桃園制作粥麵餐廳 (朗屏商場)

營業中

休息中

嘗試到朗屏商場搵食，在OpenRice 見到此餐廳內容介紹，嘗試走進來，約13:30馬上有座位，點了碟避風塘艇家炒麵+一杯奶茶，原來有驚喜的，碟頭份量不少，有魚片頭、蝦、蔥、洋蔥、芽菜份量都好多，麵很爽口，不過標示有魷魚🦑但就不見🤷🏼‍♀️，鼓味十足，避風塘醬料好香只是微辣，味道充足！好、好、好、好味會介紹朋友再來！在元朗很少有好味、有水準茶餐廳座位尚算寬敞，地方稍舊，但尚算衞生，午市食客不少。

今日收工之後，好想食小菜，但大熱天時去大排擋又真係有啲辛苦。所以就去左依間。因爲我地5個朋友一齊食飯，所以可以叫多幾款菜式。南乳炸脆雞- 南乳味唔夠出，炸粉落得唔係好平均，有啲失望。蒜蓉藕片蜜豆炒魚柳-唔好睇佢外表平平無奇，魚柳好滑而且十分入味👍🏻薑蔥霸皇雞-味道一般，不過不失。乾煸四季豆欖菜肉鬆-好味，欖菜送飯一流👍🏻四季豆都炒得好入味。晚餐簡簡單單幾個小菜，同朋友食餐飯傾下計，其實都已經好滿足。

好差，個餐已經晤平，第一次食，我叫果杯飲品係咁，可能水吧整多左冰，唸住第二次叫嘢飲，點知又係咁。夏天唸住飲涷飲品，又要加$，都晤緊要，嚟到見到，杯奶茶已經晤係滿，一飲，點解個杯又係4份3全部是冰, 問待應就話下一次要叫少冰，你晤好話我知呢個叫“正常“？大啖飲咗四啖，一杯涷奶茶已飲完。我下一次晤會再嚟。太差。。

呢間餐廳可能唔少人都食過，懷舊的裝修，都吸引到唔少的客人光臨，食的都係較為地道的小菜/湯麵，而係呢到其實最留得住我的胃，卻是這雲吞麵。呢個雲吞麵同我兒時食的味道很接近，雖然呢碗都唔便宜，都30蚊嫁～但勝在口味好接近，雲吞都算幾大粒，大約$5硬幣左右的大小，入面的蝦都算多，麵好爽，唔會過淋/一餅野野咁，仲配幾條菜比你，唔會好咸，加少少醋，成個味道都番晒來，現在愈來愈少算係咁的雲吞麵了⋯而且環境都算坐得幾舒服，是一個享受下下午茶的好去處。

今日去朗屏桃園制作粥麵餐㕔是第二次去吃早餐,今次叫了皮蛋痩肉粥和咸肉椶($32),這間餐㕔設計好古典,㕑房裝修好特别,外面有餐牌有特色,樓頂層幾高有四、五把吊扇,牆身印有由大牌檔演變成ㄧ間餐㕔。等了五、六分鐘皮蛋瘦肉粥已i送到面前,粥料都算多,不過㕑師好重手(放很多鹽),好咸呢!咸肉椶有幾粒瘦肉没有咸蛋,隻椶蒸剛好,鼓油甜甜地,味道可以。下面有巴士站去大棠、天水圍都算方便。

又多一間餐廳選擇，可比我四個口味唔同的家人! 今晚揀咗蠔仔粥呀、炸豬扒肉燥飯、、勁爽牛丸米 同埋魚片頭撈麵。蠔仔粥鮮味一流，蠔仔數目亦不少， 粥底比潮州粥傑少少，所以都好啱口味 ! 另一款係魚片頭撈麵，仲可以揀伊麵底，佢有蠔油同菜畀埋你，令到個麵好鮮味，絕對唔錯! 另外就係炸豬扒肉燥飯，肉燥飯嘅材料好多，佢有木耳、肉碎、紅蘿蔔同類似 菜脯 等等…… 比到肉燥飯有份外唔同既口味，好味道! 而豬扒嘅炸粉係用一隻舊式嘅炸腸仔嘅粉， 佢係炸得好脆嘅， 視乎你鍾唔鍾意啦! 再嚟一個勁爽牛丸米，呢個米粉係用咗新竹米粉做，非常之幼滑，牛丸亦如佢所講勁爽。 所以總括嚟講呢間係一間好味嘅餐廳。至於環境方面亦唔錯嘅，卡位好大張，四個人係坐得寬敞嘅!

瞓醒覺就要落街食個下午茶 呢個簡直係廢青嘅生活 呢間茶餐廳已經開咗一年差唔多 係我屋企人嘅至愛 不過下午茶就真係好少食 佢嘅裝修比較係懷舊風格 有好多舊水壺舊單車等等嘅裝飾 燈光都好有情調 媽媽叫咗個西多士 冇諗過超大份 有成兩至三寸厚 入面有滿滿嘅花生醬 上面加一大塊牛油同埋糖漿 真係非常之邪惡 食完應該會肥幾磅 蛋漿好夠味 而且一啲都唔慳 加埋楓糖漿嘅甜 同牛油嘅鹹 仲有花生醬嘅香 真係超級無敵好食 我就叫咗個炸雞髀配碗仔翅 碗仔翅味道一般 不過勝在多料 係正常size 炸雞畀個皮就超級脆 但係肉有浸鬆肉粉味好奇怪 不過肉質都幾嫩滑 埋單59每人差唔多30蚊 下午茶嚟講都算還可以

媽媽無煮飯，爸爸就話落街食飯啦，樓下有間桃園餐廳，原本以為禮拜6要等位，點知唔洗wor, 入到去就有張4人枱比我地，第一次係呢到dinner 唔洗等位，平時都係叫餸食飯，今次太早食飯，唔係好肚餓，媽媽就建議一人叫一個飯或是麵食就算！ 我同爸爸叫左豬扒飯，我就配半熟蛋同餐肉，個“是"油係餐廳特制，甜甜地，撈飯都唔錯，個半熟蛋一咬d蛋漿就流哂出黎，好滿足！ 餐肉略嫌厚實左d, 好似梅林牌個d咁，我就麻麻呢走午餐肉~ 另外加左6蚊轉紅豆冰，兒時最愛，呢d奶同紅豆既比例都做得唔錯！ 幾好飲

那日行山髻山順道到朗屏食下午茶, 結果看到這間新店, 初時見人少有D遲疑, 但見價錢都唔貴, 而且款式算多, 而裝修又不錯, 決定一試。奶醬多一般水準,  紅豆冰要+$6, 但味道不錯奶、水和紅豆比例好好, 紅豆又不會太少, 而且軟硬情程度是我喜歡那種, 不會太硬, 淋得黎有咬口, 我叫了少冰一來唔會沖淡豆好和奶味, 二來甜甜哋正好補充行山消耗的體力, 如果唔喜歡太甜可叫少冰少甜。 另外服務員都OK,  可以再找試下廚工. 

朗屏商場裝修後, 居住在朗屏的我, 來嘗嘗新的餐廳。我和姐姐2人點了個2人套餐, 霸王蔥油雞, 蜜汁欖角一字骨及白飯;前菜的腩汁蘿蔔, 腩汁沒有味道, 蘿蔔較淡, 而且不夠“淋”而霸不蔥油雞, 大大件的雞, 肉嫩, 彈性夠, 但不是太入味, 肉較淡; 而蜜汁欖角一字骨, 菠蘿青紅椒作配菜, 只是聞, 酸甜味十分醒胃; 排骨蜜味香濃, 肉較有彈性, 菠蘿較甜, 而且配菜份量也較多。這餐飯, 是這個商場裝修後的第一頓飯, 不用排隊而且這個價格如此味道, 還是可以接受的。

估唔到去拜年前食既一間茶餐廳有驚喜竟然有得叫 炸炒麵 做午餐香港地唔係好多地方有得食嚕好大個麵 好大碗汁又新年呢個價錢真係抵6/10 😋😋😋😋😋😋 -其他同普通茶餐廳一樣大大碟味道都唔錯-環境裝潢有心思難得屋邨商場茶餐廳有咁既心思

去食下午茶，叫左個豚肉炒烏東，食左兩啖一啖暖暖地但另一啖就凍凍地，了落底d烏東一試仲係凍既，好明顯係炒定但比客人既時候用微波爐未翻叮熱透，好低級既錯誤，要改善。

朗屏商場翻身後，有好多食店新加盟左落黎呢個小邨！ 對於朗屏邨人黎講，亦多左個機會嘗試下！睇返openrice介紹唔多，咁都盡下力影下相俾大家參考佢既餐牌其實我係星期日早上落黎食既，叫左個雞扒腸仔滑蛋茄汁豆多士加火腿通火腿通既湯底其實都落左好多調味料，飲落會覺得咸咸地，會覺口渴！茄汁豆係罐頭野就唔講啦！至於，個雞扒煎到個皮脆脆的，搞到我想下午茶試下佢既酸辣雞扒米線！個多士都好好食，塗左個蒜蓉香草醬，食落無咁寡！ 成餐都成39蚊加埋杯熱奶茶！我諗我下次還是下午餐黎食實惠d!

元朗朗屏商場全新裝修，商店也是新開，閒時便過去吃個午飯，就試試這間連鎖茶餐。店內坐滿食客，環境整潔先找個二人坐位坐下，店內裝修格局懷舊，牆上有繪圖，感覺很舒服。看了餐牌後，感覺食物名很特別，簡單點了一個"夠薑黃沙皇炒飯"食物很快上枱，單看份量已得足，飯粒炒得剛好一粒粒沒有稔住一團，馬上忍下住要試了，不負所望之下很有驚喜，味道剛好不膩，炒飯裏還有點爽囗，原來是菜粒及薑粒，使我每啖入口的飯都有些回響再看黃沙份量也很足，大小剛好，很易入口，當我吃到最後一口飯時，也再想多吃點～連鎖茶餐廳也有這質素真是可讚，下次有機會一定再來品嚐其他美食

難得沒下雨的週末, 因為要湊BB實太忙, 一向慎宗追遠的對遲遲未有去拜山心中有點歉疚, 就派老公代去一趟, 自己留在家做下家務陪BB. 二時多餓餓地留低BB比工人姐姐, 自己就走到屋企附近的朗屏商塲去找個下午茶吃, 看見桃園人不太多, 價錢都不過是二十多元, 很經濟實惠, 就入去試下. 找了個二人位座, 好在人不太多, 即使自己一個也不會很古怪. 坐低就睇下周圍的環境, 雖然是茶記, 但裝潢都有點心思, 少少懷舊味道, 牆上又有些繪圖, 都幾有型格. 茶餐都有幾多選擇, 我想食點飽肚的, 就點了碗酸辣豬扒米線加凍奶茶, 只需31蚊. 份量算是正常, 有原塊豬扒, 湯底無太多配料, 只有酸菜, 炸菜, 蒜頭等, 不過聞落都幾酸辣, 飲落好夠味, 酸辣適中, 好開胃, 米線都唔會太稔或太硬, 連湯底一齊食已經好惹味. 豬扒不會太熱氣, 又不會韌, 醃得夠入味, 啖啖肉食得好滿足, 雖然不是什麼特式食物, 但慢慢食慢慢嘆, 對日日忙到甩轆的新手媽媽來說已經係大滿足啦.