桃園制作粥麵餐廳 (寶林商場)

營業中

休息中

新年流流玩D禁既野，買過好多次皮蛋瘦肉粥，今次真心過份，比半碗我，如果唔想賣， cut左佢。禁細碗賣36蚊，食水好深。廚房D人盲，樓面都唔覺碗野輕。真係執執博，唔多覺。

要食一個正常的茶餐廳在寶林邨商場來講桃園是不錯的選擇，為地點方便，傾新都城商場便可到達。相俾區內的茶餐廳，較少學生前往可能價格貴少許，但對於社區內的居民來講午膳時間不用太迫，以及可以享用一個寧靜空間進食肆不錯的選擇。是次選取了咖喱牛坑腩飯，咖喱汁極多以及牛扒腩好味又鬆卷，令人食慾大增，特別欣賞他會將咖喱牛腩與飯分開，讓我可以按需要將咖喱汁到於飯上，同時亦避免啲飯有太多汁的情況影響口感。10分推介大家選擇。唯獨是餐廳室內太暗以及有很多阻礙物，經常讓餐廳職員未能見到顧客下單以及提供需要服務。

今天去桃園食午飯，叫了個牛肉麵常餐，多士也很有蒜蓉味♥️而且我牛肉麵加了少少薑，可能自己大了也喜歡薑味，所以覺得幾好食😋嘢飲叫了一杯凍檸檬水，但應該是用味精沖的，也沒有加真檸檬🍋，自己還是喜歡用真檸檬沖的好飲點🫠

今天自己一個食下午茶附近找了這一間桃園製作我要看價錢也是優惠的欖菜肉鬆炒飯 價錢是$43炒飯也很有火候，整體環境啊算坐得舒服但因為人太多等待的時間差不多10分鐘還有食物等候的時間也耐了一點但整體食物質素也很好

🫳🏻麻辣豬扒米線夠濃味（夠咸）、好多配菜（欣賞豆卜）豬扒唔會太爛、米線夠淋🫳🏻炸髀薯條炸髀炸得好勁，上面有啲辣辣粉薯條新鮮，熱辣辣🫳🏻咖啡紅豆冰咖啡既苦比紅豆中和左，大大杯！抵

星期五去咗將軍澳拎野咁啱下午茶時間到係附近見到有呢間之前係出面食過外賣小菜晚飯質素唔錯份量夠主要鑊氣見到下午茶有喇沙好耐冇食唔洗諗就入去食唔多正宗味道還可以嘅😅

我大約1點鐘行入去 見到有卡位我就坐落去 係枱面見到有幾粒飯 仲有幾灘水 我就叫侍應 唔該可唔可以幫我抺張枱 第一個侍應答我抺左啦 行走左第二個侍應 我話唔該可唔可以幫我抺張枱 直接行走 我想問下 抺張枱 係咪你地既職責 仲要好似我得罪你咁係咩事？

外賣魚腩粥變皮蛋瘦肉粥，魚腩欠奉,d料又十分少，瘦肉碎到真細小，唔低食，又中伏，冇下次。 外賣又唔可以即時check, 只係返家先知道，唔通折返理論咩？肚又餓，唔想煩，通常都係硬食。無奈！

係附近行完街，又就黎食晚餐，想搵啲輕量嘅嘢食。咁就入咗嚟呢間茶餐廳，下午茶嘅款式都幾多。最後我揀咗呢樣嘢。輕量雪菜肉絲炆米（$39）想食清淡小小，佢既米粉幾好食 炆得幾入味，好夠熱～性價比高～

天氣涼涼地，最岩食個羊腩煲$118🍲💕🐑羊腩炆到好腍好入味，配菜豐富，有馬蹄、粟米🌽、筍、蒜苗，馬蹄好爽好入味，用羊腩汁來烚生菜🥬同撈飯🍚，真係好好味！😋👍🏻

難得周末放假，天氣又唔錯，一於出去伸下筋骨做做運動。運動後有D肚餓，四圍覓食食個下午茶，行左去寶林邨望望，就入左呢間喺寶林商場三樓既桃園制作粥麵餐廳。五香肉丁半焗流心蛋公仔麵餐牌選擇都算多，有D肚餓就想食個麵而又唔太貴，揀左呢個五香肉丁半焗流心蛋公仔麵。肉丁味道比相像中好，唔會太淋一夾就散，而且唔多肥肉岩我心水，又有D配菜唔會太寡，反而個半焗流心蛋冇咩特別，整體味道都OK既。凍奶茶就略嫌太甜，下次未必再叫。環境幾好，坐落都舒服，望到出面風景。.

一間平平無奇嘅餐廳，個暗然銷魂飯（叉燒煎蛋飯）竟然好味到暈低呀。啲叉燒係好香口質感係滑脫脫，加上蔥油嘅清香，加入淡淡的蛋黃汁，簡直係難以形容👍🏻雖然我個朋友對叉燒好講究，認為佢唔係世界上最好味嘅叉燒，但對我來講佢就係世界上最好味嘅叉燒啦😜😜😜星洲炒米，米粉係好重要㗎💪🏻💪🏻💪🏻而佢哋採取嘅米粉，同竹米粉好近似。下一次去嘅時候，等我請教下佢哋到底用咗邊一隻咁好味嘅米粉❤️隨便落街食個下午茶，都有咁好味嘅效果，今日真係上天最美好的安排❤️不過如果落呢間餐廳嘅朋友仔，記得帶多件外套呀，啲冷氣真係凍到飛起呀😅😅

本身諗住返屋企先食野，但實在太肚餓，已經5:40，仲想食tea，所以求其入左一間茶餐廳解決。有我最喜歡嘅炸脾，唔洗揀即叫。凍檸茶茶底淡，唔太好。都等左10分鐘有多，應該係即炸。主角炸脾薯條，第一眼望落去色水唔錯，金黃無過燶。薯條乾身唔油膩好脆口，非常好。上碟亦落左少少椒鹽，夠晒味。然後到雞脾，唔算大隻，但都okay。一食就知係即炸，肉剛熟亦都有肉汁，皮炸得好脆香口。有少少少少咸，但我仲接受到。會再幫襯。題外話，有位戴眼鏡嘅侍應姐姐非常耐心咁幫一位伯伯落單，服務態度唔錯。

來這裡已 三，四次，差不多每次是下午茶時段，最近兩次發現他出了特價下午茶，比正常的抵吃，味道也ok! 可能食店在3樓，人流比樓下少，坐得比較舒服！❮特價下午茶$29❯蒜香牛油多士~搽了不少牛油，又輕蒜香，微微脆口。鮮奶炒滑蛋~ 有鮮奶的香味，蛋嫩帶汁。肉燥湯米粉 我要求將米線轉米粉，看表面沒甚特別，以為多肥肉少瘦，其實吃下有濃濃的肉香，肥肉少，底下的菜絲也不少，米粉是受油食物，故吃下不感很肥膩。連這杯高身熱華田這個價錢與味道，可以再吃的！

平時都成日經過呢間餐廳，每次都見到有8成滿座，今日lunch 終於有機會黎試下，睇下係咪ok大概1:30pm左右到，3個人要等下位，明顯樓面唔夠，見到有位，但冇人執枱等左一陣就安排入座，但餐牌上選擇唔算多，不過粉麵飯都齊，價錢適中。不過想order 要自己行出去搵人，因為樓面姐姐真心忙但態度好好，呢下加分我叫左個避風塘炒麵，明顯重點係上面乾蒜，份量比預期少，有d魚旦同蝦仁，大量芽菜，但麵太少，好彩味道ok！ 而另一半叫咗麻辣牛肉炒飯，唔係好聞到又辣味，但食落口就真係有麻辣感覺，而且夠鑊氣，唔錯！而媽辛苦左個米線酸辣湯，不過就差啲了，湯太少，可以多d酸味多d湯更好！整體唔錯，如果有多d餐點選擇會仲好！