惹味又有咬口嘅香腸！.▪️煎餃子▪️.兩個人叫四隻啱啱好，唔算爆汁但又幾好食！▪️夏日水漾水果茶·香濃珍珠奶茶▪️.台式飲品都係我鍾意食呢到嘅原因之一，水果茶真係充滿住時令嘅新鮮水果珍珠奶茶🧋奶香濃郁！.📍桂花小幸 (將軍澳廣場) (將軍澳)將軍澳唐德街1號將軍澳廣場1樓L1-133 - L1-134 - L1-135號舖